Թուրքական կողմից՝ 8, սիրիական կողմից՝ 75 զոհված զինվորական. Իդլիբում իրավիճակը սրված է

Փետրվարի 3-ի առավոտյան հայտնի դարձավ, որ թուրք-սիրիական հակամարտությունը սրվել է: Սիրիական կողմը մեղադրեց թուրքերին՝ պայմանավորվածությունները խախտելու եւ կրակ բացելու համար, թուրքական կողմը՝ սիրիացիներին:

Թուրքիայի նախագահ Ռեջեփ Թայիփ Էրդողանը առավոտյան հայտարարեց, որ Սիրիայի կողմից իրենց զինվորականների ուղղությամբ բացված կրակի հետեւանքով Իդլիբում 5 թուրք զինվորական եւ նրանց ուղեկցող անձնակազմից 1 քաղաքացիական անձ է զոհվել, եւս 9-ը ծանր վիրավորվել են, ինչին իրենք պատասխանել են՝  F-16  կործանիչներով տեւական ժամանակ օդային հարվածներ հասցնելով :

«Մեր զինվորականների կյանքին սպառնացող վտանգի պատասխանը մենք տասնակի ենք տվել: Առավոտյան սիրիական բանակի 46 օբյեկտների ուղղությամբ հասցվել է 122 հրետանային և 100 ականանետային հարված, գործի են դրվել  F-16  կործանիչները: Մարդիկ, որոնք թուրքական վճռականության մասին կասկածներ ունեն, կհասկանան իրենց սխալը: Մենք շարունակելու ենք Սիրիայում սկսած մեր գործողությունները»,-հայտարարել է Էրդողանը:

Նշենք, որ կրակային հարվածներ են հասցվել գրեթե ողջ օրվա ընթացքում: Առավոտյան հայտնի դարձավ 30-35 սիրիացի զինվորականի մահվան մասին, թիվը հաստատվեց Թուրքիայի նախագահի կողմից:

 Երեկոյան արդեն Թուրքիայի պաշտպանության նախարար Խուսուլի Աքարը հայտարարեց, որ Իդլիբում Անկարայի ռազմագործողության արդյունքում օրվա ընթացքում սիրիական բանակի 76 զինվորական է  «վնասազերծվել» (սպանվել): Հայտնի դարձավ նաեւ, որ առավոտյան հրապարակված զոհերի թիվը՝ թուրքական կողմից , ավելացել է: պարզվեց՝ Սիրիայի բանակի կրակահերթերից զոհվել է 5 թուրք զինվորական եւ ուղեկից անձնակազմից 3 քաղաքացիական անձ:

«Մենք ձեռնարկում ենք բոլոր քայլերը՝ թուրք զինվորականների պաշտպանության համար: Մեր զինվորականների կողմից խոցված թիրախների թիվն Իդլիբում հասել է 54-ի»,-Աքարի խոսքերն է փոխանցում Anadolu գործակալությունը:

Օրվա ընթացքում ռուսական լրատվամիջոցները հայտնում էին, որ թուրք զինվորականները իրենց ռուս գործընկերներին փետրվարի 3-ին 2 անգամ զեկուցել են Իդլիբում Թուրքական օդուժի դիրքերի առաջխաղացման մասին:

Սիրիական al-Watan կառավարական թերթին տված հարցազրույցում Սիրիայի ԱԳ փոխնախարար Ֆեյսալ Միկդադը, մեկնաբանելով օրվա ընթացքում Թուրքիայի ռազմաօդային ուժերի հասցրած ինտենսիվ հարվածները, դրանք անվանել է Նուր-Սուլթանում ձեռք բերված պայմանավորվածությունների կոպիտ խախտում:

Միկդադն ասել է, ոչ հիշյալ պայմանավորվածությունը թույլ չի տալիս Թուրքիային զինված ներխուժում իրականացնել Սիրիայի տարածք:

« Միջազգային իրավունքի նորմով արգելված է մեկ երկրի կողմից մեկ այլ երկրի տարածքի օկուպացումը: Արգելված է նաեւ բնակչության տեղափոխումը, տեղահանումը, թուրքական դրոշը Սիրիայի տարածքում բարձրացնելը, թուրքական դպրոցներ բացելը»,-հիշեցրել է պաշտոնյան՝ նշելով, որ Թուրքիայի նախագահը հենց այդ նպատակն ունի՝ օկուպացնել եւ տիրանալ սիրիական տարածքներին, միջամտել Սիրիայի ներքին գործերին:

Ռուսաստանի, Իրանի եւ Թուրքիայի ներկայացուցիչների կողմից Աստանայում (այժմ ՝ Նուր-Սուլթան) 2017-ի մայիսին ձեռք բերված պայմանավորվածության համաձայն, Սիրիայում ստեղծվել են ականազերծման չորս գոտիներ: Այդ տարածքներից 3-ը 2018-ին անցել են Դամասկոսի վերահսկողությանը: Չորրորդ գոտին, որը ներառում է Իդլիբի ամբողջ տարածքը եւ հարեւան Լաթաքիա, Համմա, Հալեպ նահանգների մի մասը, դեռեւս դուրս է Սիրիայի կառավարական ուժերի վերահսկողությունից: Ընդ որում, այդ տարածքի մեծ մասը գրավված է ահաբեկչական համարվող «Ջեբհաթ ան-Նուսրա» կազմակերպության կողմից:

2018-ի սեպտեմբերին Ռուսաստանն ու Թուրքիան պայմանավորվեցին Իդլիբում ստեղծել ապառազմականացված գոտի, որտեղ գտնվում են տասնյակից ավելի տարբեր ստորաբաժանումներ՝ շուրջ 30 հազար զինյալներով:

Այս տարվա հունվարի վերջին սիրիական բանակը գրոհ էր սկսել Հալեպի արեւմուտքում ՝ կապված ահաբեկիչների կողմից քաղաքի բնակելի տարածքների ամենօրյա ռմբակոծության հետ, որի հետեւանքով զոհվել են տասնյակ մարդիկ: 3 օր անց Բաշար Ասադի բանակը ազատագրեց Մաարեթ Նուուման քաղաքը ահաբեկիչներից: Այն գրոհայինների հսկողության տակ էր 2012 թվականից եւ հանդիսանում էր նրանց ամենամեծ հենակետերից մեկը:

Անկարան եւ նրա գործընկերներից մի քանիսը հակամարտության սրման պայմաններում մեղադրում են Դամասկոսին եւ Մոսկվային հումանիտար թիրախների եւ թուրքական զինվորների վրա հարձակման մեջ: Ռուսաստանում եւ Սիրիայում էլ կարծում են, որ տարածաշրջանում անկայունության պատճառը ահաբեկիչների գործողություններն են, որոնց դեմ պայքարելու պարագայում խաղաղություն կհաստատվի:

Ըստ Էրդողանի, եթե Իդլիբում իրավիճակը չկայունանա, Անկարան անտարբեր չի մնա, քանի որ ցանկանում է տարածաշրջանը մաքրել ահաբեկիչներից եւ պատրաստ է լարվածության թուլացման համար անել անհրաժեշտ բոլոր քայլերը՝ ներառյալ ռազմական ուժի օգտագործումը:

Տպել
1798 դիտում

ՄԱԿ-ի Արդարադատության միջազգային դատարանում մեկնարկել են Ադրբեջանն ընդդեմ Հայաստանի գործով լսումները

Կամարիս համայնքում ավարտվել են կառավարության 2021 թվականի 3 սուբվենցիոն ծրագրերը

Կորոնավիրուսից մահացել է ԵՊՀ պրոֆեսոր Յուրիկ Գաբրիելյանը

Ջիլ գյուղում մոտ 8 տոննա անասնակեր է այրվել

ԱԱՏՄ-ն բազմապատկված ուժերով խստացված ստուգայցեր է իրականցրել․ վերահսկողություն է կատարվել 478 տնտեսավարողների մոտ

Դալարիկում մարզի առաջնահերթ խնդիրների լուծման ծրագրով փոխվել են մանկապարտեզի դռներն ու պատուհանները

Արշակ Կարապետյանը հանդիպել է զոհված, անհայտ կորած, գերության մեջ հայտված զինծառայողների և կամավորականների հարազատներին

Շուշիում այսօր տեղի ունեցած բանակցությունների արդյունքում Ադրբեջանը հայկական կողմին է փոխանցել ևս մեկ աճյուն

ԵԽ նախարարների կոմիտեի ժողովրդավարության հարցերով զեկուցողների խմբի պատվիրակությունն այցելել է Զինվորի տուն

Սառնաղբյուր գյուղում այրվել է պահեստավորած անասնակերը

ՊՆ ռազմական ոստիկանությունում ամփոփվել են կատարված աշխատանքները

Նորվեգիան «Մոդեռնա» պատվաստանյութի զգալի խմբաքանակ կտրամադրի Հայաստանին․ Նորվեգիայի նորանշանակ դեսպան

Արտակ Դավթյանն ընդունել է ԿԽՄԿ պատվիրակության ղեկավարին․ քննարկվել են փոխգործակցության նոր ուղղությունները

Ալեն Սիմոնյանն ընդունել է ռուս պաշտոնյաների պատվիրակությանը․ անդրադարձել են տարածաշրջանային առաջնահերթություններին

ՊՆ վարչական համալիրում անցկացվել է միջգերատեսչական հանձնաժողովի նիստ (լուսանկարներ)

ԱԳ փոխնախարարն ընդունել է Միջազգային էներգետիկ խարտիայի գլխավոր քարտուղարին․ քննարկվել է Երևանում կայանալիք հանդիպումը

Հայաստան է ժամանել Ուկրաինայի Գերագույն ռադայի մարդու իրավունքների հանձնակատարը (լուսանկարներ)

Առողջապահության փոխնախարարը խորհրդակցություն է անցկացրել Սյունիքի մարզպետարանում, քննարկվել է պատվաստումների ընթացքը

Կորոնավիրուսի հետեւանքով մահացել Է Ամերիկայի նախկին պետքարտուղար Քոլին Փաուելը

Փոքր համայնքներում ընտրությունը քաղաքական գործընթաց չէր․ իրար աջակցելու, լավություն անելու համադրություն էր

Ադրբեջանը շարունակում է պատանդառության մեջ պահել հայ ռազմագերիներին, քաղաքացիական անձանց. Միրզոյանը ԵԽ պատվիրակությանը

Կայացել է հայ-ռուսական միջտարածաշրջանային համագործակցության հարցերով աշխատանքային համատեղ խմբի հանդիպումը

«Դիմակայություն»՝ կորոնավիրուսի եւ 44-օրյա պատերազմի մասին պատմող ֆիլմ է նկարվել. վաղը կլինի պրեմիերան

Վիրավոր և հաշմանդամություն ունեցող զինվորները կրթություն կստանան նորագույն տեխնոլոգիաների ոլորտում (լուսանկարներ)

Եթե նախկինում «տասովշիկները» աշխատում էին 1-2 քաղաքական ուժի համար, այս ընտրությանը շատ ավելի մեծ հնարավորություն ունեին

Ուսումնասիրվել է ուղևորափոխադրում կատարող 260 տրանսպորտային միջոց․ աշխատել է 17 կարգախումբ

Դավաճանության համար կասկածվող արցախցու նկատմամբ քրեական հետապնդումը դադարեցվել է. ԱՀ դատախազություն

Փորձը ցույց է տալիս, որ ՏԻՄ ընտրություններում գործում է «բարեկամ-ծանոթ» սկզբունքը. Կարեն Սարուխանյան

Նախագահն ընդունել է Ուկրաինայի Գերագույն ռադայի ՄԻ հանձնակատարին․ կան համագործակցության լայն հնարավորություններ

Արարատում՝ 311 կգ, Արմավիրում 510 կգ մսի խմբաքանակ կոչնչացվի. ՍԱՏՄ-ն ուժեղացված վերահսկողություն է իրականացրել

Կենտրոնական բանկը սահմանել է նոր փոխարժեքներ․ դրամը շարունակում է արժևորվել

Հնարավոր է՝ Պուտինը քովիդի դեմ պատվաստվի երրորդ անգամ

Տեղի է ունեցել նորխարբերդցիների հիշատակին նվիրված խաչքարի բացման և օծման արարողություն

Դատարան է ներկայացվել ապօրինի ծագում ունեցող գույքի բռնագանձման վերաբերյալ առաջին հայցադիմումը. Դատախազություն

Սյունիքի մարզի Փելա սար կոչվող տարածքում դիրքային փոփոխություն տեղի չի ունեցել. ԱԱԾ

Ոսկե մեդալ՝ Քննչական կոմիտեի նախագահի մամուլի քարտուղարին (լուսանկարներ)

Վստահ եմ՝ աշխատանքները նույն թափով ընթանալու են. Արարատի մարզպետը ներկայացրել է համայնքի ղեկավարի պաշտոնակատարին

Հայաստանը մասնակցում է Հայաստան-ԵՄ ինդիկատիվ ծրագրի մշակմանը. Նարեկ Մկրտչյանն ընդունել է Անդրեա Վիկտորինին

500 միավոր զինտեխնիկա, ավելի քան 4000 զինծառայող. ՀՀ ԶՈՒ-ն մասնակցում է ՀԱՊԿ զորավարժություններին (լուսանկարներ)

Անկախության հռչակումից 10 տարի անց Ստրասբուրգում՝ ԵԽ նստավայրի դիմաց, ծածանվեց Հայաստանի պետական դրոշը. ԱԳՆ (տեսանյութ)