Առանց համարանիշի կամ կեղծված համարանիշով մեքենա վարելու դեպքում անձը 1 տարով կզրկվի վարորդական իրավունքից

2020-ի հունվարի 1-ից բոլոր այն տրանսպորտային միջոցների սեփականատերերը, որոնք ձեռք կբերեն մեքենա, կներկայացնեն գրանցման ու չեն ունենա վարորդական իրավունքի վկայական, ապա պարտավոր կլինեն ներկայացնել միջոցը շահագործող անձի տվյալներ, որպեսզի ռեգիստրում գրառեն այդ անձի տվյալները, ում նկատմամբ էլ տուգանային միավորների համակարգը գործելու է։ Այսօր հրավիրված ասուլիսի ժամանակ ասաց ՃՈ պետի տեղակալ Արման Չիլինգարյանը՝ ներկայացնելով Ճանապարհային երթեւեկության անվտանգության ապահովման մասին օրենքում կատարված փոփոխությունները։

Նա նշեց, որ սեփականատերերը կարող են առցանց հարթակում փոխել շահագործող անձի տվյալները, միայն թե այդ հարթակում հնարավոր կլինի գործողություններ կատարել 2020-ի հունվարի 1-ից։

Ի դեպ, հունվարի 1-ից տուգանային միավորներ են կիրառվելու միայն տեսանկարահանման եւ լուսանկարահանման համակարգով արձանագրված իրավախախտումների պարագայում, իսկ ճանապարհային ոստիկանների կողմից իրավախախտումների արձանագրման պարագայում միայն տուգանային միավորների մասով օրենքը ուժի մեջ է մտնելու 2020 թվականի սեպտեմբերի մեկից։

Չիլինգարյանը հայտնեց, որ կան իրավախախտումներ, որոնց համար նախկին տուգանքների փոխարեն նախատեսվում է միայն տրանսպորտային միջոցներ վարելու իրավունքից զրկում հենց առաջին անգամ կատարելու պարագայում։ Օրինակ՝ առանց համապատասխան թույլտվության տրանսպորտային միջոցների վրա կարմիր կամ կապույտ լուսային ազդանշանով առկայծող փարոսիկներ կամ հատուկ ձայնային ազդանշաններ արձակող սարքավորումներ տեղադրելու դեպքում նախկին 100 հազար դրամ տուգանքի փոխարեն այսուհետ կիրառվելու է վարորդական իրավունքից զրկում՝ 1 տարի ժամկետով եւ փարոսիկների առգրավում։

Մեկ տարով վարորդական իրավունքից զրկում է նախատեսվում նաեւ առանց հաշվառման համարանիշի, կեղծված կամ փոխարինված հաշվառման համարանիշով տրանսպորտային միջոց վարելու համար՝ նախկին 200 հազար դրամի փոխարեն։

Հասարակական տրանսպորտի վրա կիրառվող դեղին համարանիշը այլ տրանսպորտային միջոցի վրա տեղադրելու դեպքում էլ նախկին 100 հազար դրամի փոխարեն նախատեսվում է 1 տարով վարորդական իրավունքից զրկում։

Տրանսպորտային միջոցը կանգնեցնելու մասին ոստիկանության ծառայողի պահանջը չկատարելու դեպքում նախկին 200 հազար դրամի փոխարեն եւս զրկում՝ մեկ տարի ժամկետով։ Ընդհանուր օգտագործման տրանսպորտը կամ թեթեւ մարդատար տաքսին ոչ սթափ վիճակում վարելու համար՝ դարձյալ նույնը։

Փոփոխվել է թմրամիջոցների կամ հոգեներգործուն նյութերի ազդեցությամբ վարելու դեպքում սահմանվող պատասխանատվությունը․ նախկին մեկ տարվա փոխարեն՝ վարորդական իրավունքից զրկում՝ երկու տարի ժամկետով։ Սթափության վիճակը ստուգելու նպատակով զննություն անցնելուց խուսափելու դեպքում 200 հազար դրամի փոխարեն այսուհետ լինելու է վարորդական իրավունքից զրկում՝ կրկին երկու տարի ժամկետով։

4 տուգանային միավոր է նախատեսվում 51-80 կմ/ժամ արագությունը գերազանցելու համար, տուգանքը 200 հազար դրամի փոխարեն նվազեցվել է 29 հազար դրամի։

Ճանապարհի բաժանարար գոտին չնախատեսված վայրում ձախ շրջադարձ կամ հետադարձ կատարելու եղանակով հատելու դեպքում վարորդը գործող 20 հազար դրամի փոխարեն 2020 թվականից ոչ միայն տուգանվելու է նշված գումարի չափով, այլ նաեւ կորցնելու է 2 միավոր։ 

Տրանսպորտային միջոցների վարորդների կողմից լուսացույցի կամ կարգավորողի ազդանշանին չենթարկվելու համար գործող 20 հազար դրամ տուգանքը փոխարինվում է 25 հազար դրամ տուգանքի եւ 2 տուգանային միավորի։

Երթեւեկության հակադիր հոսքերն իրարից բաժանող գծանշումների պահանջները չկատարելու համար նախատեսվում է 1 տուգանային միավոր։ Խաչմերուկի անցման կանոնները խախտելու համար եւս նախատեսվում է 1 տուգանային միավոր, նույնը նաեւ հետիոտնային անցումների հատման կանոնները խախտելու, վազանցի կանոնները խախտելու, հետընթաց վարման, հետիոտնային անցման վրա կայանելու համար։

Վարորդի կողմից ընթացքի ժամանակ ծխելու, չամրակապված երթեւեկելու պարագայում եւս կկիրառվի 1 տուգանային միավոր։

Տպել
2157 դիտում

Հաստատվել են օլիմպիական խաղերի ժամկետները. պաշտոնական

Արմեն Սարգսյանը նամակ է հղել ՉԺՀ նախագահ Սի Ծինփինին

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

«Մենք որոշեցինք դիտորդական առաքելությունը չկասեցնել». Արցախ մեկնած դիտորդները թեստեր են հանձնել եւ անվտանգ են

ՀԱՊՀ-ն գործարկել է iUniversity հայկական առաջին համալսարանական առցանց հարթակը

ԱԺ-ն առաջին ընթերցմամբ ընդունեց անձնական տվյալներին հասանելիություն ունենալու մասին օրինագիծը

«ՔոնթուրԳլոբալ Հիդրոկասկադ» ՓԲԸ-ն հայտարարում է մրցույթ

Արցախ մեկնող պատգամավորներից որեւէ մեկի մոտ կորոնավիրուսի առկայություն չի հաստատվել․ Արարատ Միրզոյան

Դորտմունդի «Բորուսիան» վերսկսում է մարզումները. The Daily Mail

Վաղվա ընտրությունը կազմակերպում ենք ոչ ստանդարտ պայմաններում. համոզված եմ՝ գիտակցում եք պահի լրջությունը. ԱՀ ԿԸՀ նախագահ

Հայաստանի պետական սիմֆոնիկ նվագախմբի կատարումը՝ նվիրված բուժաշխատողներին (տեսանյութ)

Մի քանի օր առաջ նկարահանեցինք, 4 հոգով էինք, ամբողջ օրը հակագազով եմ եղել. Հայկ Ստվերը նոր տեսահոլովակ է թողարկել

Ի՞նչ կլիներ, եթե ընդհանրապես միջամտություններ չիրականացվեին․ մանրամասնում է Ռուստամ Բադասյանը

Ա. Սարգսյանը ՀՀ-ում Հնդկաստանի դեսպանի հետ տեսակապով քննարկել է նոր կորոնավիրուսի հետևանքով ստեղծված իրավիճակը

Հնարավոր է ուղղակի բիզնեսին դրամաշնորհներ տրամադրել, բայց դա ժամանակավոր եւ անարդյունավետ է․ փոխվարչապետ

Իսրայելի վարչապետ Բենյամին Նեթանյահուի խորհրդականը վարակվել է կորոնավիրուսով. The Times of Israel

Մխիթարյանն «Արսենալի» ներկայացուցիչների հետ հեռախոսազրույցի ընթացքում հայտնել է, որ ուզում է մնալ «Ռոմայում»

Սոցիալական գործիքներից մեկով շահառուների թիվը գերազանցում է 100 հազարը․ Մհեր Գրիգորյան

ԱՀ ՍԱՊԾ-ը կորոնավիրուսի տարածումը կանխելու միջոցառումների շրջանակում այցելել է Ստեփանակերտի պարենային խանութներ

Հեռակա խորհրդածություններ «Հայելու առաջ»