Մենք մեր թիմով ենք գալիս, իսկ զրույցի ժամանակը սպառվել է. Կենտրոնի նորանշանակ ղեկավարը պատասխանել է մեր մի քանի հարցերին

Դեկտեմբերի 2-ից Երեւանի Կենտրոն վարչական շրջանի ղեկավարի պաշտոնը ստանձնած Ավետ Պողոսյանը պատրաստվում է աշխատել իր թիմով: Ասում է՝ ըստ էության իրագործելու են քաղաքապետ Հայկ Մարությանի նախըտրական ծրագիրը: Կենտրոնի նորանշանակ ղեկավարն այսօր պատասխանել է մեր մի քանի հարցերին: Զրույցի համար տրամադրված ժամանակը սահմանափակ էր: 

- Պարոն Պողոսյան, երբ եք ստացել Կենտրոն վարչական շրջանի ղեկավարի պաշտոնը զբաղեցնելու առաջարկը ստացել: Նախկին  թաղապետի հեռանալուց անմիջապես հետո՞, թե այս մի քանի օրվա ընթացքում:

- Նախկին թաղապետի հեռանալուց հետո եմ ստացել:

Փաստորեն, ձեր համաձայնությունը այնքան էլ հապճեպ չի եղել:

- Քաղաքապետի հետ քննարկել ենք, առաջարկը ստանալուց հետո ժամանակ եմ խնդրել, ծանրութեթեւ եմ արել: Վերջնական որոշումս եղել է այն, որ ընդունել եմ առաջարկը:

- Երեկվանից ոչ մի կերպ հնարավոր չէր լինում ձեզ հետ կապ հաստատել, ինչպես տեսնում եմ արդեն ակտիվ աշխատանքի մեջ եք: Ինչ նոր ծրագրերով եք եկել: Նոր առաջարկներ ունե՞ք, թե՞ շարունակելու եք նախկին թաղապետի սկսած գործը:

- Այս պահին ավելի շատ ծանոթության պրոցեսում եմ, ծանոթանում եմ իրավիճակին, որովհետեւ այս գործում միշտ օպերատիվ արձագանքման կարիք է լինում: Ընթացիկ գործերին եմ ծանոթանում: Իսկ ծրագրերի մասով՝ այն ամբողջովին համահունչ է քաղաքապետ Մարությանի նախընտրական ծրագրին, եւ ըստ էության մեր աշխատանքն այդ նախընտրական ծրագրերը կյանքի կոչելն է լինելու:

Երեկվանից լրատվամիջոցներում շրջանառվում է, որ դուք ՀԱԿ կուսակցության անդամ եք: Հետո քաղաքապետարանը հատուկ շեշտել էր, որ դուք անկուսակցական եք: Որեւէ կուսակցության անդա՞մ եք, թե՝ ոչ:

- Ես անկուսակցական եմ:

- Տեղեկություններ կան, որ արդեն աշխատանքից ազատել եք կենտրոն վարչական շրջանի քարտուղար Հովսեփ Փանոսյանին եւ թաղապետի տեղակալներ Արման Հարությունյանին ու Ձոնիկ Մարգարյանին: Սա ճի՞շտ է: Ի՞նչ կադրային փոփոխություններ եք արել:

- Այս պահի դրությամբ որեւէ կադրային փոփոխություն տեղի չի ունեցել: Քաղաքապետի կարգադրությունը ստորագրելու պահին օրենքի ուժով դադարեցվում է նաեւ վարչական շրջանի տեղակալների լիազորությունները: Ես որեւէ իրավասություն չունեմ: Դա օրենքի ուժով է արվում: Նրանց լիազորությունները դադարեցվել է, բայց շարունակում են իրենց պարտականությունները կատարել մինչեւ նոր տեղակալների նշանակումը: Այս պահի դրությամբ դեռ չեմ նշանակել, բայց պատրաստվում եմ:

Իսկ հնարավո՞ր է, որ նորից վերականգնեք նույն մարդկանց իրենց պաշտոններում, թե՞ նոր մարդիկ եք նշանակելու:

- Մենք մեր թիմով ենք գալիս: Արդեն տեղեկացրել ենք իրենց եւ շնորհակալություն հայտնել կատարած աշխատանքի համար:

Աշխատակազմի ղեկավարի՞ն էլ:

- Այս պահի դրությամբ նա շարունակում է պաշտոնավարել:

Իսկ հետագայո՞ւմ:

- Մեր ժամանակն ավարտված է...

Ավետ Պողոսյանը Երեւանի քաղաքապետ Հայկ Մարությանի կարգադրությամբ Կենտրոն վարչական շրջանի ղեկավար նշանակվելուց առաջ զբաղեցրել է ՀՀ անվտանգության խորհրդի քարտուղարի խորհրդականի պաշտոնը: Կենտրոնի նախկին ղեկավար Վիկտոր Մնացականյանը պաշտոնից ազատման դիմում էր գրել հոկտեմբերի վերջին: 

Տպել
10056 դիտում

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան