Նորքի զինված խմբի գործով այսօր հարցաքննվեց Հանրային հեռուստաընկերության 4 աշխատակից

Երեւանի ընդհանուր իրավասության դատարանի Կենտրոնի նստավայրում դատավոր Մեսրոպ Մակյանի նախագահությամբ այսօր շարունակվեց 2015 թվականին ԱԱԾ-ի կողմից վնասազերծված Նորքի զինված խմբի գործով դատական նիստը:

Շուրջ երեք տարի քննված քրեական գործով դատաքննությունը դատավոր Մակյանի մոտ վերսկսվեց այս տարվա սեպտեմբերին, քանի որ գործը նախկինում քննող դատավոր Արմեն Բեկթաշյանը Երեւանի ընդհանուր իրավասության դատարանից տեղափոխվեց Վերաքննիչ քրեական դատարան։ Այժմ դատարանը վկաների հարցաքննության փուլում է:

Այսօրվա դատական նիստի հարցաաննվեց վկա Արտուշ Ալիխանյանը: Վերջինս աշխատում է Հանրային հեռուստաընկերության անցագրային ռեժիմի եւ հասարակական հսկողության ապահովման բաժնում՝ որպես ոստիկան: Դատարանի հարցին ի պատասխան՝ նա հայտնեց, որ նիստերի դահլիճում ներկա գտնվողներից ճանաչում է միայն ամբաստանյալ Արման Հայրապետյանին (նա Հ1-ում արբանյակային հեռուստացանցի համակարգող է աշխատել,-խմբ.): Մեղադրող դատախազ Էդգար Արսենյանը՝ հետաքրքրվեց, թե քանի մուտք կա Հանրային հեռուստաընկերությունում, ինչպես է իրականացվում դրանց հսկողությունը, եւ արդյոք Արման Հայրապետյանի մուտքն ու ելքը եւս գրանցվում է իրենց բաժնում: Դատախազի հարցերին ի պատասխան՝ վկան պատմեց. «Չեմ հիշում, թե 3-4 տարի առաջ քանի մուտք կար, բայց վերանորոգվող մուտքեր կային, եւ դրանք դուրս էին հսկողությունից, հնարավոր է՝ մարդ մտներ, չտեսնեինք, մենք միայն գլխավոր մուտքն էինք հսկում, իսկ աշխատողներն էլ անցնում էին կենտրոնական մուտքով՝ իրենց էլեկտրոնային քարտերի միջոցով: Այսինքն՝ նրանց մուտքն ու ելքը, որպես այդպիսին, չէր հսկվում»:

Երկրորդ վկան Հանրային հեռուստաըկերության եթերի ապահովման ծառայության մասնագետ Հարություն Մեհրաբյանն էր, որը եւս հայտնեց, որ նիստերի դահլիճում գտնվող անձանցից ճանաչում է միայն ամբաստանյալ Արման Հայրապետյանին, որի հետ ունի աշխատանքային հարաբերություններ: Նախագահող դատավոր Մեսրոպ Մակյանը հարցրեց, թե մեղադրանքի սահմաններում վկան ինչ փաստեր կարող է ներկայացնել: Ինչին ի պատասխան Մեհրաբյանը պատմեց, որ դեպքից մի քանի օր առաջ Արման Հայրապետյանը մի աղջկա հետ գնացել է Հանրային հեռուստաընկերություն. «Նոյեմբերի 14-ն էր, ուշ ժամ, մտան եթերային բաժին, որը փակ տարածք է, 3-4 րոպե ման եկան եւ դուրս եկան, դե, նոր բաժին էր՝ սիրուն սարքած, բերում, մարդկանց ցույց էին տալիս»: Թե ով էր այդ աղջիկը, եւ որն էր նրա գալու նպատակը, վկան չգիտեր:

Մեղադրող դատախազի հարցին, թե ինչպես է Արման Հայրապետյանը մուտք գործել իրենց բաժին, քանի հոգով են այնտեղ աշխատում, եւ արդյոք ինքը լսել է Արմանի եւ այդ աղջկա միջեւ եղած որեւէ խոսակցություն, վկան պատասխանեց. «Մեր բաժնում երեք հոգով էինք, Արմանն էլ էր մեր բաժնից, եւ անկախ այդ օրը անձը հերթափոխի է թե ոչ՝ քարտով կարողանում է մտնել: Երբ այդ աղջկա հետ եկավ, լսեցի, որ ասաց՝ սա եթերային բաժինն է, ու վերջ, 2 րոպե չի տեւել, միասին դուրս եկան»: Դատախազը հիշեցրեց, որ նախաքննության ընթացքում իրեն ցույց են տվել աղջիկների լուսանկարներ, որոնց միջից նա ճանաչել է Արման Հայրապետյանի հետ եկած աղջկան: Նա հետաքրքրվեց՝ արդյո՞ք եղել է որեւէ ուղղորդում, եւ որքանով են արժանահավատ իր այդ ասածները. «Որեւէ ազդեցություն չի եղել, նմանացրել եմ Մարինե Կաթանյանին (գործով ամբաստանյալ,-խմբ.), բայց չեմ կարծում, թե 2 րոպեի ընթաքում կկարողանայի հարյուր տոկոսով հիշել»,-ասաց վկան՝ ամեն դեպքում պնդելով, որ իր ասածները եղել են արժանահավատ:

Նախագահող դատավոր Մեսրոպ Մակյանը ամբաստանյալ Կաթանյանին խնդրեց ոտքի կանգնել, սակայն նրան նայելով՝ վկան դարձյալ չկարողացավ հստակ հիշել՝ ասելով, որ տարիներ առաջ աղջկա մազերը սեւ էին:

Վկա Մեհրաբյանին հարցեր ուղղեց նաեւ Արման Հայրապետյանի պաշտպան Լիլիթ Ինգոլցյանը՝ հետաքրքրվելով, թե եթերի քանի տեսակ կա իրենց բաժնում: Վկան պատմեց, որ դրանք երեքն են՝ տեղական, արբանյակային եւ ամերիկյան: Հայրապետյանի պաշտպանը հարցրեց՝ կարո՞ղ է արդյոք մի տեսակի պատասխանատուն տիրապետել մյուսի աշխատանքին, ինչին ի պատասխան՝ վկան ասաց. «Ծրագրային տարբերություններ կան, կարող է՝ մինիմալ տիրապետեր, բայց ենթադրում եմ՝ լիարժեք ոչ»:

Դատակոչված երրորդ վկան Հանրային հեռուստաընկերության եթերի ապահովման պատասխանատու Տիգրան Աբազյանն էր, որը հայտնեց, որ Արման Հայրապետյանի հետ ունի միայն աշխատանքային հարաբերություններ: Մեղադրող դատախազ Էդգար Արսենյանը հետաքրքրվեց՝ ով կարող էր մուտք գործել իրենց բաժին, եւ ինչքան ժամանակ է Արման Հայրապետյանը այդ աղջկա հետ մնացել այնտեղ. «Մուտքը քարտերով էր, ինչն էլ միայն աշխատակիցներն ունեին: Հստակ չեմ հիշում, թե ինչքան մնացին, բայց երկար չէր, 3-5 րոպե երեւի»: Վկան հայտեց, որ նրանց խոսակցությունը չի լսել, սակայն հետագայում քննիչի մոտ ճանաչել է այդ աղջկան: Արման Հայրապետյանի պաշտպան Ինգոլցյանը դարձյալ հետաքրքրվեց՝ եթերի տեսակներից մեկին տիրապետողը մյուսով աշխատել կարո՞ղ է արդյոք. «Ընդհանուր նման են, բայց նրբություններ կան, կարող է կարողանալ, կարող է եւ ոչ»:

Մեղադրող դատախազ Արսենյանը միջնորդեց հրապարակել վկա Աբխազյանի նախաքննական ցուցմունքը՝ հաշվի առնելով, որ տեւական ժամանակ է անցել, եւ ապացուցողական նշանակություն ունեցող մի շարք կարեւոր հանգամաքներ նա այժմ չի հիշում: Պաշտպանական կողմը չառարկեց միջնորդության դեմ, եւ նախագահող դատավոր Մեսրոպ Մակյանը բավարարեց այն:

Իր նախաքննական ցուցմունքում, վկան, պատմելով դեպքի հանգամանքները, նշել է, որ Արման Հայրապետյանը այդ աղջկա հետ իրենց բաժնում մնացել է 5-10 րոպե. «Մեզ ոչ ոք չի ծանոթացրել, եւ մենք ոչ մի զրույց չենք ունեցել: Հետագայում նույնպես չեմ հարցրել, թե ով էր: Իսկ ինձ ներկայացված լուսանկարում պատկերված քաղաքացի Մարինե Կաթանյանի չեմ ճանաչում, բայց նա Արմանի հետ եկած աղջիկն է»,-ասված էր վկայի ցուցմունքում:

Դատախազի հարցին ի պատասխան՝ վկան ամբողջությամբ պնդեց իր նախաքննական ցուցմունքում արձանագրված այս եւ այլ հանգամանքներ: Այնուհետեւ նախագահող դատավոր Մակյանը հետաքրրքվեց, թե Արման Հայրապետյանը կամ որեւէ այլ անձ ցանկության դեպքում կկարողանար իրենց բաժնից եթեր մտնել: Սկզբում վկան բացասական պատասխան տվեց, բայց հետո ամեն դեպքում չբացառեց դա:

Այսօր դատակոչված վերջին վկան Հանրային հեռուստաընկերությունում ծառայություն իրականացնող ոստիկան Տիգրան Սարգսյանն էր, որը նշեց, որ Արման Հայրապետյանի հետ որեւէ տեսակի հարաբերություն չունի. ծառայում է գլխավոր անցակետի՝ անցագրային բաժնում: Մեղադրող դատախազը հարցրեց՝ երբ աշխատակցի մեքենայի մեջ կողմնակի անձ է լինում, արդյոք նրան ստուգում են, ինչին վկան պատասխանեց, որ միայն կասկածելու դեպքում:

Նախագահող դատավոր Մեսրոպ Մակյանը հայտնեց, որ դատակոչված վեց վկաներից երկուսի բացակայության հիմքով այսօրվա դատական նիստը հետաձգվում է: Այն կշարունակվի դեկտեմբերի 20-ին:

Հիշեցնենք, որ 2015-ի նոյեմբերի 25-ին ԱԱԾ-ն հայտարարություն Նորքում վնասազերծվել է զինված խումբ: Դեպի առթիվ հարուցվել էր քրեական գործ, որի շրջանակներում մեղադրանք էր առաջադրվել մի խումբ անձանց, այդ թվում՝ ՊՆ նախկին փոխնախարար Վահան Շիրխանյանին: Ըստ քրեական գործի`«2015-ի ապրիլից գտնվելով ՀՀ տարածքում`Արթուր Վարդանյանը ստեղծել ու ղեկավարել է ՀՀ քաղաքացիներից կազմված հանցավոր համագործակցություն, կազմակերպված խմբի կազմում ապօրինի կերպով ձեռք է բերել, պահել, փոխադրել և կրել մեծ քանակությամբ զենք, ռազմամթերք, պայթուցիկ նյութեր, պայթուցիկ սարքեր` նպատակ ունենալով Հայաստանի Հանրապետությունում իշխանությունը յուրացնել, այսինքն՝ զավթել՝ բռնություն գործադրելու կամ բռնություն գործադրելու սպառնալիքով, ինչն ավարտին չի հասցվել՝ նրա կամքից անկախ հանգամանքներում, քանի որ, ըստ ԱԱԾ-ի հանցավոր գործակցության մեջ ներգրավված անձինք բացահայտվել ու 2015թ. նոյեմբերի 25-ին վնասազերծվել են»։ Քրեական գործով ամբաստանյալի կարգավիճակ ունի 20 անձ, նրանք բոլորն էլ այս պահին ազատության մեջ են։ Ամբաստանյալները մեղադրվում են կազմակերպված խմբի կազմում ապօրինի կերպով զենք-զինամթերք ձեռքբերելու, պահելու, փոխադրելու եւ կրելու, ինչպես նաեւ՝ բռնություն գործադրելու կամ բռնություն գործադրելու սպառնալիքով ՀՀ-ում իշխանությունը յուրացնելու համար, ինչը ավարտին չի հասցվել իրենց կամքից անկախ հանգամանքներում:

 

 

Տպել
2889 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում