Խոսվում է խորհրդարանական վերահսկողության մասին, բայց ԼՀԿ-ն դեմ է քվեարկում, ԲՀԿ-ն՝ ձեռնպահ՝ առանց հիմնավորման․ Վարդանյան

Խոսում ենք խորհրդարանի դերի բարձրացման մասին, նրա մասին, որ ՀՀ-ում ոչ թե կաբինետիզմ պետք է լինի, ոչ թե կառավարությունը ձեւավորի ԱԺ, որոշի նրա վարքագիծը, այլ հակառակը, եւ հիմա դուք ասում եք՝ մեր առաջարկը չի ընդունվել, դրա համար դեմ ենք քվեարկում նախագծին։ Այս մասին այսօր ԱԺ-ում ասաց պետաիրավական հարցերի մշտական հանձնաժողովի նախագահ, «Իմ քայլը» խմբակցության պատգամավոր Վլադիմիր Վարդանյանը՝ խոսելով ԱԺ նախագահին ԱԽ նիստերին մասնակցելու իրավունք տալու նախագծին ԼՀԿ-ի դեմ քվեարկության մասին։

«Մենք խոսում ենք խորհրդարանական վերահսկողության ինստրումենտների մասին, այդ գործիքակազմն ամրագրելու մասին, դուք դեմ եք քվեարկում նախագծին։ Բայց, հարգելի՛ գործընկերներ, իսկ ընդհանրապես կարելի՞ է հաշվի առնել մի հանգամանք, թե մենք ինչով ենք առաջնորդվել: Առաջնորդվել ենք նրանով, որ այս կամ այն սուբյեկտի ներգրավման անհրաժեշտությունը կա՞, թե՞ առաջնորդվել ենք, որ դա անհրաժեշտ է՝ ԱԺ-ի բնականոն գործունեությունն ապահովելու համար»,- ասաց Վարդանյանը։

Նրա խոսքով՝ խմբակցության ղեկավարները, հանձնաժողովի ղեկավարները տեսականորեն կարող էին լինել ԱԽ նիստերին մասնակից, բայց առաջնորդվել են Սահմանադրությամբ։ Վարդանյանը սպասել է, որ պատգամավորները հարցի քվեարկությունից առաջ վարման կարգով ելույթ ունենալիս կսատարեն նախագծին, այնինչ հակառակն է եղել, եւ սա այն դեպքում, երբ հարցի քննարկման ժամանակ միայն դրական կարծիքներ են եղել․

«Սրա փոխարեն «Լուսավոր Հայաստան»-ը դեմ է քվեարկում, ԲՀԿ-ն էլ՝ ձեռնպահ մնում՝ առանց որեւէ հիմնավորման»,- ասաց Վարդանյանը, որից հետո դահլիճից հնչեցին արձագանքներ, որ հիմնավորում եղել է։ Վարդանյանը երկու անգամ կրկնեց՝ «առա՛նց որեւէ հիմնավորման»։

Հիշեցնենք, որ ՀՀ Ազգային ժողովն այսօր առաջին ընթերցմամբ չընդունեց «Իմ քայլը» խմբակցության պատգամավոր Աննա Կարապետյանի հեղինակած օրենքի նախագիծը, որով առաջարկում է խորհրդարանի նախագահին օրենքի ուժով իրավունք տալ մասնակցելու Անվտանգության խորհրդի նիստերին:

«Ազգային ժողովի կանոնակարգ սահմանադրական օրենքում լրացում կատարելու մասին» եւ «Անվտանգության խորհրդի կազմավորման եւ գործունեության մասին օրենքում փոփոխություն եւ լրացում կատարելու մասին» օրենքների նախագծերի փաթեթն առաջին ընթերցմամբ չընդունվեց 66 կողմ, 14 դեմ, 20 ձեռնպահ ձայնով․ նախագծի ընդունման համար անհրաժեշտ էր 80 կողմ քվե:

Մինչ նախագծի քվեարկությունը, ԼՀԿ խմբակցության պատգամավոր Տարոն Սիմոնյանը հիշեցրեց, որ իրենք առաջարկել էին, որ նախագծում ընդգրկվի նաեւ ԱԺ խմբակցությունների ղեկավարների՝ ԱԽ նիստերին մասնակցելու հնարավորությունը, բայց քանի որ առաջարկը մերժվել էր, Սիմոնյանը հայտարարեց՝ իրենք դեմ կքվեարկեն։

Իսկ երեկ հարցի քննարկման ժամանակ ԲՀԿ խմբակցության պատգամավոր Սերգեյ Բագրատյանը, ըստ էության, դրական արտահայտվելով նախագծի մասին, նույնիսկ ժամանակավրեպ ու զարմանալի էր համարել, որ ԱԽ կազմում ԱԺ նախագահը չկա։

Բացի այս, պատգամավորը կարծիք էր հայտնել, որ նոնսենս է, որ նախագիծը պատգամավոր է ներկայացնում, որովհետեւ, ըստ նրա, դա պետք է աներ վարչապետը կամ կառավարությունը․

Նրա խոսքով՝ Ազգային ժողովն այս կերպ մտնում է շահերի բախման դաշտ. «Ճիշտ եմ համարում վերադարձնել նախագիծը եւ կառավարությանն առաջարկել այսպիսի օրենսդրական նախաձեռնությամբ հանդես գալ»:

Տպել
622 դիտում

Փոխվարչապետ Տիգրան Ավինյանը մասնակցել է հայ-վրացական իրավական համագործակցության երրորդ ֆորումին

Հրազդանի բժշկական կենտրոնում հրդեհային անվտանգության կանոնների մի շարք թերություններ և խախտումներ են հայտնաբերվել

Վերահաստատում եմ իմ ակտիվ մասնակցությունն ընտրապայքարին, Արցախում ֆեյքային գզվռտոց չի լինելու. Արցախի ԱԳ նախարար

Գողացված բանկային քարտով կանխիկացման փորձ է արվել (տեսանյութ)

Թուրքիայում ստեղծվել է «1915.gov.tr» կայքը՝ Հայոց ցեղասպանության պնդումների դեմ պայքարելու համար

Սարհատ Պետրոսյանի հայտարարություններից հետո նախապատրաստված նյութերով քրգործի հարուցումը մերժվել է

Ճիշտն ասած՝ ինձ խաբեցին. Թլիկում պարտված միակ թեկնածու

Սահմանապահ գյուղերում 2020-ից ամեն ծնվող երեխայի համար 1000 դոլար կտրվի, ևս 100 հազ. դրամ՝ ամսական

Եթե հանկարծ նկատեք, որ բարեւների առումով ժուժկալ եմ դարձել, չմտածեք, թե մեծամտացել եմ․ Փաշինյան

ՀՀ վարչապետն ու բարձրաստիճան պաշտոնյաները ծաղիկ են խոնարհել Ծիծեռնակաբերդում (լուսանկարներ)

Գյումրի քաղաքում մասնակի փլուզվել է տան պատը. տուժածներ չկան

Արտակարգ դեպք Երևանում. Շենգավիթում որդին կասկածվում է մոր նկատմամբ բենզինով սպանության փորձ կատարելու մեջ

Դեկտեմբերի 10-ին հեռարձակման թվային ցանցում կկատարվեն պրոֆիլակտիկ աշխատանքներ

Ոմանք կոռուպցիայի դեմ պայքարը պատկերացնում են՝ համերգ հեռուստադիտողի հայտով․ վարչապետը՝ Սերժ Սարգսյանի մեղադրանքի մասին

Ռոբերտ Քոչարյանի պաշտպանները բողոքարկել են Աննա Դանիբեկյանի՝ ինքնաբացարկի միջնորդությունը մերժելու որոշումը

ԱԺ-ն ամբողջությամբ ընդունեց վարորդների համար բալային համակարգի ներդրման մասին օրինագիծը

ԱԺ-ն ամբողջությամբ ընդունեց նոր ուղղություններով չվերթով մեկնող անձանց օդի տուրքից ազատելու նախագիծը

Վաղը Երևանի և Արարատի մարզի որոշ հասցեներում ջրամատակարարումը 24 ժամով կդադարեցվի

Ալաշկերտի համայնքապետ է վերընտրվել ՊԵԿ փոխնախագահի հայրը

ԱԺ-ն առաջին ընթերցմամբ ընդունեց զինծառայությունից նաեւ 5 տարի անց հաշմանդամության կարգ տալու մասին օրինագիծը