Հայ եւ վրաց մտավորականները կրկին հավաքվել են Թումանյանի տանը. երբեմնի բարի ավանդույթը վերականգնված է

26/10/2019 schedule14:05

Վրաստանի մայրաքաղաք Թբիլիսիի կենտրոնում՝ Ամաղլեբա փողոցի թիվ 18 հասցեում է գտնվում «Հովհաննես Թումանյանի տուն» գիտական, մշակութային կենտրոնը: Ինչպես տեղեկացրին Երեւանի քաղաքապետարանի տեղեկատվության եւ հասարակայնության հետ կապերի վարչությունից, Ամենայն հայոց բանաստեղծի տունն այսօր կրկին մարդաշատ է. Թումանյանի ծննդյան 150-ամյակին նվիրված մշակութային ծրագրով հայ մեծ գրողի հյուրընկալ հարկի ներքո են հավաքվել հայ եւ վրացի մտավորականները: Երբեմնի բարի ավանդույթը վերականգնված է:

«Պաշտոնական իմ առաջին այցի ժամանակ, երբ հանդիպեցի Թբիլիսիի գործընկերոջս հետ, պայմանավորվեցինք, որ երկու մայրաքաղաքների մշակութային կապերի ամրապնդման համար պետք է անենք ամեն ինչ: Հենց առաջին մտքից պարզ էր, որ այդ կապերի ամրապնդման հիմնաքարը պետք է դրվի Թբիլիսիի Թումանյանի տանը, որտեղ ժամանակին մեր հայ եւ վրաց մտավորականներն են իրենց երեկոներն անցկացրել: Եվ միտք հղացավ, որ մենք կարողանանք եւս մեկ անգամ այդ մթնոլորտը վերականգնել: Այն մթնոլորտը, որը տիրում է հիմա այս պատերից ներս, հավաստում է, որ մենք ճիշտ ուղու վրա ենք»,- նշել է Տիգրան Վիրաբյանը:

«Վերնատուն» գրական խմբակն իր գործուն շրջանում այլ հասցե ուներ , բայց այստեղ էլ Թումանյանին շարունակել են այցելել ժամանակի նշանավոր մշակութային ու հասարակական գործիչները՝ Ղազարոս Աղայանը, Լեւոն Շանթը, Կոմիտասը եւ ուրիշներ: Հիմա էլ ավանդույթը շարունակում են մերօրյա մշակութային գործիչները:

«Թումանյանի օրոք այս տունը կենդանություն էր առնում այսպիսի հավաքներով: Մեզ համար շատ ուրախալի է, որ շուրջ 100 տարի անց ավանդույթը վերականգնվում է: Այսօր Թումանյանի տան զարկերակը յուրաքանչյուրիս սրտում է խփում, մեզանից յուրաքանչյուրի շնչով ապրում է այս տունը»,-նշել է կենտրոնի տնօրեն Գիսանե Հովսեփյանը:

Ջերմ եւ անմիջական զրույց, բազմաթիվ հիշողություններ ու պատմություններ. ամենայն հայոց բանաստեղծի տանը մշակութային կապերի ամրապնդման նոր հիմքեր են դրվում: Երեւանի քաղաքապետի տեղակալ Տիգրան Վիրաբյանն ու Թբիլիսիի քաղաքապետի տեղակալ Սոֆիո Խունտսարիան վստահեցնում են` երկու մայրաքաղաքների համագործակցության ընդլայնմանը միտված նմանատիպ նախաձեռնություններ դեռ շատ կլինեն:

Թումանյանի տանը հին լուսանկարներ են, կա հարուստ գրադարան, հինավուրց հայելի եւ բուխարի։ Շուրջ 170 տարվա վաղեմության իրեր, որոնք այցելուներին վերադարձնում են 20-րդ դարասկզբի թիֆլիսյան իրականություն։

Հովհաննես Թումանյանն իր ընտանիքի հետ 1903թ. տեղափոխվել ու մինչեւ վախճանը ապրել է հենց այս բնակարանում։

 

Տպել
465 դիտում

Ոստիկանները հայտնաբերել են նարկոլոգիական կենտրոնում հաշվառված վարորդների (տեսանյութ)

10-ից ավելի միկրոավտոբուս տեղափոխվել է ճանապարհային ոստիկանության պահպանող հատուկ տարածք. հայտնաբերվել են դանակներ

ԱԺ նախագահը մասնակցել է ԱՊՀ միջխորհրդարանական վեհաժողովի խորհրդի նիստին

ՖԱՖ եւ «Red Eagles» ֆան-ակումբները գիտեն՝ ՀՖՖ ինչպիսի նախագահ են ուզում

Ապօրինի ծառահատումներ Լոռու մարզում. ՀՀ ոստիկանություն

Եթե նախարարի հետ ուսանողների հանդիպում ծրագրվի, ուսանողները նրան կսպասեն ԵՊՀ-ում. դասախոսների ընդունելությունից դժգոհ են

Ժամերի փոփոխությունը հնարավորություն կտա օգտագործելով բնական լույսը՝ խնայել հոսանք եւ ոչ միայն. Ալեն Սիմոնյան

Վրաստանի ֆուտբոլի հավաքականը 15 այլ երկրների շարքում կմրցի Եվրո 2020-ի ուղեգրերի համար. ՀՀ-ն վաղուց պայքարից դուրս է

«ՀԱՅԲԻԶՆԵՍԲԱՆԿ» ՓԲԸ-ի խորհրդի նախագահը որոշել է մասնակցել Արցախի նախագահական ընտրություններին

ԱԱԾ տնօրենի ժ/պ Էդուարդ Մարտիրոսյանն ընդունել է Հայաստանում և Վրաստանում Հնդկաստանի դեսպանին

Զոդի ողբերգական վթարի գործով պիկապի արագությունը չի պարզվել. տուժողի իրավահաջորդ

Վարչապետի հայտարարությունը Իտալիայի վարչապետի հետ բանակցությունների արդյունքների վերաբերյալ (տեսանյութ)

Հակոբ Արշակյանն ընդունել է ԱՄՆ Միջազգային զարգացման գործակալության հայաստանյան առաքելության պատվիրակությանը

Մի անգամ առանց Եվգենի Պետրոսյանից հարցնելու նրա հայկական ազգանունը փոխել են ռուսականի

Արմեն Սարգսյանը մասնակցել է ՎԶԵԲ Արևելյան գործընկերության առաջին ներդրումային գագաթնաժողովին

Փրկարար ծառայություն ընդունվողներն անպայման եռամսյա փորձաշրջան պետք է անցնեն. խորհրդակցություն ԱԻՆ-ում

Հայաստանի համախառն միջազգային պահուստներն ավելացել են 19%-ով. ՀՀ կառավարություն

Թիվ 156 դպրոցում պայթուցիկ սարք չի հայտնաբերվել. ԱԻՆ

ՊՆ 2-րդ զորամիավորումում մարտական հրաձգությամբ զորավարժություն է անցկացվել

Ահազանգ է ստացվել, որ 156 դպրոցում պայթուցիկ սարք կա, տեղում են փրկարար ծառայության աշխատակիցները