«Երեւանի օրերը Գյումրիում». մեկնարկը կտրվի նոյեմբերի 8-ից

Նոյեմբերի 8-ին, 9-ին եւ 10-ին Գյումրիում բարձրարժեք մշակութային հրավառություն է լինելու: Մեկնարկում է Երեւանի քաղաքապետարանի կողմից իրականացվող «Երեւանի օրերը Գյումրիում» մշակութային ծրագրի վերջին փուլը: Ծրագիրը մեկնարկել է Սանկտ-Պետերբուրգից, «Երեւանի օրեր» են անցկացվել նաեւ Թբիլիսիում, Ստեփանակերտում, Վանաձորում: 2018-ի դեկտեմբերին քննարկված եւ 2019 թվականի ընթացքում իրականացված ծրագրի այս տարվա վերջին կանգառն է Գյումրին:

Նոյեմբերի 8-ին՝ ժամը 14:00–ին, Ստեփան Ալիխանյանի անվան պետական տիկնիկային թատրոնում Թումանյանի անվան պետական թատրոնը կներկայացնի «Անխելք մարդը» ներկայացումը: Նույն օրը Վ. Աճեմյանի անվան պետական դրամատիկական թատրոնում՝ ժամը 19:00-ին, ելույթ կունենան Հայաստանի պետական կամերային երգչախումբը՝ գեղարվեստական ղեկավար եւ գլխավոր դիրիժոր Ռոբերտ Մլքեյան եւ Հայաստանի պետական կամերային նվագախումբը՝ գեղարվեստական ղեկավար եւ գլխավոր դիրիժոր Վահան Մարտիրոսյան:

Նոյեմբերի 9-ին՝ ժամը 15:00-ին, Գյումրու Արշակ Բրուտյանի անվան թիվ 4 երաժշտական դպրոցում համերգային ծրագրով կներկայանա Երեւանի Ա. Սպենդիարյանի անվան մասնագիտական երաժշտական դպրոցի ջազ բենդը՝ Դավիթ Գյոդակյանի ղեկավարությամբ: Ժամը 19:00-ին արդեն աճեմյանական բեմում Հրաչյան Ղափլանյանի անվան պետական դրամատիկական թատրոնը «Փարիզյան դատավճիռ» ներկայացմամբ հանդես կգա:Նոյեմբերի 10-ին՝ ժամը 13:00-ին, Շիրակի մարզային գրադարանում կհանդիպեն Երեւանի Ավետիք Իսահակյանի անվան կենտրոնական եւ Գյումրու գրադարանների աշխատակիցները: Կանցկացվի սեմինար-քննարկում «Ժամանակակից գրադարանը» խորագրով: Նույն օրը՝ ժամը 19:00-ին, Վ. Աճեմյանի անվան պետական դրամատիկական թատրոնում կկայանա գալա-համերգ Հայաստանի ազգային ֆիլհարմոնիկ նվագախմբի մասնակցությամբ՝ գեղարվեստական ղեկավար եւ գլխավոր դիրիժոր Էդուարդ Թոփչյան: «Մոտ 100 արտիստ ունի ամեն կոլեկտիվը, ամբողջական գործիքակազմը, որը մի քանի բեռնատարով է տեղափոխվելու Գյումրի: Ուզում ենք, որ Երեւանում ստեղծվող մշակութային արժեքավոր երեւույթներն իրենց ամբողջ ծավալով եւ շքեղությամբ հնարավորություն ունենանք ներկայացնել նաեւ Գյումրիում»,- ՀԺ-ի հետ զրույցում ասաց Երեւանի փոխքաղաքապետ Տիգրան Վիրաբյանը:

Ծրագիրը ծավալով մեծ է, բյուջեն էլ փոքր չէ: Կայացած մրցույթում, որին 3 կազմակերպություն է մասնակցել, Երեւանի քաղաքապետարանի կողմից հայտարարված 17 մլն դրամ արժեցող փաթեթը կազմակերպություններից մեկը շահել է 14 մլն 900.000 դրամով իրականացնելու պարտավորությամբ: Ապահովվելու է բարձրակարգ հնչողություն եւ լուսավորություն: Մեծ համերգները կազմակերպվելու են Վարդան Աճեմյանի անվան պետական դրամատիկական թատրոնում: «Ցավոք, Գյումրիում չկա այնպիսի դահլիճ, որն ունենա ակուստիկ նորմալ հնչողություն եւ կարողանա նման մեծ կոլեկտիվներ հյուրընկալել: Ծրագիրը լինելու է գերհագեցած: Մենք սա անում ենք մեծ սիրով եւ պատրաստակամությամբ, նաեւ գիտակցելով Գյումրու մշակութասեր հասարակության ճաշակն ու քիմքը, գիտենք ուր ենք գնում եւ ինչ ենք տանում»,- ասաց Տիգրան Վիրաբյանը:«Տարբեր քաղաքներում Երեւանի օրերը տարբեր միջոցառումներով են ներկայացել: Կրկնություններ չկան: Հաշվի են առնվել քաղաքների նախասիրությունները, բնակիչների մենթալիտետը, մշակութային բացերը: Այս միջոցառումների շարքի հիմնական նպատակը Երեւանում ծնվող եւ զարգացող բարձրարժեք մշակույթը ՀՀ այլ մարզերի ու քաղաքների բնակիչներին հասանելի դարձնելն է: Քաղաքներն իրենց փոքր բյուջեներով նման մեծ կոլեկտիվների հյուրընկալել չեն կարող, առավել եւս հնարավորություն չունեն ապահովել նրանց ու գործիքների տեղափոխումը, համերգի անցկացումը: Հենց այստեղ է, որ մայրաքաղաքը պետք է առաջնորդող լինի, անհրաժեշտ է պետական աջակցություն մայրաքաղաք-մարզեր կապի ամրապնդման համար»,- շարունակեց Վիրաբյանը:

«Կարծում եմ, որ այսօր իմ քաղաքը՝ Գյումրին, ունի այսպիսի մասշտաբային միջոցառումների, դասական երաժշտության պակասը լրացնելու կարիք: Թեպետ Գյումրիում գործում են ե՛ւ պետական սիմֆոնիկ, ե՛ւ ժողգործիքների նվագախմբերը, բայց այս բազմազանությունը մենք պետք է կարողանանք մեր հասարակությանը մատուցենք: Երբ ես դեռ Գյումրու դրամատիկականի տնօրենում էի, ամեն տարի մի քանի ներկայացումներ էի հրավիրում Գյումրի, որովհետեւ մեր հանդիսատեսը պետք է ընտրելու հնարավորություն ունենա: Եվ կարծում եմ, որ տարեկան նման մասշտաբով անցկացվող այս միջոցառումները ե՛ւ բաց դաս կլինի արվեստի, ե՛ւ երաժշտական դպրոցների սաների համար, որոնք հնարավորություն կունենան շփվելու Գյումրի այցելած երաժիշտների հետ, եւ Գյումրի եկող խմբերի համար քաղաքը նորովի բացահայտելու հնարավորություն կլինի»,- նշեց նա:

Առաջիկա տարիներին եւս ծրագիրը շարունակելու կամք ու ցանկություն ունի Երեւանի քաղաքապետ Հայկ Մարությանը: Այս մասին Մարությանը հայտարարել էր նաեւ Գյումրիում՝ «Մանսուրյան 80» միջոցառման ժամանակ: Փոխքաղաքապետը վստահ է՝ գալիք տարում իրենց մշակութային հատվածում Գյումրին կրկին ընդգրկված է լինելու: «Բազմակողմանի փոխհամագործակցության ճանապարհներ ենք փնտրում: Ես առավել քան վստահ եմ, որ 2020 թվականի Երեւանի գործընկերային ծրագրերում Գյումրին կարմիր գծով նշմարված կլինի: Ոչ միայն մշակութային համագործակցության առումով, այլ մի շարք հետաքրքիր եւ մեծածավալ ծրագրեր կան, որոնք մենք պատրաստվում ենք իրականացնել Գյումրիում»,- ասաց Տիգրան Վիրաբյանը:

Տպել
783 դիտում

Մեղադրանք է առաջադրվել Ճանապարհային ոստիկանության պետի տեղակալին. վերջինս կալանավորվել է

Արթուր Վանեցյանը հրաժարական տվեց Հայաստանի ֆուտբոլի ֆեդերացիայի նախագահի պաշտոնից

Նիկոլ Փաշինյանը Միլանում պատասխանում է գործարարների հարցերին

Անցկացվել է ռազմաուսումնական հաստատությունների ներկայացուցիչների վերապատրաստման դասընթացի հերթական փուլը. ՊՆ

Ոստիկանությունը քննում է Գյումրու տնակներից թուրքերին վաճառված երեխաների մասին Մարինա Խաչատրյանի հայտարարությունը

Աջափնյակ վարչական շրջանի դեղատներից մեկում խուզարկություն է կատարվել. տնօրենը ձերբակալվել է

Ոստիկանության շտաբի պետ Արմեն Ղուկասյանն ընդունել է Հայաստանում Լեհաստանի արտակարգ և լիազոր դեսպանին

«Red Eagles»-ի հետ հանդիպման ժամանակ Վանեցյանը հաստատել է, որ պատրաստ է հեռանալ ՀՖՖ-ից

Քոչարյանի պաշտպանների դիմումի հիման վրա Փաստաբանների պալատը դիմել է Նիկոլ Փաշինյանին եւ Ռուստամ Բադասյանին

Վարչապետը և Լոմբարդիայի փոխնահանգապետը քննարկել են կոնկրետ ծրագրերի իրականացման հնարավորությունները

Նախագահը կմասնակցի Վերակառուցման և զարգացման եվրոպական բանկի Արևելյան գործընկերության առաջին ներդրումային գագաթնաժողովին

Մասնագետները քիչ հավանական են համարում, որ Տավուշում բնակչի վրա հարձակված կենդանին հովազ է եղել

Աբովյան փողոցում գտնվող ռեստորանի տանիքում բռնկված հրդեհը մեկուսացվել է. ԱԻՆ

Քոչարյանի պաշտպաններից Ռուբեն Սահակյանի նկատմամբ կարգապահական վարույթ է հարուցվել

Խոշոր ավտովթար Դավիթ Բեկի փողոցից դեպի Նորք Մարաշ տանող ավտոճանապարհին. ուղեւորը տեղում մահացել է

ՀՀ կառավարությունը մոտ 10 մլն դրամ հատկացրեց ԱԳՆ-ին՝ սիրիահայերին ՀՀ անձնագիր տալու համար

Վանեցյանը պատրաստ է հրաժարական տալ. նա ասել է՝ ինչ պայմանով

Կառավարությունը մարում է հին պարտքերը. լուծվում է Ադրբեջանից բռնագաղթած ընտանիքների բնակարանային խնդիրը

«Դոլմամա» ռեստորանի հրդեհի բարդության աստիճանը բարձրացվել է «Թիվ-3»-ի, 10 հրշեջ խումբ է աշխատում (լուսանկարներ)

Ադրբեջանցի բլոգեր ներկայացած այդ անձը պատկառելի հեռավորության վրա էր հարց տալիս, ամեն բան վերահսկելի էր․ Կարապետյան