«Եթե կազմակերպված չլիներ՝ 20 մեքենա որտեղի՞ց կհավաքվեր». «Թալին» ՋՕԸ-ում հնչած կրակոցի դեպքի առթիվ քրգործ է հարուցվել

նկարում՝ ձախից. Մկրտիչ, Անդրանիկ եւ Ժորա Սափեյանները

ՀՀ քննչական կոմիտեում քրգործ է հարուցվել երեկ «Թալին» ջրօգտագործողների ընկերությունում տեղի ունեցած միջադեպի առթիվ, որի ընթացքում կրակոց էր արձակվել: Կոմիտեի տեղեկատվության եւ հասարակայնության հետ կապերի բաժնի պետ Նաիրա Հարությունյանը հայտնեց, որ քրգործը հարուցվել է ՀՀ Քրեական օրենսգրքի 258-րդ հոդվածի 4-րդ մասով (Զենքի կամ որպես զենք օգտագործվող առարկայի գործադրմամբ խուլիգանություն):  

Հնչած ահազանգի հետքերով դեպքն ուսումնասիրվել է նաեւ ոստիկանությունում: Մեր տեղեկություններով, միջադեպի մի շարք մասնակիցներ արդեն բացատրություն տվել են, սակայն ոստիկանություն չի ներկայացել կրակոց արձակած անձը:

Երեկ Արմավիրի մարզի Քարակերտ գյուղում «Թալին» ՋՕԸ ներկայացուցիչների եւ Մարտի 1-ից ու այլ քաղաքական իրադարձություններից հայտնի Սափեյանների միջեւ տեղի ունեցած վիճաբանության ու քաշքշուկի մասին ոստիկանությունը հաղորդագրություն էր տարածել՝ տեղեկացնելով, որ նոյեմբերի 7-ին ոստիկանության Բաղրամյանի բաժնում տեղեկություններ էին ստացվել, որ Արմավիրի մարզի Քարակերտ գյուղում գտնվող «Թալին» ջրօգտագործողների ընկերության վարչական շենքի դիմաց վիճաբանություն է տեղի ունեցել, որի ընթացքում կրակոցներ են հնչել։ 

Դեպքի վայր մեկնած օպերատիվ խումբը ձեռնարկել է անհրաժեշտ միջոցառումներ՝ պարզելով, որ մի քանի անձի միջև վեճ է տեղի ունեցել, եւ, ըստ նախնական տեղեկությունների`մասնակիցներից մեկը հրացանով կրակոցներ է արձակել։ Դեպքի վայրի զննությամբ հայտնաբերվել է որսորդական հրացանի կրակված փամփուշտի մասեր։ Ճշտվել է միջադեպի մասնակիցների ինքնությունը։

Կողմերից ոչ մեկը չի հայտնում, թե ով է կրակոց արձակողը: Այս պահին նույնիսկ հստակ հայտնի չէ, թե ովքեր են հրահրել միջադեպը, ինչն է եղել պատճառը: Դրա վերաբերյալ, սակայն, միջադեպի կողմերն ունեն ենթադրություններ:

Մասնավորապես, միջադեպի կողմերից Անդրանիկ Սափեյանը մեր զրույցում պատմեց հետեւյալը. «Առավոտյան գնացի «Թալին» ՋՕԸ: Նախորդ օրվանից հայտնի էր, որ պետք է հրամանս այդ օրը լիներ եւ անցնեի աշխատանքի որպես «Թալին» ՋՕԸ տնօրենի տեղակալ: Տնօրենի ժամանակավոր պաշտոնակատարի հետ մի քիչ շփվեցինք, մեր հետագա աշխատանքից զրուցեցինք 20-30 րոպե: Հետո մի քանի հոգի եկան՝ թե ժողովուրդն ուզո՞ւմ է, որ հաստիք բացեք, որ տեղակալ եք նշանակում, ծախս եք ավելացնում, աշխատավարձ եք տալիս: Սպառնում էին, որ կգնան, երկաթգիծը կփակեն, ճանապարհ կփակեն, կգնան վարչապետի մոտ ու անգիր արած էսպիսի բաներ: Ասում էին մենք քայլել ենք, չգիտեմ ինչ: Ես էլ ասում եմ՝ եթե ասեմ, ես երբվանից եմ սկսել քայլել, ես էլ գնամ Հյուսիս-հարավ ճանապա՞րհը փակեմ, ասեմ լուծարեք ամբողջ կառույցը, աշխատավարձ խնայեք»:

Այնուհետեւ, ըստ Սափեյանի, իրենք դուրս են եկել ընկերությունից ու վիճաբանությունը շարունակվել է դրսում: Մեր հարցին, թե ինչպե՞ս է ստացվել, որ իր բարեկամները միացել են վիճաբանությանը՝ Անդրանիկ Սափեյանը պատասխանեց. «Իմ բարեկամները չէ, էդ մարդիկ ասում էին, որ եթե տեղակալ է նշանակվում՝ Արագած կամ Արտենի գյուղից պիտի լինի, մեր կողմից էլ մարդիկ էին եկել, որոնք ուզում էին, որ մեր կողմերից լինի»:

Հարցին՝ ինչո՞վ է պայմանավորում տեղի ունեցածը, իր կարծիքով կազմակերպվա՞ծ է եղել այդ ակցիան՝ Սափեյանը պատասխանեց. «Սկզբում տպավորությունը այնպես էր, որ տնօրենը նորմալ էր տրամադրված, բայց վերջում հասկացա, որ այնտեղ հավաքվածները...իմ դեմ բողոքողներից մի քանիսին հարցրեցինք՝ ի՞նչ կապ ունեք այս ամենի հետ, պարզվեց, որ իր (տնօրենի ԺՊ-ի-խմբ.) ազգականներն են, այստեղից կարելի է հետեւություն անել, որ իր սրտով չէր (Սափեյանի նշանակումը-խմբ.)»:

Անդրանիկ Սափեյանը մեր զրույցում պնդեց նաեւ, թե չգիտի՝ ո՞վ է կրակել միջադեպի ընթացքում: Ասաց, թե իր այնտեղ լինելու ընթացքում որեւէ մեկի մոտ զենք չի տեսել: Խոսելով այն մասին, թե ի՞նչ է պատրաստվում անել, էլ չի՞ գնալու աշխատանքի՝ նա պատասխանեց. «Դեռ պարզ չի ոնց կդասավորվի հետագան, տեսնենք»:

Անդրանիկի հորեղբայրը՝ Ժորա Սափեյանը մեր զրույցում ասաց, որ ինքը չի մասնակցել միջադեպին, սակայն հասկանալի է, որ տեղի ունեցածը «պետի սարքածն է»:

«Պետը համախոհներին հանել է դեմ, որ չգա (Անդրանիկ Սափեյանը-խմբ.), ջահել տղայա, կարող ա վաղը իրեն հանեն: Հայրը (Մկրտիչ Սափեյանը-խմբ.) զանգել է, ասել է ինչ կա, տոնայնությունից հասկացել է, որ մի բան էն չի, գնացել է այնտեղ: Մեքենայից իջել է, հորն էլ են խփել, ու սկսվել է քաշքշուկ: Ամեն ինչ այսպես է տեղի ունեցել: Էդ տղան նախկին անչափահաս քաղբանտարկյալ է եղել, Մարտի 1-ի հետ կապված հոր հետ նստած էր: Հիմա քոչարյանասերժական մամուլը նորից փորձում է մեր անունին կպնել»,- ասաց Ժորա Սափեյանը՝ հավելելով, որ եթե տեղի ունեցածը կազմակերպված չլիներ՝ 20 մեքենա անծանոթ մարդ որտեղի՞ց կհավաքվեր այնտեղ:

Հարցին, թե ով է եղել կրակոց արձակողը՝ նա եւս դժվարացավ պատասխանել՝ ընդգծելով, որ իրավապահները դա կպարզեն:

Մեր հարցերին պատասխանեց նաեւ «Թալին» ՋՕԸ տնօրենի ժամանակավոր պաշտոնակատար Վրեժ Խուրշուդյանը: Մեր հարցին՝ արդյո՞ք ինքն է կազմակերպել ակցիան Սափեյանի դեմ, քանի որ դեմ է եղել, որ նա աշխատի իրենց ընկերությունում՝ Խուրշուդյանը պատասխանեց. «Չկա այդպիսի բան, ես իրեն կանչել էի, որ այդ օրը ներկայացնեի աշխատակազմին: Արտենի ու Արագած գյուղերի ջրօգտագործողները իմացել էին, եկել էին այստեղ, ասում էին փոխանակ կրճատումներ անեք, հաստիք եք բացում: Ես էլ ասացի, որ մեզ պետք ա էդ հաստիքը: Մի ժամից ավել դրանց համոզում էի, որ դուք իրավունք չունեք այդպիսի բան ասելու: Մեկը հասկանում է, մեկը չի լսում, գոռում է, ճվում է: Ասում են մենք ջրի փող ենք տալիս, դուք հաստիք եք ավելացնում, ում ուզում եք բերում եք»:

Խուրշուդյանը նշեց, որ քաշքշուկն ու վիճաբանությունը դրսում են եղել, ինքը չի մասնակցել եւ տեղյակ չէ՝ ով է կրակել, ում մոտ է զենք եղել: «Ես չգիտեմ 20, 25 թե 15 մեքենա է եղել, ես դրում չեմ եղել: Հիմա ոստիկանությունը զբաղվում է, երկու կողմից բացատրություն տվել են, ինձ ասացին՝ խնդրում ենք, երբ որ զանգեք, եկեք բաժին»,- պատմեց ՋՕԸ տնօրենի ժամանակավոր պաշտոնակատարը:

Մեր հարցին՝ ինքը դե՞մ է Անդրանիկ Սափեյանի նշանակմանը՝ Խուրշուդյանը պատասխանեց, որ ինքը ոչ միայն դեմ չէ, այլ իրեն փոխտնօրեն է պետք:

Մեր տեղեկություններով, Քարակերտում որսորդական հրացանից կրակոց արձակողը Սափեյանների ազգականն է: 

Տպել
6884 դիտում

ԲՀԿ-ն 2020 թվականի բյուջեի նախագծին դեմ է քվեարկելու․ նրանց համոզմամբ՝ այն չի սպասարկում տնտեսական հեղափոխությունը

Սիրիայի նախագահը ցավակցություն է հայտնել հայ քահանայի սպանության կապակցությամբ

Որպես անհետ կորած որոնվող 31-ամյա Մայա Ժիդկովան հայտնաբերվել է

Վանաձորն արդեն բազմաֆունկցիոնալ 2 նոր տեխնիկա ունի․ դրանցով կիրականացվեն ձնամաքրման, փողոցների լվացման աշխատանքներ

Արշակ Փոլադյանը նշանակվել է Թունիսում ՀՀ արտակարգ եւ լիազոր դեսպան

Գյումրի-Երևան ավտոճանապարհին ավտոմեքենան բախվել է ճամփեզրի բետոնե արգելապատնեշին

Դատարանը հեռացավ խորհրդակցական սենյակ՝ կաշառք ստանալու մեջ մեղադրվող դատավորի գործով դատավճիռ կայացնելու

Վերջին 6 ամսում 1 անձի ներում է շնորհվել. ներում ստացած անձը դատապարտված է եղել ՌԴ-ում

Խոսվում է խորհրդարանական վերահսկողության մասին, բայց ԼՀԿ-ն դեմ է քվեարկում, ԲՀԿ-ն՝ ձեռնպահ՝ առանց հիմնավորման․ Վարդանյան

Չարենցավանի բնակչուհուն առեւանգել էին, տարել անհայտ ուղղությամբ. երիտասարդն ու ընկերը ձերբակալվել են

Ֆելիքս Ցոլակյանը շրջայց է կատարել ԱԻՆ Ճգնաժամային կառավարման պետական ակադեմիայում և Ավանի ՀՓՋ-ում (տեսանյութ)

ՀՀ-ում կրիմինալ չկա, օրենքով գողերի պես էլ խելոք մարդիկ աշխարհի տակ չկան․ Վարդան Ղուկասյան

Փաստաբանների պալատը կոչ է անում չներգրավվել կոռուպցիոն գործարքներում. հայտարարություն՝ ձերբակալված փաստաբանների մասին

ՀՅԴ երիտասարդական միությունը հանրահավաք է հրավիրել՝ ԿԳՄՍ նախարարի հրաժարականի պահանջով․ հավաքն իրազեկված չէ

ԵԱՀԿ-ն դիտարկում է անցկացրել Արցախի և Ադրբեջանի սահմանին

Ավերակներ եւ անմարդկային պայմաններ. ահազանգ Ավան հոգեբուժական կենտրոնի պայմանների մասին (լուսանկարներ)

Ինքնասպանություն Երեւանում. տղամարդը նետվել է Կիևյան կամրջից

Սինգապուրի «SWITCH 2019» ցուցահանդեսում Հայաստանը ներկայացված է առանձին տաղավարով. այցելել է Սինգապուրի վարչապետը

40-ամյա տղամարդը մահացել էր ներքին արնահոսության հետևանքով՝ վիճաբանության հաջորդ օրը (տեսանյութ)

Խորհրդարանն առաջին ընթերցմամբ չընդունեց ԱԺ նախագահին ԱԽ նիստերին մասնակցելու իրավունք տալու նախագիծը