«100 գաղափար Հայաստանի համար». պետությունը դրամական պարգեւ չի տալու, սակայն երիտասարդներին անակնկալներ են սպասվում

Այս տարի եւս երիտասարդները՝ Հայաստանից եւ Սփյուռքից հնարավորություն կունենան ներկայացնելու իրենց գաղափարները. «100 գաղափար Հայաստանի համար» համահայկական երիտասարդական ծրագրին դիմելու համար դեռեւս ժամանակ կա:

Արդեն մի քանի տարի է՝ ՀՀ կրթության, գիտության, մշակույթի եւ սպորտի նախարարության կողմից իրականացվում է «100 գաղափար Հայաստանի համար» մրցույթը: Երիտասարդները ներկայացնում են իրենց գաղափարները, որոնք հետագայում, հեղինակի համաձայնությամբ, կարող են կիրառվել տարբեր ոլորտներում՝ տարբեր կազմակերպությունների կողմից:

Ծրագիրն այս տարի անցկացվում է հետեւյալ անվանակարգերով՝ քիմիական գիտություններ, տեղեկատվական տեխնոլոգիաներ, մանկավարժական գիտություններ, ճարտարապետություն, սոցիոլոգիական գիտություններ:

Ինչպես նշեց ԿԳՄՍ նախարարության երիտասարդական քաղաքականության վարչության պետ Ռոզա Հակոբյանը, մրցույթին կարող են մասնակցել Հայաստանի եւ սփյուռքի 16-35 տարեկան երիտասարդներ կամ հեղինակային խմբեր:

«Մրցույթի գլխավոր նպատակն է զարգացնել երիտասարդների նորարարական մտածողությունը, ներգրավել նրանց Հայաստանի Հանրապետության սոցիալ-տնտեսական զարգացման խնդիրների լուծման գործընթացներում, խթանել գիտատեխնիկական մշակումներն ու նորարարական նախագծեր իրականացնելու քաղաքացիական նախաձեռնությունները»,- նշեց Հակոբյանը՝ ավելացնելով, որ ծրագրի առաջին՝ պիլոտային տարբերակն անցկացվել է 2015 թվականին:

«Այդ գաղափարները չեն դառնում ինչ-որ մեկինը, հեղինակային  իրավունքի խնդիր չի առաջանում, հիմնական նպատակը դրանք հանրայնացնելն է, երիտասարդներին հնարավորություն տալը, որ ավելի բաց ներկայացնեն իրենց մտքերը»,- նշեց Ռոզա Հակոբյանը՝ հավելելով, որ այդ օրը մրցույթին ներկա են լինում տարբեր գերատեսչություններից ներկայացուցիչներ, ինչպես նաեւ տեղի եւ արտասահմանյան կազմակերպություններ, որոնք հետագայում կարող են առաջարկները կիրառել տարբեր ոլորտներում:

Հակոբյանի խոսքով՝ երիտասարդներին ծրագիրը թույլ է տալիս բաց շուկայում հանդես գալ: Նախորդ տարիների փորձը ցույց է տալիս, որ մի շարք կազմակերպություններ կիրառել են մասնակիցների կողմից ներկայացված առաջարկությունները: «Օրինակներից է՝ փողոցում հեծանիվ պատվիրելու ծրագիրը, որի առաջին քայլերը ներկայացվել են «100 գաղափար Հայաստանի համար» մրցույթին»,- նշեց Հակոբյանը:

Այս տարի մրցույթի հաղթողները պետություն կողմից դրամական պարգեւի չեն արժանանա: Նախորդ տարիներին նման փորձ եղել է. 1-3-րդ տեղերում հայտնված մասնակիցների համար սահմանվել է որոշակի դրամական պարգեւ, սակայն հետագայում որոշվել է այն այլեւս չկիրառել:

Թեեւ դրամական պարգեւ չի լինելու, սակայն մրցույթի օրը անակնկալներ սպասվում են. ներկա կլինեն մի շարք կազմակերպությունների եւ գերատեսչությունների ներկայացուցիչներ, ովքեր հնարավոր է իրենց կողմից առաջարկեն պարգեւներ կամ առաջարկություններ տվյալ մասնակցին՝ համագործակցելու համար:

Տպել
809 դիտում

Նախորդ շաբաթվա ընթացքում արձանագրվել է թունավորման 8 դեպք, տուժել է 19, զոհվել՝ 5 քաղաքացի

Մեղրաձոր գյուղում այրվել է մոտ 1000 հակ անասնակեր

Թբիլիսիում հազարավոր մարդիկ արգելափակել են խորհրդարանը, պահանջում են կառավարության հրաժարական և արտահերթ ընտրություններ

Սիսիան-Երևան ավտոճանապարհին ավտոմեքենան կողաշրջվել է. կա տուժած

Հանձնաժողովի տեղ ծախեմ դոլարով. ընդդիմությունը հանձնեց նաեւ դալարը

Աչք են դրել. ո՞ւմը կդառնա պոլիկլինիկայի շենքը

Եկեք մեզ ստուգեք. արդեն զավեշտական է դառնում

56 տարեկանում մահացել է նախկին պատգամավոր Հովհաննես Ահարոնյանը

Վարչապետը ծանոթացել է Կոտայքում իրականացվող սուբվենցիոն ծրագրերի ընթացքին (լուսանկարներ)

Առավոտյան ժամը 05:00-ի սահմաններում «Նուբարաշեն» ՔԿՀ-ի դատապարտյալ է փախել. ՔԿԾ-ն փնտրում է

Գորիս-«Զանգեր» ավտոճանապարհին առկա է մառախուղ, Լարսը բաց է բոլոր տեսակի ավտոմեքենաների համար

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 18.7 հա տարածք

Ամուլսարի հարցով հանդիպում է տեղի ունեցել Գնդեվազի եւ Ջերմուկի բնակիչների, շահագրգիռ կողմերի հետ

30 հատ արծաթափայլ եղևնիների գողություն Կոտայքի մարզում. տուժածը բնապահպանության նախարարության պաշտոնյա է

Միհրան Ծառուկյանը բեմում ամուսնության առաջարկ արեց Արփի Գաբրիելյանին (տեսանյութ)

Գնալ խանութ եւ հանդիպել... Հայաստանի Ազգային հերոս Հովհաննես Չեքիջյանին. վարչապետը լուսանկար է հրապարակել

Արմեն Սարգսյանը պաշտոնական այցով ժամանել է Կատարի Պետություն (լուսանկարներ, տեսանյութ)

Հրաժարվում ենք պոլիէթիլենային տոպրակներից և վերցնում կտորե տոպրակներ. վարչապետն ու տիկինը գնումներ են կատարում

Նոր-Հաճնում՝ իրենց բնակարանում շմոլ գազից մահացածներից երկուսը հանդես էին գալիս «Արարատ» ՖԱ-ի կանանց թիմում

Ապօրինի ծառահատում Փամբակ գյուղի տարածքում. փայտանյութի համար փաստաթուղթ չի ներկայացվել