Գյումրիում տեղակայված ՌԴ բազան համալրվելու է. կայացավ ՀՀ ԱԺ եւ ՌԴ Դաշնային ժողովի Միջխորհրդարանական հանձնաժողովի նիստը

Գյումրիում կայացել է ՀՀ ԱԺ եւ ՌԴ Դաշնային ժողովի միջեւ համագործակցության Միջխորհրդարանական  հանձնաժողովի 32-րդ նիստը: Այն անցկացվել է Գյումրու Սեւ բերդ ամրոցում, որին մասնակցել են ՀՀ ԱԺ եւ ՌԴ Պետդումայի պատգամավորները, ԵՏՀ ներկայացուցիչները, ՀՀ եւ ՌԴ դիվանագիտական կորպուսի ներկայացուցիչները, Գյումրու քաղաքապետը:  «Դարավոր ավանդույթների, եղբայրության, վստահության, փոխադարձ աջակցության ու բարեկամության վրա են ձեւավորված մեր երկրների միջև առկա դաշնակցային ու գործընկերային հարաբերությունները: ՀՀ եւ ՌԴ միջպետական հարաբերություններն այսօր բարձր մակարդակի վրա են»,- ողջույնի իր խոսքում ասաց ՀՀ Ազգային ժողովի փոխնախագահ Ալեն Սիմոնյանը:

ՌԴ Դաշնային խորհրդի նախագահի տեղակալ Յուրի Վորոբյովն ընդգծեց՝ կարևոր է Հայաստանի ունեցած ավանդը ԵՏՄ-ի զարգացման և ամրապնդման գործում։ Ըստ Վորոբյովի, Հայաստանը 2019 թ.-ին նախագահում է Եվրասիական տնտեսական միությունում, և այս ժամանակահատվածում կարևոր քայլեր են ձեռնարկվել այն  հզորացնելու ուղղությամբ:ԱԺ պատգամավոր Էդմոն Մարուքյանը կայացած հանդիպումը համարեց շատ կարեւոր: Ասաց, բոլոր երկրների հետ չէ, որ Հայաստանն ունի շփման նման մակարդակ: Սա ամենաբարձր մակարդակն է, որ ունենք, այսինքն միջխորհրդարանական հանձնաժողով կա, որը պարբերաբար նիստեր է գումարում յուրաքանչյուր երկրում: «Այս առումով բազմաթիվ հարցեր քննարկվում են այս ձեւաչափով եւ լուծումներ են ստանում: Շատ հարցեր, որոնք օրակարգ չեն մտցվում, ճաշի շուրջ, մշակութային եւ այլ շփումների ժամանակ դրանք քննարկվում են: Շատ կարեւոր է ինտենսիվ շփումներն եւ եղած կապերը զարգացնելը»,-ասաց Մարուքյանը:

Գյումրիում տեղակայված ռուսական 102-րդ ռազմաազան առաջիկայում համալրվելու է: Նիստի ընթացքում նաեւ այս մասին խոսվեց: Կա՞ն արդյոք անվտանգության երաշխիքներ: Ռուս զինվորականները մշտապես վտանգ են ներկայացնում Գյումրու քաղաքացիների համար: Ավետիսյանների սպանությունից հետո ՌԴ-ն հայտարարեց, որ 102-րդ ռազմաբազայում այլեւս ժամկետային զինծառայողներ չեն լինելու: Նրանց փոխարինելու են պայմանագրային զինվորական ծառայության անցածները: Արդյո՞ք կատարվել է այս խոստումը: Հարցերին ՌԴ Դաշնային խորհրդի նախագահի տեղակալ Յուրի Վորոբյովը պատասխանել չկարողացավ: «Ես չեմ կարող այդ հարցին պատասխանել, քանի որ տեղյակ չեմ այդ գործընթացից»,-լրագրողների հետ զրույցում ասաց Վորոբյովը:

Էդմոն Մարուքյանն ասաց, որ երկրում որ կա զորք, այնտեղ միջադեպեր եւ խնդիրներ լինում են: Մեջբերեց ԱՄՆ-ի օրինակը:« Հետեւաբար կենտրոնանալ կոնկրետ դրա վրա, եւ ասել, այ բնակչության համար վտանգ է ներկայացնում, դրա համար պետք չէ, այնքան էլ արդար չէ: Իսկ այն, որ ռուսական կողմը խոստացել էր, որ պետք է պայմանագրային զինծառայողներ լինեին, դրան պետք է հայկական կողմն արդեն հետեւի, որ էն մարդիկ, ովքեր որ էստեղ զորակոչվում են, լինեն այնպիսին, որ նման խդիրներ չառաջացնեն: Եվ երկրորդը, համապատասխան վերահսկողություն պետք է իրականացվի: Ամեն ինչին պետք է նայենք ողջամտության տեսանկյունից եւ էդ համագործակցության շրջանակնեներում պետք է անել այնպես, որ ապագայում չլինեն նման խնդիրներ»:

Վորոբյովը նաեւ չպատասխանեց ՌԴ-ի կողմից Ադրբեջանին զենք վաճառելու հարցին: ԱԺ փոխնախագահ Ալեն Սիմոնյանն ասաց, այսօր տարբեր հարցեր քննարկել են, բայց չեն անդրադարձել զենքի վաճառքին: «Շատ կարեւոր հարցեր քննարկեցինք այս հանդիպման ժամանակ, սակայն չենք քննարկել Ռուսաստանի կողմից Ադրբեջանին զենքի վաճառքի հարցը: Բայց վստահեցնում եմ, որ այն գտնվում է մեր ուշադրության կենտրոնում: Մեր ռուս գործընկերների հետ անընդհատ քննարկում ենք դա: Միաժամանակ, պետք է հաշվի առնենք այն, որ շնորհիվ մեր ռուս գործընկերների  այդ ոլորտում մենք մեծ աջակցություն ենք ստանում եւ հարցին նաեւ այդ տեսանկյունից էլ պետք է նայել»,-ասաց Սիմոնյանը:

ՀՀ ԱԺ եւ ՌԴ Դաշնային ժողովի միջեւ համագործակցության Միջխորհրդարանական  հանձնաժողովի 32-րդ նիստում ի թիվս այլ հարցերի քննարկվեց նաեւ մինչ 2025թ. եվրասիական տնտեսական ինտեգրման զարգացման ռազմավարական ուղղությունների մասին: «Այստեղ քննարկեցինք մեր հարաբերությունների հետագա զարգացման հնարավորությունները Եվրասիական միության շրջանակներում: ԵՄ-ն իր տնտեսական հարաբերությունները կառուցում է այնպես, որ կարողանա ձեւավորել մեկ միասնական շուկա բոլոր այն պետությունների համար, որոնք մտնում են Եվրասիական միության կազմի մեջ: Սա մեր համար շատ կարեւոր է: Որպեսզի հնարավոր լինի ամբողջությամբ իրացնել Եվրասիական միության բոլոր հնարավորությունները, պետք է ընդունել մեծ թվով օրենքներ, հաղթահարել շատ բարիերներ, որոնք այս պահին դեռ գոյություն ունեն: Եվ որպեսզի դրանք ամբողջովին լինեն հաղթահարված, խորհրդարանականներս պետք է շատ աշխատենք»,-հայտարարեց ՌԴ Դաշնային խորհրդի նախագահի տեղակալ Յուրի Վորոբյովը:

Նիստում կարեւորվեց հատկապես Եվրասիական միության ճանապարհային քարտեզի ամբողջականացումը: Ըստ Վորոբյովի, ԵԱՏՄ-ում պետք է ձեւավորել միասնական ֆինանսական շուկա:  Այն դառնալու է ճանապարհային քարտեզ անդամ երկրների համար եւ պետք է պատրաստ լինի մինչեւ 2025 թվականը:

Նիստի ընթացքում անդրադարձ եղավ նաեւ Լարսում նոր անցակետի կառուցմանը: «Բոլոր ուժերից մարդիկ են այցելել Լարս, դեռ քննարկվում է սա: Անընդհատ այս մեխանիզմն օգտագործում ենք հայ-ռուսական հարաբերություններում եղած խնդիրները լուծելուն՝ ՀՀ քաղաքացիների, մեր պետության եւ ազգային շահերին հետմուտ լինելով»,-ասաց Էդմոն Մարուքյանը:

Տպել
543 դիտում

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով

Ոստիկանները գրպանահատներին բերման են ենթարկել ու հայտնաբերել գողացված դրամապանակները. (տեսանյութ)

Ընդդիմախոսներն ասում են՝ սուպերվարչապետություն պետք չէ, բայց թվում է՝ ենթագիտակցորեն դա են ցանկանում. ԿԳՄՍ նախարար

ԲՀԿ-ական նախկին պատգամավոր Արթուր Մանուկյանն առերեսվել է իր և Նարեկ Սարգսյանի դեմ հաղորդում տված Հակոբ Հովհաննիսյանի հետ