Դերասան Իշխան Ղարիբյանը Երեւանից տեղափոխվում է Կապան. նշանակվել է տեղի թատրոնի գեղարվեստական ղեկավար

Երեւանի պատանի հանդիսատեսի թատրոնի դերասան Իշխան Ղարիբյանն օրեր առաջ նշանակվել է Կապանի Ալեքսանդր Շիրվանզադեի անվան դրամատիկական թատրոնի գեղարվեստական ղեկավար: Ղարիբյանը գեղարվեստական ղեկավարի պաշտոնում աշխատելու առաջարկն ստացել է ընկերոջից՝ նշված թատրոնի տնօրենի պաշտոնակատար Տիգրան Աթայանից: Մոտակա մի քանի օրվա ընթացքում նորանշանակ գեղղեկավարը կտեղափոխվի Կապան:

Իշխան Ղարիբյանի հետ մեր զրույցը ստորեւ.

Պարո՛ն Ղարիբյան, սպասո՞ւմ էիք այս առաջարկին, թե՞ անակնկալ էր Ձեզ համար: Միանգամի՞ց եք համաձայնվել:

- Արդեն 20 տարուց ավելի է՝ Պատանի հանդիսատեսի թատրոնում եմ աշխատում: Մինչեւ, այսպես կոչված, համաձայնությունս տալը՝ ես երկու ներկայացում արեցի Կապանի թատրոնում, որպեսզի պարզ լինի՝ կարողանալո՞ւ եմ, թե՞ չեմ կարողանալու: Երկու ներկայացումները բարեհաջող անցան, թատրոնն ինձ ճանաչեց, ես նրանց ճանաչեցի, համաձայնեցինք: Հուսամ՝ ամեն ինչ բարեհաջող կլինի: Թատրոնի տնօրենի հետ միասին ենք աշխատել, ինքը՝ որպես պրոդյուսեր, ես՝ բեմադրիչ, մենք իրար կես բառից հասկանում ենք: Երկուսս էլ միեւնույն ձեւով ենք պատկերացնում, թե ինչպիսի թատրոն ենք ուզում ունենալ:

Ընտանիքո՞վ եք տեղափոխվելու Կապան:

- Առայժմ՝ չէ, որովհետեւ կինս՝ դերասանուհի Թեհմինե Խաչատրյանը, Ռուսական թատրոնում զբաղվածություն ունի, նաեւ Հանրային հեռուստաընկերության ձայնագրման բաժնում է աշխատում, եւ այս էտապում հարմար չի լինի տեղափոխվել: Ու հետո, երեխաների դպրոցի հարցը եւ այլն: Դա միանգամից չի լինի, բայց առաջիկայում կա այդ ծրագիրը: Ամառը կգան ինձ մոտ, հետո՝ տեսնենք: Զուտ տեխնիկական հարցերն են, որ դեռ մի փոքր ժամանակ են պահանջում: Կապանն իմ ամենասիրած քաղաքներից է, եւ հետո, մեր Հայաստանի մաս է, ի՜նչ կապ ունի, թե որտեղ է: 

Պարո՛ն Ղարիբյան, նշեցիք, որ արդեն փորձառություն ունեք Կապանի դերասանների հետ աշխատելու: Հետաքրքիր է՝ Երեւանի եւ Կապանի թատրոնների միջեւ առաջին հայացքից ակնհայտ տարբերությունները որո՞նք են, եւ դերասանական կազմի հետ աշխատելիս ինչ առանձնահատկություններ կբնորոշեք:

- Հասկանում եմ ձեր հարցի իմաստը, խանգարող ակնհայտ տարբերություն չկա: Էնպես չէ, որ այնտեղ թույլ են կամ անտեղյակ, քան՝ Երեւանում: Ուղղակի աշխատանքի ծավալն է տարբեր: Եթե Երեւանի թատրոնների դերասաններն ավելի շատ զբաղվածություն ունեն եւ դրա հետեւանքով «ֆորմայի մեջ» են, մարզի թատրոններում այդ առումով մի փոքր աշխատանքի ակտիվության պակաս կա: Սա մենք ապագայում անպայման պիտի լրացնենք: Որքան հասցրի ճանաչել, այնտեղի դերասանները շատ լավն են, հետաքրքիր, կոլորիտային կերպարներ են: Ինձ շատ հաճելի էր իրենց հետ աշխատել:

- Մշակույթն ապակենտրոնացնելու միտում կա՞ ձեր այս քայլում:

- Եթե նույնիսկ նման միտում չի եղել, այս ամենին շատ դրական եմ վերաբերվում, որովհետեւ միայն Երեւանի մշակութային կյանքը զարգացնելով՝ պետությունը չի զարգանա: Խոսքը միայն թատրոնի մասին չէ, որ մայրաքաղաքից գնան, փորձի փոխանակում անեն: Սա պետք է համընդհանուր տարածվի: Պատմության մեջ շատ են եղել, երբ ամեն ինչ կենտրոնացրել են միայն մայրաքաղաքում, եւ դա ոչ մի լավ բանի չի հանգեցրել: Ես մեծագույն սիրով ու պատասխանատվությամբ եմ ընդունել այս առաջարկը եւ բացարձակապես չեմ մտածում, որ մարզի թատրոն է, կարելի է ինչ-որ մի տեղ գլխառադ անել: Ո՛չ:

Տպել
1530 դիտում

Տավուշում կորոնավիրուսով հիվանդ մարդ չկա. ո՞վ է գոհ այս վիճակից

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին