Իջեւանի բժշկական կենտրոնի տնօրենի թափուր պաշտոնի մրցույթի արդյունքները նորից բողոքարկվում են. հաղթել է 2 թեկնածու

Ամիսներ առաջ տեղի ունեցած բոյկոտից հետո այսօր նորից կայացել է ՀՀ Տավուշի մարզի «Իջեւան բժշկական կենտրոն»-ի տնօրենի թափուր պաշտոնի մրցույթը:

Առաջադրված 4 թեկնածուներից 2-ը հաղթել են, 1-ը չի մասնակցել, իսկ հաստատության տնօրենի պաշտոնակատար, նույն պաշտոնի հավակնորդ Վազգեն Մարգարյանը չի հաղթահարել 2-րդ փուլը:

Այս մասին մեզ հետ զրույցում տեղեկացրեց Տավուշի մարզպետի մամուլի խոսնակ Գագիկ Աղբալյանը: Նրա խոսքով՝ մրցույթն անցել է բարձր մակարդակով, հետեւողական են եղել, որ մասնակիցների համար անհավասար պայմաններ եւ բողոքարկելու առիթներ չլինեն: Առկա է տեսաձայնագրություն:

Չնայած գործադրված ջանքերին՝ բողոքարկում, այնուամենայնիվ, եղել է: «Իջեւան բժշկական կենտրոն»-ի տնօրենի պաշտոնակատար Մարգարյանը, որը նախորդ անգամ բոյկոտել էր գրավորի փուլը՝ նշելով, որ թեստում ընդգրկված առաջադրանքների մեծամասնությունը դուրս է այն հարցաշարից, որը նախապես տրամադրվել է իրեն, այս անգամ եւս դժգոհ է եղել: Պատճառը՝ բանավոր փուլի հարցերից մեկն է եղել, որը Մարգարյանը բողոքարկել է:

Ինչպես նշեց Աղբալյանը, կկազմվի հանձնաժողով, որը սահմանված կարգով քննարկում կիրականացնի եւ խախտում չհայտնաբերելու դեպքում՝ Տավուշի մարզպետ Հայկ Չոբանյանը 2 հաղթած մասնակիցներից մեկին կնշանակի կենտրոնի տնօրեն:

«Եթե նախորդ անգամ խնդիրը գրավորն էր, այս անգամ`բանավորը»,- մեզ հետ զրույցում դժգոհեց Վազգեն Մարգարյանը, որի խոսքով՝ օրինականությունը այս մրցույթի գրավորի փուլում ապահովեցին, այդ պատճառով 100 բալ է հավաքել, իսկ բանավորի համար անհրաժեշտ հարցաշար չեն տրամադրել, միայն գրականությունն են նշել, ասել, որ գնան գտնեն, օգտվեն: Մարգարյանը չբացառեց, որ հնարավոր է՝ մեկ այլ մասնակցի ընդամենը 50 հարց են տրամադրել՝ պատրատվելու համար եւ նշել, որ դրանք են լինելու մրցույթին. «Այդ խոհանոցին ես վաղուց եմ ծանոթ, բանավորը ներքին կարգով կարող են տրամադրել, ուղղակի մենք իրավական, ապացուցողական հիմք չունենք»:

Մրցույթի այս փուլի ժամանակ տնօրենի պաշտոնակատարը 5-ից 3 հարցի պատասխանել է, սակայն դա բավարար չի եղել, ինչը ըստ Մարգարյանի, տարիներ առաջ այդպես չէր. 2013 թվականին, եթե 5 հարցից 3-ին պատասխանում էիր, անցնում էիր:

Այս անգամ բողոքող թեկնածուն մեկ հարցի հետ կապված անհամաձայնություն ունի եւ սպասում է, որ բողոքարկումն իր օգտին է լուծվելու: Այդ դեպքում ինքն էլ, ըստ Մարգարյանի, մրցույթում հաղթող կճանաչվի, ու մարզպետն ընտրություն կկատարի 3 հավակնորդների միջեւ:

Չնայած Տավուշի մարզպետի մամուլի խոսնակն իր խոսքում նշեց, որ ամեն ինչ արել են, որ մասնակիցների համար անհավասար պայմաններ չլինեն, Մարգարյանը մրցույթի հանձնաժողովի նախագահից եւս դժգոհեց: Նրա խոսքով՝ անցած անգամ նույն մարդն էր, բողոքարկեցին, նոր մրցույթ հայտարարեցին, սակայն հանձնաժողովի նախագահը չփոխարինվեց: Իջեւանի բժշկական կենտրոնի տնօրենի թեկնածուն նկատեց, որ նախկինում հանձնաժողովի նախագահն էր լինում մարզպետը կամ նրա տեղակալը. «ծայրահեղ դեպքում՝ աշխատակազմի ղեկավարը, ամենածայրահեղ դեպքում՝ առողջապահության վարչության պետը»:

Հանձնաժողովի նախագահից դժգոհ է, քանի որ, ըստ նրա,մարզպետի խորհրդականն է, Հայաստանում կրթություն չի ստացել, առողջապահության կազմակերպման, կառավարման լիցենզիա չունի. «Ես 6 ամիս է՝ թողել եմ իմ անձնական բիզնեսը, հիվանդանոցը ոտքի կանգնեցրել, 120 միլիոնով բյուջեն ավելացրել, դա իրենց չի հետաքրքրում, իրենց ուրիշ բան է հետաքրքրում, այստեղ կառավարելի մարդ ունենան, ոնց ուզեն, էնպես էլ անեն»:

Վերջնական փուլում, երբ տնօրենը նշանակվում է մարզպետի կողմից, Մարգարյանի խոսքով, եւս ամեն ինչ անձնական որոշումով է լինում: Այս դեպքում այդ նշանակումը կլինի, երբ համապատասխան հանձնաժողովն ուսումնասիրի բողոքարկումն ու եզրակացություն ունենա:

Նշենք, որ հաղթած մասնակիցներից մեկը Էդուարդ Գրիգորյանն է, որը նախորդ մրցույթին եւս մասնակցել էր եւ հաղթել, մյուսը՝ Արսեն Մկրտչյանը, որը նոր թեկնածու է:

Այն հարցին, թե ինչու թեկնածուներից մեկը չի մասնակցել մրցույթին, Տավուշի մարզպետի մամուլի խոսնակը նշեց, որ իրենք այդ մասին տեղեկատվություն չունեն:

Հավելենք նաեւ, որ ՀՀ կառավարության 992-Ն որոշմամբ բուժհաստատության տնօրենի թափուր պաշտոնի մրցույթն անցկացվում է երեք փուլով: Մասնակիցները նախ անցնում են թեստավորման փուլը: Առաջադրանքները կատարելուց հետո՝ մասնակիցը հաջորդ` հարցազրույցի փուլ է անցնում՝ առաջադրանքների առնվազն 90 տոկոսին ճիշտ պատասխանելու դեպքում: 2-րդ փուլում յուրաքանչյուր մասնակցի հետ հարցազրույցն արձանագրվում եւ ձայնագրառվում է: Այնուհետեւ հարցատոմսերի առնվազն 4 հարցերի պատասխանները ճիշտ գնահատվելու դեպքում՝ մասնակիցն անցնում է մրցույթի երրորդ փուլ, որտեղ նրա կողմից բանավոր կարգով ներկայացվում է կազմակերպության զարգացման նախնական ծրագիրը: Վերջում անցկացվում է փակ գաղտնի քվեարկություն: Հանձնաժողովի յուրաքանչյուր անդամ քվեարկում է «կողմ» կամ «դեմ»:

Տպել
1237 դիտում

Մենք ապրող ու հաղթող ժողովուրդ ենք. վարչապետ

Հայաստանը նշում է Առաջին Հանրապետության օրը

«Արմենիա» ավիաընկերությունը նախատեսում է իրականացնել հատուկ չվերթ Երևան-Լիոն-Երևան ուղղությամբ

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»

Գո՞հ չեք, մենք գոհ ենք․ վարչապետը՝ տրանսպորտի ոլորտում իրանացվելիք նոր ծրագրի մասին

Վախեցնում ես մեզ, որ ի՞նչ անես. մենք վաղուց ավարտել ենք. Սերգեյ Բագրատյանը՝ Նազելի Բաղդասարյանին

Գյումրու պոլիկլինիկաները ստացել են համապատասխան պարագաներ և ցուցումներ. կորոնավիրուսի դրական դեպքերը հսկվում են տանը

2 անչափահաս երեխա, ամուսինն էլ՝ սահմանին. բուժքույրը հերթափոխով աշխատել չի կարող, տնօրենն էլ ասում է՝ պայմանը միայն դա է

Սիրուշոն տեսակապով խոսել է «Թղթե տունը» սերիալի երգչուհու հետ. վերջինս խոստովանել է, որ նոր եթերաշրջան է լինելու

Խախտման մասին արձանագրությունը կներկայացվի պարետատուն. ՍԱՏՄ

«Սրանից հետո դուք եք հերքելու ամեն ինչ. դե, գնացեք հերքեք, տեսնեմ՝ ոնց եք հերքում». Նիկոլ Փաշինյանը՝ ԼՀԿ պատգամավորին