«Մասիս»-ի ճակատագիրն օդից կախված է. ֆուտբոլային ակումբից 2 հոգի հետախուզման մեջ է, սեփականատերերից մեկն էլ փող չի տալիս

Հայաստանի Առաջին խմբի առաջնությունում հանդես եկող «Մասիս» ֆուտբոլային ակումբի ապագան հարցականի տակ է: Սեփականատերերից մեկի բերած մարդկանց պատճառով այն ներքաշվել է պայմանավորված խաղերի մեջ: Հիմա էլ այդ սեփականատերը գնացել է ու ակումբը թողել առանց ֆինանսական միջոցների, իսկ նրա բերած սելեկցիոները, ինչպես նաեւ 1 ֆուտբոլիստ, հետախուզվում են:

Պայմանավորված խաղի վերաբերյալ ՀՀ Ազգային անվտանգության ծառայությունը հայտնել է մի քանի օր առաջ: Տեղեկություն է տարածել, որ «Մասիս»-ի ղեկավար անձնակազմի ներկայացուցիչը եւ մարզիկներից մեկը, նախնական համաձայնությամբ, կաշառքի դիմաց համաձայնեցված գործողությունների արդյունքում դիտավորությամբ ձեռնտու հաշվով կանխորոշել են 2019 թ. սեպտեմբերի 6-ին «Տորպեդո Երեւան»-ի դեմ կայացած խաղի արդյունքը եւ ապահովել «Տորպեդո»-ի հաղթանակը, իսկ մի շարք անձանց կողմից դրա շուրջ կատարված խաղադրույքների հետեւանքով բուքմեյքերական ընկերությանը պատճառվել է խոշոր չափերով գույքային վնաս: Խոսքը ՀՀ Գավաթի խաղարկության 2019-20 մրցաշրջանի 1/16 եզրափակչի հանդիպման մասին է, որն ավարտվել է 3:0 հաշվով:

Ինչպես «Հայկական ժամանակ»-ը տեղեկացավ «Մասիս»-ի գործադիր տնօրեն Արտակ Մելիքյանից, ֆուտբոլիստը Ռուսաստանի քաղաքացի Ալեքսեյ Կուչինինն է, իսկ մյուս անձը Կիրիլ Գրիգորովն է: Մելիքյանը նշեց, որ երկուսն էլ երկրում չեն: Նա պատմեց, որ Գրիգորովն ակումբում զբաղվել է սելեկցիոն աշխատանքով՝ ֆուտբոլիստներ բերելով, սակայն պաշտոնապես աշխատակից չի եղել: Նա եղել է այն սեփականատիրոջ ներկայացուցիչը, որը հեռացել է ու չի զբաղվում ակումբով:

«Ակումբը 2 սեփականատեր ունի: Հիմա 1 ամիս է՝ միայն 1 սեփականատերն է զբաղվում գործերով, այն կողմը, որը նշանակել էր Գրիգորովին, այդ կողմն ընդհանրապես առնչություն չունի»,- ասաց Արտակ Մելիքյանը:

Այդ սեփականատիրոջ մասին Մելիքյանը շատ քիչ տեղեկություն ունի: Միայն գիտի, որ անուն-ազգանունն Էրիկս Զեյբոլդս է եւ որ Ֆրանսիայի քաղաքացի է: Բացի այն, որ ֆրանսիացին չի զբաղվում ակումբում, իսկ Գրիգորովն ու Կուչինը հետախուզման մեջ են, ակումբից հեռացել են նրանց հետ եկած ֆուտբոլիստները: Մելիքյանը նշեց, որ նրանց կողմից եկած ոչ ոք ակումբում չէ, խզվել է մոտ 10 հոգու պայմանագիր: Նա նաեւ ընդգծեց, որ այդ ֆուտբոլիստները ներգրավված չեն գործում, եւ նրանց հետ համագործակցությունը դադարեցրել են միայն այն պատճառով, որ նրանք այդ սեփականատիրոջ ու Գրիգորովի բերած խաղացողներն են:

Գրիգորովի անունը վերջին շրջանում հաճախ է կասկածների առիթ դառնում: Վերջերս նրան ավելի շատ կապում էին ՀՀ Բարձրագույն խմբի առաջնության հետնապահի հետ: Նա հանդես է եկել «Երեւան»-ում, որն այս պահին 0 միավորով վերջին՝ 10-րդ տեղում է: Հետագայում դադարել էր խաղալ այնտեղ, սակայն նրա անունը շարունակում էին կապել այդ թիմի հետ: Օրերս էլ ՀԺ-ն անդրադարձել էր The Black Sea հետաքննական լրագրությամբ զբաղվող կայքի 2 ծավալուն նյութերին, որոնցում ասվում էր, որ Գրիգորովն արդեն մի քանի տարի է՝ կապված է միջազգային խմբավորման հետ, որը պայմանավորված խաղեր է կազմակերպվում: Հետաքննական նյութերում նշվում էր, որ նա հանդես է եկել պայմանավորված խաղերում ներգրավված մի շարք ակումբներում: Բացի այդ՝ եղել են դեպքեր, որ հանդես է եկել՝ որպես մրցավար ու աչքի ընկել կասկածելի որոշումներով:

Ինչ վերաբերում է «Մասիս»-ի ապագային, ապա այն բանից հետո, ինչ ֆրանսիացի սեփականատերը չի զբաղվում գործերով, ակումբը ֆինանսական լուրջ խնդիրներ ունի ու գոյատեւման պայքար է մղում: Ողջ բեռը մնացել է ՀՀ քաղաքացի սեփականատիրոջ՝ Արթուր Ոսկանյանի ուսերին: «Մասիս»-ը չունի սեփական մարզադաշտ, ավտոբուս, այդ ամենը վարձակալությամբ է, անհրաժեշտ է նաեւ հոգալ արտասահմանցի ֆուտբոլիստների կեցության ծախսերը: Նաեւ աշխատավարձ վճարելու խնդիր է առաջացել, որը «Մասիս»-ում միջինը 300 դոլար է: Մելիքյանը նշում է, որ ակումբում հույս ունեն՝ նոր բաժնետեր կամ հովանավոր կգտնվի, ֆրանսիացին կհամաձայնի վաճառել բաժնետոմսերն ու «Մասիս»-ը կպահպանվի:

«Ակումբը պատրաստվում է առաջնությանը: 2-րդ կեսում հուսով ենք՝ ավելի լավ կլինի, նոր ֆուտբոլիստներ կներգրավենք»,- ասաց Մելիքյանը՝ ավելացնելով, որ այս պահին իրենց առջեւ մարզական նպատակներ դնել չեն կարող, քանի որ առաջնայինը գոյատեւման հարցն է:

Պայմանավորված խաղից հետո «Մասիս»-ը դուրս է մնացել գավաթի խաղարկությունից: Առաջին խմբի առաջնությունում 17 թիմերի մեջ 15-րդն է: Ունի 4 միավոր:

Տպել
750 դիտում

Սիրիայի նախագահը ցավակցություն է հայտնել հայ քահանայի սպանության կապակցությամբ

Որպես անհետ կորած որոնվող 31-ամյա Մայա Ժիդկովան հայտնաբերվել է

Վանաձորն արդեն բազմաֆունկցիոնալ 2 նոր տեխնիկա ունի․ դրանցով կիրականացվեն ձնամաքրման, փողոցների լվացման աշխատանքներ

Արշակ Փոլադյանը նշանակվել է Թունիսում ՀՀ արտակարգ եւ լիազոր դեսպան

Գյումրի-Երևան ավտոճանապարհին ավտոմեքենան բախվել է ճամփեզրի բետոնե արգելապատնեշին

Դատարանը հեռացավ խորհրդակցական սենյակ՝ կաշառք ստանալու մեջ մեղադրվող դատավորի գործով դատավճիռ կայացնելու

Վերջին 6 ամսում 1 անձի ներում է շնորհվել. ներում ստացած անձը դատապարտված է եղել ՌԴ-ում

Խոսվում է խորհրդարանական վերահսկողության մասին, բայց ԼՀԿ-ն դեմ է քվեարկում, ԲՀԿ-ն՝ ձեռնպահ՝ առանց հիմնավորման․ Վարդանյան

Չարենցավանի բնակչուհուն առեւանգել էին, տարել անհայտ ուղղությամբ. երիտասարդն ու ընկերը ձերբակալվել են

Ֆելիքս Ցոլակյանը շրջայց է կատարել ԱԻՆ Ճգնաժամային կառավարման պետական ակադեմիայում և Ավանի ՀՓՋ-ում (տեսանյութ)

ՀՀ-ում կրիմինալ չկա, օրենքով գողերի պես էլ խելոք մարդիկ աշխարհի տակ չկան․ Վարդան Ղուկասյան

Փաստաբանների պալատը կոչ է անում չներգրավվել կոռուպցիոն գործարքներում. հայտարարություն՝ ձերբակալված փաստաբանների մասին

ՀՅԴ երիտասարդական միությունը հանրահավաք է հրավիրել՝ ԿԳՄՍ նախարարի հրաժարականի պահանջով․ հավաքն իրազեկված չէ

ԵԱՀԿ-ն դիտարկում է անցկացրել Արցախի և Ադրբեջանի սահմանին

Ավերակներ եւ անմարդկային պայմաններ. ահազանգ Ավան հոգեբուժական կենտրոնի պայմանների մասին (լուսանկարներ)

Ինքնասպանություն Երեւանում. տղամարդը նետվել է Կիևյան կամրջից

Սինգապուրի «SWITCH 2019» ցուցահանդեսում Հայաստանը ներկայացված է առանձին տաղավարով. այցելել է Սինգապուրի վարչապետը

40-ամյա տղամարդը մահացել էր ներքին արնահոսության հետևանքով՝ վիճաբանության հաջորդ օրը (տեսանյութ)

Խորհրդարանն առաջին ընթերցմամբ չընդունեց ԱԺ նախագահին ԱԽ նիստերին մասնակցելու իրավունք տալու նախագիծը

Դատարաններն ամենօրյա հրետանու տակ են. ԲԴԽ նախագահ