Հայկ Սարգսյանի գործով դատարանում հետազոտվեց իրեղեն ապացույց ատրճանակը

Սերժ Սարգսյանի եղբորորդու՝ Հայկ Սարգսյանի գործով դատական նիստին դատարանը հետազոտեց գործով իրեղեն ապացույց ճանաչված ապացույցները:

Գլխավոր իրեղեն ապացույցն այն ատրճանակն է, որով, ըստ մեղադրանքի, Հայկ Սարգսյանը կրակել է գործով տուժող Դավիթ Սիմոնյանի վրա:

Դատական կարգադրիչը փակ փաթեթը մոտեցրեց կողմերին, որպեսզի նրանք համոզվեն, որ այն անվնաս է:

Պաշտպան Երեմ Սարգսյանը հայտարարեց, որ չի կարող համոզված լինել, թե սա հենց այն ատրճանակն է, որ եղել է դեպքի վայրում. «Ինչ-որ անձից առգրավել են ինչ-որ ատրճանակ եւ փաթեթավորված ուղարկել դատարան»,- ասաց նա: Պաշտպանի այս հայտարարությանն էլ առարկեց մեղադրող կողմը՝ նշելով, որ ատրճանակն ունի անհատականացնող համար, ուստի այն փոփոխության ենթարկվել չէր կարող:

Այնուհետեւ դատարանը պետք է անցներ վկաների հարցաքննությանը, սակայն նրանց բացակայության պատճառով նիստը հետաձգվեց: Հաջորդ դատական նիստը նշանակվեց փետրվարի 20-ին:

Նիստի ավարտից հետո լրագրողների հետ զրույցում պաշտպան Երեմ Սարգսյանը պարզաբանեց, թե ինչով է պայմանավորված իր այդ կասկածը: Նրա խոսքով՝ Քրեական դատավարության օրենսգիրքը սահմանում է, թե որ առարկաները կարող են իրեղեն ապացույցի ուժ ստանալ: Դրա համար պետք է, որ առարկայի առգրավվելուց անմիջապես հետո կատարվեն գործողություններ, որոնք կբացառեն դրա փոփոխման հնարավորությունը. «Հիմա դատարանում ինչ-որ ատրճանակ է, որը գուցե եւ փոխվել է: Այսինքն՝ պիտի այն առգրավվեր, փաթեթավորվեր, այնպիսի միջոցներ ձեռնարկեին, որ բացել հնարավոր չլիներ, ստորագրվեր, կնիքվեր, եւ հետո, երբ փորձաքննություն կատարվեր, փորձագետն էլ իր հերթին կնիքեր այն: Դեպքից հետո այս ատրճանակը գտնվել է Փորձագիտականում, իսկ տարիներ անց այն նվիրել են կոնկրետ անձի, հիմա ո՞նց ենք հիմնավորում, որ բացառվել են այն փոխելու բոլոր հնարավորությունները»:

ՀԺ-ի այն հարցին, թե ինչպես են ատրճանակը նվիրել այլ անձի, եթե այն քրեական գործով ապացույց է եղել, պաշտպանը պատասխանեց. «Քանի որ քրեական գործը կարճված է եղել, եւ սահմանված ժամկետն էլ լրացել է, չի էլ եղել պահանջ՝ այն պահպանելու, իրավունք ունեին այն որեւէ ձեւ օգտագործել պետության կարիքների համար կամ նվիրել որեւէ մեկին: Ղեկավարվել են այդ նորմով»: Սարգսյանի խոսքով՝ թե երբ եւ ում են նվիրել, գործի համար էական նշանակություն չունի, էականն այն է, որ այս առարկան փորձագիտական հիմնարկում չի գտնվել կնիքված, փաթեթավորված եւ այդ վիճակով չի տեղափոխվել դատարան. «Ես հիմա ուղիղ չեմ կարող պնդել, բայց, որպես պաշտպան, պարտավոր եմ գնահատել նաեւ այդ հանգամանքը, համենայն դեպս, որեւէ ձեւով չի հիմնավորվում, որ սա հենց այն ատրճանակն է, որով դեպքի օրը կրակվել է»: Պաշտպանի խոսքով՝ իր կասկածը փարատելու հնարավորություն այլեւս չկա. «Որեւէ ընթացակարգ չկա, բայց եթե նման կասկածի տեղիք կա, ապա չես կարող դրա հիման վրա անձին դատապարտել, եւ եթե փաթեթավորումը խախտվել է, ապա իրեղեն ապացույցի արժեքն այլեւս չկա»:

Պաշտպանն ընդգծեց՝ մեղադրանքի կողմը հղում է անում Ոստիկանության փորձաքրեագիտական հիմնարկի եզրակացությանը՝ ասելով, որ նրանք նշել են՝ սա նույն ժամանակ օգտագործված զենքն է, սակայն նույն հիմնարկի երկու այլ եզրակացություններ ուշադրության չեն արժանացնում. «Եթե այդ հիմնարկի եզրակացությունն իրենց համար արժանահավատ է, նույն հիմնարկի նույն ժամանակահատվածում տրված մյուս երկու եզրակացությունների վրա ինչո՞ւ են աչք փակում»:

Բանն այն է, որ այդ երկու եզրակացություններում նշված է՝ կրակոցի մուտքի անցքը եղել է տուժողի կրծքավանդակի հետին ձախ հատվածում, իսկ ելքը՝ որովայնից: Նշվում է նաեւ, որ կրակոցը եղել է 10-15 սմ հեռավորությունից եւ մեջքի կողմից. «Մինչդեռ մեղադրանքում ասվում է՝ կրակել է առջեւից եւ 1.5 մետրից: Այս երկու եզրակացությունների վրա աչքերը փակում են, չեն ընդունում, իսկ զենքի եզրակացությունն ընդունում են, որովհետեւ շատ ակնհայտ է, որ կրակոցի հանգամանքները շատ ուրիշ են: Այս նոր փորձագետները նշել են, որ կրակոցն ամենայն հավանականությամբ կարող է առջեւից լինել, բայց եզրակացությունը պիտի հստակ լինի, դա նշանակում է, որ ամենայն հավանականությամբ կարող է նաեւ առջեւից չլինել»: Առաջնորդվելով անմեղության կանխավարկածով՝ իրենք հենց այս վարկածին էլ հակված են. «Սա ցույց է տալիս, որ այս գործով ակնհայտ մեղադրական, կանխակալ վերաբերմունք է առկա. իրենց ձեռնտու ապացույցներն ընդունում են, ոչ ձեռնտուները չեն ընդունում»,- լրագրողների հետ զրույցում ասաց Երեմ Սարգսյանը:

Հիշեցնենք՝ Հայկ Սարգսյանը մեղադրվում է 11 տարի առաջ տեղի ունեցած հանցագործության՝ սպանության փորձի եւ ապօրինի կերպով զենք-զինամթերք պահելու համար: Նրան մեղադրանք է առաջադրվել ՀՀ ՔՕ 34-104-րդ հոդվածի 1-ին (սպանության փորձ) մասի եւ 235-րդ հոդվածի 1-ին մասի (զենք-զինամթերք ձեռք բերելու եւ պահելը) հատկանիշներով։

Տպել
421 դիտում

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է

ՌԴ նոր սահմանափակումների որոշումը Հայաստանի վրա չի ազդի. Նիկոլ Փաշինյան

Ժամը 19:30-ի դրությամբ թոքաբորբով 13 պացիենտ է գտնվում ինֆեկցիոն հիվանդանոցի ինտենսիվ թերապիայի բաժանմունքում

Գյուրջյան փողոցում ծառը վնասվել է. առկա է եղել ընկնելու վտանգ

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)

Ստեղծել ենք տեղաշարժման թերթիկի էլեկտրոնային տարբերակը. Տիգրան Ավինյան