ՀՀ-ում որեւէ մեկի նկատմամբ քաղաքական հետապնդում չի իրականացվում․ ոստիկանապետի պաշտոնակատար

«Իմ քայլը» խմբակցության պատգամավորները ՀՀ ոստիկանապետի պաշտոնակատար Արման Սարգսյանի հետ քննարկել են ոստիկանությանը վերաբերող հարցեր ու խնդիրներ։ Փակ նիստի ավարտից հետո լրագրողների հետ զրույցում այս մասին ասաց ինքը Սարգսյանը՝ նշելով, որ նույնիսկ սուր հարցեր եղան։

Ինչպես նկատեց ոստիկանապետի պաշտոնակատարը, սուր հարցերը վերաբերել են վերջին օրերին ամենաքննարկված թեմաներից մեկին՝ Նարեկ Մալյանին եւ եւս երեք անձի բերման ենթարկելու դեպքին։

Սարգսյանը համաձայն չէ քննադատությունների հետ, որ ոստիկանության գործողությունները ոչ իրավաչափ են եղել, եւ որ անհիմն կասկածով են այդ անձանց բերման ենթարկել․

«Ոստիկանությունն իր լիազորությունների շրջանակներում եւ օրենքի սահմաններում իրականացրել է իր գործառույթները։ Ոստիկանությունը, հանդիսանալով հետաքննության մարմին, իրավասու է ստացված տեղեկությունը ստուգելու նպատակով բերման ենթարկել անձին եւ ստուգման արդյունքներով ազատ արձակել նրան»,- ասաց պաշտոնյան, եւ դիտարկմանը, որ նույն այդ անձանց նույն կասկածանքներով արդեն մի քանի անգամ բերման են ենթարկել, արձագանքեց, որ հնարավոր է նույն մարդկանց պարբերաբար բերման ենթարկել՝ ստացված օպերատիվ տեղեկությունները ստուգելու համար։

«Հայկական ժամանակ»-ի հարցին, թե ինչո՞ւ էին Մալյանին եւ մյուսներին բերման ենթարկում Հատուկ նշանակության վարչության աշխատակիցները, ոստիկանապետը պատասխանեց, որ տվյալները ստացել էին քրեական ոստիկանությունում, իսկ այդ հատուկ նշանակության աշխատակիցները քրեական ոստիկանության գլխավոր վարչության ծառայողներ են։

Անդրադառնալով քննադատություններին, թե բերման ենթարկված այդ անձինք քաղաքական հետապնդման են ենթարկվում՝ Արման Սարգսյանը հայտարարեց՝ որեւէ մեկը ՀՀ-ում որեւէ մեկի նկատմամբ քաղաքական հետապնդում չի իրականացնում․

«Եթե քաղաքական հետապնդում իրականացվեր, հետեւաբար այսպես ազատություն՝ թե՛ խոսքի, թե՛ գործելակերպի առումով չէինք ունենա։ Մարդիկ իրենց իրավունքները իրացնում են ազատ խոսքի հնարավորության շրջանակներում, ապա սրան անվանում են քաղաքական հետապնդում։ Որեւէ քաղաքական հետապնդման մասին խոսք լինել չի կարող»։

Նա նշեց, որ եթե կարիք լինի, ոստիկանության աշխատակիցների՝ օրեր առաջվա գործողությունների վերաբերյալ ծառայողական քննություն կնշանակվի։

Իսկ, ահա, ԵՊՀ ՈՒԽ նախագահին ձեռնաշղթաներով բերման ենթարկելու դեպքով նշանակված ծառայողական քննությունը շարունակվում Է։ Ոստիկանապետն ասաց, որ նաեւ տվյալ նյութերով զբաղվող փաստաբանը եւ ՈՒԽ նախագահը դիմել էին ՀՔԾ՝ ոստիկանության ծառայողների գործողությունների իրավաչափությունը վիճարկելու վերաբերյալ, եւ ՀՔԾ-ն մոտ օրերս իրավական գնահատական կտա․ «Եթե խախտումներ լինեն իրավապահների գործողություններում, ես կարձագանքեմ, համարժեք կարգապահական տույժի կենթարկեմ ծառայողներին»,- հավաստիացրեց Սարգսյանը։

ՀԺ-ն Արման Սարգսյանից հետաքրքրվեց՝ ինչպես է ստացվում, որ ոստիկանությունը մի քանի անգամ բերման է ենթարկում քրեական հեղինակություն Արտյոմ Կանեւսկոյին անօրինական զենք պահելու կասկածանքով, ապա պարզվում է, որ այդ նույն զենքը օրինական է, նա դարձյալ պատասխանեց, թե ոստիկաններն իրավասու են ստացված տեղեկությունը ստուգելու համար պարբերաբար բերման ենթարկել անձին։

Ոստիկանապետի պաշտոնակատարը համաձայն է, որ սա այն կառույցն է, որը կարող է քննադատվել, բայց քննադատությունը, նրա խոսքով, պետք է առողջ լինի։

Ինչ վերաբերում է ոստիկանապետի պաշտոնում իր հնարավոր նշանակմանը, պաշտոնակատարն ասաց, որ ինքն իր պարտականությունները բարեխղճորեն կատարելու է մինչեւ ժամանակավոր պաշտոնավարման վերջին պահը եւ դրանից հետո՝ ցանկացած կարգավիճակում։

Տպել
518 դիտում

Հայաստանը խաչքար է նվիրաբերել Վաշինգտոնի «Սուրբ գիրք» թանգարանին

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն

Հղի կանանց աջակցության ծրագրով վճարումներն սկսված են

Արժույթի միջազգային հիմնադրամը նախատեսում է ավելացրել Հայաստանին տրամադրվելիք օժանդակությունը մինչեւ 280 մլն դոլար

Հայաստանում կկառուցվի COVID-19-ից մահացած անձանց համար դիահերձարան

Ալեքսանդր Կարապետյանի ու Էրիկ Վարդանյանի «Սոչին» կրճատել է ֆուտբոլիստների աշխատավարձը