Էսկալացիայի ռիսկերի նվազեցումը մշտապես կարեւորագույն հարց է․ մենք շարունակում ենք հանգիստ եւ սառնասիրտ աշխատել․ նախարար

Արցախյան հակամարտության լուծման շուրջ որեւէ փակուղի չկա, շարունակում ենք շատ հանգիստ եւ սառնասիրտ աշխատել։ Այս մասին այսօր ԱԺ-ում՝ լրագրողների հետ զրույցում, ասաց ՀՀ արտգործնախարար Զոհրաբ Մնացականյանը՝ անդրադառնալով արցախա-ադրբեջանական սահմանին տիրող իրավիճակին։

«Սա վերաբերում է մեր անվտանգությանը, վերաբերում է տարածաշրջանային անվտանգությանը, խաղաղության հաստատմանը։ Այստեղ զգացմունքային դաշտում աշխատելը լուրջ չէ եւ պատասխանատու չէ»,- ասաց նա։

Դիտարկմանը, որ հրադադարի խախտման դեպքեր հակառակորդը թույլ է տալիս նաեւ հայ-ադրբեջանական սահմանի ուղղությամբ, Զոհրաբ Մնացականյանը պատասխանեց.

«Էսկալացիայի ռիսկերի նվազեցումը մշտապես կարեւորագույն հարց է։ Չի կարող լինել իրավիճակ, երբ Ադրբեջանը շարունակում է ատելության քաղաքականությունը եւ սպասել, որ դա չի կարող ազդել բովանդակության վրա։ Տեղի են ունենում զինադադարի խախտումներ, բայց, ընդհանուր առմամբ, կա խախտումների նվազում, եւ սա մեզ համար բացարձակ կարեւոր հարց է»։

Մնացականյանին բանակցությունների կառուցողական մոտեցումը բավարարում է, նախարարը հուսով է, որ այդ կամքն Ադրբեջանը կդրսեւորի ավելի արտահայտված ձեւով։

Ինչ վերաբերում է լրագրողի դիտարկմանը, թե եթե Փաշինյանն ու Ալիեւն ուղիղ հանդիպումներ չեն ունենում, ապա բանակցություններ, ըստ էության, չկան, Մնացականյանը կտրականապես չհամաձայնեց այս պնդմանը՝ ասելով․

«Երբ երկու երկրների արտգործնախարարները հանդիպում են, անձնական նախաձեռնություններով չեն հանդիպում, նրանք ներկայացնում են երկիրը, եւ այդ երկիրը ղեկավարում են ղեկավարները։ Ես մշտապես աշխատում եմ Մինսկի խմբի համանախագահների հետ, եւ ոչ անպայման հանդիպումից հանդիպում, ու այս ամենը ղեկավարվում է երկրների ղեկավարների կողմից»,- ասաց նախարարը՝ նշելով, որ երկրների ղեկավարների հանդիպումների համար պետք է համապատասխան դաշտ ձեւավորված լինի, որպեսզի արդյունքին ուղղված հանդիպում լինի։

Մնացականյանը հույս հայտնեց, որ բանակցությունները շատ արագ առաջ կշարժվեն, եւ եթե կառուցողական մթնոլորտը երկկողմանի լինի, կան լավ գաղափարներ, որոնք հնարավոր կլինի կյանքի կոչել։

Տպել
208 դիտում

ՊԵԿ-ն առաջարկում է կառույցի ղեկավարին, տեղակալներին եւ ծառայողներին զենք կրելու իրավունք տալ

Նիկոլ Փաշինյանը գրառում է կատարել Մխիթարյան միաբանության այցելուների մատյանում

Մխիթարյանը հեղինակավոր պարբերականին պատմել է՝ ինչու չի կարողացել մեկնել Ադրբեջան

Ագրարային համալսարանի պահակներից մինչեւ ուսուցիչների բոլոր խնդիրներին ԿԳ նախարարությունը լուծում է տվել. Հովհաննիսյան

Սահմանադրական դատարանի շուրջ ստեղծված իրավիճակի լուծումները ստանդարտ լինել չեն կարող. Սուրեն Գրիգորյան

Առաջարկվում է, որ այսուհետ ավագանու անդամները եւս հայտարարագիր կներկայացնեն

Այն հարստությունը, որ կա այստեղ, դրված է մեր գիտության եւ կրթության հիմքում. վարչապետը՝ Վենետիկում (տեսանյութ)

ՀՀ ՊՆ ներկայացուցիչները մեկնել են ՌԴ, կմասնակցեն Ավիացիայի նիստի

Բացահայտվել է թմրամիջոցների մաքսանենգության և ապօրինի շրջանառության հերթական դեպք. ԱԱԾ

Նախկինում ներդրողների հիմնական շեշտադրումն էր՝ «մի հատ հանք լինի վերցնենք շահագործենք». Մանուկյան

Նիկոլ Փաշինյանն ու հայկական պատվիրակությունն այցելել են Մխիթարյան միաբանություն (տեսանյութ)

Ավինյանը ներկայացրել է «Տարոն-Ավիա» ՍՊԸ-ի օդանավ շահագործողի վկայականի կասեցման պատճառը

Հանրապետության տարածքում ջերմաստիճանը կնվազի 3-10 աստիճանով, որոշ մարզերում ձյուն կտեղա

Հրայր Թովմասյանի արձակուրդն ավարտվել է․ նա արդեն աշխատանքի է գնում

Վարչապետի պատվիրակությունն արդեն Իտալիայում է. մեկնում են Սուրբ Ղազար կղզի (տեսանյութ)

Հանրային խորհուրդն արտահերթ նիստ է հրավիրել և ափսոսանք հայտնել Վազգեն Մանուկյանի հրաժարականի առիթով

Դասադուլն առժամանակ դադարեցվել է. ուսանողները դիմում կհանձնեն ԵՊՀ ռեկտորին ու կսպասեն նախարարի պահվածքի գնահատականին

ՀՀ հավաքականի լեգենդար ֆուտբոլիստը ռուսական ակումբ կգլխավորի

Կաշառքի գործով դատավորը դատապարտվեց 7 տարվա, իսկ փաստաբանը՝ 2 տարվա ազատազրկման

Փոխվարչապետի խորհրդականը դատի է տվել Սարհատ Պետրոսյանին