Մահճակալներ ավելացրինք, միջանցքներում ու ընդունարանում էինք տեղավորում. զանգվածային թունավորումները՝ «Զեյթունի» էկլերից

Լոռու մարզի Վանաձորի ինֆեկցիոն հիվանդանոց ու Ստեփանավանի բժշկական կենտրոնի ինֆեկցիոն բաժանմունք տեղափոխված բոլոր հիվանդները թունավորվել են «Զեյթուն» ապրանքանիշի էկլեր տեսակի խմորեղենից: Այս մասին Վանաձորի հիվանդանոցում ՀԺ-ին հայտնեցին դեռեւս բուժման մեջ գտնվող հիվանդները: Ըստ նրանց՝ խմորեղենը եղել է ժամկետի մեջ: Արտադրված է եղել հունվարի 28-ին, այդ օրն էլ հենց գնել ու կերել են, որից մի քանի ժամ անց արդեն տեղափոխվել հիվանդանոց:

«Բոլոր հիվանդները, որոնք ընդունվում էին հիվանդանոց, ասում էին, որ էկլեր են կերել: Հիմնական հոսքը եղել է շաբաթ-կիրակի: Մինչ օրս ինֆեկցիոն հիվանդանոց ընդունվել է 40 հիվանդ»,- ՀԺ-ին հայտնեց Վանաձորի ինֆեկցիոն հիվանդանոցի տնօրեն Նունե Էվինյանը՝ նշելով, որ հիվանդանոցն ապահովված է եղել անհրաժեշտ դեղորայքով եւ այն ամեն ինչով, ինչ անհրաժեշտ է եղել արագ արձագանքման ու բուժման կազմակերպման համար:

Նունե Էվինյան

Ինֆեկցիոն հիվանդանոցի աշխատակիցների խոսքով՝ ընդունման ժամանակ հիվանդանոցում մահճակալներն են ավելացրել: Անգամ միջանցքներում են մահճակալներ տեղադրել. «Թախտեր դրեցինք, մահճակալներ ավելացրինք, անգամ միջանցքներում ու ընդունարաններում էինք տեղավորում»:

Ինչպես երեխաների, այնպես էլ մեծահասակների համար թունավորման միակ պատճառը համարվում է էկլերը, որը թեպետ ժամկետի մեջ է եղել, սակայն տուժածների մի մասի խոսքով՝ տարօրինակ համ է ունեցել, որը վերագրել են հավելումներին:

Հիվանդությունների վերահսկման եւ կանխարգելման ազգային կենտրոնի Լոռու մասնաճյուղի տնօրեն Անժելա Հովհաննիսյանը ՀԺ-ին տեղեկացրեց, որ մարզում արձանագրվել է սալմոնեոզի դեպք. «Համաճարակաբանական հետազոտությունները ցույց են տվել, որ էկլեր տեսակի քաղցրավենիք օգտագործել են հիվանդներից 41-ը: Համաճարակաբանական հետազոտություններով պարզվել է նաեւ, որ այդ քաղցրավենիքն արտադրվել է Երեւանի «Զեյթուն» ֆիրմայի կողմից: Կիլոգրամով վաճառվող էկլեր է, որը բաշխվել է Լոռու մարզի տարբեր խանութներում: Հիվանդներից պարզել ենք խանութների շրջանակը, տեղյակ ենք պահել սննդի անվտանգության տեսչությանը, համատեղ արգելել ենք խանութներում վաճառքը»,- ասաց Անժելա Հովհաննիսյանը:

Անժելա Հովհաննիսյան

«Հայկական ժամանակը» մեկնաբանություն ստանալու համար դիմեց նաեւ «Զեյթուն» խմորեղենի արտադրություն: Իննա անունով ներկայացած աղջիկը խնդրեց զանգահարել 20 րոպեից, որից հետո այդպես էլ մեր հեռախոսազանգերին չպատասխանեց:

Սննդամթերքի անվտանգության պետական ծառայությունը քիչ առաջ հաղորդագրություն տարածեց, ըստ որի՝ ՍԱՏՄ-ն ստուգում է իրականացրել «Զեյթուն Սվիթ» ՍՊԸ-ի արտադրությունում: Հաղորդագրությունում ասվում է. «Հայաստանի երկու մարզերի՝ Լոռիի և Սյունիքի տարբեր բնակավայրերում (Ստեփանավան, Վանաձոր, Կապան, Սիսիան հարակից համայնքներ) վերջին օրերին գրանցվել են բնակիչների թունավորման դեպքեր: Հունվարի 27-ից փետրվարի 3-ն ընկած ժամանակահատվածում մարզկենտրոնների բժշկական հաստատություններ է դիմել 60 քաղաքացի՝ սննդային թունավորում ախտորոշմամբ: Տուժածների մեծ մասն արդեն դուրս է գրվել:

ՀՀ ԱՆ «Հիվանդությունների վերահսկման և կանխարգելման ազգային կենտրոն» ՊՈԱԿ-ից ահազանգն ստանալուց անմիջապես հետո ՀՀ սննդամթերքի անվտանգության տեսչական մարմնի մարզային կառույցների մասնագետները ձեռնարկել են վերահսկողական գործողություններ: Մասնավորապես, հիվանդանոց դիմած քաղաքացիների հետ զրույցներից պարզելով, որ բոլորի մոտ թունավորման ախտանշաններն ի հայտ են եկել էկլեր տեսակի թխվածք օգտագործելու արդյունքում՝ հետագծելիությամբ պարզել են, որ բոլորն էլ կերել են «Զեյթուն Սվիթ» ՍՊԸ արտադրության «էկլեր ջնարակապատ»: Միջոցներ են ձեռնարկվել իրացման ցանցում այն հայտնաբերելու ուղղությամբ:

Տեսչական մարմնի Երևանի կենտրոնի տեսուչները ստուգում են անցկացրել նաև «Զեյթուն Սվիթ» ՍՊԸ արտադրությունում: Սանիտարահիգիենիկ նորմերի խախտումներ չեն արձանագրվել, սակայն պարզվել է, որ «Էկլեր ջնարակապատ» արտադրատեսակը չի անցել համապատասխանության գնահատում և չունի անվտանգության հայտարարագիր։ «Զեյթուն Սվիթ» ՍՊԸ-ին տրվել է կարգադրագիր «Արտադրանքի իրացումն արգելելու, շուկայից հետ կանչելու, ոչնչացնելու կամ օգտահանելու մասին» և սահմանվել ժամկետ՝ թերությունը շտկելու համար։

Կատարվել է նաև նմուշառում առկա հումքից՝ ձու, կարագ, սփրեդ, ինչպես նաև պատրաստի արտադրանքից՝ ջնարակապատ էկլերից:

Լաբորատոր փորձաքննության արդյունքները կհրապարակվեն պատրաստ լինելուն պես:

Տպել
2024 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին