Գործում չկա որեւէ ցուցմունք, որը կուզեինք, որ փոխվեր. Լեւոն Քոչարյան

«Մենք երկու տարի է՝ պնդում ենք, որ հայրս կամ մենք ոչ նպատակ ունենք խոչընդոտելու, ոչ գործում կա որեւէ ցուցմունք, որը կուզեինք, որ փոխվեր: Միակ անհամաձայնությունը ցուցմունքների հետ, որի մասին հայրս էլ խոսել է, Աշոտ Կարապետյանի մի նախադասությունն է»:

Լրագրողների հետ զրույցում այսօր այս մասին հայտարարեց Ռոբերտ Քոչարյանի որդի Լեւոն Քոչարյանը՝ անդրադառնալով Ոստիկանության երեկ տարածած տեսանյութին, ըստ որի՝ Ռոբերտ Քոչարյանի աջակիցը Մարտի 1-ի գործով տուժողին առաջարկել է հրաժարվել ցուցմունքից:

Մեր հարցին՝ արդյո՞ք ինքը բացառում է, որ դա կարող է տեղի ունեցած լինել առանց որեւէ ազդեցության, այնպես, ինչպես նկարագրված էր, Լեւոն Քոչարյանն ասաց. «Ես չեմ կարող ոչինչ բացառել կամ հաստատել, կարող եմ բացառել միայն այն, որ մենք որեւէ կապ չունենք այդ ամենի հետ, որովհետեւ դրա նպատակը չկա»:

Լեւոն Քոչարյանի խոսքով՝ այդ տեսանյութը շատ կասկածելի է. «Ես երկու տարբերակ եմ տեսնում. մի տարբերակը այն է, որ այդ անձի մոտ հատուկ նպատակ է եղել, հատուկ նպատակով են ուղարկել, եւ ձայնագրել այդ ամենը, երկրորդը, որ մի քիչ վատ տարբերակ է, եւ որ չեմ ուզում անգամ մտածել, այն է, որ ի սկզբանե այդ մարդու հայտնվելն է ինչ-որ հանգամանքներում եղել եւ եղել պայմանավորված: Ոչինչ պետք չէ բացառել՝ նկատի ունենալով իշխանությունների գործելաոճը»,-ասաց Քոչարյանը:

Վերջինս նշեց, որ իր համար անհասկանալի է, թե տուժողի ցուցմունքը ինչ ձեւով պիտի փոխվի կամ ինչ ձեւով պետք է իրենց վնասի. «Աբսուրդ է, որ նման բան անի մի մարդ, ում մենք ճանաչում ենք ընդամենը երեք ամիս,-ասաց Լեւոն Քոչարյանը՝ հարց բարձրացնելով, թե ինչու է տեսանյութը տարածվել հենց երեկ. «Ես գտնում եմ, որ դա, միանշանակ, այսօրվա որոշման վրա ազդելու նպատակ է ունեցել. քանի անգամ մենք տեսանք, որ երբ դատավորը գտնվում է խորհրդակցական սենյակում, նման բաներ են անում»:

Քոչարյանը նշեց, որ այս ամիսների ընթացքում աջակիցների մեջ եղել են մարդիկ, որոնք իրենց ինչ-որ հարցում սխալ են պահել, խոստումներ են տվել մարդկանց եւ նման դեպքերում իրենք իրենց շարքերից հեռացրել են այդ մարդկանց՝ շնորհակալություն հայտնելով. «Այնպես չէ, որ ով աջակից է, գալիս, գրանցվում, ինչ-որ թուղթ է ստանում, նրանք պարզապես մարդիկ են, համախոհներ, ամեն մեկը կարող է մի տեսակ լինել. մեկը գալիս ու մտածում է, որ հետագայում պետք է իշխանություն լինես, ինքն էլ դրա մեջ լինի, մյուսն էլ ուղղակի այս անարդարության դեմ է պայքարում»:

Լեւոն Քոչարյանի խոսքով՝ իրենք իրավապահ համակարգի նկատմամբ հավատ չունեն. «Նրանց մղումն էլ շատ լավ հասկանում ենք ու տեսնում վերջին գրեթե երկու տարվա մեջ իրենց նպատակը ոչ միայն ինչ-որ բան պարզելն է, այլ ամեն կերպ կեղտոտելը, անվան հետ խաղալը, շատ ցածր, ճղճիմ քայլ էր այս ամենը»:

Անդրադառնալով այն հանգամանքին, որ իր հոր ազատությունը պահանջող մշակույթի գործիչներից ոմանք հերքել են իրենց ստորագրություն տալը՝ Լեւոն Քոչարյանն ասաց. «Չկա այդ ցուցակում նշված գեթ մեկ անձ, ով համաձայնություն չի տվել հորս ազատ արձակման պահանջի տակ ստորագրելու համար: Մենք հիմա մեզ թույլ չենք տա համապատասխան ապացույցներ ներկայացնել այդ մարդկանց վատ վիճակի մեջ չդնելու համար: Ես նորից շնորհակալ եմ բոլորին, ովքեր միացել են»:

Լեւոն Քոչարյանի խոսքով՝ մշակութային գործիչները տեքստին ծանոթ են եղել. «Եթե ինչ-որ մարդ կա, ով տեքստին ծանոթ չի եղել, ես չգիտեմ, թե դա ում թերացումն է, ներողություն եմ խնդրում դրա համար, բայց դա գրեթե բացառում եմ»: Քոչարյանը նշեց, որ չի մեղադրում այն մարդկանց, ովքեր հետ են կանգնել իրենց ստորագրությունից. «Նրանց էլ եմ հասկանում, հանրային մարդիկ են, քննադատությունն իրենց համար մի քիչ ավելի ծանր բան է. բեմ են բարձրանում, գուցե ավելի զգացմունքային են վերաբերում այդ ամենին»: Մեր այն հարցին՝ արդյո՞ք դա պայմանավորված էր միայն հանրության տրամադրություններով, Քոչարյանը պատասխանեց, «Հանրություն ասելը մի քիչ սխալ է, որովհետեւ մենք ունենք ինչ-որ իրականություն, եւ ունենք սոցցանցային իրականություն, որոնք շատ հաճախ իրարից տարբերվում են»:

Լեւոն Քոչարյանը նշեց նաեւ, որ իր կնոջ՝ Սիրուշոյի գործոնը այդ գործընթացներում եւս եղել է, քանի որ նրանք կոլեգաներ են: Հարցին՝ իսկ ինչու՞ Սիրուշոն չի ստորագրել այդ պահանջի տակ, նա պաստասխանեց. «Ձեզ թվում է, որ նա պիտի ստորագրի, որ դրանով պարզ լինի՞»:

Հիշեցնենք՝ Վերաքննիչ քրեական դատարանը դատավոր Լուսինե Աբգարյանի նախագահությամբ այսօր մերժեց Ռոբերտ Քոչարյանի պաշտպանների բողոքը՝ վերջինիս գրավի դիմաց ազատ չարձակելու որոշման դեմ:

Տպել
1151 դիտում

Մանուկների փորած խրամատ ու զենքեր Երևանի այգիներում․ կռիվ-կռիվ ենք խաղում, որ ուժեղանանք, մեծանանք ու մենք էլ հաղթենք

Հնդկաստանի դեսպանը առողջապահության նախարարին հավաստիացրել է, որ կուսումնասիրի օգնության բոլոր հնարավոր տարբերակները

Միայն սեպտեմբերի 26-ին և 27-ին Թուրքիայից Ադրբեջան է տեղափոխվել 1000 զինծառայող․ ՔԿ-ն բազում ապացույցներ ունի

Ձեր լռությունը սպանում է մեզ. Հենրիխ Մխիթարյան

Մի քանի սցենարներ կան հասկանալու, թե ինչպես կազդի պատերազմը տնտեսության վրա․ տնտեսագետ

Ազգային ժողովն այսօր արտահերթ նիստ կհրավիրի

Արգիշտի Քյարամյանի վերաբերյալ հարուցված քրեական գործ չկա․ ԱԱԾ տնօրենի տեղակալ

Արցախի ՄԻՊ-ը պատրաստել է հայ ռազմագերիների հանդեպ անմարդկային վերաբերմունքի դեպքերը ներկայացնող երկրորդ զեկույցը

Հայաստանի ՄԻՊ-ը Ֆրանսիայի խորհրդարանական պատվիրակությանն է ներկայացրել ադրբեջանական դաժանությունները կոնկրետ օրինակներով

ԿԲ խորհուրդը որոշեց վերաֆինանսավորման տոկոսադրույքը թողնել անփոփոխ՝ սահմանելով 4.25%․ Գալստյան

Այս փուլում փոխզիջումների մասին խոսակցությունը սպառված է. թող ոչ ոք չոգեւորվի թշնամու փոքր հաջողությունից

ՀՀ ՊՆ-ն ու ԶՈՒ գլխավոր շտաբը կոչ են անում զերծ մնալ պառակտիչ հայտարարություններից ու գործողություններից

Նախորդ մրցաշրջանի Հայաստանի լավագույն մարզիչը հեռացավ «Նոայից»

Պատերազմի ընթացքում ՀՀ ԱԱԾ սահմանապահ զորքերից զոհվել է 37, վիրավորվել՝ 243 ծառայող․ ԱԱԾ տնօրենի տեղակալ (տեսանյութ)

Համացանցում hայերեն խոսող «ադրբեջանցին» իրականում ՀՀ քաղաքացի է, ռազմական գործողության չի մասնակցել. Վարդանյան

Հոկտեմբերի 27-ի մեր նահատակների ու հերոսների հոգիները, ոգին եւ ուժն այսօր մեզ հետ են․ Նիկոլ Փաշինյան

Ադրբեջանական ագրեսիայի հետեւանքով սեպտեմբերի 28-ից մինչ օրս ՀՀ-ում սպանվել է 11, վիրավորվել՝ 8 անձ․ Ռ․ Վարդանյան

Եթե հանկարծակի կրկնվեց, սաղ խոցելու ենք, ջարդելու ենք. Դավիթ Տոնոյանի մոտ քննարկվել է իրավիճակը ՀՀ հարավային սահմանին

Ադրբեջանում այս պահին կա 17 հայ ռազմագերի․ Ռաֆայել Վարդանյան

Թուրք զինվորականները մեզ սովորեցրել են լեռներում մարտ վարել. ռազմագերի Էմին Բախշալիևի հարցաքննությունը (տեսանյութ)