Փոխվարչապետ Մհեր Գրիգորյանը մասնակցել է ԱՄԷ ազգային տոնի առթիվ կազմակերպված ընդունելությանը

ՀՀ կառավարության պաշտոնական կայքէջը տեղեկացնում է, որ փոխվարչապետ Մհեր Գրիգորյանը մասնակցել է Արաբական Միացյալ Էմիրությունների ազգային տոնի՝ Միավորման օրվա առթիվ կազմակերպված ընդունելությանը և հանդես է եկել շնորհավորական խոսքով, որում մասնավորապես ասել է.

«Ձե՛րդ գերազանցություն պարոն դեսպան Մուհամմադ Իսա Ալ-Զաաբի,
Դիվանագիտական կորպուսի հարգելի՛ ներկայացուցիչներ,
Հարգարժա՛ն ներկաներ,

Տիկնա՛յք և պարոնա՛յք,

Ջերմորեն շնորհավորում եմ բարեկամ Արաբական Միացյալ Էմիրություններին՝ ազգային տոնի՝ Միավորման օրվա առթիվ:

48 տարիների ընթացքում Արաբական Միացյալ Էմիրություններն առաջ է շարժվել փոխադարձ հարգանքի և վստահության վրա հիմնված միջպետական հարաբերությունների հաստատման, ինչպես նաև տնտեսական, գիտակրթական, մշակութային ոլորտների զարգացման հստակ ուղիով՝ միաժամանակ դառնալով խաղաղության և հանդուրժողականության գաղափարների առաջամարտիկը տարածաշրջանում:

Շեյխ Զայեդի օրոք սկիզբ առած հայ-էմիրաթական հարաբերությունները մշտապես աչքի են ընկել առանձնահատուկ ջերմությամբ:

Մենք բարձր ենք գնահատում մեր երկրների և ժողովուրդների միջև ձևավորված բարեկամական հարաբերությունները:

Մեր օրակարգում մշտապես կարևոր տեղ է զբաղեցրել Ծոցի երկրների հետ առևտրատնտեսական և ներդրումային համագործակցության խորացումը:

Հայ-էմիրաթական հարաբերություններում, մասնավորապես առևտրատնտեսական ոլորտում առկա է մեծ ներուժ, որի նպատակային օգտագործումը կխթանի փոխշահավետ համագործակցությունը:

Արաբական Միացյալ Էմիրությունները դիտարկում ենք որպես կարևորագույն կամուրջ՝ Հայաստանի և Ծոցի տարածաշրջանի երկրների միջև։

Միևնույն ժամանակ Հայաստանը բարենպաստ հարթակ կարող է լինել Արաբական Միացյալ Էմիրությունների համար՝ ԵԱՏՄ մեծ շուկա մուտք գործելու համար:

Երկու երկրների միջև տնտեսական կապերի ընդլայնման և ամրապնդման գործում կարևոր նշանակություն ունեցավ այս տարվա մայիսին գումարված Հայ-էմիրաթական միջկառավարական հանձնաժողովի անդրանիկ նիստի անցկացումը, որի շրջանակներում ձեռք բերված պայմանավորվածությունների իրագործումը նոր լիցք է հաղորդում երկկողմ հարաբերություններին:

Երկկողմ համագործակցության զարգացման համար նոր խթան կհանդիսանա ExpoDubai-2020 ցուցահանդեսին Հայաստանի բարձր մակարդակով մասնակցությունը:

Մենք կողջունենք և կաջակցենք նաև էմիրաթական կապիտալի ակտիվ մասնակցությունը Հայաստանի տնտեսության տարբեր ոլորտներում:

 Հարգելի՛ ներկաներ,

Օգտվելով առիթից՝ ցանկանում եմ շնորհակալություն հայտնել Արաբական Միացյալ Էմիրություններին և անձամբ դեսպանին, ում անմիջական ջանքերի շնորհիվ Հայաստանում մի շարք բարեգործական, կրթական և սոցիալական ծրագրեր են իրականացվում:

Մեկ անգամ ևս շնորհավորում եմ Արաբական Միացյալ Էմիրությունների ժողովրդին՝ Միավորման օրվա առթիվ, և մաղթում խաղաղություն, բարեկեցություն և հարատև բարգավաճում»:

Տպել
315 դիտում

ԱՄՆ ՄԶԳ մասնագետների հետ քննարկվել են ֆինանսական միջոցների հասանելիության խնդիրները

ԵԿՄ կնիքով հաստատված փաստաթղթեր են պատրաստվել՝ կեղծ տեղեկատվության մասին. ԱԱԾ բացահայտումը

«Հայկական տառարվեստը և դրա մշակութային դրսևորումները» հայտը՝ ՅՈՒՆԵՍԿՕ-ի՝ ոչ նյութական մշակութային ժառանգության ցանկում

ՀԸՖ-ն համագործակցության հուշագիր է ստորագրել Արաբական երկրների ըմբշամարտի ֆեդերացիայի հետ

Երևանում 2020-ին բակերի հիմնանորոգման և կառուցման համար կծախսվի 1 մլրդ 34 մլն դրամ

Արմեն Սարգսյանը հեռախոսազրույց է ունեցել Մեծի Տանն Կիլիկիո կաթողիկոս Արամ Առաջինի հետ

ԱԳ նախարարի տեղակալը մասնակցել է Արգենտինայի նորընտիր նախագահի պաշտոնի ստանձնմանը և երդմնակալությանը

Արմեն Սարգսյանը ստորագրել է մի քանի օրենքներում փոփոխություն եւ լրացում կատարելու մասին օրենքը

Երևանի Արտաշիսյան փողոցում չբնակեցված երկհարկանի վագոն-տնակ է հրդեհվել

Երևանի Գոգոլի փողոցի տներից մեկի մոտ ավտոմեքենան ամբողջությամբ այրվել է

Վանաձոր-Ալավերդի-Բագրատաշեն ճանապարհահատվածը բեռնատարների համար փակ է

Երիտասարդը թոշակ հատկացնելու պատրվակով մտել էր բնակիչներից մեկի տուն ու փող գողացել (տեսանյութ)

Մի քանի ժամով լույս չի լինի Երևանի ու ևս 6 մարզերի մի շարք հասցեներում

ՏԻՄ ընտրություններից հետո միայն 1 վերահաշվարկի իրականացման դիմում է եղել, որն էլ մերժվել է. Մուկուչյան

Վանաձորի Հայքի հրապարակը երբեւէ նման լուսավորություն չի ունեցել (լուսանկարներ)

Ադրբեջանում խոսքի ազատության հարցում դեռեւս չկա առաջընթաց. ԵԽ-ն զեկույց է հրապարակել

Տավուշում հակամարտության սրման դեպքում բնակչության ներհոսքը դեպի Իջեւան կազմակերպելուն ուղղված վարժանք է անցկացվել

Մարզի ղեկավարի պահանջն է. նոր Հայաստանում նման բացթողումներն անընդունելի են

Թալիբները թիրախավորել են Աֆղանստանի խոշորագույն ամերիկյան ռազմաբազան. զոհվել է 2, վիրավորվել՝ 73 բնակիչ

Գյումրիում Toyota-ն գլխիվայր շրջվել է, կա վիրավոր