Իրական «սեւերն» առավելագույնը 0,01 տոկոս են

28/12/2019 schedule17:44

Այնպես է ստացվել, որ ե՛ւ քաղաքական դաշտում, ե՛ւ մեդիա-տիրույթում բաժանարար գծերն ավելի ու ավելի են խորանում, եւ ամեն ինչ «սեւերի ու սպիտակների» բաժանելու տրամադրությունները, մեղմանալու փոխարեն, սրվում են: Հարց է ծագում՝ իսկ ինչո՞ւ է այդպես:

Ընդհանրապես ցանկացած հասարակություն գրեթե բոլոր առումներով ոչ միայն բազմաշերտ է, այլեւ խայտաբղետ: Հասարակական խմբերը տարբերվում են ըստ մասնագիտությունների, կրթական մակարդակի, քաղաքական հայացքների, սոցիալական վիճակի, ազգային պատկանելության, կրոնի եւ այլն, բայց կա մի չափորոշիչ, որով ցանկացած հասարակություն բաժանվում է ընդամենը երկու խմբի՝ «սեւերի» եւ «սպիտակների»: Կան օրինապահ քաղաքացիներ եւ կան հանցագործներ (հասկանալի է՝ խոսքը պետության եւ հանրության դեմ ծանր հանցագործություններ կատարածների մասին է): Այս հարցում միջանկյալ տարբերակներ չկան, որովհետեւ հնարավոր չէ լինել, ասենք, «մի քիչ մարդասպան», «մասամբ կաշառակեր», «համեմատաբար թալանչի», «գրեթե իշխանազավթ» եւ այլն: Տարանջատումն այստեղ հստակ է: Այլ հարց է, որ նորմալ հասարակություններում այս տարանջատումը քաղաքական ու լրատվական դաշտերում լուրջ ճեղքվածքներ չի առաջացնում, որովհետեւ «սեւերը» (ծանր հանցագործություններ կատարածները) ցանկացած հասարակության առավելագույնը 0,01 տոկոսն են կազմում:

Բոլորովին այլ պատկեր է ստացվում, երբ այդ պայմանական 0,01 տոկոսը (խոսքը «սեւերի» մասին է), օգտագործելով հանցագործությունների արդյունքում ձեռք բերված ահռելի ֆինանսական միջոցները, կուսակցություններ է ստեղծում, լրատվամիջոցներ է ձեռք բերում, աջակիցներ է հավաքագրում, քաղաքական ակցիաներ է կազմակերպում, սոցկայքերում ագրեսիվ քարոզչություն է իրականացնում ու այդպիսով ազդում հանրային գիտակցության վրա, եւ այդպես շարունակ: Արդյունքում՝ առավելագույնը հանրության 0,01 տոկոսը կազմող «սեւերը» կարողանում են սեւ-սպիտակի տրամաբանությունը տարածել նաեւ քաղաքական դաշտի ու մեդիա-տիրույթի վրա, եւ դրանք նույնպես բաժանվում են «սեւերի» ու «սպիտակների»: Շատերն են հասկանում, որ այդ բաժանումն արհեստական է (որովհետեւ «սեւ» հատվածը ձեւավորվում է բացառապես մեծ փողերի շնորհիվ, ու հենց որ ֆինանսական հոսքերը դադարեն՝ նույն պահին «սեւերից» գրեթե ոչինչ չի մնա), բայց փաստը մնում է փաստ՝ քանի փողը կա, հասարակության պառակտումը մնալու է:

Հարց է ծագում՝ ինչպե՞ս պայքարել սրա դեմ: Քայլերից մեկը, բնականաբար, այդ պայմանական 0,01 տոկոսի հանցանքները բացահայտելն ու նրանց պատասխանատվության ենթարկելն է, եւ Հայաստանում դա ընթացքի մեջ է (ի դեպ, շատերի կարծիքով՝ ոչ բավարար տեմպերով): Բայց տասնամյակների ընթացքում «սեւերի» կուտակած ահռելի ֆինանսական միջոցները նրանց հնարավորություն են տալիս վարձել լավագույն փաստաբաններին, լավ վարձատրվող լրատվամիջոցներով ագրեսիվ քարոզչություն իրականացնել եւ ազդել հանրային կարծիքի վրա, բողոքի ակցիաներ կամ հանրությանը հայտնի անձանց «բաց նամակներ» կազմակերպել եւ այլն, այսինքն՝ հարցը ներկայացնել այնպես, թե իբր ոչ թե պետությունն է պայքարում «0,01 տոկոսի» դեմ, այլ հասարակության մի մասը պայքարում է մյուս մասի դեմ: Դա թույլ չտալու համար իրավապահները միայն մի ձեւ ունեն՝ բացահայտել այդ ամենի ֆինանսավորման աղբյուրներն ու կապը «0,01 տոկոսի» հետ, ինչը եւ արվում է: Պարզապես քանի որ կոմունիկացիաներն արդեն ստեղծված են, կադրերը՝ հավաքագրված, ու դրույքաչափերը՝ հստակեցված (ի դեպ՝ չի բացառվում, որ քարոզչության արդյունքում նաեւ անվճար աջակիցներ ձեռք բերած լինեն), իրավապահների բոլոր այս քայլերը ներկայացվում են որպես քաղաքական ընդդիմախոսների վերացում:

Մի խոսքով՝ պետք է ընդունել, որ նախկիններին այնուամենայնիվ հաջողվել է հսկայական գումարներ ծախսելով՝ հասարակությունը բաժանել «սեւերի» ու «սպիտակների» կամ առնվազն այդպիսի տպավորություն ստեղծել: Ու թեեւ ուշացումով, բայց իշխանությունները պիտի ձգտեն արագ փոխել այս վիճակը:

Տպել
2309 դիտում

Չգնահատված հանճարներն ու սադրիչները երկրորդ ճակատ են բացել իշխանության դեմ. Լեւոն Տեր-Պետրոսյան

56 նոր պլանշետ է տրամադրվել Լոռու մարզին հեռավար դասապրոցեսն անխափան իրականացնելու նպատակով

Լրատվական կայքերում վիճակաղերի գովազդն իրականացնել 21։00-ից մինչեւ 06։00-ն․ ֆինանսների նախարարության նախագիծը

Աշխարհում մնացել է 18 պետություն, որտեղ պաշտոնապես չի գրանցվել կորոնավիրուսի որեւէ դեպք

Գեղարքունիքի մարզի որոշ համայնքների աղբավայրերում կատարվում են հողածածկման աշխատանքներ

56 համակարգչային տեխնիկա է հատկացվել Արմավիրի սոցիալապես խոցելի խմբերում գտնվող ընտանիքների երեխաներին

Կրակային պատրաստության պարապմունքներ են անցկացվել. ՊՆ

Առաջարկվում է մի շարք գետերում արգելել փոքր հիդրոէլեկտրոկայաններ կառուցել

Հայաստանում հնարավոր է մեկ-երկու շաբաթում տասնյակ հազարավոր թեստեր արտադրել․ Արսեն Առաքելյան

Րոպեներ առաջ ՀՀ է ժամանել ՌԴ զինված ուժերի մասնագետների թիմը. Շուշան Ստեփանյան

Մոսկվա-Երեւան երկու թռիչքով Հայաստան են վերադարձել 400-ից ավելի ՀՀ քաղաքացիներ. ԱԳՆ

Արմեն Սարգսյանը կորոնավիրուսով վարակված Մեծ Բրիտանիայի վարչապետ Բորիս Ջոնսոնին մաղթել է շուտափույթ ապաքինում

Հայաստանում ԵԽ այլ երկրների համեմատ նկատվել է ազատազրկման մակարդակի ամենամեծ նվազումը՝ 36%. Ռուստամ Բադասյան

Որոշ խախտումներ արձանագրվել են, մեր թիմը եւս դժգոհություն է ունեցել. Ա. Հարությունյանը՝ ԱՀ-ում ընտրական իրավիճակի մասին

Արցախի ԿԸՀ-ն բաշխել է պատգամավորական մանդատները եւ նախագահական ընտրությունների 2-րդ փուլի օր նշանակել

Անցկացվել են մարտավարական-մասնագիտական վարժանքներ. ՊՆ

Մխիթարյանի նախկին թիմն ամենաշատ գումար կորցրած ֆուտբոլային թիմը կլինի Անգլիայում

Անդրեա Բոչելին Զատիկի օրը համերգ կտա Միլանի դատարկ տաճարում` ուղիղ հեռարձակմամբ

Արցախում արհեստական կամ սպեկուլյատիվ գնաճ չկա. պետնախարար

Երկրպագուները Քիմ Քարդաշյանին խիստ մեղադրել են նոր օծանելիքի վաճառք սկսելու համար. նրան անզգամ են համարում