Ինչու է աշխատանքից ազատվել մարզպետարանի ծրագրերի եւ զարգացման բաժնի պետը. որոշումը կվիճարկվի դատարանում

Լոռու մարզպետարանի աշխատակազմի զարգացման ծրագրերի, զբոսաշրջության եւ վերլուծության բաժնի պետ Հասմիկ Մկրտչյանն ազատվել է աշխատանքից: Մինչ այդ, սակայն, իրականացվել է ծառայողական քննություն, որն էլ հանգեցրել է նման որոշման:

Իրեն բաժնի պետի պաշտոնից ազատելը Հասմիկ Մկրտչյանը համարում է ապօրինի որոշում ու պատրաստվում է այն վիճարկել դատական ատյաններում: Այս մասին ՀԺ-ի հետ զրույցում ասաց նա՝ չցանկանալով խոսել իր ազատման պատճառների մասին. «Միայն կասեմ, որ որոշումն անօրինական է, եւ ես այն վիճարկելու եմ դատարանում»:

Լոռու մարզպետարանի աշխատակազմի քարտուղար Արթուր Մխիթարյանը, խոսելով Հասմիկ Մկրտչյանի ազատման մասին, նշեց, որ դրա համար հիմք են հանդիսացել քանիցս տրված բանավոր եւ գրավոր նկատողությունները. «Հասմիկ Մկրտչյանի նկատմամբ կիրառվել է խիստ կարգապահական տույժ, այն է՝ ծառայության դադարեցում, եւ դրա հիման վրա կայացվել է որոշում, եւ իր հետ կնքված պայմանագիրը լուծարվել է հունվարի 30-ին»,- ասաց Արթուր Մխիթարյանը՝ հավելելով, որ մինչ կարգապահական տույժ կիրառելը օրենքի պահանջին համապատասխան ծառայողական քննություն է նշանակվել, որի եզրակացությունն էլ՝ խիստ կարգապահական տույժ.

«Հասմիկ Մկրտչյանի նկատմամբ 2018 թ.-ի մարտին էլ էր կիրառվել կարգապահական տույժ՝ նկատողություն՝ իր աշխատանքի մեջ թերանալու եւ բացթողումների մասով, կրկին ծառայողական քննություն էր անցկացվել, ու թեթեւ կարգապահական տույժ էր կիրառվել: 2019-ի սեպտեմբերին եւս 1 ծառայողական քննություն էր անցկացվել, որի հետեւանքով նա կարգապահական տույժի չէր ենթարկվել, ներողամտորեն էինք վերաբերվել իր թերացումներին, արդեն այս տարվա հունվարին կիրառվեց խիստ նկատողություն՝ հիմք ընդունելով նրա՝ պարտականությունների մեջ պարբերաբար թերանալը»:

Արթուր Մխիթարյանը, որպես թերացումներ մի քանի օրինակ, նշեց. «Թերացում էր այն, որ մեր պաշտոնական կայքէջում չէր տեղադրվել մարզի պետական հաստատությունների թափուր աշխատատեղերի մասին հայտարարված մրցույթները: Մարտ ամսին տրված նկատողությունը կապված էր սուբվենցիոն ծրագրերի հետ, երբ տարածքային կառավարման եւ ենթակառուցվածքների զարգացման նախարարի մոտ եղել էր քննարկում, որի ժամանակ մարզպետին սխալ թվային տվյալ էր ներկայացրել, որն էլ ներկայացրել էր նախարարին: Սեպտեմբերին արձանագրված թերությունն էլ կապված էր Լոռու մարզի եւ Չինաստանի Շանսի նահանգի համագործակցության հետ, պետք է հանդիպում կազմակերպվեր գործարարների միջեւ, որը չէր արվել… Եթե մենք գնում ենք զարգացման ուղով ու փորձում ենք ցանկացած ծրագիր բերել մարզ ու առաջինն իրականացնել, ապա թերանալն այս դեպքում այդքան էլ ճիշտ չէր»,- ասաց Արթուր Մխիթարյանը՝ հավելելով, որ բաժնի պետի պարտականությունները դրվել են նույն բաժնի մեկ այլ աշխատակցի վրա:

Տպել
507 դիտում

Մհեր Գրիգորյանը հարգանքի տուրք է մատուցել Բաշ-Ապարանի ճակատամարտի հերոսների հիշատակին

Քաջարանի հավաքի մասնակիցներից այս պահին 20-ի վերաբերյալ կազմվել է վարչական իրավախախտումների արձանագրություն

Մայիսի 29-ին կիրականացվի Մոսկվա-Երևան չվերթը, 30-ին՝ Մինսկ-Երևան-Մինսկ չվերթը. Քաղավիացիա

Նոր Պարեկային ծառայության ստեղծման հետեւանքով ոստիկանությունը աշխատանքի է հրավիրում աշխատակիցների

Նախարարությունը հրապարակել է կորոնավիրուսային հիվանդության թեթև դեպքերի տնային բուժման ուղեցույց

ԱՄՆ-ում բողոքի ցույցեր են. ոստիկանը սեւամորթ ամերիկացու մահվան պատճառ է դարձել (լուսանկարներ)

18-րդ միջոցառման շրջանակներում 12.200 տնտեսվարողի շահառու հանդիսանալու ծանուցում է ուղարկվել․ Մկրտչյան

Արմեն Սարգսյանը Սարդարապատի հուշահամալիրում հարգանքի տուրք է մատուցել հերոսամարտի զոհերի հիշատակին (տեսանյութ)

ԿԳՄՍ փոխնախարար դառնալու զրո ցանկություն ունեմ. Արսեն Ջուլֆալակյան

Հրդեհ «Պապա-ֆուդ» պանդոկում. հայտարարվել է հրդեհի բարդության «1-ԲԻՍ» կանչ. տուժածներ չկան (տեսանյութ)

Սրբության պես պետք է պահենք մեր պետականությունն ու ինքնիշխանությունը, որ արժանապատիվ կյանքի երաշխավորն են. ՄԻՊ-ի ուղերձը

Մհեր Գրիգորյանը հանդիպել է Արցախի Հանրապետության նախագահի հետ. քննարկվել են սոցիալ-տնտեսական իրավիճակի մասին հարցեր

ԱԺ նախագահ Արարատ Միրզոյանը շնորհավորական ուղերձ է հղել Առաջին հանրապետության օրվա կապակցությամբ

Վարչապետը շնորհավորական ուղերձ է հղել Եթովպիայի վարչապետին Ազգային տոնի կապակցությամբ

Տեղի է ունեցել Նիկոլ Փաշինյանի և Արայիկ Հարությունյանի առաջին պաշտոնական հանդիպումը Երևանում (տեսանյութ)

Լոռու մարզում գրանցվել է կորոնավիրուսից մահվան առաջին դեպքը. քաղաքացին վերջերս էր ժամանել Ֆրանսիայից

Շարժական մամոգրաֆիան վերջապես ժամանեց Իտալիայից. մեկնարկը կլինի Լոռու մարզից. Արսեն Թորոսյան (տեսանյութ)

Դժբախտ դեպք Շիրակի մարզում. վիճաբանությունից հետո 20-ամյա երիտասարդ է մահացել

Ղարաքիլիսայի հերոսամարտին նվիրված «Կոտրած եկեղեցի» հուշակոթողն այս տարի մարդաշատ չէր

Հրազդան-Հանքավան հատվածում երեկ երկնաքար է ընկել. Գագիկ Սուրենյանը անկման տեսանյութն է հրապարակել