Եթե անձը 1 տարվա ընթացքում 2 անգամ առանց վարորդական իրավունքի մեքենա վարի, կենթարկվի քրեական պատասխանատվության

Տուգանային միավորների կամ բալային համակարգի ներդրման մասին 7 օրենսդրական ակտերի ուժի մեջ մտնելու պահից յուրաքանչյուր անձ, որն ունի վարորդական վկայական, ստանալու է 9 միավոր։ Այս մասին այսօր հրավիրված մամուլի ասուլիսի ժամանակ ասաց ՃՈ պետի տեղակալ Արման Չիլինգարյանը, ապա առավել մանրամասն ներկայացրեց, թե այդ միավորներն ինչ իրավախախտումների համար են հանվելու։

Նախ, մեկ տարվա ընթացքում 9 միավորներն սպառելու դեպքում անձի վարորդական իրավունքը կասեցվելու է վեց ամիս ժամկետով։ Դրա կեսը լրանալուց հետո անձն իրավունք կստանա հանձնել միայն տեսական քննություն եւ վերականգնել իր վարելու իրավունքը, իսկ եթե չհանձնի, օրենքի ուժով վարելու իրավունքը կվերականգնվի մեկ տարի անց միայն։

Մեկ տարի անց իրավունքը վերադարձնելուց հետո վարորդին կրկին տրվելու է ինը միավոր։ Մեկ տարվա ընթացքում դրանք սպառելու պարագայում նա զրկվելու է իրավունքից մեկ տարի ժամկետով, եւ այս անգամ վեց ամիս անց քննության հնարավորություն այլեւս չի լինելու, եւ մեկ տարի անց անձը պետք է հանձնի ամբողջական քննություն՝ վկայական ստանալու համար։

Ինչպես հայտնեց ՃՈ պետի տեղակալը, հնարավորություն կա նաեւ հընթացս վերականգնել որոշակի բալեր, եթե սպառված բալերի մնացորդը հասել է երեք եւ պակասի։ Այս դեպքում անձն իր ցանկությամբ կարող է հանձնել տեսական քննություն եւ ավելացնել իր բալերին եւս երկուսը։

Բացի այս՝ ՃՈ ոլորտի մոտ 100 իրավախախտումների տեսակներից տուգանային միավորներ նախատեսվել են 25-ի համար։ Դրանք այն իրավախախտումներն են, որոնց կատարմամբ պայմանավորվում են հատկապես ծանր հետեւանքով ՃՏՊ-ներ կամ որոնց հետեւանքով լինում են հապաղումներ, խցանումներ, ծանրաբեռնված երթեւեկություն։

Չիլինգարյանն ասաց, որ որոշակի փոփոխությունների են ենթարկվել նաեւ որպես տուգանք կիրառվող սանկցիաների չափերը։ Մասնավորապես՝ սանկցիաներից 7-ը նվազեցվել են ավելի քան 50 տոկոսով, 9-ը նվազել են 50 տոկոսով եւ եւս 9-ը՝ 50 տոկոսից մի փոքր պակաս չափով։

Որոշ իրավախախտումների համար նախատեսվել է քրեական պատասխանատվություն։ Մասնավորապես ներկայումս գործող վարորդական իրավունքից զրկված վիճակում վարելուն ավելացվել է նաեւ իրավունքը կասեցված վիճակում տրանսպորտային միջոց վարելը։ Եթե անձն սպառել է միավորները, եւ նրա նկատմամբ կայացվել է վարելու իրավունքի կասեցման որոշում ու դրանից հետո նա մեքենա է վարել, ապա կառաջանա քրեական պատասխանատվություն։

Քրեական պատասխանատվություն է ենթադրվում նաեւ վարելու իրավունք չունեցող անձի կողմից մեկ տարվա ընթացքում երկրորդ անգամ նմանատիպ արարք կատարելու պարագայում․

«Եթե անձը չունի վարելու իրավունք, բայց վարել է, առաջին անգամ կենթարկվի վարչական պատասխանատվության: Եթե մեկ տարվա ընթացքում կրկին կկատարի նման արարք, ապա քրեական պատասխանատվության կենթարկվի»,- պարզաբանեց ՃՈ պետի տեղակալը։

Տեսանկարահանող սարքերի գործընթացը կանոնակարգող օրենքի փոփոխությամբ էլ նախատեսվում է ընթացակարգ. հետախուզում հայտարարել այն դեպքերի համար, եթե տրանսպորտային միջոցի սեփականատերը չունի վարելու վկայական եւ կատարել է երեք կամ ավելի իրավախախտում, որով նախատեսվում է տուգանային միավոր․

«Կա սեփականատեր, ով չունի վարելու իրավունք, այդ տրանսպորտային միջոցով տեսանկարահանող համակարգով արձանագրվում է 3 կամ ավելի իրավախախտում, որով պիտի կիրառվի բալ, բայց քանի որ անձը չունի վարորդական իրավունք, հետեւաբար բալ չի կարող կիրառվել։ Այս պարագայում վարորդին հայտնաբերելու համար հայտարարվելու է հետախուզում՝ մինչեւ հայտնաբերելը եւ շահագործող անձի տվյալներն ստանալը»,- ասաց Չիլինգարյանը՝ հավելելով, որ եթե տրանսպորտային միջոցի սեփականատերը որեւէ միջոցով մինչեւ հայտնաբերումը կհայտնի վարորդի վերաբերյալ տվյալներ, հետախուզումը կդադարեցվի այդ պահից։

Տպել
879 դիտում

Անի Սմբատյանն արձագանքել է կոճապղպեղի թանկացումների մասին ահազանգերին

«Փյունիկն» ստացել է 107 հազար, «Ուրարտուն»՝ 84 հազար, «Շիրակը»՝ 56 հազար եվրո. ՀՖՖ-ն բաշխել է համերաշխության վճարները

Կներդրվի էլեկտրոնային միջոցների եւ թվային տեխնոլոգիաների կիրառման միջոցով համաճարակի կանխարգելման նոր մեխանիզմ. Բադասյան

Ոստիկանների նկատմամբ բռնություն գործադրելու մեջ մեղադրվող 28-ամյա քաղաքացին գրավի դիմաց ազատ է արձակվել

Երկրաշարժ է գրանցվել Քարվաճառ քաղաքից 33 կմ դեպի հյուսիս-արևելք. էպիկենտրոնում ցնցման ուժգնությունը կազմել է 3 բալ

Հաստատվել են օլիմպիական խաղերի ժամկետները. պաշտոնական

Արմեն Սարգսյանը նամակ է հղել ՉԺՀ նախագահ Սի Ծինփինին

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

«Մենք որոշեցինք դիտորդական առաքելությունը չկասեցնել». Արցախ մեկնած դիտորդները թեստեր են հանձնել եւ անվտանգ են

ՀԱՊՀ-ն գործարկել է iUniversity հայկական առաջին համալսարանական առցանց հարթակը

ԱԺ-ն առաջին ընթերցմամբ ընդունեց անձնական տվյալներին հասանելիություն ունենալու մասին օրինագիծը

«ՔոնթուրԳլոբալ Հիդրոկասկադ» ՓԲԸ-ն հայտարարում է մրցույթ

Արցախ մեկնող պատգամավորներից որեւէ մեկի մոտ կորոնավիրուսի առկայություն չի հաստատվել․ Արարատ Միրզոյան

Դորտմունդի «Բորուսիան» վերսկսում է մարզումները. The Daily Mail

Վաղվա ընտրությունը կազմակերպում ենք ոչ ստանդարտ պայմաններում. համոզված եմ՝ գիտակցում եք պահի լրջությունը. ԱՀ ԿԸՀ նախագահ

Հայաստանի պետական սիմֆոնիկ նվագախմբի կատարումը՝ նվիրված բուժաշխատողներին (տեսանյութ)

Մի քանի օր առաջ նկարահանեցինք, 4 հոգով էինք, ամբողջ օրը հակագազով եմ եղել. Հայկ Ստվերը նոր տեսահոլովակ է թողարկել

Ի՞նչ կլիներ, եթե ընդհանրապես միջամտություններ չիրականացվեին․ մանրամասնում է Ռուստամ Բադասյանը

Ա. Սարգսյանը ՀՀ-ում Հնդկաստանի դեսպանի հետ տեսակապով քննարկել է նոր կորոնավիրուսի հետևանքով ստեղծված իրավիճակը

Հնարավոր է ուղղակի բիզնեսին դրամաշնորհներ տրամադրել, բայց դա ժամանակավոր եւ անարդյունավետ է․ փոխվարչապետ