Մարդու իրավունքների դպրո՞ց, բազմաբնակարան շե՞նք, թե՞ ռեստորան. ինչու քաղաքապետարանը հետ վերցրեց հատկացրած տարածքը

Վանաձոր քաղաքի կենտրոնական՝ Տիգրան Մեծ պողոտայի թիվ 1 հասցեի 1.475 քմ մակերեսով տարածքը 2003 թ.-ին անհատույց տրամադրվել էր Հայաստանի սահմանադրական իրավապաշտպան կենտրոնին մարդու իրավունքների հայկական դպրոց կառուցելու նպատակով: Անցել է 17 տարի, անբարեկարգ ու անխնամ տարածքում դպրոցի կառուցման մասին փաստում է միայն ցուցանակը:

Վանաձորի քաղաքապետարանը նախորդ տարի ուժը կորցրած է ճանաչել նախկին քաղաքապետ Սամվել Դարբինյանի՝ տարածքն Իրավապաշտպան կենտրոնին անհատույց տրամադրելու մասին որոշումը, պայմանագիրը միակողմանի խզել է ու հողը դարձրել համայնքային: Պատճառը դպրոցի շենքը 17 տարի շարունակ չկառուցելն է:

Հայաստանի սահմանադրական իրավապաշտպան կենտրոնի (ՀՍԻԿ) տնօրեն Գեւորգ Մանուկյանը, սակայն, ՀԺ-ի հետ զրույցում նշեց, թե պայմանագիրը դեռ չի խզվել: «Նախորդ տարվա կեսերին քաղաքապետարանը մեզ գրություն ուղարկեց, մենք պատասխանեցինք… իրենք մտադիր էին եւ մտադիր են այդ տարածքում կառուցել ռեստորանա-հյուրանոցային համալիր: Մենք գրեցինք՝ անընդունելի է դպրոցի փոխարեն նման բան կառուցել»,- ասաց Գեւորգ Մանուկյանը՝ շարունակելով ներկայացնել տարածքի շուրջ ստեղծված թնջուկի իր տեսակետը. «Նախորդ տարվա փետրվարին «Իմ քայլը հանուն Լոռու մարզի» բիզնես ֆորումին ներկայացրել էինք դպրոցի կառուցման ծրագիրը: Ինչ-որ խարդավանքներով մեր դպրոցի ծրագիրն այդ ֆորումից հանվել էր, փոխարենը քաղաքապետարանն այդ տարածքի մասով իր ծրագիրն էր ներկայացրել, ու փաստորեն մեր ծրագիրը հանվեց, բայց եթե մենք ներկա լինեինք ֆորումին, իրենք կմերկացվեին, թե ինչպես եղավ, որ տարածքում պետք է դպրոց կառուցվի, բայց դուք ուզում եք հյուրանոց կառուցել: Մեզ մարզպետարանի ծրագրերի բաժնից զրկեցին ֆորումին ներկայանալ»:

Գեւորգ Մանուկյանն ասում է՝ ամեն տարի պարտաճանաչ վճարել է հողի հարկը: Նախորդ տարվա երկրորդ կիսամյակին հերթական վճարման ժամանակ քաղաքապետարանի աշխատակիցը հայտնել է, որ տարածքն իրենց չի պատկանում. «Ես էլ կադաստրից այս տարվա հունվարին տեղեկանք եմ վերցրել, որ տարածքը պատկանում է մեր կազմակերպությանը: Այն լուրը, որ տարածքը վերցրել են, իրականությանը չի համապատասխանում, իրենք երեւի տատանվում են, եթե իրենք վճռական քայլ անեն, մենք էլ իրենց կմերկացնենք, որ ոչ բարոյական նպատակներով դպրոցի փոխարեն ինչ են կառուցելու»,- ասաց Մանուկյանը:

Նշեց, որ թեպետ ստացվել է քաղաքապետի որոշումը՝ պայմանագիրը խզված լինելու մասին, իրենք դա չեն ընդունել, փոխարենն առաջարկել են սխալ քայլ չանել. «Ես ենթադրում եմ, որ մեր պատասխան-նամակից հետո իրենք իրենց որոշումը կասեցրել են»:

Հայաստանի սահմանադրական իրավապաշտպան կենտրոնի տնօրենն ասում է՝ դպրոցի կառուցման համար 1.5-2 մլն մլն դոլար է հարկավոր, որը գտնելն իրենց համար հեշտ չէ. «10 տարուց ավելի մենք բոլորին դիմել ենք, հիմա շանս կար, որ ֆորումին ներկայանայինք, մեզ խանգարեցին»:

Շենքի կառուցման համար դեռ տարիներ առաջ դրամահավաք իրականացվեց՝ «Իմ բաժին քարը մարդու իրավունքների Հայկական դպրոցի շենքի պատին» խորագրով: Նմանատիպ եւս մի քանի դրամահավաքներ են արվել: Ընդհանուր առմամբ, ըստ Մանուկյանի, շենքի կառուցման նպատակով հավաքվել է մոտ 4-5 մլն դրամ գումար, որն այս պահին էլ առկա է. «Այսքան տարիների ընթացքում շատերն են աչք ունեցել այդ տարածքի վրա, բայց նախկին քաղաքապետները պահել են, հարուստներին չեն տվել տարածքը, հիմա փաստորեն համայնքային ու մարզային իշխանություններն ուզում են վերցնել ու հանձնել»:

Մանուկյանը չի հերքում՝ եթե նայեն օրենքի տառով, քաղաքապետարանն իրավունք ուներ վերցնել տարածքը, բարոյական առումով՝ ոչ:

Վանաձորի քաղաքապետարանի քաղաքաշինության եւ ճարտարապետության պետ Սուրեն Աբովյանը ՀԺ-ի հետ զրույցում հայտնեց, որ պայմանագիրն արդեն խզված է: «Վանաձոր համայնքի ղեկավարի 2019 թ.-ի մայիսի 3-ի 784 որոշմամբ 2003 թ.-ի օգոստոսի 4-ի թիվ 6-104 որոշումն ուժը կորցրած է ճանաչվել, եւ օգոստոսի 7-ի թիվ 366 պայմանագիրը լուծվել է: Հիմք է հանդիսացել իմ զեկուցագիրը քաղաքապետին, որտեղ ներկայացրել եմ, որ տարածքը, որը տրված է եղել անհատույց, ունեցել է նպատակային նշանակություն եւ հստակ ժամանակացույց, սակայն որեւէ բան չի արվել: Համապատասխան գործընթացն անցնելով՝ լուծել ենք պայմանագիրն ու Գեւորգ Մանուկյանին տեղեկացրել, ինքն էլ չի բողոքարկել»,- ասաց Սուրեն Մանուկյանը՝ նշելով, որ պայմանագիրը լուծվել է 2019 թ.-ի մայիսին:

Աբովյանն ընդգծում է՝ ՀՍԻԿ-ի տնօրենին ասվել է, որ երբ առարկայական ծրագիր կլինի, ինչպես նաեւ ֆինանսական միջոցներ, այդ ժամանակ կարող են նոր հողհատկացում անել:

Բաժնի պետը նշում է, որ նախորդ տարի քաղաքաշինության կոմիտեի հետ տվյալ հատվածում բազմաբնակարան շենք կառուցելու ծրագիր են կազմել: Քաղաքապետարանն էլ առաջարկել է նախկինում այդտեղ եղած շենքի տեսքով նոր շենք կառուցել: Չի հերքում՝ կառուցվող շենքի 1-ին հարկը գուցե եւ լինի ռեստորան, այդտեղ, ըստ նրա, խնդիր չկա: Բաժնի պետը չի հերքում նաեւ, որ տարածքի ծրագիրը ներկայացվել է նաեւ «Իմ քայլը հանուն Լոռու մարզի» բիզնես ֆորումում, ներդրողներ լինելու դեպքում ծրագիրը կյանքի կկոչվի:

Տվյալ տարածքը, ըստ ճարտարապետի, համայնքային սեփականություն է, իսկ թե ինչու է կադաստրում հունվարի դրությամբ պատկանել ՀՍԻԿ-ին, ասաց. «Մեր որոշումը մենք նաեւ կադաստր ենք մուտք արել, հնարավոր է՝ բազայում տեխնիկական խնդիր լինի…»:

Տպել
3267 դիտում

ՀՀ վարչապետի տիկին Աննա Հակոբյանը Մեղրիում մի շարք հանդիպումներ է ունեցել (լուսանկարներ)

Կարճատև անձրև, տեղ-տեղ՝ կարկուտ. ինչ եղանակ է սպասվում առաջիկայում

Ամերիաբանկը` Gyumri Tech Week-ի գործընկեր ու Կիբերանվտանգության հաքաթոնի գլխավոր հովանավոր

Տարկետման իրավունքը բուհերում սովորողների համար կվերականգնվի. կառավարությունը հավանություն է տվել նախագծին

«Էքստրա 3 ԳԲ». մատչելի գերարագ ինտերնետ UCOM շարժական կապի բաժանորդների համար

Հակոբ Արշակյանն ընդունել է Համահայկական երիտասարդական ֆուտբոլի ասոցիացիայի ղեկավարին

«Կարմիր բլուր» պոլիկլինիկայում նոր ռենտգեն սարքը հանձնվեց շահագործման (լուսանկարներ)

Միջպետական և հանրապետական նշանակության որ ավտոճանապարհները կնորոգվեն

Հայտնի են ֆուտզալի Հայաստանի ազգային հավաքականի մրցակիցները

ՀՀ վարչապետի տիկինն այցելել է Քաջարան և տեսակցել 100-ամյա Արշալույս տատին (լուսանկարներ)

Արտակ Բեգլարյանը քննարկել է առողջապահության ռազմավարության նախագիծը բուժհիմնարկների ղեկավար կազմի հետ

Մեծ Բրիտանիայի վարչապետը հրաժարական է տվել

ԱԺ նախագահի հայտարարությունը Արթուր Ղազինյանի հրաժարականի դիմումի մասին

Արարատ Միրզոյանը ՄԱԿ ԶՀԿ գլխավոր քարտուղարի հետ քննարկել է զբոսաշրջության ոլորտում իրականացվող նախագծերը (տեսանյութ)

Երևան-Փարիզ գործակցությունը պետք է զարգանա նաև երիտասարդների փոխանակման ու կրթական ծրագրերով. Երևանի քաղաքապետ

Ճոպանուղիների, ատրակցիոնների, կարուսելների տեխնիկական անվտանգության վերահսկողությունն ուժեղացնելու անհրաժեշտություն կա

Զինվորի տան տղաներից ևս 11-ն աշխատանքի են անցել ավիացիայի ոլորտում. Արմեն Մուրադյան

Հայաստանում այսօր ոչ մի չգնահատված արժեք չպետք է լինի․ Վահան Վարդապետյան

Նախագահ Վահագն Խաչատուրյանին հավատարմագրերն է հանձնել Լաոսի նորանշանակ դեսպանը

«Ոսկե ծիրան» կինոփառատոնը կեզրափակվի «Չտեսնված հանրապետություն» ֆիլմով

Դատարանը բավարարել է Աղվան Հովսեփյանի պաշտպանական կողմի միջնորդությունը. կնշանակվի փորձաքննություն

Արմեն Գրիգորյանը հանդիպել է Ալի Շամխանիի հետ. քննարկվել են Մեղրու ազատ տնտեսական գոտուն, հյուսիս-հարավին առնչվող հարցեր

Գրքի «գլուխներից մեկը» ոչ թե կարդացի, այլ ապրեցի Քաջարանում՝ 100-ամյա Արշալույս տատիկի տանը. Աննա Հակոբյան

Ավարտվել է hամակարգչային տեխնիկայի օգտագործմամբ հափշտակություն կատարելու գործից անջատված մասի նախաքննությունը

Բորիս Ջոնսոնն այսօր հրաժարական կներկայացնի. ԶԼՄ-ներ

Պետբյուջեից 4.2 մլրդ դրամ կհատկացվի «Շանգրի Լա» խաղատան պետական տուրքը վճարելու համար․ այն կվերաբացվի

Հրդեհ Ագարակ-Կարճևան ավտոճանապարհին. անասնակեր է այրվել

Երևանի մի մասի, Գեղարքունիքի և Սյունիքի մարզերի որոշ բնակավայրերի գազամատակարարումը կդադարեցվի

Տարկետման ինստիտուտը վերադառնում է բուհական համակարգ. Կառավարությունն ընդունեց նախագիծը

Կառավարությունը դրական է գնահատում Հիսուս Քրիստոսի արձանի նախագիծը. այն կկառուցվի Հատիս սարի վրա

Վանաձոր-Ալավերդի-Վրաստանի սահման միջպետական ճանապարհը հիմնանորոգվում է. փոխնախարարը ծանոթացել է ընթացքին

Վրաստանը պատրաստ է Թբիլիսիում կազմակերպել Հայաստանի և Ադրբեջանի խորհրդարանականների հանդիպում. Սամխարիձե

Երևանի Թբիլիսյան խճուղու նոր կառուցվող շենքից 59-ամյա բանվորն ընկել և տեղում մահացել է

Թուրքիա-Հայաստան և հակառակ ուղղությամբ բեռնափոխադրումները կիրականացվեն օդային տրանսպորտով. Փաշինյան

Մեխակ Արզումանյանն այցելել է Մարտունու շրջանային ԱԻ բաժնի հրշեջ հենակետեր, հետևել բերքահավաքի ու ծառայության ընթացքին

Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար

Հայտնաբերվել է որպես անհետ կորած որոնվող 89-ամյա տղամարդու դին՝ հոշոտված վիճակում

ՅՈՒՆԵՍԿՕ-ն առանձին անդրադարձել է «Սուրբ Թադեոս առաքյալի վանքի ուխտագնացությունը» անվամբ Իրան-Հայաստան հայտին

Ոստիկանության պաշտոնատար անձին փորձել են կաշառել՝ առանց քննությունների վարորդական իրավունքի վկայականներ տալու դիմաց

Տավուշում տրակտորը գլորվել է ձորը, կա վիրավոր