Ռոբերտ Քոչարյանի պաշտպան Հայկ Ալումյանի հասցեին 2018 թվականին սպառնալիք հնչեցնելու փաստով քրգործ է հարուցվել

Մարտի 1-ի գործով ամբաստանյալ Ռոբերտ Քոչարյանի պաշտպաններից Հայկ Ալումյանի հասցեին դեռեւս 2018 թվականի օգոստոսին սպառնալիք հնչեցնելու փաստի առթիվ հարուցվել է քրեական գործ:

Երեւանի ընդհանուր իրավասության դատարանում այսօր այս մասին ասաց Հայկ Ալումյանը՝ պատասխանելով լրագրողների հարցին, թե տուժողի իրավահաջորդի հայտարարությունը սպառնալիք համարելու պարագայում ինչո՞ւ չի դիմում իրավապահ մարմիններին:

«Երկու տարի առաջ՝ 2018 թվականի օգոստոսին, այս գործով ես մի անգամ արդեն դիմել եմ իրավապահ մարմիններին, երբ Վերաքննիչ դատարանի դիմաց բոլորի՝ ոստիկանների, կարգադրիչների, լրագրողների ներկայությամբ մի քաղաքացի սպառնում էր փաստաբաններին սպանել, մանրամասն նկարագում էր, թե ինչպես է պետք դա անել: Այդ առիթով օգոստոսին դիմել եմ Շենգավիթի ոստիկանությանը, ներկայացրել եմ տեսանյութ, հարուցվել է քրեական գործ, բայց ոչ ոք պատասխանատվության չի ենթարկվել, դա գործը քնեցնելու լավագույն տարբերակն է»:

«Հայկական ժամանակ»-ի հետ զրույցում Հայկ Ալումյանը մանրամասնեց, որ ինքն այդ գործով հարցաքննվել է, ճանաչվել է տուժող. «Քրեական գործը կարճվել է, կարճման որոշման դեմ բողոք է ներկայացրել տուժողը, բողոքը բավարարվել է եւ կարճման որոշումը վերացվել է, բայց այդ ամենը ձեւական բնույթ է կրում, փաստ է, որ այն մարդը, որի ինքությունը պարզված է եւ որը բոլորի ներկայությամբ է դա արել, որեւէ պատասխանատվության չի ենթարկվել»:

Դատախազության հանրային կապերի բաժնի պետ Արեւիկ Խաչատրյանը մեր հարցին ի պատասխան տեղեկացրեց, որ Ալումյանի հաղորդման հիման վրա քրեական գործ է հարուցվել ՀՀ ՔՕ-ի 137-րդ հոդվածի 1-ին կետով (սպանության, առողջությանը ծանր վնաս պատճառելու կամ խոշոր չափի գույք ոչնչացնելու սպառնալիքը, եթե այդ սպառնալիքն իրականացնելու իրական վտանգ է եղել):

Խաչատրյանի փոխանցմամբ, սակայն, հիշյալ քաղաքացուն քրեական գործով մեղադրանք առաջադրվել է ՀՀ ՔՕ-ի 332.3-րդ հոդվածի 2-րդ մասով (փաստաբանի կամ նոտարի նկատմամբ սպանության, առողջությանը վնաս պատճառելու, գույքը ոչնչացնելու կամ վնասելու սպառնալիքը` կապված նրա լիազորությունների իրականացման հետ). «Այնուհետեւ վարույթն իրականացնող մարմնի կողմից որոշում է կայացվել քաղաքացու նկատմամբ քրեական հետապնդումը դադարեցնելու մասին, ինչը տուժողը բողոքարկել է, եւ բողոքը բավարարվել է, այժմ նախաքննություն է»:

Հիշեցնենք՝ Մարտի 1-ի գործով նախորդ դատական նիստին վիճաբանություն էր տեղի ունեցել կողմերի միջեւ: Տուժողի իրավահաջորդ Էդիկ Հարությունյանը, առարկելով պաշտպանների՝ քրեական հետապնդումը դադարեցնելու վերաբերյալ միջնորդության դեմ, ասել էր. «Թող հարգելի պաշտպանները հարգեն Մարտի 1-ը, այլապես կհայտնվեն մեր օրին»: Ռոբերտ Քոչարյանի պաշտպան Հայկ Ալումյանը հայտնել էր, որ հնչած արտահայտությունը ընդունում են որպես սպառնալիք:

Այսօրա դատական նիստին էլ Յուրի Խաչատուրովի պաշտպան Միհրան Պողոսյանը դիմում էր հասցեագրել դատարանին՝ ասելով, որ եթե փաստաբանների հասցեին «սպանված հարազատ ունենալու» սպառնալիքի վերաբերյալ Դատարանի կողմից որեւէ գործողություն չի իրականացվում, եւ եթե պաշտպանների իրավական միջնորդությունների վերաբերյալ կարծիք արտահայտելու իրավունքը դատավարության որոշ մասնակիցներ օգտագործում են վիրավորանք հասցնելու համար, եւ Դատարանը կրկին որեւէ միջոց չի ձեռնարկում, ինքը, ի նշան բողոքի, այսօրվա նիստին չի երկայանա:

 

Տպել
1115 դիտում

Հարյուրավոր դիակներ են թողել առաջնագծում եւ շատ անտարբեր են իրենց կորուստների հանդեպ. Արցախի նախագահ

Նիկոլ Փաշինյանը հեռախոսազրույց է ունեցել Եվրոպական խորհրդի նախագահ Շարլ Միշելի հետ

Վալերի Դանելին. վերջին թռիչքը՝ դեպի անմահություն (տեսանյութ)

Ադրբեջանական ագրեսիան հետ մղելու ընթացքում զոհվել է եւս 23 զինծառայող. ԱՀ ՊՆ

Գորիսում քաղաքացին նետվել է «Մինա» հյուրանոցի տանիքից

Հավաքված սննդի ու պարագաների ծավալն այնքան մեծ է, որ մի մասը պահեստավորվում է (տեսանյութ)

Ադրբեջանի ռազմաքաղաքական ղեկավարության՝ շփման գծում ռազմական հանցագործություններ սանձազերծելու դեպքով հարուցվել է քրգործ

Ուղերձներ կհղվեն Ադրբեջանի ազգային փոքրամասնությունները ներկայացնող հանրային կառույցներին. ՀՀ հանրային խորհուրդ

Ընկերներս այսօր խոցել են թշնամու 1 զրահատեխնիկա, իսկ 3-ն առգրավել. Արցախի նախագահը տեսանյութ է հրապարակել

ՌԴ-ն կոչ է անում անհապաղ դուրս բերել Սիրիայից ու Լիբիայից բերված վարձկաններին ու ահաբեկիչներին հակամարտ գոտուց. ՌԴ ԱԳՆ

«Արարատ-Արմենիա» - «Ցրվենա Զվեզդա». սպորտային հաղթանակի սպասումով

Հայկ Գրիգորյանը աշխատանքային հանդիպումներ է ունեցել Արցախի նախագահ Արայիկ Հարությունյանի, ՔԿ նախագահի, ԱԱԾ տնօրենի հետ

Արցախին հարվածող «Բայրաքթարները» Էրդողանի ընտանեկան բիզնեսն են. mediamax

Մանրամասն ուսումնասիրել ենք, գիտենք՝ ինչի է ունակ «Արարատ-Արմենիան». Դեյան Ստանկովիչ

«Նոր Զովք» սուպերմարկետների ցանցը դադարեցնում է թուրքական ապրանքների վաճառքը

Վարչապետի գլխավորությամբ կայացել է Անվտանգության խորհրդի արտահերթ նիստ

Հաշմանդամություն ունեցող տատիկը 5000 դրամ է նվիրաբերել մեր զինվորներին. Հայակակ Արշամյանը հրապարակել է նրա նամակը

Սահակաշվիլին պետք է զրկվի ԵՊՀ պատվավոր դոկտորի կոչումից. Արայիկ Հարությունյան

Զոհրաբ Մնացականյանը շվեդ գոծընկերոջը ներկայացրել է Ադրբեջանի սանձազերծած ագրեսիայի հետևանքով ստեղծված իրադրությունը

Եվրոպայի հայերի համագումարը դիմում է ԵՄ-ին, ՄԱԿ-ին, միջազգային հանրությանը