Այն, ինչ չհաջողվեց թշնամիներին, հայ շինարարը մալի ու բետոնի մի հարվածով արեց. Դադիվանքի մասին ահազանգ և մասնագետի կարծիք

Մեդիափորձագետ Սամվել Մարտիրոսյանը ֆեյսբուքյան իր էջում հրապարակել է Արցախի «Դադիվանք» վանական համալիրի վերանորոգված հատվածներից լուսանկարներ եւ իր դժգոհությունն է հայտնում արված աշխատանքի որակի մասին:  

«Ինչը չհաջողվեց բազմաթիվ թշնամիներին, հայ շինարարը մալի ու բետոնի մի հարվածով արեց, այ սենց սվաղելով Դադիվանքը։ Մարդ կանգնում է այստեղ ու չգիտի ինչ ասի, որ լեզվով ու ինչ խոսքերով»,- գրել է Մարտիրոսյանը:

Լուսնակարները՝ Սամվել Մարտիրոսյանի էջից

Հուշարձանագետ Սամվել Կարապետյանի խոսքով ՝ «Դադիվանք» միջնադարյան վանական համալիրի վերանորոգված հատվածների տեսքի եւ առհասարակ կատարված աշխատանքի մեջ ոչ մի արտառոց բան չկա, պարզապես ամրակայման աշխատանքն արված է սվաղով:

«Հայկական ժամանակ»-ի հետ զրույցում հուշարձանագետը նկատեց՝ նոր արված աշխատանք է, դրա համար է այդպես երեւում: Մի քանի օրից այն նույնիսկ չի էլ տարբերվելու:

«Ե՛վ թաց է, ե՛ւ գույնով է տարբեր, բայց դա մի քանի օրից նույն գույնն է ստանալու, ինչ որ հին սվաղը: Հիմնական միտքը եղել է թափվող քարերն ամրացնելը: Արել են նույն ձեւով, ինչպես նախկինում է արված եղել: Աչքի համար վանող է այդ թաց վիճակն ու ակնհայտ գունային տարբերությունը: Բայց մի քիչ ուշադիր նայող աչքը կտեսնի, որ կատարած աշխատանքը նույնական է, չի տարբերվում»,- ասաց Կարապետյանը:

Արցախի Հանրապետության Շահումյանի շրջանի Դադիվանք գյուղում գտնվող «Դադիվանք» վանական համալիրը ժամանակին կառուցվել է նույն ձեւով, ինչպես այսօր արված աշխատանք է՝ խամ քարով, շաղախով:

«Այդ սյուներն էլ առհասարկ աչքի չեն ընկնում իրենց ճարտարապետությամբ. չափից ավելի հաստ են: Վանական համալիրը Դադիվանքի անկումային շրջանում է ստեղծվել: Այն, մի կերպ կառուցած, անարվեստ կառույց է»,- կարծիք հայտնեց հուշարձանագետը:

Ըստ Սամվել Կարապետյանի՝ բոլորովին այլ հարց է, թե ինչ բաղադրություն ունի շինանյութը, որով կատարվել է վերանորոգման աշախատանքը, սակայն դա չի կարող ասել, քանի որ դեռ միայն նկարներով է հասցրել տեսնել: «Հստակ կարող ենք ասել, որ նախկինում կրաշաղախ էր: Իհարկե՝ ցանկալի կլիներ, որ նույն նյութով էլ հիմա սվաղվեր, բայց Հայաստանում այդ արվեստն արդեն մահացած է, կիր էլ չկա: 1920-1930 թվականներից է կրով աշխատելու արվեստը մահացել Հայաստանում»,- նկատեց նա: Միակ թերությունը, որը կարելի է ասել տեսավ հուշարձանագետը՝ դա աշխատանքը ցեմենտով արված լինելն էր: Սակայն ավելացրեց, որ այսօր ամեն տեղ է այդպես արվում:

Տպել
6313 դիտում

Կարծում եմ՝ լինելու են արտահերթ ընտրություններ․ քաղաքագետը՝ Փաշինյանի ակնարկների, սպասվող զարգացումների մասին

Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը

Ում հասանելի կլինեն եւ որքան կարժենան կորոնավիրուսի դեմ պատվաստանյութի տարբեր տեսակները

Լոռու մարզի 18 դպրոցում կտեղադրվեն արևային վահանակներ, կկառուցվեն ջերմոցներ, ինտենսիվ այգիներ

Այս տարի Վայոց ձորում աննախադեպ է եղել խաղողի բերքը․ տեղեկություններ մթերումների մասին

Ադրբեջանում գտնվող գերիների վերաբերյալ ողջ տեղեկատվությունը տրամադրվել է ՄԻԵԴ-ին, նաեւ ԱԳՆ, ՊՆ եւ Կարմիր խաչին

Հավատում ենք խաղաղությանն ու պայծառ ապագային. ԱՄՆ ՄԶԳ/Հայաստանի աշխատակիցներն այցելել են Արցախից տեղահանված երեխաներին

Հիմնանորոգվում է Գառնի-Լանջազատ ճանապարհը

Շուտով կավարտվի Արմավիր քաղաքի Երևանյան փողոցի ճանապարհահատվածի հիմնանորոգումը

Տեղի է ունեցել Գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողովի նիստ

81-ամյա կինը մահացել է որդու հարվածների հետևանքով.43-ամյա տղամարդը կալանավորված է

Երազանք էր նրա դեմ խաղալը. Ռազմիկ Գրիգորյանն ու Խորեն Հովհաննիսյանը վերհիշում են Մարադոնայի հետ հանդիպումները

Գիշերային շրջիկ ծառայության ժամանակ ոստիկաններն ապօրինի թմրաշրջանառության դեպք են բացահայտե լ(տեսանյութ)

ԿԽՄԿ ներկայացուցիչը վարչապետին տեղեկատվություն է տրամադրել հայ գերիների հետ հանդիպումների մասին

Սարալանջ գյուղի մոտակայքում մոտ 3 հա բուսածածկույթ է այրվել

«Արմավիր» ՔԿՀ-ում կանխվել է նույն անձին թմրամիջոց փոխանցելու 3-րդ դեպքը

Մայիսյանում թեթև և ծանր տեխնիկայի կայանման սպասարկման կենտրոն է կառուցվում. ստեղծվում է 5 հիմնական աշխատատեղ

Էդուարդ Հարությունյանը կգործուղվի Մոսկվա՝ նախապատրաստելու վարչապետ Նիկոլ Փաշինյանի այցը

ՀՀ պաշտպանության նախարարն ընդունել է ՌԴ խաղաղապահ զորախմբի հրամանատարին

Ֆրանսիայից Հայաստան է ժամանել արցախահայությանը տրամադրված հումանիտար օժանդակության երկրորդ ինքնաթիռը (տեսանյութ)