Թմրած ձեռքը վիրահատելուց հետո շարժել չի կարողանում. բժշիկը պնդում է՝ սխալ չկա, բայց վրիպում եղել է

Արդեն 9 ամիս է՝ Լուսինե Հովհաննիսյանը չի կարողանում շարժել ձախ ձեռքը կամ այն սահմանափակ է օգտագործում:

2019 թվականի մարտի 1-ին կինը վիրահատության է ենթարկվել Երեւանի Վլադիմիր Ավագյանի անվան բժշկական կենտրոնում, որից հետո, իր խոսքով, խնդիրն առաջ է եկել: Սկզբում ընդհանրապես չի կարողացել շարժել ձեռքը: Այժմ մատները ծալել, բռունցք անել ստացվում է, բայց ձեռքը վերեւ բարձրացնել՝ ոչ:

Հավելյալի փոխարեն առաջին կողը վիրահատվեց

Պատմությունն սկսվել է այն ժամանակ, երբ Լուսինեն գանգատվել է ձեռքի թմրածության զգացումից: Այցելել է Վլադիմիր Ավագյանի անվան ԲԿ-ի Լազերային եւ անոթային վիրաբուժության բաժանմունք, որտեղ ախտորոշվել է «կրծքավանդակից ելքի համախտանիշ՝ ձախից անոթա-նյարդային խրձի կոպիտ սեղմումով»: Կենտրոնում նշել են, որ կարիք կա վիրահատական բուժման՝ ձախից պարանոցային հավելյալ կողի հեռացման, իսկ նման վիրահատություններ կատարում է բաժանմունքի տնօրեն Տիգրան Սուլթանյանը:

Վիրահատությունն արվել է, երեք ամիս անց Լուսինե Հովհաննիսյանի ձեռքն սկսել է այտուցվել, կապտել: Այլ կենտրոնում հետազոտություն է անցել ու պարզել, որ պարանոցային հավելյալի փոխարեն առաջին կողն է հատվել: Խնդիրն էլ դրանով չի լուծվել. ձեռքի հետ կապված բարդություն է առաջացել:

«Այլ կող են հատել, որն ընդհանրապես ինձ չի խանգարել»,- նշեց կինը՝ հավելելով, որ վիրահատությունից առաջ Սուլթանյանի ասիստենտ Լեւոն Մանուկյանն իր հետ խոսել է առաջին կողը վիրահատելու մասին, սակայն դրան համաձայնություն չի տվել: Ավելին՝ վիրահատական ծախսերն ապահովող ապահովագրական ընկերությունը գումարը հենց հավելյալ կողի համար է տրամադրել:

Այժմ Լուսինեն ձեռքը դժվարությամբ է շարժում, կենցաղում էլ խնդիրներ ունի, օրինակ՝ հագուստ հագնելիս, հանելիս մեկն անպայման պետք է օգնի: Այլ հիվանդանոցում ֆիզիոթերապիա է անցնում, սակայն չգիտեն՝ ձեռքի խնդիրը կլուծվի՞, թե՞ ոչ: Բժիշկներից ոմանք նշում են, որ վերականգնման համար 1 տարի կպահանջվի, ոմանք էլ՝ որ վիրահատական միջամտություն է հարկավոր:

Իր խոսքով՝ երկու վիրահատության կարիք կա: Մեկը՝ հավելյալ կողի, մյուսը՝ ձեռքի համար. «Այժմ վիճակս ավելի վտանգավոր է, քան վիրահատությունից առաջ»:

Որոշել է՝ վիրահատվելու է, բայց այլ բժշկի մոտ: Այս անգամ հնարավոր է՝ ապահովագրական ընկերությունն այլեւս չֆինանսավորի: Մտածում է՝ լավ կլիներ՝ «Վլադիմիր Ավագյան» բժշկական կենտրոնը փոխհատուցեր գումարը:

Խնդրի առաջացման պատճառը, ըստ Լուսինեի, այն է, որ վիրահատությունից առաջ Սուլթանյանի հետ չի հանդիպել, միայն ասիստենտի հետ է խոսել, քանի որ հիվանդանոցից շարունակ պարզաբանել են, որ բժիշկը զբաղված է: Չի բացառում, որ միգուցե ասիստետն է բժշկին ինչ-որ բան սխալ ներկայացրել. «Ինձ թվում է՝ տեղյակ չի եղել՝ ինչ անի, զուգահեռ այլ աղջկա են վիրահատել, գուցե թղթերն է խառնել»:

Լուսինեն հիվանդանոցի աշխատակիցների վերաբերմունքից դժգոհ է, իր խոսքով՝ այս ամբողջ ընթացքում չեն հետաքրքրվել՝ ինչպես է. «Սուլթանյանն անգամ վերքին չի նայել»:

Որոշ ժամանակ անց Լուսինեն, այնուամենայնիվ, հանդիպել է բժշկի հետ: Նրա խոսքով՝ բժիշկն առաջարկել է հավելյալ կողն էլ վիրահատել՝ պատասխանելով. «Ну и что, ничего страшного».

Կինը բողոք է գրել Առողջապահության նախարարություն, որտեղից հայտնել են, որ  կառույցը մասնավոր է, եւ իրենք ազդեցություն չունեն, իսկ մեղքն ապացուցելու համար պետք է դիմել իրավապահ մարմիններին: Այսքան ժամանակ Լուսինեն այդ քայլին չի գնացել՝ մտածելով՝ խնդիրը կլուծվի, բայց այժմ մտափոխվել է:

Վերացրել են առանցքային խնդիրը

Առաջին կողի վիրահատությունը սխալմո՞ւնք է եղել, թե՞ անհրաժեշտություն, պացիենտը չգիտի, սակայն բժիշկ Սուլթանյանը հարցի պատասխանն ունի: Ի տարբերություն Լուսինեի՝ բժշկի հետ հանդիպելը մեզ հեշտ հաջողվեց: Նա խոսեց թե՛ հիվանդության, թե՛ կոնկրետ դեպքի մասին: Ասաց՝ այս խնդրի ժամանակ առանցքային հարցն առաջին կողն էր: Հավելյալ կողը կարող էր վերացնել, սակայն փորձը ցույց է տալիս, որ խնդիրը դրանով չէր վերանա:

Նրա խոսքով՝ կնոջ մոտ առկա է եղել 3 խնդիր՝ նյարդի, զարկերակի եւ երակի հետ կապված: Իրենք վերացրել են առանցքայինը՝ կտրել են կողը, որտեղով անցնում են այդ երեքը:

Զարկերակի եւ երակի հարցը լուծել են, սակայն կինն ունի նաեւ հավելյալ կող: Ըստ երեւույթին՝ ներվը կպչում է դրան, գրգռում եւ անհանգստացնում: Այսինքն՝ մնացել է ներվի հարցը: Կարող են վիրահատել եւ այդքանով հարցը լուծել:

«Ինքը չի ցանկանում ըմբռնել, որ մենք այսպես ազատել ենք ե՛ւ զարկերակը, ե՛ւ երակը: Եթե երակին չազատես, տրոմբ է առաջանում»,- նշեց Սուլթանյանը՝ հավելելով, որ զարկերակը չազատելու դեպքում էլ կարող էին այլ խնդիրներ առաջանալ:

Բժիշկն իր հերթին նշեց, որ կնոջ հետ հանդիպման ընթացքում տեսել է, որ ձեռքն այդքան էլ վնասված չէ, մի քիչ թմրածություն կար եւ ուներ սահմանափակումներ:

Համաձայն չէ այն կարծիքին, որ առկա է բժշկի սխալ. «Ասել, որ դա վիրահատությունից է, դժվար է, որովհետեւ շատ հնարավոր է՝ ներվը սեղմվում է հավելյալ կողով, դրա վերացումը կբերի լավացման»: Կատարվածը, ըստ նրա, հեշտ վիրահատություն չէ եւ ունի իր հնարավոր բարդությունները, ինչի մասին տեղեկացվել է Լուսինե Հովհաննիսյանը, եւ ստացել են նրա համաձայնությունը:

Այն, որ Լուսինեն համաձայնություն չի տվել հավելյալ կողը վիրահատելու, Սուլթանյանը չափազանցություն անվանեց. «Բժիշկը ես եմ, եթե տեսնում եմ, որ կա մի մաս, որն ավելի կարեւոր է, մենք անում ենք դա»: Սուլթանյանը հավելեց. կինը դժվար իմանար, թե հավելյալն առաջին կողից ինչով է տարբերվում:

Եթե նույնիսկ սխալ չկա, բժիշկը խոստովանեց՝ վրիպում կա. Լուսինեի հետ վիրահատությունից առաջ անձամբ չի խոսել:

Տպել
6520 դիտում

Հաֆթարի ուժերը հայտարարել են Տրիպոլիի ափերի մոտ թուրքական նավ խոցելու մասին

Կփրկի՞ անձեռնմխելիությունը. աշխարհի առաջնորդներ, որոնք անցնում են հնչեղ քրգործերով

Այսօր շատ հիշարժան փաստաթուղթ եմ ստորագրել. Նիկոլ Փաշինյան

Հին թեզերը՝ նոր ձևաչափում. առաջին հրապարակային քննարկումը

Դանիայի խորհրդարանի նախագահ Հենրիկ Դամ Քրիստենսենի հետ հյուրընկալվեցինք Դանիայի թագուհի Մարգրեթ 2-րդի կողմից.Ա. Միրզոյան

Ոստիկանի սպանության մեջ մեղադրվող պատանու կալանավորման ժամկետը երկարաձգվել է. նա տեղափոխվել է ՔԿՀ

Արթիկում բացվել է երեխաների ցերեկային խնամքի առաջին կենտրոնը

Համայնքների ղեկավարներին առաջարկվել է թափառող շների ստերջացման գործընթաց սկսել

Բարսեղ Բեգլարյանի որդիները դատակոչվել, սակայն չէին ներկայացել դատարան. նիստը հետաձգվեց

16-ամյա երիտասարդի անձնական խուզարկությամբ հայտնաբերվել է երկու կռփազենք. ՀՀ ոստիկանություն

Երեւանի բնակարաններից մեկում 67-ամյա կնոջ դի է հայտնաբերվել

Քաղաքապետ Հայկ Մարությանի որոշմամբ Նոր Նորք վարչական շրջանի ղեկավարի պաշտոնը կզբաղեցնի Հովհաննես Մանուկյանը. Կարապետյան

Ալավերդիում ամբողջությամբ այրվել է վագոն-տնակ. տուժածներ չկան

Արարատի մարզպետ Գարիկ Սարգսյանն ընդունել է Հռոմից հաղթանակած վերադարձած ընբիշ Գեւորգ Ղարիբյանին

Պուտինն աշխատանքից ազատել է իր 7 տարվա օգնականին

Մարդու իրավունքների պաշտպանն ընդունել է Հայաստանում Շվեդիայի դեսպանության գործերի հավատարմատարին

ՊԵԿ-ը կանխել է թմրամիջոցների մաքսանենգության հերթական փորձը

Արարատի մարզում անչափահասների կատարած հանցագործություններն ավելացել են. մարզի դատախազությունը քայլերի է դիմել

Նախագահ Արմեն Սարգսյանը եւ Հայաստանում ԱՄՆ դեսպան Լին Թրեյսին հանդիպել են

Ձեր ամեն քայլին հասարակությունն ուշադիր հետեւում է. Ֆելիքս Ցոլակյանը փրկարար ծառայողներին կոչումներ է շնորհել(տեսանյութ)