Տուբերկուլոզը ոչ միայն առողջապահական, այլեւ սոցիալական խնդիր է. Նարեկ Զեյնալյան

ՀՀ ԱԺ առողջապահության եւ սոցիալական հարցերի մշտական հանձնաժողովում՝ Նարեկ Զեյնալյանի նախագահությամբ, դեկտեմբերի 9-ին պատգամավորների եւ շահագրգիռ կողմերի մասնակցությամբ տեղի է ունեցել քննարկում՝ «Տուբերկուլոզի ազգային հակազդումը, տուբերկուլոզին առնչվող խնդիրները Հայաստանում, տուբերկուլոզի ազգային պլատֆորմի գործարկումը» թեմայով։ Այդ մասին տեղեկացնում է ԱԺ լրատվական ծառայությունը:

Մշտական հանձնաժողովի նախագահը նշել է, որ տուբերկուլոզը ոչ միայն առողջապահական, այլեւ սոցիալական խնդիր է։ Նա կարեւոր է համարել միջազգային կառույցների աջակցությամբ համատեղ պայքարը հիվանդության կանխման, տարածման եւ զարգացման դեմ՝ մինչեւ դրա վերացումը մեր երկրում։ Նարեկ Զեյնալյանի հավաստմամբ՝ եթե 90-ականներին մեծ տարածում էր գտել այս հիվանդությունը, ապա ձեռնարկված առողջապահական միջոցառումների արդյունքում վերջին տարիներին գրանցվել է հիվանդացության նվազում։ Պատգամավորն ընդգծել է ՀՀ առողջապահության նախարարության, ՀԿ-ների եւ մյուս շահագրգիռ կողմերի, մասնավորապես Առողջապահության համաշխարհային կազմակերպության հետ գործակցության, ինչպես նաեւ տուբերկուլոզի ազգային պլատֆորմի գործարկման կարեւորությունը։

Վրաստանի խորհրդարանի նույնանուն մշտական հանձնաժողովի նախագահ Ակակի Զոիդզեն, կարեւորելով տարածաշրջանային համագործակցությունը, նշել է, որ ներդրված ջանքերի շնորհիվ երկու երկրները գրանցել են լավ ցուցանիշներ, փաստագրել հիվանդացության եւ մահացության դեպքերի նվազում։ Նա շեշտադրել է խորհրդարանականների դերը՝ հիվանդության վերացման համար բյուջետային գումարների ավելացման հարցում։

ԱՀԿ հայաստանյան գրասենյակի ղեկավար Եգոր Զայցեւը, նշելով, որ տուբերկուլոզը գալիս է անտիկ ժամանակաշրջանից, նույնպես կարեւոր է համարել դրա դեմ համալիր ու համատեղ պայքարը։ Նա հույս է հայտնել, որ մինչեւ 2030 թվականը հիվանդությունը կհաղթահարվի մեզանում։

ՀՀ առողջապահության փոխնախարար Լենա Նանուշյանը խոսել է հիվանդության դեմ պայքարի ձեռքբերումներից։ Ըստ նրա՝ սկսած 2000 թվականից՝ տուբերկուլոզի նվազման միտում է գրանցվել։ Նա մատնանշել է միջազգային կառույցների եւ գործընկերների հետ սերտ համագործակցությունը, ինչը շարունակական բնույթ է կրում։ Փոխնախարարը տեղեկացրել է, որ բուժման համար նոր դեղամիջոցներ են կիրառվում, վերջ է տրվել անհարկի հոսպիտալացմանը, գործում է տուբերկուլոզի դեմ պայքարի Ազգային ծրագիրը, ինչպես նաեւ տարեցտարի ավելանում են բյուջետային հատկացումները՝ հիվանդության կանխման եւ բուժման համար։

ՀՀ ԱՆ տուբերկուլոզի ազգային կենտրոնի ղեկավար Լյուբով Նիկոլայան ներկայացրել է հիվանդության իրավիճակը երկրում, տեղեկացրել, որ արդյունավետ աշխատանքի շնորհիվ 2008-2018 թթ. հիվանդացության եւ մահացության նվազում է գրանցվել։ Նշվել է, որ քրեակատարողական հիմնարկներում իրավիճակը բարելավվել է, սակայն մանկապատանեկան հասակում հիվանդացության դեպքերի աճ է գրանցվել։

Տեսակետներ են ներկայացրել նաեւ հկ-ների ներկայացուցիչները։ Նարեկ Զեյնալյանն ու ներկա պատգամավորներն ստորագրել են Բարսելոնյան դեկլարացիան, որը հավաստում է հիվանդության դեմ պայքարի կարեւորությունը։

Տպել
675 դիտում

«ՀԿԵ» ՓԲԸ տնօրենը Շիրակի մարզպետին առաջարկել է քննարկել Գյումրու ավտոկայանը երկաթուղային կայարան տեղափոխելու հարցը

Հայաստանը ունեցել է կապեր Եվրոպայի հետ, իսկ Ադրբեջանը՝ ոչ, այն պատճառով, որ նման երկիր գոյություն չի ունեցել. Զատուլին

Դիլիջանի ոստիկանները պետական-հասարակական ունեցվածքի գողության դեպք են բացահայտել

Իրանում կորոնավիրուսի հետեւանքով 2 քաղաքացի է մահացել

Ադրբեջանական դիրքերից մի քանի մետր հեռավորության վրա հայտնաբերվել եւ տարհանվել է ադրբեջանցի զինծառայողի մասունքները

Ստեփանծմինդա-Լարս ավտոճանապարհը փակ է բոլոր տիպի տրանսպորտային միջոցների համար

ՊՆ-ում տեղի է ունեցել ՀՀ գերիների, պատանդների եւ անհայտ կորած անձանց հարցերով զբաղվող միջգերատեսչական հանձնաժողովի նիստ

Բնակարան, առանձնատուն, 11 հազար եվրո, 9 մլն դրամ եկամուտ. Կոռուպցիայի կանխարգելման հանձնաժողովի նախագահի ունեցվածքը

Վարդենյաց լեռնանցքը կցորդիչով բեռնատարների համար փակ է, «Մեղրու սար» կոչվող հատվածում տեղում է ձյուն. ԱԻՆ

Պետական պարգեւները հանձնվել են Սյունիքի մարզում ձյան սողանքի հետեւանքով մահացած զինծառայողների ծնողներին (լուսանկարներ)

Գնում ենք գիրք նվիրելու. Նիկոլ Փաշինյան (ուղիղ)

ԱԱԾ-ն բացահայտել է կաշառքի դիմաց ժամկետային զինվորական ծառայությունից տարկետումներ տալու կամ ազատելու դեպքեր (տեսանյութ)

ՀՀ գլխավոր դատախազությունում քննարկվել են քրեական ենթամշակույթի դեմ իրավական պայքարի հիմնահարցերը

Արմեն Թավադյանի կալանավորման ժամկետը երկարաձգվեց եւս երկու ամսով

Անիի ոստիկանները Ձորակապի բնակչի տնից 40 գրամից ավելի մարիխուանա են հայտնաբերել․ հարուցվել է քրեական գործ (տեսանյութ)

ԱԱԾ աշխատակիցները կաշառք ստանալիս բռնել եւ բերման են ենթարկել պաշտոնատար անձի (տեսանյութ)

2019-ի տարվա 10 լավագույն մարզիկները կպարգեւատրվեն 5-ական միլիոն դրամով

«Տարեք չոլը բաց թողեք», «եկեք կրակեք». Գյումրիում շներին սպանելու փոխարեն ստերջացնում են

«Վանաձոր» քրեակատարողական հիմնարկում նշվել է Գիրք նվիրելու օրը, ՔԿՀ գրադարանը համալրվել է նոր գրքերով

Գյուղաջակցության ծրագրերն այս անգամ ներկայացվել են Արագածոտնի մարզի համայնքների ղեկավարներին եւ ֆերմերներին