Փոխվարչապետը վերահաստատում է՝ 2020-ի համար գազի գինը սահմանին չի փոփոխվելու

Ազգային ժողովում կառավարության անդամների հետ հարց ու պատասխանի ժամանակ ԱԺ անկախ պատգամավոր Արման Բաբաջանյանն ասաց, որ օրերս ՀԾԿՀ նախագահը, որը կոչված է զսպելու հանրության համար հնարավոր գնաբարձրացրումները, հայտարարեց, որ «Գազպրոմ»-ը պատրաստվում է հայտ ներկայացնել գազի գինը թանկացնելու մասին։ Բաբաջանյանը շարունակեց՝ փոխվարչապետ Մհեր Գրիգորյանն էլ հայտարարեց, որ բանակցությունները շարունակվում են, եւ չի բացառվում, որ հայտ կարող է լինել ապրիլ ամսին․

«Մենք շատ լավ գիտենք, որ ՌԴ-ն գազի գինը օգտագործում է նաեւ որպես քաղաքական գործիք։ Անցած տարեվերջին ՌԴ ԱԳ նախարարը Երեւան այցից առաջ հայտարարում էր, որ Երեւանը շատ պատասխանատու քաղաքականություն է վարում ՌԴ-ի հետ հարաբերություններում, եւ դա ակնհայտ է. հեղափոխությունից հետո ՀՀ-ն ռուսական հրամանատարության տակ Սիրիայում իրականացնում է հումանիտար առաքելություն, ՄԱԿ-ում ռուսամետ քվեարկություններ է իրականացնում, նաեւ ռուսական ռազմաբազան իր կարողություններն է որոշել կրկնապատկել, ԵԱՏՄ-ում չափազանց գերակտիվ ենք։ Ի՞նչ է տեղի ունենում այս երկու ուղղություններով»,- դիմելով վարչապետին՝ հարցրեց պատգամավորը։

Հարցին, սակայն, պատասխանեց փոխվարչապետ Մհեր Գրիգորյանը։

Նա նախ նշեց, որ Սիրիայում մենք իրականացնում ենք մեր սեփական հումանիտար առաքելությունը, եւ այս պարագայում որեւէ կապ չէր տա գազի գնի հետ։

Ինչ վերաբերում է սահմանին գազի գնին, փոխվարչապետն ասաց, որ, այո՛, կան պայմանավորվածություններ, եւ 2020-ի համար գազի գինը սահմանին չի փոփոխվելու։

Անդրադառնալով սակագնին՝ Գրիգորյանն ասաց, որ բազմաթիվ քննարկումներ եղել են եւ կլինեն, եւ հայաստանյան «Գազպրոմ»-ի կողմից կա դատողություն, որ գազը անվտանգ եւ արդյունավետ մատակարարելու համար անհրաժեշտ են ներդրումներ․

«Քննարկումները եւ հաշվարկները իրականացնում են 10 տարվա կտրվածքով։ Դա որեւէ խնդիր չէ կամ միանգամյա խնդիր չէ։ Ըստ այդմ, իհարկե, կան տարաձայնություններ, եւ մենք չենք ասել, որ համաձայն ենք կամ հայտ կներկայացվի։ Հայտարարել ենք՝ չենք բացառում, որ ապրիլի 1-ից հայտ ներկայացվի, այսինքն՝ մինչեւ ապրիլի 1-ը հայտ չի կարող ներկայացվել, որովհետեւ նման անհրաժեշտություն չենք տեսնում։ Ես կարծում եմ, որ մեր բոլոր հարցերի պատասխանները կստանանք այն ժամանակ, երբ հայտ ներկայացվի, մեր առարկությունները կամ մտահոգությունները կամ հավելյալ հիմնավորումները կբերենք այդ ժամանակ։ Այս պահին այդ խնդիրը պետք է ընթանա փորձագետների քննարկումների եւ աշխատանքային կարգով»,- ասաց փոխվարչապետը։

Տպել
358 դիտում

Արցախում թանկացել է «Բաղրամյան» տեսակի ալյուրը

Ոստիկանության Տավուշի բաժնի ծառայողներն ապօրինի հրազեն են հայտնաբերել (տեսանյութ)

Հայաստանը խաչքար է նվիրաբերել Վաշինգտոնի «Սուրբ գիրք» թանգարանին

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն

Հղի կանանց աջակցության ծրագրով վճարումներն սկսված են

Արժույթի միջազգային հիմնադրամը նախատեսում է ավելացրել Հայաստանին տրամադրվելիք օժանդակությունը մինչեւ 280 մլն դոլար