Անվերջանալի «ապահարզան». ինչո՞ւ Մեծ Բրիտանիան չի կարողանում լքել ԵՄ-ն

«Բրեքզիթ»-ի վերջնաժամկետի հետաձգման վերաբերյալ որոշումը Եվրամիության ղեկավարները կհրապարակեն առաջիկա օրերին: Այդ մասին այսօր՝ Եվրախորհրդարանի լիագումար նիստի ընթացքում, հայտարարել է ԵՄ ղեկավար մարմնի՝ Եվրոպական խորհրդի նախագահ Դոնալդ Տուսկը:

«Ես խորհրդակցում եմ ԵՄ անդամ պետությունների ղեկավարների հետ, թե ինչպիսին պետք է լինի մեր արձագանքը «Բրեքզիթ»-ի հետաձգման հարցում, և որոշումը կկայացվի առաջիկա օրերին: Ակնհայտ է, որ այդ խորհրդակցությունների արդյունքները մեծապես կախված են այն որոշումներից, որոնք կկայացնի կամ չի կայացնի բրիտանական խորհրդարանը: Հարկավոր է, սակայն, շատ հստակորեն նշել՝ մենք պետք է պատրաստ լինենք ցանկացած սցենարի: Բայց ես ասել եմ Մեծ Բրիտանիայի վարչապետ Ջոնսոնին` առանց համաձայնագրի «Բրեքզիթ»-ը մեր որոշումը չի լինի»,- նշում էր Տուսկը, հայտնում է Ազատությունը:

Անցած շաբաթ Բրյուսելի և Լոնդոնի բանագնացները համաձայնեցրին «Բրեքզիթ»-ի նոր գործարքը, որը, սակայն, Միացյալ Թագավորության Համայնքների պալատը մերժեց՝ ստիպելով վարչապետ Բորիս Ջոնսոնին «Բրեքզիթ»-ի վերջնաժամկետը երկարաձգելու խնդրանքով պաշտոնական նամակ ուղարկել ԵՄ ղեկավարներին:

«Բրեքզիթ»-ի վերջնաժամկետը հոկտեմբերի 31-ն է: Խնդրո առարկայի վերաբերյալ «Բի-բի-սի»-ն հայտնում է, որ Մեծ Բրիտանիայի համայնքների պալատը սկսել են վարչապետ Ջոնսոնի ներկայացրած Եվրամիությունից դուրս գալու որոշման նոր նախագիծը: Նրանք, ի հեճուկս կառավարության տրամադրվածության, ցանկանում են այնպիսի փոփոխություններ մտցնել փաստաթղթում, որի հետեւանքով կա՛մ գրեթե կորում է «Բրեքզիթ»-ի իմաստը, կա՛մ պետք է նորից երկարաձգել ԵՄ-ից դուրս գալու գործընթացը:

«Հակաջոնսոնյան» մեծամասնության տրամադրվածությունը, ըստ «Բի-բի-սի»-ի, էականորեն բարձրացնում են հավանականությունը, որ հոկտեմբերի 31-ին Մեծ Բրիտանիայի եւ Եվրամիության միջեւ սպասվելիք «ապահարզանը» տեղի չի ունենա եւ հերթական անգամ այն կերկարաձգվի:

Ընդդիմությունը ցանկանում է Ջոնսոնի ներկայացրած որոշման նախագծի մեջ մտցնել երեք հիմնական փոփոխություններ, որոնք շատ ցավագին են ընդունվում կառավարությունում: Առաջին. Մեծ Բրիտանիան պետք է պարտավորություն ստանձնի մնալ Եվրամիության Մաքսային միությունում, այն է՝ Եվրամիության եւ Մեծ Բրիտանիայի միջեւ ապրանքները պետք է տեղաշարժվեն ազատ ու առանց մաքսատուրքի, ինչպես այժմ է:

«Եթե այս փոփոխությունն իրականություն դառնա, կառավարությունը կարող է հետ կանչել իր որոշման նախագիծը եւ պահանջել ընդդիմությունից համաձայնել արտահերթ ընտրությունների անցկացմանը»,- իր աղբյուրներին հղումով գրում է «Բի-բի-սի»-ն:

Երկրորդ փոփոխությունն այն է, որ Մեծ Բրիտանիային պետք է տրվի անցումային ժամկետ: Եթե ԵՄ-ից դուրս գալու համաձայնագիրը մտնի ուժի մեջ, ապա մինչեւ 2020 թվականի վերջը Մեծ Բրիտանիային պետք է տրամադրվի անցումային ժամկետ՝ Եվրամիության հետ Ազատ առեւտրի եւ այլ բնույթի պայմանագրերի կնքման համար:

Երրորդ փոփոխությունը վերաբերում է Եվրամիությունից դուրս գալու նոր համաձայնագիրը հանրաքվեի դնելուն: Ընդդիմադիրների մեծ մասը ցանկանում է ընդունել Եվրամիությունից դուրս գալու համաձայնագիրը, եթե այն դրվի նոր հանրաքվեի՝ «Բրեքզիթ»-ի չեղարկման հարցով: Այս պահանջը կյանքի կոչման շատ ցածր շանսեր ունի, սակայն եթե այն իրողություն դառնա, ապա «Բրեքզիթ»-ի վերջնաժամկետի երկարաձգման շատ երկար ժամանակ է պահանջվելու, քան արդեն սովորական դարձած 3 ամիսը: Գործընթացը շատ ժամանակատար է լինելու, գրում է «Բի-բի-սի»-ն:

Փորձագետները նշում են, որ Մեծ Բրիտանիայի քաղաքական ողբերգությունն այս պահին ոչ թե այն է, թե ինչ պայմաններով երկիրը կլքի ԵՄ-ն, այլ այն որ «Բրեքզիթ»-ի կողմնակիցներն ու հակառակորդները աշխարհագրորեն բաժանված են երկրի ներսում: Նման կարծիք է հայտնում տնտեսագետ Ալեքսանդր Դուդչակը՝ փորձելով բացատրել, թե ինչու չի ստացվում Մեծ Բրիտանիայի մոտ լքել ԵՄ-ն:

«Մեծ Բրիտանիան Եվրամիության կազմում է բավականին շահավետ կարգավիճակով: Այն չէր մասնակցում Շենգենյան համաձայնագրին, դուրս էր Եվրազոնայից, պահպանել էր սեփական արժույթը: Այս երկրի ողբերգությունն այն է, որ «Բրեքզիթ»-ի կողմնակիցներն ու հակառակորդները աշխարհագրորեն բաժանված են երկրի ներսում: Եթե այս գործընթացը հասնի իր տրամաբանական ավարտին, այն է Մեծ Բրիտանիան լքի ԵՄ-ն, ապա մենք կտեսնենք այս սերիալի շարունակությունը: Խոսքը Շոտլանդիայում հնարավոր հանրաքվեի անցկացման մասին է, որը չի ցանկանում լքել ԵՄ-ն: Նրանք ոչ մի կերպ չեն կարողանում միայն հենց համաձայնության գալ այս հարցում»,- նշում է Դուդչակը, հայտնում է EADaily-ն:

Միեւնույն ժամանակ The Times-ի աղբյուրները Բրյուսելում հայտնում են, որ Եվրամիությունը պատրաստ է մինչեւ 2020 թ.-ի փետրվարը երկարաձգել «Բրեքզիթ»-ի վերջնաժամկետը:

Տպել
834 դիտում

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել