Ալավերդու բժշկական կենտրոնում նորից կփորձեն տնօրեն ընտրել. կենտրոնին առնչվող երկու դատական հայց կա

Ալավերդու բժշկական կենտրոնում եւս մեկ անգամ կփորձեն տնօրեն ընտրել: Թափուր պաշտոնի նախորդ մրցույթում, որի արդյունքները, ի դեպ, բավական աղմկահարույց եղան, հաղթող չէր ճանաչվել:  

Լոռու մարզպետարանը նոր մրցույթ է հայտարարել, որն անցկացվելու է 2020 թվականի փետրվարի 20-ին «Ալավերդու ԲԿ»-ում:

Ամիսներ առաջ՝ հոկտեմբերի 8-ին, կայացած մրցույթը չեղյալ էր համարվել, քանի որ մրցույթի 3-րդ փուլ անցած միակ մասնակիցը՝ Ստեփանավանի բժշկական կենտրոնի վիրաբուժական բաժնի վարիչ, Վանաձորի բժշկական կենտրոնի վիրաբույժ Գեւորգ Ազարյանը, չէր ստացել հանձնաժողովի անդամների բավարար ձայները եւ հաղթող չէր ճանաչվել:

Ազարյանն ի պատասխան՝ հայտարարել էր՝ դատարան է դիմելու, քանի որ, իր խոսքով, անարդար են վարվել, ինքը հաղթող պետք է ճանաչվեր, որովհետեւ մրցույթի 3-րդ փուլը, նրա համոզմամբ, կարեւոր չէ, իսկ 2 փուլերը թեկնածուներից միայն ինքն է հաղթահարել:

Մեզ հետ զրույցում Ազարյանը նշեց, որ անարդար որոշման պատճառով արդեն դատարան դիմել է, սակայն դեռ նիստեր չեն եղել: Վիրաբույժն այս անգամ մրցույթին չի մասնակցի: Նա եւս մեկ դատական հայց է ներկայացրել՝ պահանջելով, որ քանի դեռ նախորդի արդյունքները բողոքարկվում են, նոր մրցույթ չանցկացվի:

Լոռու մարզպետարանից մեր հարցին ի պատասխան՝ ընդգծեցին, որ մրցույթին մասնակցելու դիմում-հայտեր դեռեւս չեն ստացվել: Նշենք, որ դիմումների ընդունման վերջնաժամկետը 2020 թ.-ի հունվարի 17-ն է:

Նախորդ անգամ մրցույթին մասնակցել էր նաեւ «Ալավերդու ԲԿ-ի» գործող տնօրեն Ստեփան Մոսինյանը, ով այս անգամ եւս կփորձի իր ուժերը: Այս մասին տեղեկացանք ԲԿ-ի լրատվական ծառայությունից:

Մրցույթին մասնակցել ցանկացող քաղաքացիները, անհրաժեշտ փաստաթղթերից բացի, մարզպետարան պետք է ներկայացնեն կազմակերպության զարգացման նախնական ծրագիրը, որը ներառում է կազմակերպության զարգացման, բարեփոխման, մասնագիտական, ֆինանսատնտեսական եւ կառավարման ոլորտի զարգացման հիմնական ուղենիշները, կառուցվածքի եւ գործունեության բարեփոխմանն ուղղված առաջարկությունները:

Հիշեցնենք, որ նախորդ մրցույթի արդյունքները բողոքարկող Գեւորգ Ազարյանը հենց այս փուլում էր անհաջողություն ունեցել: Նա պնդում էր, որ բուժհաստատության զարգացման ծրագիրը որոշիչ չի կարող լինել՝ չնայած ՀՀ կառավարության 992-Ն որոշմամբ՝ դա թեկնածուներին ներկայացվող պահանջներից մեկն է: 

Տպել
380 դիտում

Ֆելիքս Ցոլակյանը երեխաներին է նվիրում «Աղետների ռիսկի նվազեցման կրթություն» վարքականոնների մասին գրքեր

Հզոր «Լիվերպուլը» ոչ մի հարված չի կատարել «Ատլետիկոյի» դարպասին. պարտվել է 0:1 (տեսանյութ)

Խոզերի կերի մեջ հայտնաբերվել են աղիքային խմբի մանրէներ և բորբոսասնկեր. ՍԱՏՄ

Հրդեհ Լերմոնտովո գյուղի բնակելի տներից մեկում. տուժածներ չկան

Նորին Մեծություն Դանիայի թագուհի Մարգրետե Երկրորդն ընդունել է ՀՀ ԱԺ նախագահ Արարատ Միրզոյանին

Փետրվարի 13-ին 3-րդ հարկից ընկած 1,5 տարեկան փոքրիկի վիճակը լավ է, շաբաթվա վերջում դուրս կգրվի

Պաշտպանի աջակցությամբ ՀՀ քաղաքացուն նշանակվել է ՌԴ-ում ծնված երրորդ երեխայի 1 միլիոն դրամ նպաստը

Երեկ դանակահարված անչափահասներից մեկի վիճակը միջին ծանրության է, մյուսինը՝ կայուն

Սերժ Սարգսյանի եւ մյուսների գործով առաջին նիստի օրը հայտնի է

Քրեական ենթամշակույթն ու դրա օրենքները ստեղծում են հանցավոր միջավայր. քննարկում գլխավոր դատախազությունում

Ա. Սարգսյանն ընդունել է Չինաստանի դեսպանին, ստացել Չինաստանի նախագահի շնորհակալությունը

ՊԵԿ-ը 2020 թվականի հունվար ամսին պետական բյուջե է հավաքագրել 161 մլրդ 879 մլն դրամ հարկեր

24 ժամով դադարեցվում է Լոռու մարզի համայնքների մեծ մասի ջրամատակարարումը

Նախարարությունը 50.000 գիրք կտրամադրի դպրոցների գրադարաններին

ԱՄՆ-ի կոնգրեսականների աշխատակիցները կհետևեն Արցախի ընտրություններին․ «Ամերիկայի ձայն»

Դանակահարություն Երեւանում. «Ռիո Մոլ»-ի տարածքից 2 անչափահասներ տեղափոխվել են հիվանդանոց

Նախագահը ստորագրել է ՀՀ քրեական օրենսգրքում փոփոխություններ և լրացումներ կատարելու մասին օրենքի փաթեթը

Զինվորական քննչական գլխավոր վարչության պետն ընդունել է զոհված զինվորի հարազատներին

Վանում 2 երկրաշարժ է գրանցվել

Փակ են եւ դեռ անորոշ ժամանակ փակ կմնան Ամբերդ ամրոց և Քարի լիճ տանող ավտոճանապարհները