Մենք ուզում ենք հասկանալ՝ Մադրիդյան սկզբունքները մեզ ի՞նչ հնարավոր տեղեր կարող են հասցնել. վարչապետ

ՀՀ վարչապետ Նիկոլ Փաշինյանն օրերս հանդիպել էր Արցախի ԱԺ «Ազատ հայրենիք» խմբակցության անդամների հետ։ ՀՀ ԱԺ պատգամավոր Արման Բաբաջանյանը, խորհրդարանում կառավարության հետ հարց ու պատասխանի ժամանակ դիմելով Փաշինյանին, նկատեց, որ արցախցի պատգամավորները հանդիպումից հետո իրենց հարցազրույցներում նշել են, որ Փաշինյանն ասել է՝ այս պահին, ըստ էության, Մադրիդյան սկզբունքներն Արցախի խնդրի կարգավորման սեղանին չեն։

Բաբաջանյանը Փաշինյանից խնդրեց հաստատում կամ հերքում, ապա, եթե այդ փաստաթուղթը չկա, ապա ի՞նչ կա բանակցային սեղանին․

«Սա կարեւոր է, քանի որ տարեսկզբին՝ Հայաստանի եւ Արցախի ԱԽ համատեղ նիստից հետո, երկարաշունչ անդրադարձ էիք կատարել Մադրիդյան սկզբունքներին՝ հասկանալու, թե դրա վերաբերյալ Ադրբեջանն ինչ է հասկանում։ Եթե այլեւս հետաքրքրություն չունենք, կա՞ արդյոք մտադրություն՝ միջնորդների կողմից նոր փաստաթուղթ երեւան բերելու»,- մասնավորապես հարցրեց Բաբաջանյանը։

Վարչապետը նկատեց, որ թյուրըմբռնում է եղել, որովհետեւ ինքը նոր բան չի ասել, քան այն, ինչն ասել է հրապարակային 2019 թվականի մարտի 12-ին՝ ԱԽ համատեղ նիստում․

«Ես ելույթում ասել էի, որ քանի դեռ սկզբունքների բոլոր պարամետրերը մեզ համար թափանցիկ չեն, մեզ համար դժվար է ասել՝ մենք դա ընդունո՞ւմ ենք որպես բանակցային գործընթացի հիմք, թե՞ չենք ընդունում, եւ մի քանի անգամ ասել եմ՝ ինչումն է հարցը։ Մադրիդյան սկզբունքները, ըստ էության, ճանապարհն են հարցի լուծման, մենք ուզում ենք հասկանալ՝ այդ ճանապարհը մեզ ի՞նչ հնարավոր տեղեր կարող է հասցնել, մենք նախապես իմանանք՝ մենք էդ ճանապարհով գնո՞ւմ ենք, թե՞ չէ»,- պարզաբանեց Փաշինյանը եւ իր միտքը հստակ բացատրելու համար մի օրինակ բերեց․

«Նույն ճանապարհով կարելի է գնալ Սեւան, Գավառ, Դիլիջան, Վարդենիս, Իջեւան։ Հիմա ասում ենք՝ այս ճանապարհով կարելի է գնալ էս քաղաքները, բայց եթե պարզվի, որ մեր մտադրությունը Արմավիր գնալն է, պետք չէ էս ճանապարհով գնալ, որովհետեւ ոնց էլ պտտվենք՝ կածաններով Արմավիր հասնել չենք կարող, իսկ մեզ պետք է գնալ Արմավիր»։

Փաշինյանը շարունակեց, որ այս դեպքում եթե մեկն ուզում է գնալ Վարդենիս, մեկը՝ Գավառ, մեկը՝ Դիլիջան, մյուսը՝ Իջեւան, եթե հինգ հոգով այդ ճանապարհն ունեն, նորմալ է, որ Երեւանից դուրս գան եւ Աբովյանով մտնեն այդ ճանապարհ, եւ եթե վերջում կորոշեն, որ նույն տեղն են գնում, շատ լավ, բայց առնվազն մինչեւ Գավառի խաչմերուկ կարող ենք իրար հետ շարժվել․

«Հիմա ասում ենք՝ եկեք պարզենք՝ ուր են տանում Մադրիդյան սկզբունքները, հասկանանք՝ սա է իրավիճակը, գնանք առաջ, մինչեւ Գավառի խաչմերուկ գալիս ենք, եթե էդտեղ պարզվի, որ մեկը ուզում է գնալ Գյումրի, մեկը՝ Արմավիր, մյուսը՝ Արտաշատ, նշանակում է՝ խնդիր կա, ինչ-որ մեկը ինչ-որ մեկին խաբում է։ Մենք չենք ուզում բանակցային գործընթացում եւ ընդհանրապես որեւէ մեկին խաբել»,- շեշտեց Փաշինյանը։

Տպել
1493 դիտում

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան