Թբիլիսիի կենտրոնում, խորհրդարանի շենքի շուրջ ոստիկանությունը մետաղական ցանկապատ է կառուցել

28/11/2019 schedule22:24

Վրաստանի խորհրդարանին հարող Չիտաձե և Զուբալաշվիլի փողոցներն, ինչպես նաև օրենսդիր մարմնի շենքի մի քանի մուտքերը նոյեմբերի 28-ի առավոտից փակ են երկաթյա կոնստրուկցիաներով։

Փակ է նաև կառավարության վարչակազմի շենքի փողոցը։ 

Պարեկային ոստիկանության պետ Վաժա Սիրաձեի խոսքով՝ երկաթյա ցանկապատը խորհրդարանի մերձակայքում տեղադրվել է անվտանգության նկատառումներով, որպեսզի ցուցարարները «բռնություն չկիրառեն ոստիկանության նկատմամբ», հայտնում է Jam-News-ը։

Սիրաձեի խոսքով՝ խորհրդարանին հարող փողոցները փակ են լինելու այնքան ժամանակ, քանի դեռ շարունակվում են ակցիաներն, ու խորհրդարանի մուտքերն արգելափակելու սպառնալիք կա։

Ըստ Սիրաձեի՝ փողոցներով կարող են տեղաշարժվել միայն տեղի բնակիչները։

«Մենք ադեկվատ ենք գործում, որպեսզի ապահովենք հասարակության անվտանգությանը»,–ասել է Սիրաձեն։

Չնայած ցանկապատի տեղադրմանը, ցուցարարներն ու ընդդիմության առաջնորդները հավաքվում են խորհրդարանի մոտ և պլանավորում շրջափակել այն։

Ոստիկանությունը նրանց թույլ չի տալիս մոտենալ խորհրդարանին։ Ցուցարարները հարվածում են երկաթյա կոնստրուկցիաներին, սուլում սուլիչներով և կարգախոսներ վանկարկում՝ նման կերպ արտահայտելով իրենց բողոքը։

«Նման կերպ պաշարված խորհրդարան ես չեմ հիշում։ Նրանք սեփական ձեռքերով են արել մեր աշխատանքի կեսը։ Մեզ մուտքեր պետք չեն, մենք կանգնելու ենք այնտեղ, որտեղ նրանք իրենց բարիկադավորել են։ Տեսնենք, թե ինչպես են ներս մտնելու», – ասում է «Եվրոպական Վրաստան» կուսակցության առաջնորդներից մեկը։

«Բեռլինի պատ»․ այսպես են ընդդիմության առաջնորդներն անվանել խորհրդարանի մերձակայքի բարիկադները։

«Ուզում եմ շնորհավորել պարոն Բիձինա Իվանիշվիլիին և «Վրացական երազանքին» այս հրաշքի կապակցությամբ․․․ Սա ի՞նչ է։ Բեռլինի պատ՝ Վրաստանի մայրաքաղաքո՞ւմ։ Եվ նրանք կարծում են, որ կարող են հասնել իրենց քաղաքական նպատակների՞ն։ Ինքը Բիձինա Իվանիշվիլին է արգելափակել խորհրդարանը․․․ Նրանք մտածել-մտածել են և այսպիսի ապուշություն են հորինել, ինչը չի անում նույնիսկ Պուտինը Ռուսաստանում», – հայտարարել է «Միասնական ազգային շարժում» կուսակցության ներկայացուցիչ Գիորգի Բարամիձեն։

«Նրանք 13-րդ թաղամաս են սարքել (ֆրանսիական գեղարվեստական ֆիլմ): Ի՞նչ են նրանք մտածում և ինչպե՞ս են շարունակելու աշխատել։ Կառավարությունն ինքն իրեն շրջափակում է մերթ ցանկապատով, մերթ աբսուրդներով, ավելի ծիծաղելի ի՞նչ կարող է լինել», – այսպես է իրավիճակը գնահատել «Գիրիչի» կուսակցության առաջնորդ Զուրաբ Ջափարիձեն։

 

Հիշեցնենք, Թբիլիսիում և Վրաստանի մի քանի այլ քաղաքներում ցույցերը սկսվել են նոյեմբերի 14-ին, երբ խորհրդարանը տապալեց ընտրական օրենսդրության սահմանադրական բարեփոխումների նախագիծը: Այդ նախագիծը սկզբունքային կարևորություն ուներ. 2019թ. հուլիսի ցույցերը դադարեցին գլխավորապես հենց այն պատճառով, որ իշխող «Վրացական երազանք» կուսակցության առաջնորդ Բիձինա Իվանիշվիլին ընդառաջել էր ընդդիմության պահանջներին և անձամբ խոստացել էր հրաժարվել մեծամասնական ընտրակարգից ու ընդունել համամասնական (կուսակացական) ընտրական համակարգ՝ զրոյական անցողիկ շեմով:  

Ընտրական բարեփոխումների ընդունման համար անհրաժեշտ էր 150 պատգամավորներից 113-ի ձայնը: Սակայն նոյեմբերի 14-ին տեղի ունեցած քվեարկության ընթացքում փոփոխությանը կողմ քվեարկեց միայն 101 պատգամավոր: Հիմնականում քվեարկությունից ձեռնպահ էին մնացել իշխող «Վրացական երազանքի»՝ մեծամասնական ընտրակարգով ընտրված պատգամավորները:  

Նույն օրը ընդդիմությունը և քաղաքացիական ակտիվիստները հայտարարեցին անժամկետ ցույցեր, Ռուսթավելի պողոտայում վրանային ճամբար դրեցին և հրաժարվեցին գնալ, մինչև իրենց պահանջները չկատարվեն: 

Ցույցերի արդյունքում մի քանի տուժածներ են տեղափոխվել հիվանդանոցներ, կան 3 տասնյակին մոտ ձերբակալվածներ:

Տպել
690 դիտում

Չգնահատված հանճարներն ու սադրիչները երկրորդ ճակատ են բացել իշխանության դեմ. Լեւոն Տեր-Պետրոսյան

56 նոր պլանշետ է տրամադրվել Լոռու մարզին հեռավար դասապրոցեսն անխափան իրականացնելու նպատակով

Լրատվական կայքերում վիճակաղերի գովազդն իրականացնել 21։00-ից մինչեւ 06։00-ն․ ֆինանսների նախարարության նախագիծը

Աշխարհում մնացել է 18 պետություն, որտեղ պաշտոնապես չի գրանցվել կորոնավիրուսի որեւէ դեպք

Գեղարքունիքի մարզի որոշ համայնքների աղբավայրերում կատարվում են հողածածկման աշխատանքներ

56 համակարգչային տեխնիկա է հատկացվել Արմավիրի սոցիալապես խոցելի խմբերում գտնվող ընտանիքների երեխաներին

Կրակային պատրաստության պարապմունքներ են անցկացվել. ՊՆ

Առաջարկվում է մի շարք գետերում արգելել փոքր հիդրոէլեկտրոկայաններ կառուցել

Հայաստանում հնարավոր է մեկ-երկու շաբաթում տասնյակ հազարավոր թեստեր արտադրել․ Արսեն Առաքելյան

Րոպեներ առաջ ՀՀ է ժամանել ՌԴ զինված ուժերի մասնագետների թիմը. Շուշան Ստեփանյան

Մոսկվա-Երեւան երկու թռիչքով Հայաստան են վերադարձել 400-ից ավելի ՀՀ քաղաքացիներ. ԱԳՆ

Արմեն Սարգսյանը կորոնավիրուսով վարակված Մեծ Բրիտանիայի վարչապետ Բորիս Ջոնսոնին մաղթել է շուտափույթ ապաքինում

Հայաստանում ԵԽ այլ երկրների համեմատ նկատվել է ազատազրկման մակարդակի ամենամեծ նվազումը՝ 36%. Ռուստամ Բադասյան

Որոշ խախտումներ արձանագրվել են, մեր թիմը եւս դժգոհություն է ունեցել. Ա. Հարությունյանը՝ ԱՀ-ում ընտրական իրավիճակի մասին

Արցախի ԿԸՀ-ն բաշխել է պատգամավորական մանդատները եւ նախագահական ընտրությունների 2-րդ փուլի օր նշանակել

Անցկացվել են մարտավարական-մասնագիտական վարժանքներ. ՊՆ

Մխիթարյանի նախկին թիմն ամենաշատ գումար կորցրած ֆուտբոլային թիմը կլինի Անգլիայում

Անդրեա Բոչելին Զատիկի օրը համերգ կտա Միլանի դատարկ տաճարում` ուղիղ հեռարձակմամբ

Արցախում արհեստական կամ սպեկուլյատիվ գնաճ չկա. պետնախարար

Երկրպագուները Քիմ Քարդաշյանին խիստ մեղադրել են նոր օծանելիքի վաճառք սկսելու համար. նրան անզգամ են համարում