«Մխիթար Սեբաստացի» կրթահամալիրի սաները խաղող կմշակեն եւ դրանից գինի կստանան. կառավարությունը այգու համար հող է հատկացրել

Երեւանի «Մխիթար Սեբաստացի» կրթահամալիրում գինեգործի եւ խաղողագործի մասնագիտությունն ընտրած աշակերտներն այս ոլորտի հմտությունները կսովորեն հենց սկզբից՝ խաղող մշակելուց, այնուհետեւ կյուրացնեն մասնագիտությունն իրական արտադրության պայմաններում: ՀՀ կառավարությունը կրթահամալիրին 4 հա տարածք է հատկացրել՝ խաղողի այգի հիմնելու համար:

Կրթահամալիրի տնօրեն Աշոտ Բլեյանը ծրագրի մասին խոսելիս Միքայել Նալբանդյանի խոսքերը մեջբերեց. «Երկրագործությունը որպես ուղիղ ճանապարհ»: Նրա կարծիքով՝ այսօր երկրագործությունը, հողը, պտուղներ մշակելը դուրս են մնացել մեր դպրոցական ծրագրի խնդիրներից: Աշակերտները չեն խնամում դպրոցների բակերը, որոնք շատ հաճախ գյուղերում, թե քաղաքներում, վատ վիճակում են:

Կրթական հաստատությունը խաղողի այգի ունենալու խնդրանքով դեռ ամիսներ առաջ է դիմել կառավարություն, ներկայացրել հիմնավորումներ, որից հետո շաբաթներ առաջ պետությունը հատկացրել է հողատարածքը: Հաստատության տնօրեն Աշոտ Բլեյանի խոսքով՝ այդ հողն իրենց կրթահամալիրի հարակից տարածքում է գտնվում, եւ ավելի քան 30 տարի անուշադրության է մատնված եղել, իսկ այսօր վերածվել էր անապատի, որտեղ գնալով՝ աղբ էր կուտակվում:

Տարածքում խաղողի այգի կլինի, որը կօգտագործվի աշակերտների մասնագիտական ուսուցման կարիքների համար, սակայն տնօրենի խոսքով՝ տարածքը շարունակում է մնալ ՀՀ կառավարության սեփականությունը: Այնտեղ կիրականացվեն հետազոտություններ, խաղողի նոր տեսակներ կփորձեն գտնել, ինչու չէ, հետագայում հնարավոր է արտադրանքը վաճառեն, սակայն այդ մասին դեռ վաղ է խոսել: Ինչպես նշեց Բլեյանը. «Ջուրը չտեսած՝ չբոբիկանանք»:

Խաղողի այգի ստեղծելու գաղափարն առաջացել է այն ժամանակ, երբ կրթական հաստատության քոլեջում ստեղծվեցին խաղողագործի եւ գինեգործի մասնագիտություններ եւ հիմնվեց գինու սեփական արտադրամասը, որտեղ այսօր ուսանողները յուրացնում են իրենց մասնագիտությունն իրական արտադրության պայմաններում: «Առաջացավ սեփական այգի ունենալու գաղափարը, որ խաղողը ոչ թե գնենք, այլ սովորողն ինքը ստեղծի»,- նշեց կրթահամալիրի տնօրենը: Հողագործության, երկրագործության, պտուղներ մշակելու գործը, սակայն, իրենց համար նոր չէ, այստեղ աշակերտները վաղուց են նման աշխատանքներ կատարում:

Ամեն ինչ սկսվել է կրթահամալիրի դպրոցների (հաստատությունն ունի 7 դպրոց) բակերի խաղողի վազերից կամ այն օրից, երբ յուրաքանչյուր դպրոց սկսեց իր բակի անտեր մնացած խաղողի վազերը մշակել: Հետագայում որոշվեց, որ դպրոցի ցանկապատերին կփոխարինեն թառմա ցանկապատերը՝ մշակված երեխաների կողմից: «Դպրոցական բակերում սկսեցինք տնկել նոր թառմաներ, եւ խաղողը դարձավ մեր խորհրդանիշը»,- պատմեց Բլեյանը՝ հավելելով, որ ստեղծվեց ուսումնական ագարակի գաղափարը:

Սովորողների, ուսուցիչների օգնությամբ հաստատության հարակից տարածքում անմշակ վայրում ձեւավորվեց ուսումնական ագարակը, որտեղ աշակերտները սովորում են խնամել տարածքը, կերակրել կենդանիներին, չվախենալ նրանցից. ագարակում կան էշեր, պոնիներ եւ այլն:

Կառավարությունը կրթահամալիրին հատկացրել է միայն հողը, խաղողի տնկիների համար գումար իրենց չեն տրամադրել, սակայն քանի որ գաղափարը լավն է, Աշոտ Բլեյանը վստահ է՝ կգտնվեն աջակիցներ: Իրենք լավ կապեր ունեն Հայաստանում գործող գինու գործարանների հետ, որոնք սկսել են կրթահամալիրին օգնել, քանի որ ցանկանում են, որ իրենց մոտ հետագայում լավ ու պատրաստված մասնագետներ աշխատեն:

Գաղափարը լավն է, սակայն՝ դժվար, ինչպես նշեց Բլեյանը. «Մենք այսօր զբաղված ենք լուրջ հոգսով»:

Տպել
1451 դիտում

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար