Աճուրդով վաճառվում է մսուր-մանկապարտեզի շենք․ քաղաքապետարանը հետաքրքրվա՞ծ է

Հրապարակային ծանուցումների Ազդարար կայքից տեղեկանում ենք, որ աճուրդի է դրվել մսուր-մանկապարտեզ: Այն գտնվում է Երևանի Աջափնյակ վարչական շրջանի Մարգարյան փողոցի 1 նրբանցքի 3/1 հասցեում: 841,5 քմ մակերես զբաղեցնող հողամասի վրա տեղակայված 291,4 քմ մակերեսով շինությունը միհարկանի է, մուտքի դուռը, պատուհանները՝ փայտյա, գտնվում են մաշված վիճակում. նշված է ծանուցման մեջ:

Մանկապարտեզի շենքը մասնավորեցված է, սեփականատերն է ԱՁ Նարեկ Միքայելյանը, ով գրավադրել է այն: Հիմա մսուր-մանկապարտեզն աճուրդի է ներկայացրել «Արդշինբանկ»-ը «Սնանկության մասին» օրենքի 76-րդ հոդվածի համաձայն: 2020թ. հունվարի 31-ին նշանակված աճուրդը չի կայացել հայտ չլինելու պատճառով: Մեկնարկային գինն է մոտ 41.7 մլն ՀՀ դրամ (վճարված չէ նաև հողի կադաստրային արժեքը՝ 3.8 մլն դրամ, որ պիտի վճարվի գնորդի կողմից). նշենք, որ գնորդը պիտի հոգա նաև նոտարական վավերացման, գրանցման, ինչպես նաև վտարման (տվյալ պահին տարածքում բնակվող անձանց) հետ կապված ծախսերը:

Հետաքրքրվա՞ծ է արդյոք Երևանի քաղաքապետարանը մսուր-մանկապարտեզի տարածքը վերադարձնելու հարցով. փորձեցինք ճշտել Երևանի քաղաքապետարանի մամուլի խոսնակ Հակոբ Կարապետյանից: «Երևանի քաղաքապետարանն ունի բազմաթիվ լքված կառույցներ: Եթե ցանկանա ոչ տիպային տարածքում, որտեղ մանկապարտեզներ են գործել ժամանակին կամ կարող են գործել, համապատասխան գործունեություն վերսկսել, կարող է կազմակերպել իր այդ տարածքներում»,- ասաց Կարապետյանը:

Մանկապարտեզների տարածքների վերադարձի և հերթացուցակներում սպասող երեխաներին վերջապես նախակրթության հնարավորություն տալու սկզբունքից չի՞ բխում նմանատիպ տարածքները վերադրաձնելը և գործարկելը՝ հարցին ի պատասխան Կարապետյանը նշեց. «Քաղաքապետարանը, երբ ասում է տարածքների ընդլայնում, նկատի ունի կամ նոր շենքերի կառուցում, որ հիմնականում արվում է միջազգային գործընկերների օգնությամբ, կամ այլ նշանակությամբ օգտագործվող տարածքների վերադարձ: Այդպես, անցյալ տարի մանկապարտեզ հաճախելը մոտ 1000 երեխայի համար ևս հնարավոր դարձավ»:

Նրա խոսքով՝ քաղաքապետարանը վերադարձրել է մանկապարտեզների այն տարածքները, որ մասնավորեցվել էին կամ վարձակալությամբ տրվել կազմակերպությունների կամ անհատների. «Հայրենակցական միություն կար, Երկրապահին էր տրված, տարբեր-տարբեր արհեստանոց-արվեստանոցներ: Քաղաքապետարանը հետ է վերցնում այդ կառույցները կամ վարձակալության պայմանագրերի ժամկետների սպառման հիմքով կամ, եթե ինքնակամ են, ավելի բարդ ընթացակարգով: Աճուրդով տարածք առնելու կոնցեպցիայի նկատմամբ չեմ կարծում որևէ հետաքրքրություն լինի»,- նշեց նա:

Նկատենք, որ այս շինության ներքին և արտաքին հարդարման աստիճանը 6-բալյա գնահատման համակարգով գնահատվել է 2 բալ (ամենավատը 1 բալն է), և տարածքն էլ ծանրաբեռնված է ինքնակամ շինությամբ, որի շուկայական արժեքը ներառված չէ գնահատման մեջ, քանի որ իրականացված չեն ինքնակամ շինության չափագրման աշխատանքները, բացակայում են շինության հատակագծերը, քանակական և որակական փաստաթղթերը:

Տպել
1767 դիտում

ՏՄՊՊՀ-ն դիմակների շրջանառության ոլորտում վարույթ է հարուցել

Ըստ Արսեն Ջուլֆալակյանի՝ Թամարզյանը ձախողել է սպորտի ոլորտը. ինքը հուսով է՝ ԿԳՄՍ նախարարի հետ հանդիպում կլինի ԱԺ-ում

Ըստ Արսեն Ջուլֆալակյանի՝ Թամարզյանը ձախողել է սպորտի ոլորը. նա հուսով է՝ ԿԳՄՍ նախարարի հետ հանդիպում կլինի ԱԺ-ում

Լոռիում մինչ օրս կորոնավիրուսով վարակվել է 70 քաղաքացի. 54-ը առողջացել ու դուրս է գրվել. մարզպետ

Փոխադարձ վիրավորանքներ, միմյանց հերթ չտալով հուզված ու պաթետիկ ելույթներ. ԵԿՄ-ին տարածք տալու նախագիծն ընդունվեց

ԱԻՆ 8 աշխատակցի մոտ կորոնավիրուս է հաստատված, մեկուսացված է 46-ը (տեսանյութ)

ՀՀ տարածքում ավտոճանապարհները հիմնականում անցանելի են. Քարի լիճ տանող ավտոճանապարհին տեղ-տեղ առկա է մերկասառույց

Դավթաշենի նախադպրոցական ուսումնական հաստատություններում վերահսկողական աշխատանքներ են իրականացվել

Ոստիկանությունը շարունակում է արտակարգ ռեժիմով ծառայությունը (տեսանյութ)

Հանրային տրանսպորտի նկատմամբ վերահսկողական խիստ միջոցառումներ են իրականացվել Երեւանի Դավթաշեն վարչական շրջանում

Կորոնավիրուսի 2-րդ ալիքի հետ գործ ունենք. կխստացվեն վարչական լծակները, կիրականացվեն «ռեյդեր». Նիկոլ Փաշինյան (տեսանյութ)

Ինեկոբանկ․ վարկային արձակուրդից օգտված հաճախորդների վարկերի մարման գրաֆիկին ավելացվում է 12 ամիս

Սնանկության գործով կառավարիչների հետ քննարկվել են Արդարադատության նախարարի հրամանների կիրարկմանն առնչվող մի շարք հարցեր

Կանաչապատման ՀՈԱԿ-ի հեռացված աշխատակիցը Մոնումենտի այգում խորոված փարթի է արել, որտեղ հաջորդ օրը հրդեհ է բռնկվել

Տարբերություն չկա՝ մարդը մեռնում է սահմանին, թե ինչ-որ հիվանդությունից․ Սերգեյ Մովսիսյան

Վարչապետը կարևորել է արտակարգ իրավիճակների ոլորտում կարողությունների շարունակական զարգացումը

«16 տարվա հետեւողական պայքարից հետո վերականգնեցինք արդարությունը». փաստաբանները՝ Ադրբեջանի դեմ ՄԻԵԴ վճռի մասին

Պատգամավոր Նիկոլայ Բաղդասարյանին հեծանվով վրաերթի ենթարկելու գործով կալանավորվածն ազատ է արձակվել

Ucom-ը շարունակում է աշխատանքի ընդունելու գործընթացը

Բալային համակարգով 58 անձ արդեն սպառել է հատկացված 9 միավորը՝ զրկվելով վարորդական իրավունքից