Երևան
6 °C
Շիրակի մարզպետ Տիգրան Պետրոսյանը Գյումրու Մոր եւ մանկան Ավստրիական հիվանդանոցի տնօրենի պաշտոնում այսօր հաստատեց մրցույթին մասնակցած եւ հաղթող ճանաչված երկու թեկնածուներից ոչ թե հիվանդանոցի արդեն նախկին տնօրեն Աշոտ Կուրղինյանին, այլ երկրորդ թեկնածուին՝ «Գյումրի» բժշկական կենտրոնի բժիշկ, տրավմատոլոգ Ժորժիկ Սերոբյանին: Այս որոշումը հիվանդանոցում, մասնավոր զրույցներից կարելի է եզրակացնել, որ նաեւ Գյումրիում, որոշակի շրջանակներում ծայրահեղ լարվածություն է առաջացրել:
Աշոտ Կուրղինյանն օրվա ավարտին հրավիրած մամուլի ասուլիսի ժամանակ հստակ ընդգծեց՝ սա վաղուց կայացված որոշում էր, կլանային որոշում է, գործող իշխանությունն այս հարցում չկա: Մարզպետն, ըստ Կուրղինյանի, քննությունը չբռնեց:
Շիրակի մարզպետ Տիգրան Պետրոսյանն, ըստ Աշոտ Կուրղինյանի, երբեք չի այցելել հիվանդանոց, որ ծանոթանա, թե ինչպես են աշխատում կամ ինչ խնդիրներ կան առկա: Ասաց՝ ինքն է երկու անգամ անհիմն հրավիրվել Շիրակի մարզպետարան՝ խոսելու քաղաքացիների բողոքների հետ կապված հարցերի մասին: Առաջին դեպքում քաղաքացին բողոքել է, որ կիրակի օրն այցելել են հիվանդանոց եւ իրենցից գումար են ուզել սպասարկման համար:
«Երկրորդն ավելի խայտառակ դեպք էր, երբ մարզպետի ընկերը մարզպետի սենյակում ինձ ասում էր՝ ճիշտ է Տիկոն ընկերս է, բայց դու պետք է պատասխան տաս, թե ինչու են քո հիվանդանոցում կեսարյանից (նկատի ունի վիրահատվող հիվանդի հարազատներից) դեղ ուզել: Առաջին հայացքից հասկացվում է, որ մենք մեծ հանցանք ենք գործել, բայց ես միանգամից ասացի՝ ինչ դեղ ենք ուզել եւ ինչի համար: Տեսան, որ ասելիք չկա, ասացին՝ Ձեր բժիշկը փող է ուզել: Երկու դեպքում էլ պարզվեց, որ որեւէ մեկը որեւէ հիվանդից գումար չէր ուզել, առավելեւս վերցրել, հիվանդն էր տարել զոռով բժշկին որպես շնորհակալություն 10.000 դրամ տվել»,- ասաց Կուրղինյանը:
Սրան հետեւել է հիվանդանոցում անցկացված աուդիտը, կրկին, ըստ Կուրղինյանի, ուղղորդված, սակայն անարդյունք:
«Վաղը ինչ փաստարկ ասես բերելու են, որպեսզի կարողանան արդարացնել այսօրվա որոշումը: Ոչ մի խնդիր չունեմ ես: Ո՞նց կարող են մարդուն, որը 5 հոգու ղեկավարելու փորձ չունի, բերել դնել 219 աշխատակցի ղեկավարելու: Որ ի՞նչ: Եթե տնօրենը վատն է, եթե տնօրենի գործողությունների արդյունքում հիվանդանոցը 100 տոկոս տուժում է, եթե ֆինանսական պարտքեր կան, կոլեկտիվը դեմ է, թոշակի է գնացել, բեր փոխի, բայց հիմա անունն ի՞նչ ես դնում: Էլի եմ ասում, չեմ կառչած աթոռին, բայց ափսոսում եմ: Սա տնօրեն փոխել չէր, սա հիվանդանոցն ինձանից խլել էր, իմ ձեռքից իմ կյանքի գործը խլել էր: Սա ես չեմ հանդուրժելու, խլել են այն ծրագրերը, որոնք ես սկսել եմ, բայց չթողեցին, որ ավարտեմ: Արդար չէ, որ ամեն գնով փորձեցին այս որոշմանը հասնել: Ես շատ հնարավորություններ չունեմ ինձ պաշտպանելու: Երբ մեկ-երկու հոգի կանգնում, ասում են՝ ինչ եք ուզում էս տղայից, պատասխանում են՝ նա ունի հովանավորչություն: Իրենք ոչինչ չեն կարողանալու ապացուցել, փոխարենը ես շատ փաստեր ունեմ, թե ով որտեղ եւ ինչպես է նշանակվել աշխատանքի այս մեկ տարում»,- հայտարարեց Աշոտ Կուրղինյանը:
Ասուլիսի ժամանակ նաեւ խոսվեց այն մասին, որ տնօրեն նշանակված Ժորժիկ Սերոբյանը ԱԺ պատգամավորական ընտրություններում ղեկավարել է մարզպետ Տիգրան Պետրոսյանի նախընտրական շտաբի աշխատանքները եւ ակտիվ ֆուգուր էր այդ ժամանակահատվածում: Աշոտ Կուրղինյանն ասաց, որ երբ ասում է՝ կլանային, դա նկատի ունի:
Թե ինչ է անելու Կուրղինյանն, այս պահին չգիտի: Ասաց՝ հնարավոր է շենքից դուրս գա եւ որոշի այս կամ այն քայլն անել: Ամեն ինչի մասին ֆեյսբուք սոցիալական իր էջում կտեղեկացնի, բայց որ չի հանուրժելու կատարվածը, միանշանակ է: Առաջին գործը, որ արել է, բուժաշխատողներին խնդրել է հեռու մնալ տարբեր իրավիճակներից, հանգիստ իրենց աշխատանքային առօրյան շարունակեն, քանի որ գործ ունեն երեխաների եւ հղիների հետ, որոնք պետք է անվտանգ եւ առողջ դուրս գրվեն հիվանդանոցից՝ անկախ ղեկավարությունից, անկախ այն հանգամանքից՝ ղեկավարությունը պետեկա՞ն մտածողություն ունի, թե՞, ըստ Կուրղինյանի, թայֆայական:
«Շարժումը, որը մի ժամանակ կոչվում էր «Նոր Հայաստան, նոր հայրապետ», հիմա էլ կարող է կոչվել «Քաղաքը մերը բդի լինի», դե դիմացն էլ քաղաքապետի ընտրություններ են: Սա ասում եմ, քանի որ տեսնում եմ, թե էս վերջին 1 տարում ով ինչ պաշտոնի է նշանակվում, ով ինչ է անում, ով ում բարեկամն է»,- ասաց Աշոտ Կուրղինյանը: Ավելի պարզ խոսքում Կուրղինյանն ասաց, որ խոսքը Տիգրան Պետրոսյանի ընկերոջ՝ Կարեն Պետրոսյանի մասին է, ով Ժորժիկ Սերոբյանի ազգականն է եւ նշանակվել է Հայաստանի պետական տնտեսագիտական համալսարանի Գյումրու մասնաճյուղի ռեկտորի պաշտոնակատար:
Ասուլիսի ավարտին Կուրղինյանը մեկ անգամ եւս բուժաշխատողներին հորդորեց սովորական աշխատանքային ընթացքով քայլել: Բայց ասաց՝ իր համար անչափ դժվար է թողնել մի հաստատություն, որը ղեկավարում է 15 տարի՝ որպես տնօրեն, սակայն այդ հարկի տակ է 1995 թվականից, սկզբում՝ որպես հերթապահ բժիշկ, հետո սովորական վիրաբույժ, այնուհետ բաժանմունքի վարիչ, վերջում տնօրեն:
«Միշտ հիշում եմ էդ օրը, որ առաջին անգամ մտել եմ տնօրենի կաբինետն ու այս 15 տարում որեւէ օր չի եղել, որ չուզենամ պատկերացնել, թե ոնց եմ դուրս գալիս: Սա էմոցիա չէ, բայց չեմ ցանկացել, որ այսքան ցավոտ լինի: Պարզ ասում եմ, ես ուզեցել եմ արժանապատիվ ձեւով դուռը փակել եւ ասել՝ ցտեսություն: Ես ուղղակի չէի պատկերացնում, որ կարող էին այսպես գռեհիկ ձեւով սա ինձանից խլել: Ինձ ասեին, թե գնա, փորձի համար 7 ամսով այլ երիտասարդի ենք տալու: Սա էլի եմ կրկնում էմոցիա չէ, եւ ուզում եմ մեկ անգամ եւս վստահեցնել, որ չեմ հանդուրժելու տեղի ունեցածը, առիթ կլինի, կխոսեմ»,- ասուլիսն ավարտեց Աշոտ Կուրղինյանը:
Շիրակի մարզպետ Տիգրան Պետրոսյանը Գյումրու Ավստրիական մանկական հիվանդանոցի տնօրենի պաշտոնում հաստատելով Ժորժիկ Սերոբյանին՝ նրա հետ աշխատանքային պայմանագիր է կնքել 7 ամիս ժամկետով:
Որոշում կայացնելիս Շիրակի մարզպետը թե ինչպես է առաջնորդվել եւ ինչ հանգամանքներով, պարզ կլինի վաղը՝ հունվարի 18-ին, կայանալիք բրիֆինգի ժամանակ:
Արմենուհի Մինասյան
Մեր շահերից է բխում սահմանազատում սկսելը․ Արսեն Թորոսյան
Մարտունի-Երևան երթուղին դուրս է եկել ճանապարհի երթևեկելի գոտուց ու կողաշրջվել, ավտոմեքենայում եղել է 15 ուղևոր
Հայաստանը Իրանին է արտահանձնել իրանցի 8 բանտարկյալի
Տավուշի մարզը զարգացման մեծ հնարավորություններ ունի. Չինաստանի դեսպան
Ծովինար Վարդանյանն ընտրվել է ԱԺ ֆինանսավարկային և բյուջետային հարցերի մշտական հանձնաժողովի նախագահ
Վալերի Լեոնտևը հայտարարել է բեմից հեռանալու մասին
Խոշոր ավտովթար Գեղարքունիքում. կա 5 տուժած, այդ թվում՝ երեխաներ
ՀՀ կենտրոնական բանկը պարզաբանում է տարածել «Միր» քարտերի շրջանառության վերաբերյալ
«Հանրային ձայն» խմբակցության անդամ Նանա Սարգսյանի լիազորությունները դադարեցվել են
Վարույթում է գտնվում ապօրինի ծագում ունեցող գույքի բռնագանձման 102 հայցադիմում՝ ավելի քան 400 միլիարդ դրամ պահանջով
Արձանագրվել է մարդու դեմ ուղղված հանցագործությունների դեպքերի աճ․ ամփոփվել է Դատախազության նախորդ տարվա աշխատանքը
Գեղարքունիքում տուն է փլուզվել. 92-ամյա բնակիչը դուրս է բերվել պատգարակով
ՀՀ-ում ԵՄ առաքելությանը կօժտեն լայն լիազորություններով և անձեռնմխելիությամբ. համաձայնագիրը մտել է ԱԺ օրակարգ
Իր ազդեցությունն ընդլայնելու ՆԱՏՕ-ի փորձերը դժվար թե կայունություն ավելացնեն Կովկասում. Պեսկով
Վահագն Խաչատուրյանը շնորհավորել է Վլադիմիր Պուտինին
«Գորիս» ՔԿՀ պետն ազատվել է պաշտոնից և ծառայությունից
Պուտինը վերընտրվելուց հետո առաջին պաշտոնական այցը կկատարի Չինաստան
Ողջունում եմ ՀՀ համերաշխությունն Ուկրաինային և կոչ անում գործընկերներին անել հնարավորը, որ Պուտինը չհաղթի. Ստոլտենբերգ
Սյունիքում ավտովթարի և հրդեհի հետևանքով մահացածներն ընտանիքի անդամներ էին, նրանց թվում կա երեխա. մանրամասներ
Խոշոր ավտովթար Չարենցավանի կամրջի մոտ. 3 մարդ հոսպիտալացվել է
ՆԱՏՕ-ն աջակցում է ՀՀ ինքնիշխանությանը, տարածքային ամբողջականությանն ու խաղաղ ձգտումներին. Ստոլտենբերգ
Խոսքը հայկական գյուղերի մասին չէ. Աղազարյանը՝ Տավուշի 4 համայնքի մասին
МИР քարտերի սպասարկման դադարեցում․ IDBank
Հուսով ենք, որ ՀՀ-ՆԱՏՕ համագործակցության նոր ձևաչափը կհաստատվի. վարչապետ
Մարտի 21-ին Հայաստանին է մոտենալու հաջորդ սառը ցիկլոնը. սպասվում է առատ ձյուն, քամու ուժգնացում
Զախարովան արձագանքել է ՀՀ վարչապետի խոսքերին
Պատկերված անձը որոնվում է նախաձեռնված քրեական վարույթի շրջանակներում (տեսանյութ)
Fly Arna-ի լիցենզիան կասեցված է. ՏԿԵ փոխնախարար
Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)
ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը
Տրոլեյբուսը հայտնվել է խրամուղում. շինարարը կտուգանվի (տեսանյութ)
Նիկոլ Փաշինյանը շնորհավորել է Վլադիմիր Պուտինին
Վարչապետի որոշմամբ՝ ՊԵԿ նախագահի առաջին տեղակալ է նշանակվել
Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին
«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով
Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են
Նիկոլ Փաշինյանը «TikTok»-ում նոր շարք է սկսել (տեսանյութ)
Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան
Պակիստանում երկրաշարժ է գրանցվել
Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը
© 2024 Հայկական ժամանակ