Լավ է ուշ, քան՝ երբեք. Էդմոն Մարուքյանն անդրադարձել է Սերժ Սարգսյանի եւ ԱՄՆ դեսպանի զրույցին

Գյումրիում այսօր կայացած ՀՀ ԱԺ եւ ՌԴ Դաշնային ժողովի միջեւ համագործակցության Միջխորհրդարանական  հանձնաժողովի 32-րդ նիստի ավարտից հետո «Լուսավոր Հայաստան» խմբակցության ղեկավար Էդմոն Մարուքյանը լրագրողների խնդրանքով անդրադարձել է նաեւ այլ հարցերի: Լրագրողները մասնավորաօպես հետաքրքրվել են, թե նա ինչպե՞ս է գնահատում Սերժ Սարգսյանի երկվա հանդիպումը Հայաստանում ԱՄՆ դեսպան Լին Թրեյսի հետ եւ Սարգսյանի՝ Հայաստանի իրական ժողովրդավարացումն այլընտրանք չունի արտահատությանը:

Հանդիպումն, ըստ Մարուքյանի, սովորական երեւույթ է: Բայց, որ Սարգսյանը նման արտահայտություն է արել՝ չի լսել: «Չեմ իմացել, որ նման հայտարարություն է արվել, ուղղակի իմացել եմ, որ ԱՄՆ դեսպանի հետ հանդիպում է եղել: Կարծում եմ, որ դեսպանները միշտ են հանդիպում բոլոր քաղաքական ուժերի ղեկավարների հետ: Ինչ վերաբերում է ժողովրդավարությանն, այո, ժողովրդավարությունն այլընտրանք չունի, եւ նաեւ այդ պատճառով էր, որ Հայաստանում տեղի ունեցավ հեղափոխություն: Հետեւաբար, եթե ավելի վաղ գային այն մտքին, որ ժողովրդավարությունն այլընտնաք չունի, միգուցե 3-րդ ժամկետով Սերժ Սարգսյանը չառաջադրվեր, եւ գուցե ընտրությունները չկեղծվեին, եւ միգուցե այն, ինչը տեղի էր ունենում Հայաստանում, դրանք չլինեին: Լավ է ուշ, քան երբեք»,-ասաց Մարուքյանը:

Հիշեցնենք, որ երեկ, նոյեմբերի 5-ին, Հայաստանում ԱՄՆ դեսպան Լին Թրեյսիի նախաձեռնությամբ ՀՀԿ կենտրոնական գրասենյակում հանդիպում էր կայացել Սերժ Սարգսյանի հետ: Հանդիպման ընթացքում  Սարգսյանն ասել էր «Հայաստանի իրական ժողովրդավարացումն այլընտրանք չունի: Մենք երկար տարիներ աշխատել ենք այդ ուղղությամբ` միաժամանակ կառուցելով փոխշահավետ գործընկերային հարաբերություններ, այդ թվում՝ ԱՄՆ-ի հետ: Իրական ժողովրդավարությունն է աշխարհում շատ պետությունների համար լրջագույն մարտահրավեր դարձած պոպուլիզմի պատասխանը: Մեր կուսակցության համար շարունակելու են գերակա մնալ Հայաստանի և Արցախի անվտանգության, տարածաշրջանում կայունության և խաղաղության հարցերը»:

Մարուքանին ուղղված հաջորդ հարցը վերաբերում էր ՀՀ պաշտպանության նախկին նախարար Սեյրան Օհանյանի հայտարարությանը, որն արվել է երեկ՝  Երևանի ընդհանուր իրավասության դատարանում Ռոբերտ Քոչարյանի և մյուսների գործով  նիստում: Օհանյանը մասնավորապես ասել էր, թե Ռոբերտ Քոչարյանը գտնվում է անհավասար պայմաններում եւ կողմ էր արտահայտվել խափանման միջոցը փոխելու նրա պաշտպանների ներկայացրած միջնորդությանը: «Բայց մյուս նախագահների հետ ինչու՞ են համեմատում, մյուս նախագահներն ամբաստանյալներ չեն: Ռոբերտ Քոչարյանն այս պահին գործով անցնում է որպես ամբաստանյալ եւ նրա նկատմամբ կա կիրառված կոնկրետ խափանման միջոց: Պարոն Օհանյանի համեմատությունը, կարծում եմ, տեղին չէր մյուս նախագահների հետ»,-ասաց Մարուքյանը:

Մարուքյանը նաեւ խոսեց Անահիտ Ֆարմանյանի նկատմամբ ունեցած իր ու Նաիրա Զոհրաբյանի երաշխավորության մասին: «Մենք, երբ որ պատգամավորներ էինք պարոն Ֆարմանյանի հետ, նրա խնդրանքով մտավորական մարդու, թոռնատեր կնոջ համար տվել ենք երաշխավորություն: Ես  եւ տիկին Զոհրաբյանը: Դրանից հետո տիկին Ֆարմանյանը ներկայացել եւ մասնակցել է քննությանը: Հետո չգիտեմ ինչ է եղել, պարող Ֆարմանյանը պնդում է, որ քաղաքական հետապնդում է, եւ այլն, եւ այլն: Դրանից հետո չի ներկայացել: Հետեւաբար մենք նաեւ մեր ջանքերն ենք ներդրել, որ ներկայանա, բայց մենք էլ արդեն տեղը չգիտենք: ՀՔԾ-ն մեզ տեղեկացրել է, որ գնալու են  կալանավորման ճանապարհով, եւ օրենքով նախատեսված կարգով  խափանման միջոցը փոխվել է»:

Տպել
2453 դիտում

Երեւանում Nissan March-ը բախվել է ծառին, հետո՝ գազատարին. կա 4 տուժած

Արցախում հարգանքի տուրք է մատուցվել Սպիտակի երկրաշարժի զոհերի հիշատակին

«Զվարթնոց» օդանավակայանում հայտնաբերվել է գումարով պայուսակ

Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

Ո՞ւմ է պետությունը բնակարան պարտք, ինչո՞ւ օգտվել սուբվենցիոն ծրագրերից. վարչապետը պատասխանել է շիրակամուտցիների հարցերին

Ինչ անել երկրաշարժից առաջ, հետո, և հատկապես՝ ցնցումների ժամանակ

Գեւորգ Լոռեցյանը, նրա վարորդը եւ ֆուտբոլային ակումբներից մեկի նախագահը կալանավորվել են

Թալանել են ՀՀ ԱԺ «Լուսավոր Հայաստան» խմբակցության պատգամավոր Հրանտ Այվազյանի ավտոմեքենան

Կոտայքի մարզի Նոր Երզնկա գյուղի տներից մեկում հրդեհ է բռնկվել, բնակիչները ծխահարվել են

«Բրատիսլավան Մինսկի խմբի համանախագահների շուրթերով Ադրբեջանին ասաց՝ ոչ». քաղաքագետ

Ֆինանսների նախարարությունը պարգևատրումներ կտա աշխատակազմի թվի փոփոխության հաշվին արված տնտեսումով

Զինված հարձակում Բաղդադում. կա 16 զոհ

Վանաձորում եւս խոնարհումի տուրք են մատուցել 1988 թվականի աղետի զոհերի հիշատակին

Սպիտակում բացվել է Քըրք Քըրքորյանի կիսանդրին (լուսանկարներ)

Թուրքիայի Ինտերպոլի կողմից հետախուզվողը հայտնաբերվեց «Զվարթնոց» օդանավակայանում

Ազատանում անասնագոմ է այրվել

«Այս նախագիծը փրկություն էր, 10 միլիոն դոլար կգա բյուջե». կառավարության որոշումը գոհացրել է ավտոներկրողներին

Ֆինանսների նախարարությունը էականորեն կրճատել է ծառայողական տրանսպորտային միջոցների թիվը

«Ինչո՞ւ 31 տարի անց Գյումրին վերականգնված չէ». նախագահն ասաց՝ հարցին միայն մեկ մարդ կարող է պատասխանել, եւ դա ինքը չէ

Ֆինանսական համակարգի բարեփոխումների խնդիրը հանրային բարիքի արդար բաշխումը երաշխավորելն է․ նախարար