Լոռու մարզպետարանում խորհրդատուի 2 հաստիք է բացվել, նշանակվել են մարզպետի վստահելի մարդիկ. դիպլոմ չունենալը էլ խնդիր չէ

Լոռու մարզպետարանում, չնայած նախատեսվող օպտիմալացումներին, 2 նոր հաստիք է բացվել: Քաղաքաշինության եւ առողջապահության ու սոցիալական ապահովության վարչություններում մեկական խորհրդատուներ կլինեն:

Քաղաքաշինության վարչությունում խորհրդատու է նշանակվել Լոռու մարզպետ Անդրեյ Ղուկասյանի նախկին խորհրդական Լեւոն Տեր-Սիմոնյանը, որը, մի քանի ամիս զբաղեցնելով մարզպետի խորհրդականի պաշտոնը, աշխատանքից ազատվեց այն ժամանակ, երբ պարզ դարձավ, որ չունի բարձրագույն կրթությունը հաստատող դիպլոմ, ինչը պարտադիր պայման էր տվյալ պաշտոնն ստանձնելու համար:

Լեւոն Տեր-Սիմոնյանը ՀԺ-ի հետ զրույցում այն ժամանակ ասել էր, որ աշխատանքից ազատվել է սեփական դիմումի համաձայն: Նախկին խորհրդականը չէր հերքել. այդքան պահանջված դիպլոմն աշխատելու ամիսներին իսկապես չէր ներկայացրել, ներկայացրել էր այն, ինչ ունեցել էր՝ միջնակարգ կրթությունը փաստող ատեստատ:

Լոռու մարզպետարանի աշխատակազմի քարտուղար Արթուր Մխիթարյանը, ՀԺ-ի հետ զրույցում անդրադառնալով խորհրդատուների 2 նոր հաստիքներին, ասաց. «Նշված 2 խորհրդատուներն աշխատում են քաղաքաշինության եւ առողջապահության ու սոցիալական ապահովության վարչություններում: Այդ մարդկանց հետ իրավահարաբերությունները ներկայումս կարգավորվում են աշխատանքային օրենսգրքով ու հանրային ծառայության մասին օրենքով: Տվյալ մարդկանց համար կրթության ցենզ, այսպես ասած, սահմանված չէ: Մեր առողջապահության վարչության խորհրդատուն ունի բարձրագույն կրթություն, իսկ Լեւոն Տեր-Սիմոնյանն ունի միջին մասնագիտական կրթություն»:

Թե որքանով է արդարացված օպտիմալացման փուլում գտնվող մարզպետարանում նոր հաստիքներ բացելը, աշխատակազմի քարտուղարը պատասխանեց. «Այս հաստիքների կարիքն առաջացել է՝ այդ վարչություններում աշխատանքի ծանրաբեռնվածությունից ելնելով, աշխատանքները մեծացել են այդ վարչություններում, ու այդ հաստիքների ավելացումը կապված է նրանով, որ սուբվենցիոն ծրագրերում մենք ունենանք համակարգող ու աջակցող հավելյալ մեկ աշխատակից: Մեզ ծանրաբեռնված աշխատանք է սպասվում այս տարի»:

Իսկ թե ինչու հենց Լեւոն Տեր-Սիմոնյանն ու Գայանե Համբարյանը նշանակվեցին այդ պաշտոններում, Արթուր Մխիթարյանն այսպես մեկնաբանեց. «Տվյալ պաշտոնում ուղիղ նշանակում է արվել»: ՀԺ-ի դիտարկամանը՝ արդյոք տվյալ հաստիքները բացվեցին կոնկրետ մարդկանց համար, օրինակ՝ մարզպետի մտերիմ ընկերոջ ու նախկին խորհրդականի, ասաց. «Ո՛չ, որովհետեւ այդ հաստիքների բացվելը միտված էր տվյալ ստորաբաժանման աշխատանքի ծանրաբեռնվածությունը թեթեւացնելուն»:

Լոռու մարզպետ Անդրեյ Ղուկասյանը, ՀԺ-ի հետ զրույցում անդրադառնալով իր նախկին խորհրդականի՝ մարզպետարանում նոր աշխատանքի նշանակվելուն, ասաց, որ իրականում հաստիք չի բացվել, պարզապես հաստիքների վերաբաշխում է արվել:

«Մենք այսօր երիտասարդ կադրերին ներգրավելու խնդիր ունենք, քանի որ հին կադրերի մի զգալի մասը չի բավարարում այսօրվա պահանջներն, ու չեն կարողանում աշխատել մարզպետարանի նոր պահանջներով… Ես բոլորին շանս եմ տվել, մարզպետ դառնալուց հետո կտրուկ որեւէ ջարդ չեմ արել… Լեւոն Տեր-Սիմոնյանն ունեցել է միջին մասնագիտական կրթությունը հաստատող փաստաթուղթ, այսօր արդեն նա բուհում է սովորում, ու խորհրդատուի հաստիքը բարձրագույն կրթություն չի պահանջում եւ նույնիսկ թույլ է տալիս ներգրավել միջնակարգ կրթություն ունեցող մարդկանց»,- նկատեց մարզպետը:

Հավելելով՝ նաեւ նշեց. «Աշխատանքի ընդունելիս ինձ համար կարեւոր է թե՛ վստահությունն ու թե՛ մարդու տեսակը, որը որ ես ունեմ Լեւոն Տեր Սիմոնյանի նկատմամբ: Վստահությունը շատ բարձր է, նրան ես ճանաչում եմ մի քանի տարի… ճանապարհ ունի անցած՝ սկսած Մարտի 1-ից, կրել է շատ զրկանքներ, եւ, կրկնում եմ, ունի մեծ վստահություն»:

Տպել
3338 դիտում

«Ալաշկերտը» հաղթեց «Վանին»

Նիկոլ Փաշինյանը հեռախոսազրույց է ունեցել Միխայիլ Միշուստինի հետ․ ԵԱՏՄ նիստը իրականացվի հեռահար եղանակով

Հայաստանի հավաքականի 4 ֆուտբոլիստ դարձավ Ղազախստանի առաջնության մրցանակակիր, Յուրչենկոն հեռացավ «Շախտյորից»

Շաքարավազի, ձեթի, կարագի թանկացումն առավելապես պայմանավորված է օբյեկտիվ գործոններով. ՏՄՊՊՀ

Մայրաքաղաքում 500 վերելակներից 251-ն արդեն տեղադրված են

ԵԱՏՄ միջկառավարական խորհրդի նիստը կանցկացվի առցանց. Փաշինյանը Մոսկվա չի մեկնի

Թուրքիայի և Ադրբեջանի կողմից ահաբեկչական խմբավորումներին ֆինանսավորելու դեպքի առթիվ քրգործ է հարուցվել․ դատախազություն

Վահե Ղազարյանը շնորհավորական ուղերձ է հղել Արցախի Հանրապետության ոստիկանության օրվա առթիվ

Առաջարկվում է լուծարել «Մարալիկի առողջության կենտրոն» ՓԲԸ մանկաբարձագինեկոլոգիական բաժանմունքը

Նիկոլ Փաշինյանի մոտ իրավապահ համակարգի ղեկավարների մասնակցությամբ խորհրդակցություն է տեղի ունեցել

Ավարտվել է շուրջ 100 հետիոտնային անցումների լուսավորման ծրագիրը

Մինաս Ավետիսյան փողոցում բռնկված հրդեհը մարվել է․ ԱԻՆ

Այս ընթացքում ավելի քան 600 մարմին է հանվել հակամարտության գոտուց. Արայիկ Հարությունյան

Արմեն Սարգսյանը ռազմագերիների, պատանդների վերադարձի հարցով նամակով դիմել է Վլադիմիր Պուտինին

«Սպորտային սերունդ» ծրագրի հաղթող դպրոցները համալրվում են նոր մարզագույքով

Ժամկետային զինծառայողների հարազատները Կառավարության դիմաց էին՝ կոորդինացնելու հետագա անելիքները

71 տարեկան եմ․ այսքան ժամանակ տեսել եք, որ մի անգամ քաղաքականության մեջ լինեմ․ Աշոտ Ղազարյան

Ջալալ Հարությունյանը առաջիկա 2-3 օրվա ընթացքում դուրս կգրվի հիվանդանոցից

Ոստիկանները նախազգուշական կրակոցներ էին արձակել և բերման ենթարկել դիմակավորված անձանց

Պետք է իրատեսական ծրագրեր իրականացնել ռազմարդյունաբերության ոլորտում. վարչապետը՝ ռազմարդյունաբերության կոմիտեի նիստում