Սթրես եւ լավատեսական կարգախոսներ. տարբեր մասնագետներ միավորվել են՝ պայքարելու քաղցկեղի դեմ

«Կարեն Դեմիրճյանի անվան Երեւանի մետրոպոլիտեն»-ի «Երիտասարդական» կայարանի պատերն այսօր զարդարված էին բժիշկների, ուսուցիչների, մարզիչներից մինչեւ մեքենավարների՝ հանրությանն ուղղված կոչերով, որպեսզի միասնական ուժերով պայքար տարվի քաղցկեղի դեմ:

Փետրվարի 4-ն ամբողջ աշխարհում նշվում է որպես քաղցկեղի դեմ պայքարի համաշխարհային օր, այդ պատճառով այսօր տարբեր ոլորտներում աշխատող մասնագետներ միավորվել էին եւ իրենց խորհուրդներն էին տալիս՝ համախմբվելու, ժամանակին հետազոտվելու եւ հիշելու, որ այս հիվանդությունը դատավճիռ չէ:

Պատերին փակցված նկարներում երեւում էր, որ ամեն մեկն իր մասնագիտությամբ կարող է հասնել վաղաժամ մահերի թվի կրճատմանը՝ բժիշկը՝ բուժելով, ուսուցիչը՝ կրթելով, մարզիչը՝ առողջ ապրելակերպ քարոզելով:

Միջոցառումն ուներ «Ես կամ, ես գործելու եմ» խորագիրը: Այն կազմակերպվել էր ՀՀ առողջապահության նախարարության նախաձեռնությամբ եւ Երեւանի մետրոպոլիտենի աջակցությամբ:

Ինչպես իր խոսքում նշեց «Կարեն Դեմիրճյանի անվան Երևանի մետրոպոլիտեն»-ի տնօրենի պաշտոնակատար Գեւորգ Ավետիսյանը, իրենց մոտ արդեն երկար ժամանակ է, ինչ անցկացվում են տարաբնույթ միջոցառումներ, ֆուտոցուցահանդեսներ: Այսօր տեղի ունեցավ հերթական ցուցադրությունը, որի նպատակն է՝ քաղաքացիներին հուշել շուտ դիմել բժշկական օգնության, որպեսզի կանխարգելվի այս հիվանդությունը:

Առողջապահության նախարարության ուռուցքաբանության գծով խորհրդատու Հայկուհի Գյոկչյանն իր խոսքւմ նշեց, որ քաղցկեղի դեմ պայքարին հիմնականում մասնակցում են բուժաշխատողները, այդ պատճառով որոշվել է այս տարի ավելի լայն շերտ ընդգրկել:

Հարցին ի պատասխան, Գյոկչյանը նշեց, որ քաղցկեղն ամբողջ աշխարհում իր հիվանդացության եւ մահացության առումով 2-րդ տեղն է գրավում՝ սիրտ-անոթային հիվանդացություններից հետո, սակայն դա ամեն ինչի վերջն է. «Եթե դուք հիվանդացել եք, դա չի նշանակում, որ ամեն ինչ վերջացած է, շատ հիվանդներ առողջանում են»:

Նրա խոսքով՝ թեեւ հստակ չեն այս հիվանդության առաջացման պատճառները, սակայն դրա պատճառ կարող են լինել ե՛ւ նստակյաց կյանքը, ճարպակալումը, սխալ սնուցումը, ե´ւ պսիխոէմոցիոնալ վիճակը: Սթրեսների ժամանակ մարդու իմունիտետն ընկնում է, իսկ եթե իմունիտետը չի կարող պայքարել քաղցկեղածին բջիջների դեմ, առաջանում է տվյալ հիվանդությունը: Մասնագետը նաեւ հավելեց, որ չկա նման ուսումնասիրություն, թե քաղցկեղի քանի տոկոսն է առաջանում սթրեսից, սակայն այն մեծ ազդեցություն ունի:

«Մարդկանց պետք է սովորեցնել ավելի լավատեսորեն մտածել, ռեալիստ լինել»,- նշեց Գյոկչյանը՝ հավալելով, որ մեր ազգը մի քիչ լավատեսության հետ կապված խնդիր ունի, բայց պետք է ինքներս փորձենք ազգի մտածելակերպը փոխել:

Մասնագետը խոստովանեց, որ իր հիվանդների հետ այս թեման հաճախ է քննարկում, որովհետեւ երբ մարդն ինքն իրեն սիրում, հարգում է, ինքն իր հետ ներդաշնակ է լինում, իր մոտ ոչ միայն քաղցկեղ, այլեւ այլ հիվանդություններ չեն առաջանում:

Նա նաեւ ընգծեց, որ այս ամենը հաշվի առնելով՝ այսօրվա ցուցահանդեսի բոլոր կարգախոսները լավատեսական են:

Նշենք, որ քաղցկեղի դեմ պայքարի համաշխարհային օրն ընդունվել է Միջազգային հակաքաղցկեղային միության կողմից (International Union Against Cancer, UICC): Այս օրն ամբողջ աշխարհում եւ Հայաստանում հասարակության ուշադրությունն այս պրոբլեմի վրա սեւեռելու համար՝ տարբեր միջոցառումներ են իրականացվում:

Տպել
781 դիտում

Շահառուների՝ աջակցության միջոցառում ընտրելու առումով տեխնիկական խնդիր կա, կկարգավորվի. Զարուհի Բաթոյան

Արցախի ԱՆ-ն ուղեցույց կհրապարակի ՀՀ-ից Արցախ մուտք գործողների համար՝ Արցախում տեղաշարժի եւ պահանջների մասին

Հնարավոր է՝ Ռոբերտ Քոչարյանի եւ մյուսների գործը քննող դատավոր Աննա Դանիբեկյանը ապրիլի 17-ին ներկայանա աշխատանքի

Սխալի պատճառով 2 քրոջ անունն էլ նույնն է գրվել, սակայն նրանք ճիշտ են քվեարկել. ԱՀ ոստիկանությունը պարզաբանում է

ՖԻՖԱ-ն թարմացրել է վարկանիշային աղյուսակը. Հայաստանի ֆուտբոլի հավաքականը մնում է 102-րդը

Տարեցների խնամքի կենտրոններում կարանտին է. թեստավորված անձինք չկան

Սերժ Սարգսյանը ապրիլի 16-ին կմասնակցի Ապրիլյանի նիստին. նրա պայմանը բավարարվել է

Տնտեսական աջակցության միջոցառումների ծրագրերով 1 միլիարդ 433 միլիոն դրամի վարկային փաթեթներ են բավարարվել. նախարար

Կառավարության առաջարկով Ազգային ժողովն ապրիլի 13-ին արտահերթ նիստ կգումարի

Ես կարծում եմ, որ կոչերը եւ անելիքները, որոնք թիրախավորված չեն, արդյունավետ չեն լինի․ Գրիգորյան

Միանվագ աջակցության ծրագրերից ոչ մեկում չընդգրկված քաղաքացիների խնդիրները մեղմելու տարբերակներ են քննարկվում

Որեւէ խնդիր չեմ տեսնում պետական պարտքը ավելացնելու հետ կապված, սակայն այս պահին դեռ վաղ է խոսել այդ մասին․ փոխվարչապետ

Սիսիանի ոստիկանների կողմից քաղաքացիների նկատմամբ բռնություն գործադրելու մասին հրապարակումները ուղարկվել են ՀՔԾ

Արարատի մարզում կորոնավիրուսի 4 նոր դեպք է գրանցվել. ընդհանուր առմամբ մարզում 179 դեպք կա

Հակաճգնաժամային 10 միջոցառումներից 6-ը լիարժեք ուժի մեջ է․ Մհեր Գրիգորյան

Ընկած թռչուն տեսնելու դեպքում հայտնել պատկան մարմիններին․ ըստ մասնագետների՝ թռչունների այդ վիճակը կորոնավիրուսից չէ

Աջակցության երկու ծրագիր գործում է, ևս երկուսը կգործարկվի վաղը. 3750 հղի վաղը կարող է սպասարկվել, ցուցակները լրացվում են

Այն հայտը, որը ներկայացրել է «Գազպրոմ Արմենիան», ենթադրում է ներդրումներ․ փոխվարչապետ

Պետության տրամադրած սոցիալական օգնությունների վրա արգելանք չի կիրառվի. ԴԱՀԿ

Պարենային եւ արդյունաբերական մի շարք ապրանքատեսակների գներ միջինում 3 տոկոսով կնվազի․ Գրիգորյան