Դատախազական հսկողությունը եղել է պատշաճ, եւ ապահովվել է ապացույցների համակցության շեմը. Սաֆարյանն առարկեց

Երեւանի ընդհանուր իրավասության դատարանի Շենգավիթի նստավայրում Ռոբերտ Քոչարյանի եւ մյուսների գործով դատական նիստին տուժողների իրավահաջորդ Սեդա Սաֆարյանը առարկություն ներկայացրեց պաշտպանական կողմի՝ մեղադրող դատախազներին ավելի վաղ ներկայացրած բացարկի միջնորդության դեմ:

Իր առարկության սկզբում Սեդա Սաֆարյանը նշեց, որ նախորդ դատական նիստում պաշտպանական կողմից դատախազի դեմ հաջորդաբար ներկայացված միջնորդության հիմքերը մեկնաբանվել են ենթադրվող կանխակալության եւ ի վնաս Քոչարյանի լույսի ներքո, ուստի ինքը հարկ է համարում դրանց անդրադառնալ անհատապես: Սաֆարյանը նշեց, որ փորձ է արվել այդ ենթադրյալ խախտումները տեղավորել Քրեական դատավարության օրենսգրքի 90-րդ հոդվածի՝ ինքնաբացարկի հիմքերի մեջ՝ իրականում, սակայն, դրսեւորելով անձնական ընկալումներ:

Սեդա Սաֆարյանը հիշեցրեց Քոչարյանի պաշտպան Հովհաննես Խուդոյանի բացարկի երկու փաստարկները: Առաջինն այն էր, որ քննիչ Մուշեղյանը առանց պատճառաբանման որոշում էր կայացրել Քոչարյանի ամբողջ գույքի վրա կալանք դնել, երկրորդը այն, որ Ռոբերտ Քոչարյանի եւ Արշակ Կարապետյանի միջեւ կատարված առերես հարցաքննության ժամանակ Արշակ Կարապետյանի տված ցուցմունքը որակվեց կեղծ: Անդրադառնալով սրան՝ Սեդա Սաֆարյանն ասաց. «Եթե մոտ չորս էջ հարստություն ունեցող Քոչարյանի եւ նրա որդիների գույքի վրա արգելանք դնելով՝ որոշակի ենթադրվող խախտումներ են արձանագրվել, ես կարծում եմ, որ դա դեռ կդառնա քննության առարկա, հիմա դրանց չեմ անդրադառնա, որովհետեւ այդ պարագայում հատիկ-հատիկ պիտի բարձրաձայնեմ այն բոլոր գույքերը, որոնք դեռեւս 2000 թվականից պատկանում էին Քոչարյանի անչափահաս որդիներին: Այդ մասով թող դատախազները քննություն տանեն, սակայն ես պետք է նշեմ, որ գույքի վրա արգելանք դնելու հանգամանքը չի կարող ինքնին համարվել բացարկի հիմք»:

Անդրադառնալով Ռոբերտ Քոչարյանի եւ Արշակ Կարապետյանի առերես հարցաքննությանը՝ Սեդա Սաֆարյանն ասաց, որ Քոչարյանի կողմից որդեգրված քաղաքականությունն այդ հարցաքննության ժամանակ ի սկզբանե հասկանալի չի եղել, երբ նա հրաժարվել է անգամ ստորագրել կոնֆրոնտացիայի տակ, հրաժարվել է պատասխանել հարցի՝ ճանաչո՞ւմ է Կարապետյանին, թե՞ ոչ: Սեդա Սաֆարյանը շեշտեց, որ հարցաքննության ժամանակ առերես պնդվել է Արշակ Կարապետյանի ասածը. «Քննիչի կողմից արձանագրվածը եւ Կարապետյանի պնդածը դուր չեն եկել Քոչարյանին, եւ նա վեր է կացել տեղից եւ ասել, որ չի ցանկանում մասնակցել: Այսինքն՝ ստացվում է, որ եթե Արշակ Կարապետյանը պնդել է նրա մեղքին առնչվող հանգամանք, եւ նրանք հեռացել են սենյակից առանց քննիչի համաձայնության, ապա այդ արձանագրությունը, ըստ իրենց, կեղծ արձանագրություն է: Սակայն նույն պահին, հարգելի՛ դատարան, քննիչն արձանագրել է այն, ինչ տեղի է ունեցել, այս արձանագրությունը խոցելի տեղ չունի եւ չի կարող դիտվել որպես կեղծիք, ես չեմ հասկանում սրա օրինականությունը ստուգելու հարկը եւ դրա կապը ներկայացված բացարկի հետ»:

Խոսելով Վերաքննիչ քրեական դատարանի դատավոր Ալեքսանդր Ազարյանի կողմից կայացված այն որոշման մասին, որով Ռոբերտ Քոչարյանն ազատ էր արձակվել, եւ դրան հաջորդող գործողություններից՝ Սեդա Սաֆարյանը նշեց, որ Վերաքննիչ դատարանը կայացրել էր որոշում՝ հնարավորություն տալով Ռոբերտ Քոչարյանին հեռանալ Հայաստանի Հանրապետությունից՝ ձախողելով քննությունը, ինչը, ըստ Սաֆարյանի, կանխատեսել է վարույթն իրականացնող մարմինը եւ Քոչարյանի անձնագիրը չվերադարձնելով՝ առաջնորդվել է քննության շահով. «Ես կարծում եմ, որ Քոչարյանի նկատմամբ որեւէ իրավունքի խախտում տեղի չի ունեցել, եւ ներկայացված հիմքերը չեն կարող դիտվել որպես կանխակալ վերաբերմունք»:

Խոսելով պաշտպանների կողմից մատնանշված այն հանգամանքից, թե Քոչարյանի առանձնատնից եւ գրասենյակից առգրավվել են որոշակի գույք, զենքեր, փաստաթղթեր, որոնք, ըստ պաշտպանների, գործի հետ կապ չունեն եւ չեն էլ վերադարձվել՝ Սեդա Սաֆարյանն ասաց. «Ես չեմ կարող ասել, թե կոնկրետ իրերի հետ կապված ինչ քննություն է տարվում, բայց կարծում եմ՝ եթե դրանք անհրաժեշտ չլինեին, հաստատապես կվերադարձվեին, որովհետեւ որեւէ մեկին գործի հետ կապ չունեցող իրեր պետք չեն»:

Սաֆարյանն ընդգծեց, որ գործով հազարավոր մարդիկ են քննվել, եւ ինքը մեղադրանքի հիմքում առկա փաստերը բավարար է համարում. «Տեղի է ունեցել հանցավոր արարք, որը հիմնավորվել է այն հրամաններով, հրահանգներով, որոնք կան գործի մեջ: Ինձ համար զարմանալի է, որ փետրվարի 23-ից, երբ, ըստ քրեական գործի, զորքը Արցախից տեղաշարժվել է դեպի Հայաստան, զանգվածային անկարգություն կատարած լինելու, արգելված զինատեսակից կրակելու եւ մի շարք այլ հանգամանքներ չէին կարող հայտնի լինել Ռոբերտ Քոչարյանին, իսկ եթե հայտի է եղել, ուրեմն՝ նա հետեւողականորեն պատրաստվել է եւ որեւէ վրիպում այդ առումով թույլ չի տվել»:

Սաֆարյանի պնդմամբ՝ այն, ինչ տեղի է ունեցել ՀՀ-ում մասսայաբար, հայտնի է բոլորին. «Դրանք լավ կազմակերպված, վերեւից մինչեւ ներքեւ ուղղորդված իրադարձություններ էին, եւ պաշտպանության կողմը չի կարող գետի հունը փոխել»:

Սաֆարյանի կարծիքով՝ այսօր խոսել այն մասին, որ դատախազը լավ չի հսկել, որեւէ կերպ չի կարող ազդող լինել մեղադրանքի, կալանքի որոշումների վրա, որովհետեւ բոլորն էլ գիտեն՝ հիմնավոր կասկածի շեմը երբ կարող է հաղթահարված համարվել. «Մեղադրողը իր գործն է արել մեղադրանքի հիմնավորման տեսանկյունից եւ օրենքի սահմաններում»,- շեշտեց նա:

Սաֆարյանը միաժամանակ նշեց, որ պաշտպանական կողմը բարձրաձայնում է դատական ակտերի միայն իրենց ձեռնտու մասերը. «Անդրադառնալով դատավոր Գրիգորյանի՝ Ռոբերտ Քոչարյանին ազատ արձակելու որոշմանը՝ չեն նշում նույն դատավորի թույլ տված մի շարք խախտումներ: Եթե խոսում ենք իրավունքից, իրավունքի զարգացումից, ապա ես կարծում եմ, որ հենց Ալումյանը այդ դատարանում պիտի կանգներ ու ասեր՝ բա ո՞ւր են տուժողները, ինչո՞ւ նրանք չկան»:

Խոսելով դատարանների արգելափակման հանգամանքից՝ Սեդա Սաֆարյանը շեշտեց. «Այն, ինչ ժողովուրդը արել է դատարանների հետ կապված, շատ ավելի լավ է, քան Չերեմուխա կրակելը, զոհեր ունենալը»:

Սեդա Սաֆարյանը հայտարարություն արեց՝ կապված Միքայել Հարությունյանի հարցաքննված չլինելու հանգամանքի հետ. «Այնպիսի տպավորություն է, թե նրա ՀՀ վերադառնալը եւ չհարցաքննվելը էական նշանակություն կարող է ունենալ: Խնդրում եմ՝ ուսումնասիրեք Հարությունյանի կողմից կայացված որոշումը, այն սկսվում է Քոչարյանի նշումներից, նպատակներից, եւ ավարտվում Հարությունյանի ստորագրությամբ, որը կարող եք ընդունել որպես Ռոբերտ Քոչարյանի դեմ ցուցմունք»:

Սաֆարյանը շեշտեց՝ գուցե Դատախազությունը չի կարողացել ապահովել նրա քննության ներկայանալու հնարավորությունը, բայց դրա մեջ դատախազ Պետրոսյանի մեղքը կամ գործառույթների բացը չպետք է փնտրել. «Քրեական գործի 80 հատորում հավաքվածի առումով բավարար եմ համարում, որ դատախազական հսկողությունը եղել է պատշաճ, եւ ապահովվել է ապացույցների համակցության շեմը»:

Սեդա Սաֆարյանը նաեւ կարեւորեց պաշտպանական կողմի հայտարարությունները՝ կապված Սահմանադրական դատարանի հետ. «ՍԴ-ն 2008 թվականին մասնակցել է այնպիսի գործընթացների, որ չի կարող այսօր օբյեկտիվ գործընթացների մաս կազմել: Մարտի մեկի վերաբերյալ մեր պատկերացումները չեն փոխվել, չի փոխվել նաեւ նրանց ավանդական կախվածությունը Ռոբերտ Քոչարյանից: Ես կարող եմ ասել, որ մեղադրանքի կողմը բավարար ապահովել է մեղադրանքի ծավալը, իսկ եթե լրացուցիչ հարցաքննության հարկը լինի, ապա դա բացարկի հիմք չէ, կմիջնորդեն, կհարցաքննեն»:

Սաֆարյանն անդրադարձավ նաեւ ամբաստանյալ Արմեն Գեւորգյանի պաշտպան Էրիկ Ալեքսանյանի դիտարկումներին, ըստ որոնց՝ բացարկի հիմքերից մեկն է դատախազի կողմից գործառույթների չիրականացումը, ինչին ինքը հակված չէ. «Կոնկրետ Արմեն Գեւորգյանին վերագրված մեղադրանքի հիմքերը ավելի քան հիմնավորված են: Պրն Գեւորգյանը 2008 թվականին եղել է Դատախազության աշխատող, ուստի պարտավոր էր Ռոբերտ Քոչարյանի եւ Սերժ Սարգսյանի իշխանության օրոք իրականացնել դատախազական հսկողություն»:

 

Տպել
2458 դիտում

Անհետ կորած համարվողների թիվն ավելացել է․ որոնվողների թվում են նաև Իրանի 6 և ՌԴ մեկ քաղաքացիներ (թարմացված)

Մինչ այս պահը ԱԻՆ երկու ծառայող է վնասվածքներ ստացել, համապատասխան օգնությունից հետո՝ վերադարձել շարք

Մինչ այս անհետ կորած համարվող հղի կնոջ և իր որդու հայտնաբերման մասին շրջանառվող լուրը, ցավոք, կեղծ է․ ԱԻՆ խոսնակ

«Ուղեղը ինչի համար է, Շուշիի հետ համեմատելը կոռեկտ չէ»․ մշակութային գործիչները՝ «Սուրմալուի» աղետի ֆոնին նվագելու մասին

Հայաստանում սգո օր կհայտարարվի

Շիրակում ընթացքի մեջ է Բերդաշենի, Արեգնադեմի, Կապսի դպրոցների մոդուլային շենքերի կառուցումը

Փլատակներից լսվել է ձայն, բայց այս պահի դրությամբ քաղաքացի դուրս չի բերվել․ ԱԻՆ խոսնակ

Հայաստանում մեկնարկել է «Խաղաղության մարտիկ» մրցույթը

Պարզվում են «Սուրմալու»-ի տարածքում գործունեություն իրականացնող տնտեսվարողների, աշխատակիցների ինքնությունները․ ՔԿ

Ստանիսլավ Զասը ցավակցական հեռագիր է հղել Նիկոլ Փաշինյանին

«Սուրմալու» առևտրի կենտրոնում հրդեհաշիջման և որոնողական աշխատանքները շարունակվում են․ զոհերի թիվը 7 է (թարմացված)

Մենք ընկճվելու իրավունք չունենք և պարտավոր ենք ապրել․ Ջրականում նահատակված գյումրեցի Արտյոմ Լոգյանը կդառնար 21 տարեկան

«Սուրմալու»-ում տեղի ունեցածը պետք է մանրամասն քննության առարկա դարձվի. ՄԻՊ

2 բրոնզե մեդալ՝ ինֆորմատիկայի միջազգային օլիմպիադայից

Վարչապետը շնորհավորական ուղերձ է հղել Հնդկաստանի վարչապետին

Օգոստոսի 17-ից ժամանակավորապես փակ կլինի Իսակովի պողոտայից Բաբաջանյան փողոց տանող ճանապարհը

«Սուրմալու»-ի պայթյունով պայմանավորված՝ օդի աղտոտվածությունը հիմնականում տարածվել է Շենգավիթում և Կենտրոնում

Շախմատիստ Արման Փաշիկյանը պարգևատրվել է Հայաստանի Հանրապետության վարչապետի հուշամեդալով

Հնարավոր է՝ Հայաստանում սգո օր հայտարարվի․ Գնել Սանոսյան

Զորամասի պահպանության գոտու մարտական հենակետերում իրականացվել են ստուգայցեր

Դեռ կան մարդիկ, որոնք փլատակների տակ են գտնվում. Արամ MP3-ին չեղարկել է իր այսօրվա համերգը

Մեկնարկել է պաշտպանության նախարարի պաշտոնական այցը Ռուսաստանի Դաշնություն (լուսանկարներ)

Աղվան Հովսեփյանն ազատության մեջ է. նա բուժումը կշարունակի հիվանդանոցում

Կասեցվել է վտանգավոր կաթնամթերքի թողարկումը

Մաքսիմալ աշխատանքների դեպքում էլ քաղաքացիները կունենան դժգոհություն․ Հայկ Կոստանյան

17 անհետ կորածներից մեկը Ռուսաստանի քաղաքացի է, մյուսը՝ Իրանի

Աչքերն ու բերանը փակել են, տարել Ծաթեր գյուղ. Խաչատուր Քոքոբելյանի հոր առևանգման գործով կալանավորվել է 2 անձ (տեսանյութ)

Անհրաժեշտության դեպքում մեր ամբողջ ռեսուրսը կենտրոնացնելու ենք տարվող աշխատանքներին. ԱԻՆ փոխնախարար

Դոլարի փոխարժեքն աճել է, ռուբլին՝ նվազել. ՀՀ կենտրոնական բանկը հրապարակել է նոր փոխարժեքներ

Երևանի Մյասնիկյան պողոտայում կրակոցներ են հնչել

Օդի ջերմաստիճանը կբարձրանա ևս 1-3 աստիճանով. առաջիկա օրերի եղանակային կանխատեսումը

Արցախի նախագահն ընդունել է երրորդ պատերազմում զոհված և անհայտ կորած զինծառայողների հարազատների միության անդամների

Ծանրորդ Վալերիկ Մովսիսյանը՝ Եվրոպայի Մ15 տարեկանների չեմպիոն և ռեկորդակիր

Յուրի Վորոբյովը ցավակցել է Հակոբ Արշակյանին առեւտրի կենտրոնում տեղի ունեցած պայթյունի հետեւանքների կապակցությամբ

Այսօր մեծանուն գրող, մտավորական Վահագն Դավթյանի ծննդյան 100-ամյակն է

Արտակ Բեգլարյանը ցավակցություն է հայտնել «Սուրմալու»-ի տարածքում պայթյունի հետևանքով զոհվածների հարազատներին

Տարբեր բժշկական կենտրոններում գտնվող մեր համաքաղաքացիների վիճակը մասնագետները բավարար են գնահատում. Ավանեսյան

Վարչապետը պարգևատրել է ՀՀ շախմատի տղամարդկանց հավաքականի անդամներին

«Սուրմալու» առևտրի կենտրոնի տարածքում անհետ կորած համարվող քաղաքացիների թիվը դարձել է 19. ԱԻՆ-ը անուններ է հրապարակել

Վահագն Խաչատուրյանը շնորհավորական ուղերձ է հղել Լիխտենշտայնի իշխանին Ազգային տոնի առթիվ