Արսեն Թորոսյանը թերահավատ է, որ առողջության պարտադիր ապահովագրության համակարգը կներդրվի. պատրաստ են նաև փոփոխել նախագիծը

Առողջապահության նախարար Արսեն Թորոսյանն այնքան էլ վստահ չէ, որ առողջության պարտադիր եւ համապարփակ ապահովագրության համակարգն ընդհանրապես կներդրվի կամ կներդրվի մոտակա 3-4 տարիների ընթացքում: Այս մասին նախարարը նշեց լրագրողների հետ կայացած հանդիպման ընթացքում:

Սակայն, Թորոսյանի խոսքով, եթե, այնուամենայնիվ, առողջապահական ոլորտում ցանկանում ենք որեւէ էական բան փոխել, ապա ծրագիրը պետք է ներդնել: «Սա կլինի անկախությունից ի վեր առողջապահության ամենակարեւոր փոփոխությունը, մենք առնվազն պետք է սրա մասին մտածենք, քննարկենք ու գնանք առաջ»,- իր խոսքում նշեց Թորոսյանը:

Նախարարը գիտի. առաջարկը թեեւ շատ լավ մշակված է, հարցի հետ կապված բանավեճերը դեռ երկար կարող են տեւել, այս մասին դեռ շատ պետք է խոսվի: Ինչպես նշեց, միգուցե իրենք սխալ վարվեցին, որ նախագիծը տեղադրեցին Իրավական ակտերի նախագծերի հրապարակման միասնական կայքում (e-draft.am), կարելի էր նախ խոսել, հանրությանը ներկայացնել, այնուհետեւ այդ հարթակում հրապարկել, ամեն դեպքում այսպես է ստացվել:

Առողջության համապարփակ ապահովագրությունը դեռեւս նախագիծ է, եւ նախարարը չի բացառում, որ ներկայացված փաթեթում փոփոխություններ լինեն: Առողջության ապահովագրություն տրամադրելու համար նախատեսվող հարկը՝  4-6 տոկոս, հնարավոր է սկզբում ուղղվի միայն աշխատող քաղաքացիների, հետագայում նաեւ չաշխատողների ապահովագրությանը: Ըստ նախարարի՝ կարող են քննարկվել նաեւ հարկի չափի փոփոխությունները:

Այն հարցին, որ մարդիկ նախագծի վերաբերյալ բացասական կարծիք են հայտնում ՝ նշելով, թե ինչու պետք է վճարեն չաշխատող քաղաքացիների փոխարեն, Թորոսյանը պատասխանեց, որ խնդիրը պետք է դիտարկել անկախ ապահովագրական համակարգի լինել-չլինելուց:

«Մենք պետք է որոշենք՝ ուզո՞ւմ ենք մեր հասարակությունը լինի ներառական եւ բոլորը լավ ապրեն, թե՞ չենք ուզում»,- ասաց նա: Նախարարի խոսքով՝ եկամտահարկը նույնպես վճարում են միայն աշխատող քաղաքացիները, սակայն այդ հարկից գոյացած պետական բյուջեով կատարվում են ծախսեր բոլորի համար:

Արսեն Թորոսյանը հավելեց՝ պետությունն այսօր խնդիր ունի գումարների հավաքման ու բաշխման նոր մեխանիզմներ ներդնելու, իսկ այդ մեխանիզմներից մեկն էլ առողջության ապահովագրությունն է:

Հիշեցնենք, որ ՀՀ առողջապահության նախարարությունը մշակել եւ քննարկման է ներկայացրել «Առողջության պարտադիր եւ համապարփակ ապահովագրության ներդրման հայեցակարգ»։ Ըստ նախագծի՝ ՀՀ բոլոր աշխատող քաղաքացիներն առողջության հարկ կվճարեն:

Անի Ավագյան

Տպել
546 դիտում

ՏԻՄ ընտրություններից հետո միայն 1 վերահաշվարկի իրականացման դիմում է եղել, որն էլ մերժվել է. Մուկուչյան

Վանաձորի Հայքի հրապարակը երբեւէ նման լուսավորություն չի ունեցել (լուսանկարներ)

Ադրբեջանում խոսքի ազատության հարցում դեռեւս չկա առաջընթաց. ԵԽ-ն զեկույց է հրապարակել

Տավուշում հակամարտության սրման դեպքում բնակչության ներհոսքը դեպի Իջեւան կազմակերպելուն ուղղված վարժանք է անցկացվել

Մարզի ղեկավարի պահանջն է. նոր Հայաստանում նման բացթողումներն անընդունելի են

Թալիբները թիրախավորել են Աֆղանստանի խոշորագույն ամերիկյան ռազմաբազան. զոհվել է 2, վիրավորվել՝ 73 բնակիչ

Գյումրիում Toyota-ն գլխիվայր շրջվել է, կա վիրավոր

Արմավիրում քննարկվել է 2019-2025 թթ. Հայաստանի տարածքային զարգացման ռազմավարության նախնական ամփոփ տարբերակը

Շենգավիթի համալիր սոց. ծառայությունների նորաբաց տարածքային կենտրոնը տարեկան 15.000 քաղաքացու կսպասարկի

ՌԴ Տուլայի մարզը հետաքրքրված է Հայաստանով. ՀՀ Էկոնոմիկայի նախարարություն

Դատավոր Արշակ Վարդանյանն առանց քննության է թողել Ռոբերտ Քոչարյանի պաշտպանների բողոքը

Շատ կարեւոր էր, որ Արամ Խաչատրյանին մարմնավորող դերասանը հայ լինի. կայացավ «Սուսերով պար» ֆիլմի պրեմիերան

Արդարադատության փոխնախարար Քրիստիննե Գրիգորյանն ընդունել է Միացյալ Թագավորության պատվիրակությանը

Տղամարդը կնոջ մասին վարկաբեկող տեղեկություններ հրապարակելու սպառնալիքով պահանջել է 1 մլն 700 հազար դրամ (տեսանյութ)

Նիկոլ Փաշինյանը Նոր տարին կդիմավորի Հանրապետության հրապարակում. նրա ամանորյա ուղերձը կհեռարձակվի հրապարակից

Վահան Թումասյանն այս պահին դիմում է ՀՀ իշխանություններին, ԱԺ պատգամավորներին, ՀՀ ոստիկանությանը

Խուսափեք նոր պարտքերի կուտակումից. Սուրեն Պապիկյանը տարեվերջյան ամփոփիչ խորհրդակցություն է անցկացրել ՋՕԸ տնօրենների հետ

Բանտարկված լրագրողների թվով Չինաստանը և Թուրքիան ռեկորդ են գրանցել

Իրականացվում են Հյուսիս-հարավի Տրանշ-4-ի Քաջարան-Ագարակ հատվածի նախագծման աշխատանքները

2022 թվականից Ֆրանսիայում նվազագույն կենսաթոշակը կկազմի 1000 եվրո. Էդուար Ֆիլիպ