ՄԱԿ-ը 2020 թվականը հայտարարել է բույսերի առողջության պահպանման միջազգային տարի. չկա բույսերի առողջություն՝ չկա կյանք

19/02/2020 schedule22:30

ՄԱԿ-ի կողմից 2020-ը հայտարարվել է բույսերի առողջության պահպանման միջազգային տարի, որի շրջանակներում Հայաստանում մեկնարկել է բուսասանիտարիային նվիրված առաջին միջոցառումը: ՄԱԿ-ի պարենի և գյուղատնտեսության կազմակերպության նախաձեռնությամբ կազմակերպված սեմինարը միտված է նպաստելու բույսերի վնասատուների ազգային վերահսկողության և բուսասանիտարական հավաստագրման համակարգերի հզորացմանը: Այս մասին հայտնում է ՍԱՏՄ լրատվական ծառայությունը:

Միջոցառմանը ներկա էին ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը, նրա խորհրդական Էլվիրա Միրզոյանը, ինչպես նաև ներկայացուցիչներ ՄԱԿ-ի պարենի և գյուղատնտեսության կազմակերպության (ՊԳԿ/FAO) Հայաստանյան գրասենյակից:

Ողջունելով մասնակիցներին՝ Գեորգի Ավետիսյանը խոսել է երկրում բույսերի պաշտպանության անհանգստացնող վիճակի, գյուղատնտեսի մասնագիտության կարևորման, նաև բնապահպանության տիրույթում խնդիրը դիտարկելու անհրաժեշտության մասին: «Մենք չպետք է խնայենք ջանքերը վնասատուների ազդեցությունը բույսերի՝ հետևաբար նաև մեր տնտեսության վրա նվազագույնի հասցնելու համար, հատկապես հաշվի առնելով, որ երկրի տնտեսության գրեթե 30 տոկոսը կազմում է գյուղատնտեսությունը: Մենք պետք է մեզ վրա վերցնենք առաքելություն հասնելու նրան, որ գյուղացին հարգի ժամանակակից մոտեցումներն ու պրոֆեսիոնալի կարծիքը, ոչ թե առաջնորդվի նախնիների «100 տարվա փորձով»: Այս ոլորտում զարգացող աշխարհի հետ համահունչ քայլելու անհրաժեշտությունն օրախնդիր է»,- ասել է տեսչական մարմնի ղեկավարը:

Սեմինարի ընթացքում ՊԳԿ միջազգային փորձագետներ Ռոբերտ Ֆավրինը, Դավիդ ՄըքԿելլերը, տեխնիկական գծով պատասխանատու Պյոտր Վլոդարձայկը ներկայացրել են բույսերի վնասատուների վերահսկողության և բուսասանիտարական հավաստագրման միջազգային լավագույն փորձը՝ ընթացակարգերը, մեթոդները, ինչպես նաև քայլերի այն հաջորդականությունը, որը թույլ է տվել գրանցելու բույսերի արտահանման ու ներմուծման կարանտին վերահսկողության առավելագույն դրական արդյունք:

Բույսերի առողջության պահպանման միջազգային տարվանն ընդառաջ՝ 2019 թվականին Հայաստանում արվել է կարևորագույն քայլ. առաջին անգամ դասակարգվել են սանիտարական և բուսասանիտարական միջոցները: Այս կապակցությամբ՝ Սննդամթերքի անվտանգության տեսչական մարմնին երախտագիտության ու գնահատանքի նամակ է ուղարկվել ՄԱԿ-ի Ասիայի և Խաղաղօվկիանոսյան տարածաշրջանի տնտեսական և սոցիալական հարցերով հանձնաժողովի անունից՝ առևտրի, ներդրումների և աշխատանքի ու համակցված համակարգերի նորարարական ծրագրերի ոլորտներում հետագա համագործակցության ակնկալիքով:

Տպել
612 դիտում

Մահացել է Լեւոն Արոնյանի կինը՝ Արիանա Կաոլին

ՀՀ ԱԳՆ հայտարարությունը հայ-ադրբեջանական սահմանին ռազմական միջադեպի վերաբերյալ

Կորոնավիրուսային հիվանդությամբ հաստատված դեպքով ծանր վիճակում գտնվող 2 պացիենտի մոտ դրական դինամիկա կա. Թորոսյան

Իրաքի նոր վարչապետը կոչ է արել վերացնել Իրանի դեմ պատժամիջոցները

ԵՄ-ն 37 միլիարդ եվրո կտրամադրի կորոնավիրուսի համաճարակից տուժած իր անդամներին՝ վերականգնման համար

Վիրավորում ստացած երկու զինծառայողի վիճակը կայուն է, նրանց կյանքին վտանգ չի սպառնում. Շուշան Ստեփանյան

Տիգրան Խաչատրյանը հանդիպել է վերամշակող ընկերությունների ներկայացուցիչներին

Ասկերանում մեկնարկել է բժշկական դիմակների պատրաստման գործընթացը. 1500 դիմակ արդեն պատրաստ է

Գյումրեցիները Շիրակ գյուղից գողացած անասունը վաճառել են Արմավիրի մարզում

Ոսկեւանում վիրավորում ստացած երեխային տեղափոխում են Երեւանի «Սուրբ Աստվածամայր» ԲԿ. Ալինա Նիկողոսյան

Շուրջ 250 մարդ դուրս է եկել մեկուսացումից

Վրաստանում պարետային ժամ և կարանտին է սահմանվում երկրի ողջ տարածքում. 21:00-ից հետո դուրս գալ արգելվում է

Պարետը 6 ժամով 5 տնտեսվարողի գործունեությունն արգելելու որոշում է կայացրել

Ucom-ը դարձնում է հեռավար ուսուցումը հասանելի բոլորի համար

Գնդակը նախ դիպել է պատին, այնուհետեւ՝ երեխային․ Տավուշի մարզպետը՝ ոսկեւանցի երեխայի մասին

ՀՀ տարածքում ավտոճանապարհները հիմնականում անցանելի են. ԱԻՆ

Ադրբեջանական կողմը ձեռնարկել է դիվերսիոն ներթափանցման փորձ. թեթեւ վիրավորում է ստացել երկու զինծառայող

Անցկացվել է ցուցադրական մարտավարական զորավարժություն . ՊՆ

Ուսուցիչների եւ աշակերտների համար համակարգչային սարքերի հավաքագրմանը միացել են ե՛ւ անհատներ, ե՛ւ կազմակերպություններ

ԿԲ նախագահի պաշտոնում «Իմ քայլը» խմբակցությունն առաջադրել է Մարտին Գալստյանի թեկնածությունը․ Մանուկյան