2020-ի բյուջեի նախագծով աճել են նախագահի, վարչապետի եւ ԱԺ աշխատակազմերի հատկացումները. նվազել է ՍԴ-ինը, ՀՔԾ-ինը

2020 թվականի բյուջեի նախագծով աճել են նախագահի, վարչապետի եւ ԱԺ աշխատակազմերի հատկացումները, նվազել՝ Հաշվեքննիչ պալատի, Սահմանադրական դատարանի, Հատուկ քննչական ծառայության հատկացումները:

ՀՀ ֆինանսների նախարար Ատոմ Ջանջուղազյանը քննարկման ժամանակ ասաց, որ նախագահի աշխատակազմի համար 2020 թվականի բյուջեով նախատեսված ֆինանսական մեծությունը կազմել է 1 մլրդ 576 մլն դրամ, ինչը 430 մլն դրամով ավելի է 2019 թվականի ծրագրից, իսկ ԱԺ աշխատակազմի համար 6 մլրդ 96 մլն դրամ է նախատեսված, ինչը 2019-ի ցուցանիշից 842 միլիոն դրամով ավելի է:

Խոսելով վարչապետի աշխատակազմի հատկացումների մասին, Ջանջուղազյանն ասաց, որ ներկայացված նախագծով տրամադրվելու է 20.8 մլրդ դրամ, որը գումարային արտահայտությամբ տարբերվում է նախորդ տարվա բյուջեից շուրջ 4 մլրդ դրամով (ավելի): «Այստեղ 2.5 մլրդ դրամը բացատրվում է այն հանգամանքով, որ վարչապետի աշխատակազմը բացի աշխատակազմի պահպանումից նաեւ պատասխանատվություն ունի բյուջետային ծրագրերի համար, որոնք իրականացվում են արտաքին աջակցությամբ»,- ասաց Ջանջուղազյանը:

Վարչապետի աշխատակազմի ղեկավար Էդուարդ Աղաջանյանն էլ նշեց, որ 2020 թվականի համար վարչապետի աշխատակազմի կողմից նախատեսվում է իրականացնել 11 ծրագիր եւ 47 միջոցառում:

Անդրադառնալով վարչապետի աշխատակազմին պատկանող մեքենաների թվին, Աղաջանյանն ասաց, որ 2019թ. ընթացքում այն կրճատվել է. «2019թ. ընթացքում վարչապետի աշխատակազմում կրճատվել է 44 ավտոմեքենա եւ 30 վարորդ, որի արդյունքում խնայվել է տարեկան 65 մլն դրամ»:

Հայաստանի նախագահի աշխատակազմը իր գործառույթներն իրականացնելու համար 1 մլրդ 575 մլն 884 դրամ հատկացնելու հայտ է ներկայացրել: Նախագահի աշխատակազմի ղեկավար Էմիլ Տարասյանը նշեց, որ դրա 90 տոկոսը պետք է ծախսվի աշխատակիցներին պահելու կարիքների, նրանց աշխատավարձերի վճարման ու շենքի շահագործման նպատակով։

Տարասյանի խոսքով՝ միջոցների մի մասը կուղղվի աշխատանքային ուղեւորություններին ու գործուղումներին. «Մեզ նոր պահանջներ են ներկայացվել, ինչպես քանակական, այնպես էլ որակական, ինչպես նաեւ ժամանակավոր բնույթի։ Անդրադառնալով քանակական ասպեկտին, պետք է նշեմ, որ եկող տարի մենք նախատեսում ենք իրականացնել 22 բարեգործական ծրագիր՝ չմոռանալով դրանց որակական բաղադրիչի մասին»,- մանրամասնեց Տարասյանը հավելելով, որ այդ ծրագրերի շահառուների թիվը նախատեսվում է 5-ից հասցնել 8 հազարի:

ՀՀ ԱԺ-ի գործունեությունն ապահովելու համար օրենսդրական եւ վերլուծական ծառայությունների համար հաշվարկվել է 6 մլրդ 786 հազար դրամ, միջազգային խորհրդարանական պատվիրակություններին ՀՀ անդամակցությունների համար՝ 183 մլն դրամ, աշխատակազմի պետական ծառայողների վերապատրաստման համար՝ 1 մլն 260 հազար դրամ, ԱԺ տեխնիկական հագեցվածության բարելավման համար՝ 222 մլն 380 հազար դրամ, եւ ԱԺ շենք շինությունների կապիտալ վերանորոգման համար՝ 70 մլն 856 հազար դրամ: Այս մասին հայտնեց ԱԺ աշխատակազմի ղեկավար-գլխավոր քարտուղար Տիգրան Գալստյանը:

«Այս վերջին ծրագիրը նոր է, մինչ այժմ չենք ունեցել նման հոդված»,- ասաց Գալստյանը: Վերջինս նշեց, որ ԱԺ աշխատակազմի 2020 թվականի բյուջետային հայտը կազմվել է 5 միջոցառման համար:

Նա նշեց, որ խոշոր նվազեցման է ենթարկվել աշխատավարձի ֆոնդը՝ 133.6 մլն դրամով: Գալստյանը նշեց, որ հատկացումներում կան որոշ կետեր, որոնք աշխատակազմը ընդունելի չի համարում. «Ընդունելի չենք համարում բարձր դասային աշխատողների հավելավճարների 6.2 մլն և տրվող դրամական օգնությունների 4.5 մլնի կրճատումը»:

Նրա խոսքով՝ աշխատակազմը ԱԺ առավել թափանցիկ ու հասարակությանն ավելի մոտ լինելուն ուղղված միջոցառումների իրականացման համար ներկայացրել է 60 մլն դրամի հայտ, մինչդեռ ֆինանսավորումն այս մասով հանվել է:

Բարձրագույն դատական խորհրդին հատկացվելու է մոտ 12,6 մլրդ դրամ է հատկացվելու: Այն ավելացել է շուրջ 193 մլն դրամով:

Դատական դեպարտամենտի ղեկավար Կարեն Փոլադյանը քննարկման ժամանակ նշեց, որ հատկացվող գումարի զգալի մասն ուղղվելու է աշխատակիցների աշխատավարձերի տրամադրմանը: Անդրադառնալով ԲԴԽ-ին եւ դատարաններին հատկացված տրանսպորտային միջոցներին՝ Փոլադյանը նշեց, որ դատական համակարգում առկա տրանսպորտային միջոցներից 2-ը գտնվում են օտարման գործընթացում:

«Դատական համակարգում առկա է 30 տրանսպորտային միջոց, 2-ի օտարման գործընթացն ընթացքի մեջ է: Առկա 28 մեքենաներից 3-ն են ծառայողական մեքենաներ, մնացածը սպասարկող են, 2-ը՝ բեռնատար: 26-ից 17-ը սպասարկում են մեկ դատարանի, մնացած 9 մեքենաները՝ԲԴԽ-ին եւ դատական դեպարտամենտին»,- ասաց Փոլադյանը:

Արդարադատության նախարարությանը կհատկացվի 17,3 մլրդ դրամ, որն ավելացել է 344 մլն դրամով:

Նախարար Ռուստամ Բադասյանն անդրադառնալով նախարարության ծառայողական մեքենաների թվին՝ նշեց, որ մինչեւ 2019թ. ավարտը դրանց թիվը կրճատվելու է. «Այս պահին նախարարությունում առկա է 9 տրանսպորտային միջոց, որոնցից մինչեւ տարվա վերջ մնալու են 4-ը: Արդեն համապատասխան գործընթացը սկսված է»:

Սահմանադրական դատարանին նախատեսված է հատկացնել 721 մլն դրամ, ինչը նախորդ տարվա համեմատ կրճատվել է 4 մլն դրամով:

ՍԴ աշխատակազմի ղեկավար Էդգար Ղազարյանը նշեց, որ հատկացված գումարի մեծ մասն ուղղվելու է ՍԴ դատավորների ու աշխատակազմի աշխատակիցների աշխատավարձերի տրամադրմանը. «Նախատեսված գումարի 89.2%-ը ՍԴ դատավորների ու աշխատակազմի աշխատակիցների աշխատավարձերի, հավելավճարների, պարգեւատրումների համար նախատեսված միջոցներն են»:

Հաշվեքննիչ պալատին կհատկացվի 1 մլրդ 90 մլն դրամ, ինչը նախորդ տարվա համեմատ պակաս է 29 մլն դրամով:

Հաշվեքննիչ պալատի նախագահ Լեւոն Յոլյանը քննարկման ժամանակ նշեց, որ կառավարությունը շուրջ 120 մլն դրամով պակաս է բավարարել 2020թ. համար Հաշվեքննիչ պալատի բյուջետային հայտը:

«2020թ. ՀՀ պետական բյուջեով Հաշվեքննիչ պալատին հատկացված է 1 մլրդ 90 մլն դրամ, ինչը 29 մլն դրամով պակաս է նախորդ տարվա հատկացված ֆինանսական միջոցների համեմատ: Պետք է նշեմ, սակայն, որ Հաշվեքննիչ պալատը ներկայացրել էր 1 մլրդ 209 մլն 922 հազար դրամի չափով բյուջետային հայտ, այսինքն` մեր բյուջետային հայտը բավարարվել է 119 մլն 634 հազար դրամով պակաս»,- ասաց Յոլյանը: Նա նշեց, որ ներկա պահին այդ խնդիրը քննարկվում է ՀՀ կառավարության հետ:

Հատուկ քննչական ծառայությանը կհատկացվի 735 մլն դրամ, ինչը նախորդ տարվա համեմատ պակաս է 4,7 մլն դրամով: ՀՔԾ պետ Սասուն Խաչատրյանը քննարկման ժամանակ ասաց, որ նվազումը պայմանավորված է 2019թ. ջեռուցման-հովացման համակարգի վերանորոգման համար նախատեսված միջոցների տարբերությամբ եւ վերապատրաստվողների թվաքանակի տարբերությամբ: 2019թ. վերապատրաստվել է 18 քննիչ, 2020թ. նախատեսում ենք վերապատրաստել 6-ին»,- ասաց Խաչատրյանը:

Քննչական կոմիտեին կհատկացվի 7,7 մլրդ դրամ, ինչը նախորդ տարվա համեմատ պակասել է 110 մլն դրամով: ՔԿ նախագահ Հայկ Գրիգորյանն ասաց, որ նվազումը պայմանավորված է համազգեստի կրելիության ժամկետով:

Գլխավոր դատախազությանը հատկացվելու է 5,4 մլրդ դրամ, այն ավելացվել է 86 մլն դրամով: ՀՀ գլխավոր դատախազության գլխավոր քարտուղար Հմայակ Նավասարդյանը նշեց, որ ֆինանսավորումը հատկացվել է երեք ծրագրերի կատարման համար` դատավարական ղեկավարում եւ դատախազական հսկողություն, մասնագիտական ուսուցում եւ որակավորման բարձրացում եւ փորձաքննությունների ծառայություն:

Կենտրոնական ընտրական հանձնաժողովին կհատկացվի 1 մլրդ 179 մլն դրամ, որն ավելացել է 26,4 մլն դրամով: ԿԸՀ նախագահ Տիգրան Մուկուչյանն անդրադառնալով իր ղեկավարած կառույցի հաշվեկշռում գտնվող տրանսպորտային միջոցների թվի փոփոխմանը՝ նշեց, որ ունեցել են 4 մեքենա եւ որեւէ ավելացում այս առումով չի նախատեսվում:

Տպել
2357 դիտում

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան