Վերնագիրը վարկային համաձայնագիր է` ընդդիմությունը պիտի քլնգի. ԱԺ-ն վավերացրեց 131,5 մլն եվրոյի վարկային համաձայնագրերը

ՀՀ Ազգային ժողովը վավերացրեց Ասիական զարգացման բանկից, Վերականգման վարկերի բանկից եւ Վերակառուցման եւ զարգացման միջազգային բանկից շուրջ 131,5 մլն եվրո գումարի չափով վարկ վերցնելու համաձայնագրերը: Վարկային համաձայնագրերի վավերացմանը կողմ քվեարկեցին միայն Ազգային ժողովի «Իմ քայլը» խմբակցության անդամները:

Ինչպես տեղեկացրել ենք՝ ընդդիմադիր պատգամավորներն այսօր հանդես էին գալիս քննադատական ելույթներով՝ վատ միջոց համարելով բյուջեի դեֆիցիտը վարկային միջոցներով լրացնելը:

Ֆինանսների փոխնախարար Արմեն Հայրապետյանն էլ հայտարարեց, որ սա վերջին համաձայնագիրն է դեֆիցիտը լրացնելու ուղղությամբ:

Արտահերթ ելույթով հանդես եկավ ԱԺ նախագահ Արարատ Միրզոյանը` հայտարարելով, թե իզուր է ԱԺ մեծամասնությանը սպասում, որ ընդդիմության աջակցությունը կստանա:

«Իզուր են մեծամասնության կոչերն ուղղված ընդդիմությանը` կողմ քվեարկել այս նախագծերին: Կան չգրված կանոններ` ընդդիմությունը որպես կանոն՝ կողմ չի քվեարկում բյուջեին, Կառավարության ծրագրին, վարկային համաձայնագրերին, մենք էլ որ ընդդիմություն լինենք, մենք էլ ենք տենց անելու, նորմալ է»,- ասաց Միրզոյանը: Ըստ նրա՝ կապ չունեն նույնիսկ այն փաստարկները, որ բերվում էին համաձայնագրերի վավերացման հետ կապված:

«Վերնագիրը վարկային համաձայնագիր է` ընդդիմությունը պիտի քլնգի, էս վարկային համաձայնագրերը տնտեսագիտության մասին չեն, սրանց կոնտեքստը քաղաքական է: Մեր գործերն էնքան լավ են, որ մեզ առաջարկում են էժան փող, էնպիսի առաջընթացներ ենք արձանագրել տարբեր բարեփոխումներում, մեր երկրի վստահելիությունը միջազգային գործընկերների համար էնքան է աճել, որ իրենք գիտեն, որ թեեւ պարտք ենք օրինակ պայմանական ասած` 5 տոկոսով, իրենք 1,6 տոկոսով են առաջարկում, գիտեն, որ տնտեսության մեջ ենք դնելու էդ փողերը»,- ասաց նա՝ հավելելով. «Էնպես որ մոռացեք բոլոր տնտեսական փաստարկները, սա քաղաքական հարց է, եւ շատ շահավետ: 

ՀՀ ազգային ժողովը երկրորդ ընթերցմամբ եւ ամբողջությամբ ընդունեց կառավարության կողմից ներկայացված օրենքի նախագիծը, որով, մասնավորապես, առաջարկվում է կարգապահական իրավախախտում հայտնաբերելու դեպքում կարգապահական տույժի կիրառման առավելագույն ժամկետը երկարացնել: 

«Սահմանվում է կարգապահական իրավախախտում հայտնաբերելու դեպքում կարգապահական տույժի կիրառմամբ առավելագույն ժամկետը: Մասնավորապես 6 ամիսը փոխարինվում է 1 տարով, իսկ նյութական վնասի հայտնաբերման դեպքում՝ 3 տարի: Երբեմն լինում է, որ դեպքից 6 ամիս անցնում է, հետո համալիր ստուգման, որոշակի պաշտոնի հանձնման-ընդունման ընթացքում է միայն այն հայտնաբերվում: Բայց այդ դեպքում, քանի որ 6 ամիսն անցնել է, այլևս հնարավորություն չկա կարգապահական տույժի ենթարկելու»,- «Հայաստանի Հանրապետության զինված ուժերի կարգապահական կանոնագիրք» Հայաստանի Հանրապետության օրենքում փոփոխություններ եւ լրացումներ կատարելու մասին օրենքի նախագիծն Ազգային ժողովում ներկայացնելիս ասաց ՀՀ պաշտպանության փոխնախարար Գաբրիել Բալայանը:

ԱԺ արտահերթ նիստում առաջին ընթերցմամբ ընդունվեց նաեւ «Ոստիկանության մասին» օրենքում լրացումներ եւ փոփոխություն կատարելու մասին» օրենքի նախագիծը, որով նախատեսվում է ոստիկանության շենքերում հարցաքննությունների սենյակները կահավորել տեսաձայնագրող սարքերով: 

Օրենքն ուժի մեջ մտնելուց հետո երեք տարվա ընթացքում ոստիկանության ստորաբաժանումների վարչական շենքերի մուտքերն ու ելքերը կկահավորվեն տեսագրող, իսկ հարցաքննության եւ հանցագործության մեջ կասկածվող անձանց հետ իրականացվող օպերատիվ հարցումների համար օգտագործվող տարածքները ՝ տեսաձայնագրող համակարգերով։ Նպատակը խոշտանգման, անմարդկային կամ նվաստացնող հնարավոր դեպքերի կանխարգելումն ու բացահայտումն է։ Տեսագրությունները ոստիկանությունում կպահպանվեն 3 ամիս, իսկ տեսաձայնագրությունները` 2 տարի։ Դրանք կտրամադրվեն հարցաքննված կամ օպերատիվ հարցման ենթարկված անձին, ինչպես նաեւ նրա ներկայացուցչին, քրեական վարույթն իրականացնող մարմնին, ՄԻՊ-ին, հասարակական դիտորդներին։

Տպել
853 դիտում

Անի Սմբատյանն արձագանքել է կոճապղպեղի թանկացումների մասին ահազանգերին

«Փյունիկն» ստացել է 107 հազար, «Ուրարտուն»՝ 84 հազար, «Շիրակը»՝ 56 հազար եվրո. ՀՖՖ-ն բաշխել է համերաշխության վճարները

Կներդրվի էլեկտրոնային միջոցների եւ թվային տեխնոլոգիաների կիրառման միջոցով համաճարակի կանխարգելման նոր մեխանիզմ. Բադասյան

Ոստիկանների նկատմամբ բռնություն գործադրելու մեջ մեղադրվող 28-ամյա քաղաքացին գրավի դիմաց ազատ է արձակվել

Երկրաշարժ է գրանցվել Քարվաճառ քաղաքից 33 կմ դեպի հյուսիս-արևելք. էպիկենտրոնում ցնցման ուժգնությունը կազմել է 3 բալ

Հաստատվել են օլիմպիական խաղերի ժամկետները. պաշտոնական

Արմեն Սարգսյանը նամակ է հղել ՉԺՀ նախագահ Սի Ծինփինին

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

«Մենք որոշեցինք դիտորդական առաքելությունը չկասեցնել». Արցախ մեկնած դիտորդները թեստեր են հանձնել եւ անվտանգ են

ՀԱՊՀ-ն գործարկել է iUniversity հայկական առաջին համալսարանական առցանց հարթակը

ԱԺ-ն առաջին ընթերցմամբ ընդունեց անձնական տվյալներին հասանելիություն ունենալու մասին օրինագիծը

«ՔոնթուրԳլոբալ Հիդրոկասկադ» ՓԲԸ-ն հայտարարում է մրցույթ

Արցախ մեկնող պատգամավորներից որեւէ մեկի մոտ կորոնավիրուսի առկայություն չի հաստատվել․ Արարատ Միրզոյան

Դորտմունդի «Բորուսիան» վերսկսում է մարզումները. The Daily Mail

Վաղվա ընտրությունը կազմակերպում ենք ոչ ստանդարտ պայմաններում. համոզված եմ՝ գիտակցում եք պահի լրջությունը. ԱՀ ԿԸՀ նախագահ

Հայաստանի պետական սիմֆոնիկ նվագախմբի կատարումը՝ նվիրված բուժաշխատողներին (տեսանյութ)

Մի քանի օր առաջ նկարահանեցինք, 4 հոգով էինք, ամբողջ օրը հակագազով եմ եղել. Հայկ Ստվերը նոր տեսահոլովակ է թողարկել

Ի՞նչ կլիներ, եթե ընդհանրապես միջամտություններ չիրականացվեին․ մանրամասնում է Ռուստամ Բադասյանը

Ա. Սարգսյանը ՀՀ-ում Հնդկաստանի դեսպանի հետ տեսակապով քննարկել է նոր կորոնավիրուսի հետևանքով ստեղծված իրավիճակը

Հնարավոր է ուղղակի բիզնեսին դրամաշնորհներ տրամադրել, բայց դա ժամանակավոր եւ անարդյունավետ է․ փոխվարչապետ