Նույնն էր, թե ջրհեղեղ լիներ, մեկը ջուր քաշող մեքենա առաջարկեր, ասեին՝ կկողմնորոշվենք․ Փաշինյանը՝ «ԿամԱԶ»-ների մասին

ԱԺ-ում՝ պատգամավորների եւ կառավարության ներկայացուցիչների հարց ու պատասխանի ժամանակ, իհարկե, հարց հնչեց նաեւ վերջին օրերին ամենաշատ քննարկված թեմայի՝ Երեւանի քաղաքապետարանին նվիրաբերված աղբատար «ԿամԱԶ»-ների մասին։

Քանի որ Երեւանի քաղաքապետ Հայկ Մարությանը չի մասնակցում խորհրդարանում տեղի ունեցող նիստին, «Իմ քայլը» խմբակցության պատգամավոր Արմեն Փամբուխչյանն այս հարցի վերաբերյալ պատասխան խնդրեց կառավարությունից՝ մասնավորապես հետաքրքրվելով, թե արդյոք այդ գործընթացում կա՞ մտահոգվելու առիթ կամ կոռուպցիոն դրսեւորում։

Հարցին պատասխանեց վարչապետ Նիկոլ Փաշինյանը՝ բերելով մի օրինակ, որ երբ քաղաքում բնական աղետ է, եւ մեկն առաջարկում է այդ աղետը հաղթահարելու գործում աջակցել, անտրամաբանական կլինի, որ այդ օգնությունը մերժվի։ Այս կոնտեքստում Փաշինյանն անցնող տարվա ընթացքում մայրաքաղաքում աղբահանության հետ կապված խնդիրը որակեց որպես բնական աղետի նման մի բան․

«Ես կարծում եմ, որ էն իրավիճակը, որը կար աղբի հետ կապված, ըստ էության, բնական աղետի նման բան էր Երեւան քաղաքում։ Նույնն էր, թե ջրհեղեղ լիներ, որեւէ մեկը ջուր քաշող մեքենա առաջարկեր, եւ ասեին՝ եկեք կողմնորոշվենք։ Չկա այդպիսի բան աշխարհում»։

Անդրադառնալով հարցի երկրորդ կողմին՝ թե կա արդյոք մտահոգություն, որ դա կարող է լինել կոռուպցիոն երեւույթ, շահերի բախում եւ այլն, վարչապետն ասաց, որ վերջին օրերին, երբ քննարկվեց Սամվել Ալեքսանյանի թեման, տեղեկություններ է պահանջել եւ պարզվել է, որ «Ալեքս Հոլդինգ»-ի նվիրատվությունից առաջ էլ, հետո էլ Սամվել Ալեքսանյանին պատկանող ընկերություններից մեկի սեփականաշնորհած մանկապարտեզ է հետ վերցվել եւ վերադարձվել համայնքին․

«Երկրորդ օրինակը նրա ընտանիքին պատկանող մի շինարարության կապակցությամբ Երեւանի քաղաքապետարանը շատ խոշոր տուգանք է գրել։ Օպերայի շրջակայքում էլ նույն մարդն ուներ սրճարան, որն ապամոնտաժված սրճարանների թվում էր»,- հիշեցրեց վարչապետը։

Նա ընդգծեց, որ մտահոգություն կարող է լինել այս հարաբերություններն ավելի լայն հասկանալու կոնտեքստում․

«Կարիք ունենք ավելի լայն համատեքստում հասկանալ, թե ինչպես են կարգավորվում աշխարհի քաղաքներում էս կարգի հարաբերությունները, եւ գուցե անհրաժեշտ է նման դեպքերին տալ իրավական կարգավորումներ։ Երեւանի քաղաքապետարանում շինթույլտվությունների հետ կապված միշտ կա սուբյեկտիվիզմի գործոն։ Մարդը գալիս, ասում է՝ ուզում եմ 22 հարկանի շենք կառուցել, բայց քաղաքը մտածում է, որ պետք է 10 հարկանի լինի, բայց սկզբունքորեն օրենսդրական արգելք չկա, որ 22 հարկ լինի, ուղղակի քաղաքն ասում է՝ 10 հարկանիի թույլտվություն կարող եմ տալ, որովհետեւ կոյուղին, աղբահանությունը, ենթակառուցվածքները նախատեսված են էս կարգի ինֆրաստրուկտուրայի համար, եւ եթե ավելի կառուցեք, պետք է քաղաքը ծախս անի, կոյուղի փոխի, ենթակառուցվածքը, ջրագծերը։ Էս դեպքում, օրինակ, կառուցապատողն ասում է՝ լավ իմ հաշվին փող կծախսեմ, կփոխեմ, որպեսզի էդ քաղաքի վրա ավելորդ ծանրաբեռնվածություն չլինի, կամ աղբահանության համակարգում ավելի ներդրում կանեմ, որ իմ կառուցածը պրոբլեմ չդառնա քաղաքի համար, եթե ճարտարապետական առումով խնդիր չկա»,- ասաց Փաշինյանը՝ հավելելով, որ տրամաբանական իրավիճակ է, բազմակողմ շահերի բախում կա․

«Էս շղթայի մեջ կարող են լինել որոշ պայմանավորվածություններ, այլ բան, որ մեր տեսակետն այն է, որ դե յուրե ձեւակերպվի, որպեսզի կոռուպցիոն ռիսկերը կարողանանք կառավարել, որ առաջնային լինի հանրային եւ ոչ թե ինչ-որ մարդկանց անձնական շահը»,- եզրափակեց Փաշինյանը։

Տպել
707 դիտում

Փոխել նախագահի ընտրվելու կարգը, ընտրելու իրավունքի շեմը 18 տարեկանից իջեցնել 17. Իոաննիսյանը հետաքրքիր առաջարկներ ունի

«Էրեբունի պլազա» հյուրանոց զինված ներխուժած անձը վնասազերծվել է. Աշոտ Ահարոնյան

«Էրեբունի պլազա» հյուրանոց ներխուժած զինված անձը բանակցությունների արդյունքում հանձնել է ինքնաձիգը. ոստիկանություն

«էրեբունի պլազա» հյուրանոցին մոտենալ չի թույլատրվում նաեւ այդտեղ գործող մանկապարտեզի երեխաների ծնողներին

Հայկական թիմի նախկին ֆուտբոլիստը խաղացել է «Բարսելոնայի» դեմ

Եվս մեկ կառուցված տուն՝ Սյունիքում. լուծվել է 26 տարվա վաղեմության խնդիր

Շատ մարդիկ տրվել են այդ գայթակղությանը եւ հետեւել են այդ մտքերին` փորելով քայլեր ձեռնարկել. Գրիգորյան

«Էրեբունի պլազա» հյուրանոցի տարածքում լարված իրավիճակ է. ահազանգ է ստացվել կրակոցներ հնչելու մասին (լուսանկարներ)

Վրաստանը և Ադրբեջանը ստորագրել են 2020 թվականի երկկողմ համագործակցության պլանը

Հայ ֆուտբոլիստների «գրոհ» Ղազախստանի առաջնության վրա, որն է պատճառը

«Բելլաջիո» ռեստորանում կռիվ է եղել. միմյանց ուղղությամբ նետել են շշեր, բաժակներ, հայհոյել իրար

Քաղաքագետ Ալեքսանդր Քանանյանը հացադուլ է անում՝ բողոքելով հէկերի կառուցման դեմ. նա գնում է բանակցությունների

Դատարանը քննում է Արա Վարդանյանին գրավի դիմաց ազատ արձակելու որոշման դեմ Դատախազության բողոքը

Կարեն Խաչատրյանը 20 միլիոն դրամ գրավի դիմաց ազատ արձակվեց

Ցավով եմ նշում, որ «Լուսավոր Հայաստան»-ը ուղղակի խցանվել է անցյալում. Լենա Նազարյան

Ակնհայտ է, որ Արցախը որևէ պարագայում չի կարող լինել Ադրբեջանի կազմում

Պոլիէթիլենային տոպրակների օգտագործումը առհասարակ կարգելվի 2022-ից

«Ժողովուրդ» օրաթերթի խմբագրի հեռախոսային խոսակցությունները վերծանելու որոշումը դատարանն անօրինական ճանաչեց

Բացահայտվել է անցած տարի Չեխովի փողոցում կատարված բնակարանային գողությունը

Կոռուպցիայի ընկալման համաթվի առումով Հայաստանը բարելավել է իր դիրքերը՝ 105-րդ տեղից հասնելով 77-րդին