Նախ ասել են՝ երեխաս աղիքային խնդիր ունի, հետո՝ իբր մահացել է. տարիներ առաջ ծննդաբերած կինը փնտրում է իր աղջկան

21/02/2020 schedule21:54

Տարիներ առաջ «Մարգարյան» ծննդատանը աղջիկ լույս աշխարհ բերած մայրերից Դոնարա Շահազիզյանը (նախկինում ազգանունը եղել է Գալստյան) կարծում է՝ իր երեխան չի մահացել, ինչպես պնդում են բժիշկները:

Տիկին Դոնարան ծննդաբերել է 1978 թվականի սեպտեմբերի 16-ին, բայց իրեն օրեր շարունակ թույլ չեն տվել տեսնել երեխային. «Առողջ ծննդաբերել եմ, երկու օր ինձ չեն բարձրացրել վերեւ՝ պատճառաբանելով, որ այնտեղ տեղ չկա, դե, ծննդկան մայրերը գտնվում էին առաջին հարկում, իսկ երեխաներին էլ այդտեղ չէին բերում, ես այդ ժամանակ եղել եմ 23 տարեկան անմեղ աղջիկ, չեմ էլ պատկերացրել, որ կարելի է գնալ, գումար վճարել, ամեն ինչ գումարով էր»: Տիկին Դոնարայի խոսքով՝ միայն երրորդ օրն են իրեն բարձրացրել վերեւ, որտեղ էլ բժշկուհին մոտեցել, ասել է՝ երեխան աղիքային պրոբլեմ ունի, պետք է տեղափոխել մանկական 4-րդ հիվանդանոց. «Երեխային չեն բերել տեսության, անմիջապես տեղափոխել են, իսկ 7-րդ օրը, երբ ինձ դուրս են գրել, բժշկուհին մոտեցել, ասել է, թե տեղեկություն կա, որ երեխաս մահացել է: Այդպես մնացել եմ թեւաթափ եւ դուրս եկել: Ոչ դիակ են ցույց տվել, ոչ մի բան, 4-րդ հիվանդանոց ծնողներս են գնացել, այնտեղ էլ քմծիծաղով ասել են՝ յոթ օր հո դիակ չէի՞նք պահելու»:

Տարիներ անց, սակայն, 2011 թվականին տիկին Դոնարան  փողոցում պատահաբար հանդիպել է «Մարգարյան»-ում աշխատող մի բուժքրոջ, որը եղել է իր սկեսրոջ հարեւանուհին, եւ նա տեղեկացրել է, որ երեխան ողջ է. «Այդպես ես սկսեցի իմ որոնումերը, եղա «Մարգարյան»-ում, վերցրի արխիվային գրանցումը, որտեղ նշված էր, որ երեխան ծնվել է առողջ, իսկ վերջում գրված էր, որ աղիքային խնդիրների պատճառով տեղափոխել են 4-րդ հիվանդանոց»: Երբ գնացել է այնտեղ, ասել են, թե արխիվում ջուր է լցվել, այդ թվականների գրքերը ոչնչացել են. «Բայց ընդունարանի գրքում նայել եմ, նման երեխա իմ անունով գրանցված չի եղել, ընդունարանում պիտի գրանցվեր, նոր տանեին վիրաբուժարան, չէ՞, իսկ եթե ընդունարանում չկար, ես ենթադրում եմ, որ նրան ոչ էլ տեղափոխել են այդ հիվադանոց»:

Տիկին Դոնարան այցելել է նաեւ ԶԱԳՍ եւ առանց նշելու երեխայի մահվան մասին՝ փաստաթղթեր է պահանջել. «Չեմ ասել, որ երեխան մահացած է, մտածել եմ՝ տեսնեմ՝ երեխան ծննդյան վկայական ունի կամ առհասարակ, ինչ գրանցում է կատարվել երեխայի հետ կապված, մտածել եմ՝ եթե մահացած է, գոնե թուղթ կտան, եւ ինձ ցույց տվեցին ծննդյան վկայականի պատճեն՝ Նանա Վաչագանի Գալստյան անունով» (բանն այն է, որ երեխայի ծննդից հետո բժշկուհին մոտեցել, ասել է, որ շատ գեղեցիկ աղջիկ է, եւ հարցրել է, թե ինչ կուզեր դնել նրա անունը: Այդ ժամանակ էլ հենց տիկին Դոնարան տվել  է Նանա անունը): Թե ով էր իր ծնունդն ընդունող բժշկուհին, նա չի հիշում՝ ասելով, որ անցել է 42 տարի, սակայն պատրաստվում է առաջիկայում գնալ «Մարգարյան» հիվանդանոց եւ փորձել տեղում պարզել: Հարցին՝ արդյո՞ք այդ ծննդականում բոլոր տվյալներն էին համընկնում, չկա՞ հավանականություն, որ դա կարող է լինել մեկ այլ Նանա Գալստյան, տիկին Դոնարան պատասխանեց. «Ոչ, չկա, որովհետեւ փաստաթղթերն իմ ձեռքին են, որպես մայր հենց իմ անունն է գրված: Նշեմ նաեւ, որ ես այդ ժամանակ ամուսնուս հետ զագսավորված չեմ եղել եւ նկատել եմ, որ բոլոր այն կանայք, ում երեխաները հափշտակվել են, զագսավորված չեն եղել, այսինքն՝ դա էլ է հանդիսացել առիթ»: Հարցին՝ երբեւէ իրավապահ մարմիններին դիմե՞լ է, փորձե՞լ է այդ ճանապարհով գտնել երեխային, տիկին Դոնարան բացասական պատասխան տվեց. «Չեմ դիմել, որովհետեւ չեմ իմացել՝ ում դիմեմ, ինչ անեմ, ես եղել եմ մենակ, հատկապես նախկին կառավարության ժամանակ մենակ հասնել ինչ-որ արդյունքի անհնար էր»: Դոնարա Շահազիզյանը նշեց, որ 2020 թվականին Հայկուհի Խաչատրյանի դեպքի մասին իմանալով՝ միացել է «Հայոց մայրեր» հասարակական շարժմանը եւ նկատել, որ բոլոր մայրերի դեպքերում նույն ձեռագիրն է՝ իբր արխիվը փչացել է կամ ջուր է լցվել:

Մոր խոսքով՝ երեխան ծնվել է սեպտեմբերի 16-ին, իսկ գրանցումը եղել է ուղիղ մեկ ամիս հետո. «Իսկ դա արդեն ապացուցում է, որ իմ երեխան իրոք կա, ուստի ես որդեգիր մորը խնդրում եմ, որ նա արձագանքի»: Տիկին Դոնարան միաժամանակ դիմեց որդեգրված երեխաներին՝ նշելով, որ այս պատմությունների մեջ իրենց կենսաբանական մայրերը մեղք չունեն, եւ խնդրեց, որ իրենց լսելու դեպքում կապվեն «Հայոց մայրեր» շարժման ղեկավար Հայկուհի Խաչատրյանի հետ. «Մեր կառավարությունից էլ խնդրում ենք արդար դատաստան, մենք արեցինք հեղափոխություն, որ վերջապես այս երկրում իշխի արդարությունը»,- մեր զրույցում նշեց Դոնարա Շահազիզյանը:

Տպել
2557 դիտում

Կառավարության գործունեությունը վերածվել է հակաճգնաժամային օպերատիվ շտաբի գործունեության. վարչապետ (տեսանյութ)

Ե՞րբ COVID-19-ը կարող է ավարտել իր կենսաբանական ցիկլը. doctors.am

Ապրիլի 6-ին ՌԴ-ից Հայաստան վերադարձող քաղաքացիները կենթարկվեն 14-օրյա պարտադիր կարանտինային ռեժիմի. Ալեն Սիմոնյան

Հանրության վստահությունը լուրջ ռեսուրս է

Ոստիկանությունը մարդկանց ազատ տեղաշարժի իրավունքի սահմանափակումների մասին տեսանյութ է հրապարակել

ԱՀ ոստիկանությունում ընտրախախտումների վերաբերյալ 9 հաղորդում է ստացվել

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Հայաստանում կորոնավիրուսով վարակվածների թիվը հասել է 770-ի, բուժված է համարվում 43 մարդ

Ռազմական ինստիտուտի մոտակայքում 22-ամյա վարորդը դուրս է եկել երթևեկելի գոտուց և բախվել 3 տարբեր մեքենաների

Կապան-Նորաշենիկ ճանապարհին ավտոմեքենան ձորն է գլորվել. վարորդի վիճակը ծանր է

Հանրապետության հինգ մարզում ձյուն է տեղում

Սուրբ Սարգիս մատուռի մոտակայքում ավտոմեքենան կախվել է դեպի մոտակա ձորակը

«Ռեդ Վինգս» ավիանկերությունը ձեռք է բերել մեկանգամյա Մոսկվա-Երեւան չարտերային թռիչք կազմակերպվելու թույլտվություն

Մեքենավարման պարապմունքներ են անցկացվել 1-ին զորամիավորումում. ՊՆ

Անտառամուտի բնակիչն ապօրինաբար 5 կանգուն ծառ է կտրել եւ տեղափոխել իր տան բակ

ՀՊՏՀ-ում անհրաժեշտության դեպքում առցանց կանցկացվի դիպլոմայինի պաշտպանությունը, իսկ ԵՊՀ-ում հարցը կորոշեն ֆակուլտետները

Արսեն Թորոսյանն ուղիղ եթերում ցույց տվեց նոր կառուցված մոդուլային ընդունարանները (տեսանյութ)

Կսահմանվի հատուկ՝ Կրթական սակագին. ԿԳՄՍ-ն արդեն պայմանավորվածություն է ձեռք բերել

Լոռու մարզի 4 համայնքում հայտնաբերվել է կորոնավիրուսով վարակվելու 8 դեպք, մեկուսացածների մեջ բուժաշխատողներ էլ կան

Արցախում ընտրողների կողմից քվեաթերթիկը լուսանկարահանելու դեպքերի առթիվ 7 քրեական գործ է հարուցվել