Եթե դատախազին մեղադրանք է ներկայացվում նյութեր թաքցնելու համար, ապա սա քրեորեն հետապնդելի արարք է, ոչ թե բացարկի հիմք

Մարտի 1-ի գործով տուժողի իրավահաջորդի ներկայացուցիչ Տիգրան Եգորյանը գործով ամբաստանյալների պաշտպանների՝ մեղադրող դատախազներին հայտնած բացարկի հիմքերն արժանի փաստարկներ չի համարում։

Եգորյանը նկատեց, որ պաշտպանների ներկայացրած հիմնական առանցքային հարցը դատախազական ինստիտուտին վերագրված պարտականությունների կատարման ենթադրյալ ձախողումն է։ Նրա խոսքով՝ պաշտպանական կողմը պնդում է, որ մեղադրող դատախազ Պետրոս Պետրոսյանը թույլ է տվել այդ ձախողումը․

«Ինչպես ներկայացնում են պաշտպանները, ձախողումը, ըստ էության, վերաբերում է իրենց պաշտպանյալին մեղսագրված մեղադրանքը հերքող ապացույցներ ձեռք չբերելուն եւ թաքցնելուն»,- ասաց Եգորյանը։

Ինչ վերաբերում է ապացույցներ ձեռք չբերելուն, տուժողի իրավահաջորդի ներկայացուցիչն ասաց, որ որքան էլ ՀՀ-ում գործող համակարգը թերություններ ունի, բայց դատախազը հսկողություն է իրականացնում օրինականության նկատմամբ, որպեսզի նախաքննության ընթացքում ապացույցների ձեռքբերմանն ուղղված բոլոր գործողությունները կատարվեն օրինական եւ դրանց ընթացքում թույլ չտրվեն կոնկրետ անձանց իրավունքների խախտումներ։ Եգորյանը հայտարարեց, որ այս կապակցությամբ կոնկրետ առարկայական իրադարձության վկայակոչում կամ փաստագրում չլսեց։

«Երկրորդ, քննիչի կողմից համապատասխան նյութերի քողարկման անթույլատրելիությունն է, որի նկատմամբ կրկին վերահսկողություն է իրականացնում դատախազությունը։ Այս ամենն ամփոփվում է բազմակողմանիությամբ, լրիվությամբ, օբյեկտիվությամբ։ Այս շրջանակներում դատախազը, որքան էլ պարտավոր է այս ֆունկցիաների համար հսկողություն իրականացնել, ի վերջո, դատարանում դառնում է դատավարության կողմ եւ նախաքննության ընթացքում հսկողության շրջանակներում կրող գործառույթների մասը որոշակիորեն փոխակերպվում է, եւ դատական քննության ընթացքում, ըստ էության, մեղադրական եզրակացությունն սկսելու պահից դատախազը հստակ դիրքավորվում է այդ մեղադրանքը պաշտպանելու կողմում»,- ասաց Եգորյանը՝ հավելելով, որ այս առումով օբյեկտիվության տեսանկյունից դատախազի վարքագիծը կասկածի տակ դնելը հասկանալի չէ։

Նրա խոսքով՝ եթե դատախազին նախաքննության, ապա նախաքննությունից դատաքննության անցման ընթացքում մեղադրանք է ներկայացվում նախաքննության նյութեր թաքցնելու կապակցությամբ, սա արդեն դատախազին բացարկ հայտնելու հարց չէ, այլ քրեորեն հետապնդելի արարք, սակայն մինչ այս պահը նման հանգամանք հայտնի չէ։

Իսկ եթե խոսքն այն մասին է, որ մայր գործում, որից անջատվել է այս գործը եւ ուղարկվել դատարան, կան ապացույցներ, որոնք կարող են դատարան ուղարկված նյութերի ապացուցողական արժեքը հաշվի առնելով՝ հերքել դրանք կամ չեզոքացնել, եւ դատախազը դրանք չի բերել դատարան, ապա սա եւս բացարկի հիմք չէ, որովհետեւ մրցակցային դատավարության շրջանակներում դատախազը պաշտպանում է այն մեղադրանքը, որը ներկայացված է դատարան այն նյութերի ծավալով, որն անջատվել է մայր գործից․

«Այսինքն, ըստ էության, անջատվել են բոլոր այն նյութերը, որոնք վերաբերում են այս գործի շրջանակներում իրականացրած նախաքննությանը։ Մայր գործում այլ նյութեր պետք է չլինեն։ Եվ պաշտպանության կողմը ոչ թե պետք է դժգոհի, որ դատախազը թերի նյութեր է բերել, այլ գոհ լինի, որ դատախազը հնարավորություն չի ունենալու արդյունավետորեն պաշտպանել մեղադրանքը»,- իր դիրքորոշումը ներկայացնելիս ասաց Տիգրան Եգորյանը։

Տպել
307 դիտում

Դատարանում քննվում է Վահագն Հարությունյանին կալանավորելու ՀՔԾ միջնորդությունը

Քննարկվել է Պաշտպանության նախարարության 2020թ. բյուջետային հատկացումների հայտը

Առերևույթ 20մլն դրամի վատնում մանկապատանեկան մարզադպրոցում. հարուցվել է քրեական գործ

Մի հատ ՍՈՒ 35 սամալյոտ են գտել, մի հատ Տ90 տանկ, մի քանի հատ էլ Bentley ու BMW. Հայրապետյանը՝ իր տան խուզարկության մասին

Հեղափոխությանը դիմադրություն աշխատանքի և սոցհարցերի նախարարությունում կա. Բաթոյանն ասում է, թե ինչ է արվում դրա դեմ

Թող Աստված օրհնի համայն աշխարհի հայերին. երգչուհի Շերը՝ ԱՄՆ-ի Սենատի որոշման մասին

Վթար Մասիս-Էջմիածին ավտոճանապարհին, էլեկտրական սյունն ընկել է մեքենային. տուժածներ չկան

ՊՎԾ-ն Մետրոպոլիտենում հայտնաբերել է շուրջ 1.2 մլրդ դրամի չարաշահումներ. արդյունքներն ուղարկվել են դատախազություն

ՊՆ 1-ին զորամիավորման զինծառայողներն անցկացրել են երթարշավ

Ամանորը տոնենք հարեւան Հայաստանում. Թբիլիսիում առաջարկում են Նոր տարին դիմավորել Երեւանում

Բռնցքամարտիկ Անի Հովսեփյանը հաղթել է ադրբեջանցուն եւ ապահովել բրոնզե մեդալ

Հրդեհ նախկին «Մետալո բազա» գործարանի պահեստում

Մեղադրանքներ՝ ՊԵԿ Գոգավան-Պրիվոլնոյե մաքսային կետի 6 աշխատակիցների. կաշառք են ստացել. դատախազություն

Գյումրեցի Շեկոն կալանավորվել է. նրան մեղադրանք է առաջադրվել

Թուրքիան շարունակում է սպառնալիք լինել հայ ժողովրդի համար. վարչապետը՝ Սենատի ընդունած բանաձեւի եւ Թուրքիայի մասին

Ոստիկանությանը ինքնուրույն գաղտնալսումներ անելու հնարավորություն տվող նախագծում բռնապետական ոչինչ չկա․ Միքայել Զոլյան

Ոստիկանները խուզարկություն են իրականացնում նաեւ Հայրապետյանի անվան հետ կապվող «Հարսնաքար» ռեստորանում

Բացահայտվել է կեղծ դեղերի պատրաստման և իրացման հերթական դեպք. ԱԱԾ

Մխիթարյանը «Ռոմայի» հետ Եվրոպա լիգայի 1/16 եզրափակչում է

ՀՀ ԱԺ բոլոր խմբակցությունները հոտնկայս եւ ծափահարություններով ողջունեցին ԱՄՆ սենատի որոշումը (Տեսանյութ)