Դատարանն ազատ է արձակել «Արփի լիճ ազգային պարկ»-ի տնօրենի պաշտոնակատարին

ՇՄ ընդհանուր իրավասության դատարանն ազատ է արձակել դեկտեմբերի 2-ին ձերբակալված «Արփի լիճ ազգային պարկ» ՊՈԱԿ-ի տնօրենի պաշտոնակատար Գեւորգ Ալեքյանին: Ալեքյանի փաստաբան Արամայիս Հայրապետյանը ՀԺ-ի հետ զրույցում ասաց, որ ավելի վաղ բողոքարկել էր ձերբակալման որոշումը, դատարանն էլ գտել է, որ  ձերբակալումն իրավաչափ չէ եւ Ալեքյանին ազատ արձակել: «Նախաքննական մարմինը գտել էր, որ պետք է ձերբակալել, որովհետեւ կարող է նոր իրավախախտում կատարի, եւ անհրաժեշտություն կա  վարույթն իրականացնող մարմին բերելու համար: Մենք էլ գտնում ենք, որ ինքը բազմաթիվ անգամ ներկայացել է վարույթն իրականացնող մարմինին, եւ էդ հիմքը չկա: Դրանից բացի էլ նոր իրավախախտում կատարելու մտահոգությունը փաստարկված չէ: Հենց այդ հիմքով դատարանը գտավ, որ ձերբակալումն իրավաչափ չէ: Այսինքն եթե անձը մշտապես ներկայանում է, էդ մարդուն ձերբակալում են, որ ի՞նչ»,-ասաց փաստաբանը:

Ըստ Արամայիս Հայրապետյանի, ներկա պահին «Արփի լիճ ազգային պարկ» ՊՈԱԿ-ի տնօրենի պաշտոնակաար Ալեքյանին առաջադրված մեղադրանք չկա: Կան միայն կասկածներ, որոնք, փաստաբանն ասում է, այնքան անորոշ են, որ չեն էլ կարող մեկնաբանել: «Որեւէ նկարագրություն մեզ ներկայացված չէ, որ այ դու կասկածվում ես էս-էս փաստական հանգամանքներով արարքի մեջ: Երբ որոշակի նկարագրություն կառաջադրեն, այդ ժամանակ բնականաբար Ալեքյանը կմեկնաբանի»:

ՀՀ գլխավոր դատախազության լրատվական ծառայության տարածած հաղորդագրության մեջ նշվում է, որ փաստական տվյալներ են ձեռք բերվել այն մասին, որ «Արփի լիճ ազգային պարկ» ՊՈԱԿ-ի տնօրենի պահպանության գծով տեղակալ, ներկայում  նշված ՊՈԱԿ-ի տնօրենի ժամանակավոր պաշտոնակատար Գեւորգ Ալեքյանը 2017-2019թթ. ընթացքում ազգային պարկի տարածքում խոտհունձ կազմակերպելը թույլատրելու համար 4 անձանցից առերևույթ պահանջել և որպես կաշառքի գումար ստացել է առանձնապես խոշոր չափերով՝ 250.000, 100.000 և 26.500 ՀՀ դրամ գումարներ, ինչպես նաև գույք՝ շուրջ 30.000 և 2.000.000 ՀՀ դրամ արժողությամբ խոտի տուկեր, և այլ առավելություն՝ 165.000 ՀՀ դրամի դիմաց իր օգտին աշխատանքների կատարում: 

Ինչու՞ 2017-ից սկսված այս վիճակի մասին բարձրաձայնվեց միայն հիմա: Փաստաբանն ասում է, այս հարցն իրեն էլ է հետաքրքիր: Ունի որոշակի կասկածներ, բայց դրանց մասին դեռ չի խոսի: «Ես ունեմ որոշակի կասկածներ, թե ինչու հենց հիմա, բայց մեկնաբանելուց դեռեւս զերծ կմնամ: Եթե կասկածներս հիմնավորվեն, կբարձրաձայնեմ, բայց ամեն դեպքում էդ հարցն ինձ էլ է հետաքրքրում, առավելեւս տվյալներ կան, որ դեռեւս էդ ընթացքում իբր ԱԱԾ-ն իմացել է որոշակի տեղեկություններ: Էդ պարագայում ինչու՞ է պահել տեղեկությունն ու հիմա է բարձրաձայնում: Միգուցե սա պայմանավորված է առաջիկայում սպասվող ինչ-որ իրադարձություններո՞վ: Հենց դա ես ճշտեցի, բնականաբար կբարձրաձայնեմ, ի տարբերություն դատախազության, ես ցանկանում եմ փաստերով խոսել»:

Դատախազությանն ուղղված փաստաբանի ակնարկը վերաբերում է Գեւորգ Ալեքյանին առանց զգուշացնելու ձերբակալելուն: Ձեւակերպումը Արամայիս Հայրապետյանինն է: «Իրեն կանչել են ամսի 2-ին քննչական վարչություն եւ ասել են, որ ձերբակալված է: Մենք էլ դիմել ենք թե եղբայր, հարգելի քննիչ, ձերբակալիր, լավ արիր, մեզ պարզաբանիր կասկածանքի էությունը, որ մենք ցուցմունք տանք: Մինչեւ հիմա պարզաբանված չէ: Սա պաշտպանության իրավունքի խախտում է: Ձերբակալել են մարդուն, ասում ենք նկարագրեք ինչու եք ձերբակալել, չկա նկարագիր, բայց տեսնում ենք, որ լրատվամիջոցներով դատախազությունը հաղորդագրություն է տարածել: Մարդուն ձերբակալում եք, չեք տեղեկացնում որ մարդը մեկնաբանի, բայց լրատվամիջոցներով կարողանու՞մ եք հայտարարություն տարածել: Աբսուրդ է»,-վստահ է փաստաբանը:

Արմենուհի Մինասյան

Տպել
542 դիտում

Բժշկասանիտարական հսկիչ կետերը օդանավակայաններում մշտական հսկողություն են իրականացնում ՀՀ ժամանող ուղեւորների նկատմամբ

Տիգրան Ավինյանը Գորիսում մասնակցել է Հայոց բանակի օրվան նվիրված միջոցառումներին

Բերման ենթարկված Նարեկ Սամսոնյանն ազատ արձակվեց

Փոխվարչապետ Մհեր Գրիգորյանը Սիսիանում մասնակցել է Բանակի 28-րդ տարեդարձին նվիրված միջոցառումներին

Աշտարակում ջրի խնդիրն ապակենտրոնացված ձեւով են լուծել. քաղաքի ծայրամասերում մշտական ջրամատակարարում կա, կենտրոնում՝ չէ

Թրամփի փաստաբանները կարծում են՝ Զելենսկին ունեցել է հանդիպում ԱՄՆ-ի նախագահի հետ, նորի կարիքը չկա

«Էրեբունի պլազա» ներխուժած երիտասարդը ցանկացել է Սեդրակ Քոչարյանից պարզել, թե ինչու են իրեն ծրագրավորել. պաշտպան

Հայտնի են «Դեպի Եվրատեսիլ» նախագծի 20 մասնակիցները

Երիտասարդների բարեխոս Սուրբ Սարգսի հիշատակության օրն այս տարի կնշվի փետրվարի 8-ին

Բերման է ենթարկվել «Քաղաքացիական գիտակցություն» հկ նախագահ Նարեկ Սամսոնյանը. Արսեն Բաբայան

Ադրբեջանն արգելել է Ուկրաինայի ՆԳՆ հայ աշխատակցուհուն մասնակցել Բաքվում անցկացվող սեմինարին

Ավտովթար է տեղի ունեցել Սարատովի մարզում. զոհը եւ տուժածները ՀՀ քաղաքացիներ են

Ռուսաստանում սպանվել են Ռոստովի շրջանային պատգամավորն ու կինը

Դանակահարություն՝ Նուբարաշենի բանտում. 2 դատապարտյալ է տեղափոխվել «Էրեբունի» բժշկական կենտրոն

Արմեն Սարգսյանն Արարատում մասնակցել է Բանակի օրվան նվիրված տոնական միջոցառմանը

Ոստիկանության շենքից դուրս է եկել «Ադեկվադ» նախաձեռնության համահիմնադիր Արթուր Դանիելյանը

Երեւանի նախկին ոստիկանապետ Աշոտ Կարապետյանի մահվան դեպքով վկաներ կան. ՌԴ ՔԿ

Հրդեհներ են բռնկվել հանրապետության խոտածածկ տարածքներում, այրվել է 5.5 հա տարածք

Սեռական ոտնձգության ու կողմնակալ քվեարկության մասին հայտարարությունը ստվերել է «Գրեմի 2020»-ը

Քաղաքագետ Քանանյանի հետ հացադուլ է անում ևս մեկ արցախցի. բողոքին կմիանան այլ քաղաքացիներ նույնպես