ԱԺ նախագահը ծաղիկներ է խոնարհել Վանաձորի զինվորական պանթեոնում (լուսանկարներ)

Հայոց բանակի տարեդարձի առթիվ կազմակերպված միջոցառումների շրջանակներում Վանաձոր են այցելել ԱԺ նախագահ Արարատ Միրզոյանը, կառավարության ներկայացուցիչներ, Ազգային ժողովի պատգամավորներ:

Վանաձորի պանթեոնում, որտեղ հանգչում են հանուն հայրենիքի զոհված զինծառայողները, նրանք ծաղիկներ խոնարհեցին հերոսների շիրիմներին, ապա Գուգարաց թեմի առաջնորդ գերաշնորհ տեր Սեպուհ արքեպիսկոպոս Չուլջյանի ձեռամբ և հոգևոր դասի մասնակցությամբ կատարվեց հոգեհանգստի կարգ։ Ներկաները աղոթք հնչեցրեցին առ Աստված զինվորների հոգիների հանգստության և երկրի սահմանների խաղաղություն համար։

Հայոց հաղթական բանակի 28-րդ տարեդարձին նվիրված տոնակատարությունների շարքն ավարտվեց Վանաձորի Հովհաննես Աբելյանի անվան պետական դրամատիկական թատրոնում կազմակերպված հանդիսավոր միջոցառմամբ և համերգային տոնական ծրագրով, որին իրենց մասնակցությունն էին բերել ԱԺ նախագահ Արարատ Միրզոյանը, Լոռու մարզպետ Անդրեյ Ղուկասյանը, ԱԺ պատգամավորներ, կառավարության ներկայացուցիչներ, հանրապետության մարզպետներ, Լոռու մարզային և Վանաձորի քաղաքային իշխանությունների, զինվորականության բարձրաստիճան պաշտոնյաներ, ներկայացուցիչներ, համայնքների ղեկավարներ, զոհված զինծառայողների ընտանիքների անդամներ, հարյուրավոր հյուրեր:

Օրհնության խոսքով հանդես եկավ Գուգարաց թեմի առաջնորդ գերաշնորհ տեր Սեպուհ արքեպիսկոպոս Չուլջյանը, ապա ՀՀ ՊՆ Երրորդ բանակային կորպուսի հրամանատար, գեներալ-մայոր Գրիգորի Խաչատուրովի հրահանգով դահլիճ բերվեցին ՀՀ և թիվ 3 բանակային կորպուսի դրոշները, խաչվառը: Գրիգորի Խաչատուրովն իր շնորհավորանքի խոսքում նաև պատմական էքսկուրս կատարեց՝ ներկայացնելով Հայկական բանակի ստեղծման պատմությունը և փառապանծ բանակի անցած ուղին:

Ողջույնի և շնորհավորանքի խոսքով հանդես եկավ ԱԺ նախագահ Արարատ Միրզոյանը՝ բոլոր զինծառայողներին մաղթելով բարի ծառայություն, զոհվածներին հավերժ փառք, իսկ Հայոց աշխարհին՝ խաղաղություն:

Տպել
418 դիտում

Քրեակատարողական ծառայողները նոր հանդերձանք ունեն

Ջերմուկի խաչմերուկից Սիսիան ճանապարհը փակ է բոլոր տեսակի տրանսպորտային միջոցների համար

Ես դեռ սիրում եմ քեզ. Ջիգարխանյանի նախկին երիտասարդ կինը դիմել է նրան ԶԼՄ-ներով

Հունվարի 13-17-ը շրջակա միջավայրին հասցված վնասի չափերով նշանակվել է 850 հազար դրամի վարչական տուգանք

Վարդաշենի 6-րդ փողոցի շենքերից մեկի շքամուտքի պատը փլուզվել է, քարերն ընկել են 2 կանանց վրա

Մայր Աթոռի պատվիրակությունը Վատիկանում մասնակցելու է երիտասարդ հոգևորականների հավաքին

Համաշխարհային մաքսային կազմակերպության փորձագետներն այցելել են Պետական եկամուտների կոմիտե

Վայքի եւ Սպիտակի ոստիկանապետները ազատվել են զբաղեցրած պաշտոններից. ոստիկանապետի պաշտոնակատարը նոր նշանակումներ է արել

Աննա Հակոբյանը ցավակցել է լուսանկարիչ Գերման Ավագյանի մահվան կապակցությամբ

Դարբնիկ գյուղի կամրջի մոտակայքում ավտոմեքենան ընկել է ջրատարը

Սաստիկ բքի և տեսանելիության բացակայության պատճառով Սարավանի լեռնանցքը փակ է, Ջերմուկի ճանապարհը՝ դժվարանցանելի

Կայուն տեմպերով գնում ենք դեպի գարուն. ջերմաստիճանը կբարձրանա 5-7 աստիճանով. Սուրենյան

Հրդեհ Գյումրի քաղաքում. այրվել է տներից մեկի տանիքը

Երևան-Մոսկվա չվերթը չի կայացել ինքնաթիռի շարժիչի հետ կապված խնդիրների պատճառով

Հրդեհ Սիփանիկ գյուղում. այրվել են էլեկտրական մալուխներ եւ ուռենիներ

Արագածոտնի Ամբերդ ամրոց և Քարի լիճ տանող ավտոճանապարհները դեռ անորոշ ժամանակ փակ կլինեն

Հրդեհ Երևանի ավտոտեխսպասարկման կետերից մեկում. ավտոմեքենաներից մի քանիսը վերածվել է մոխրակույտի

Հանկարծամահ է եղել հայտնի լուսանկարիչ Գերման Ավագյանը

Հրդեհ Արարատի մարզի Սիփանիկ գյուղում

Իսրայելը Գոլանի բարձունքներից հրթիռներ է արձակել Դամասկոսի ուղղությամբ