Լրագրողներն ու մարզիչները դեմ են լավագույն մարզիկների ընտրության ԿԳՄՍ նախարարության ձեւաչափին

Հայ մարզիչներն ու սպորտային լրագրողները դժգոհ են տարվա «10 լավագույն մարզիկների» ընտրության ձեւաչափից, որը սահմանել է Կրթության, գիտության, մշակույթի եւ սպորտի նախարարությունը։ Երեկ՝ դեկտեմբերի 25-ին, նրանք հերթական անգամ մասնակցեցին տարվա լավագույն մարզիկների ընտրությանը, եւ, ինչպես միշտ, տեղի ունեցավ նաեւ SMS քվեարկություն։ Հենց SMS-ների հետ են կապված հիմնական դժգոհությունները։ Մարզիչների շրջանում կան կարծիքներ, որ ավելի օբյեկտիվ կլինի, եթե քվեարկեն միայն մարզական լրագրողները։ Նման տեսակետ ունի, օրինակ, ՀՀ տղամարդկանց ծանրամարտի հավաքականի գլխավոր մարզիչը Փաշիկ Ալավերդյանը։

«Ի՞նչ է նշանակում SMS-ներով։ 3-րդ կամ 4-րդ դասարանի երեխան էլ հեռախոս ունի։ Եթե լավագույն մարդ եք ընտրում, ուրիշ բան։ Իսկ լավագույն մարզիկին պետք է ընտրեն մարզական լրագրողները, եւ ուրիշ ոչ մեկը, նույնիսկ՝ ես, որովհետեւ ամեն մեկս վերմակը դեպի մեզ ենք քաշում»,- ասաց նա։

Նույն կարծիքին է նաեւ ՀՀ մարմնամարզության հավաքականի գլխավոր մարզիչ Հակոբ Սերոբյանը։ Նա եւս չի ողջունում SMS քվեարկության տարբերակը: Վստահ է, որ դա օբյեկտիվ պատկեր չի ապահովում:

«Իմ կարծիքով՝ SMS-ների առկայությունը սխալ է։ Գլխավոր մարզիչները մասնագետ են, հասկանում են, իսկ ամենակարեւորները լրագրողներն են, քանի որ նրանք ամեն մարզաձեւից տեղյակ են, դժվարություններից, դահլիճների վիճակից... »,- ասաց նա եւ ավելացրեց, որ համաձայն է նաեւ այն կարծիքին, որ մարզիչների համար բարդ է անաչառ լինել։

Երեկ տասնյակի ընտրության ժամանակ մարզիչները նաեւ միմյանց հետ են այս թեմայով քննարկումներ ունեցել։ Լրագրողների հետ զրույցում ՀՀ հունահռոմեական ոճի ըմբշամարտի հավաքականի գլխավոր մարզչի պաշտոնակատար Էդուարդ Սահակյանն ասաց՝ կարծիքներ են հնչել, որ կարելի է բալային համակարգ կիրառել։

«Արդյունքներին համապատասխան բալեր լինեն»,- ասաց նա։

Մարզական լրագրողների դիտարկումները եւս կապված եմ SMS-ների հետ։ Նրանք համարում են, որ դա առավելություն է տալիս այն մարզիկներին, որոնք շատ մտերիմներ ունեն։ Նման կարծիքի է «Արմենպրեսի» լրագրող Վարվառա Հայրապետյանը։

«Ես արդեն քվեարկում եմ 3-րդ տարին անընդմեջ եւ ի սկզբանե դեմ էի, որ բացի լրագրողների ու մարզիչների քվեարկությունից՝ անցկացվում է նաեւ SMS քվեարկություն, որովհետեւ այդ պարագայում ով ավելի մեծ շրջապատ ունի, կանցնի նրա խնդրանքը, որ իրեն քվեարկեն։ Ըստ իս՝ պետք է քվեարկեն լրագրողները, որոնք ամբողջ տարին հետեւում են մարզիկների անցուդարձին, եւ մասնագետները, որոնք աշխատանք են տանում նրանց հետ», - ասաց նա։

SMS քվեարկության պատճառով հատկապես մեծ աղմուկ էր բարձրացել անցած տարի: Թեկնածուների ցուցակում ընդգրկված 3 սամբիստներ Գրիգոր Մխիթարյանը, Արսեն Ղազարյանը եւ Տիգրան Կիրակոսյանը, անհամեմատ ավելի շատ SMS-ներ էին ստացել, քան, օրինակ, Արթուր Ալեքսանյանն ու Սիմոն Մարտիրոսյանը: Խոսակցություններ կային, ըստ որոնց, նրանք այդքան SMS-ներ են հավաքել անազնիվ ճանապարհով, ինչը նրանք հերքում էին:

Նման իրավիճակներից խուսափելու համար նախարարությունը պատրաստվում է վերանայել ձեւաչափը: Այդ մասին երեկ մրցույթի ավարտից ու կազմված տասնյակի ցանկը ներկայացնելուց հետո ասաց նախարար Արայիկ Հարությունյանը: Նա նշեց, որ մասնագետների հետ քննարկման արդյունքում կընտրվի լավագույն տարբերակը:

Տպել
775 դիտում

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան