Նախաքննության փուլում պաշտպանը միջնորդել էր վերաորակել Հայկ Սարգսյանին առաջադրված մեղադրանքը

Երեւանի ընդհանուր իրավասության դատարանի Շենգավիթի նստավայրում այսօր շարունակվում է Սերժ Սարգսյանի եղբորորդու՝ Հայկ Սարգսյանի գործով դատական նիստը:

Դատարանն այժմ քրեական գործի նյութերի հետազոտման փուլում է:

Ընթերցելով առկա նյութերը՝ մեղադրող դատախազ Աբգար Առաքելյանը հիշեցրեց, որ դեռեւս նախաքննության փուլում պաշտպանը միջնորդել է վերաորակել Հայկ Սարգսյանին առաջադրված մեղադրանքը եւ 34-104-րդ հոդվածի՝ սպանության փորձի փոխարեն մեղադրանք առաջադրել 120-րդ հոդվածի 1-ին մասով՝ անզգուշությամբ մեկ ուրիշի առողջությանը ծանր վնաս պատճառելու համար, ինչը մերժվել է. «Փաստորեն պաշտպանը նույնպես համոզված է՝ առկա ապացույցներով հաստատված է, որ տուժող Դավիթ Սիմոնյանի մարմնական վնասվածքները պատճառել է Հայկ Սարգսյանը»,- ասաց նա:

Ի պատասխան դատախազի այս հայտարարությանը՝ պաշտպան Երեմ Սարգսյանն ասաց. «Միջնորդության պատճառաբանական մասում ես նշել էի, որ եթե անգամ մի պահ պայմանականորեն ընդունենք, որ գործով ձեռք բերված բոլոր ապացույցները թույլատրելի են, ապացույցներով հաստատվել է, որ Հայկ Սարգսյանն է կրակել, ապա նրան առավելագույնս կարող է մեղադրանք առաջադրվել 120-րդ (անզգուշությամբ մեկ ուրիշի առողջությանը ծանր վնաս պատճառելու) կամ 112-րդ հոդվածով (դիտավորությամբ առողջությանը ծանր վնաս պատճառելը)»: Պաշտպանի խոսքով՝ առկա ապացույցները չեն վկայում այն մասին, որ Հայկ Սարգսյանը Դավիթ Սիմոնյանին ուղղակի սպանելու մտադրություն է ունեցել:

Շարունակելով նյութերի ուսումնասիրությունը՝ պաշտպան Երեմ Սարգսյանը հիշեցրեց, որ նախաքննության փուլում քննիչը գործով վկային հարցրել է՝ արդյոք նա համաձա՞յն է վաղեմության հիմքով կարճել քրեական գործը, եւ ինքը դատաքննության փուլում միջնորդել է հրապարակել վկայի այդ ցուցմունքը, ինչը դատարանը մերժել է այն հիմքով, որ վկայի նախաքննական եւ դատաքննական ցուցմունքներում առկա չեն էական հակասություններ. «Այժմ ես դարձյալ միջնորդում եմ հրապարակել վկայի նախաքննական ցուցմունքը ոչ թե էական հակասությունների հիմքով, այլ որպես քրեական գործում առկա փաստական տվյալ:

Մեղադրող դատախազ Աբգար Առաքելյանն առարկեց միջնորդության դեմ՝ ասելով՝  Քրեական դատավարության օրենսգիրքը սահմանում է, որ ցուցմունքները հրապարակվում են, եթե դրանցում հաստատված են գործի համար էական նշանակություն ունեցող հանգամանքներ. «Սույն դեպքում դատարանի կողմից մեկ անգամ արդեն արձանագրվել է, որ վկայի նախաքննական եւ դատաքննական ցուցմունքների միջեւ առկա չեն էական հակասություններ»:

Լսելով կողմերին՝ նախագահող դատավոր Աննա Դանիբեկյանն ասաց, որ միջնորդությունը չի բխում Քրեական դատավարության օրենսգրքի նորմերի պահանջներից, ուստի այն ենթակա է մերժման:

Երեմ Սարգսյանը հայտարարեց, որ դատարանի որոշումն անօրինական է եւ զրկում է իրենց դիրքորոշում արտահայտելու հնարավորությունից:

Հիշեցնենք՝ Հայկ Սարգսյանը մեղադրվում է 11 տարի առաջ տեղի ունեցած հանցագործության՝ սպանության փորձի եւ ապօրինի կերպով զենք-զինամթերք պահելու համար: Նրան մեղադրանք է առաջադրվել ՀՀ ՔՕ 34-104-րդ հոդվածի 1-ին (սպանության փորձ) մասի եւ 235-րդ հոդվածի 1-ին մասի (զենք-զինամթերք ձեռք բերելու եւ պահելը) հատկանիշներով։

Տպել
482 դիտում

«Ռեդ Վինգս» ավիանկերությունը ձեռք է բերել մեկանգամյա Մոսկվա-Երեւան չարտերային թռիչք կազմակերպվելու թույլտվություն

Մեքենավարման պարապմունքներ են անցկացվել 1-ին զորամիավորումում. ՊՆ

Անտառամուտի բնակիչն ապօրինաբար 5 կանգուն ծառ է կտրել եւ տեղափոխել իր տան բակ

ՀՊՏՀ-ում անհրաժեշտության դեպքում առցանց կանցկացվի դիպլոմայինի պաշտպանությունը, իսկ ԵՊՀ-ում հարցը կորոշեն ֆակուլտետները

Արսեն Թորոսյանն ուղիղ եթերում ցույց տվեց նոր կառուցված մոդուլային ընդունարանները (տեսանյութ)

Կսահմանվի հատուկ՝ Կրթական սակագին. ԿԳՄՍ-ն արդեն պայմանավորվածություն է ձեռք բերել

Լոռու մարզի 4 համայնքում հայտնաբերվել է կորոնավիրուսով վարակվելու 8 դեպք, մեկուսացածների մեջ բուժաշխատողներ էլ կան

Արցախում ընտրողների կողմից քվեաթերթիկը լուսանկարահանելու դեպքերի առթիվ 7 քրեական գործ է հարուցվել

«Այրվածքաբանության ազգային կենտրոն»-ի այրվածքային բաժանմունքը տեղափոխվել է Ուռուցքաբանության ազգային կենտրոն

Քաղաքաշինության կոմիտեն միացել է կորոնավիրուսային հիվանդության դեմ պայքարի աջակցության ծրագրին

«Պարենային շտապ օգնություն»-ը Գյումրիում ծանրոց է հասցրել 50 ընտանիքի, 25-ը տրվել է «Թռչունյան տան» նախկին սաներին

Հետախուզման մեջ գտնվող 36-ամյա տղամարդը փորձել է հաշփտակել Հալաբյան փողոցի վճարային տերմինալներից մեկը (տեսանյութ)

ԱԳՆ մամուլի խոսնակ Աննա Նաղդալյանը մեկնաբանել է Ադրբեջանի կողմից տարածվող ապատեղեկատվությունը

Արցախն այդպիսի ընտրությունների արժանի չէ. քաղաքագետի համոզմամբ՝ խաղից դուրս մնացածներն ու 2-րդ փուլ անցածները կբանակցեն

Անցկացվել են մարտական հերթապահության նախապատրաստման գործնական պարապմունքներ մարտական հերթափոխի մեկնող զինծառայողների հետ

Հայաստանի ֆուտբոլի ազգային հավաքականի գլխավոր մարզիչ Խոակին Կապառոսը խոսել է կատարած աշխատանքի եւ ապագա ծրագրերի մասին

Վրաստանը բեռնատարների տեղաշարժի վերաբերյալ ուղեցույց է հրապարակել. ՊԵԿ

ՏՄՊՊՀ-ն ներկայացրել է կոճապղպեղի թանկացման ուսումնասիրության ընթացիկ արդյունքները

Վարչապետի գլխավորությամբ քննարկվել են տարբեր գյուղմթերքների արտադրության խթանման հետագա քայլերը

Կորոնավիրուսի հաղթահարման ֆինանսական աջակցության հաշվի մուտքերը կազմել են 864664835.7 դրամ